聖德肋撒醫院餐廳

营业中

休息中

沒感情的麻醉師在我右手插了喉管，望着天花的手術燈，下一秒便陷入昏睡狀態。手上沒戴手錶，不知道自己睡了多久，回到病房又睡了一會。模糊之中，記得男友幫我點了一個豐富的午餐。私院的伙食一向很好，病人甚至可以點豐富的安格斯肉眼扒餐。男友幫我點的是鹽燒嘉美雞，$198已包括餐湯、主菜、甜品和餐茶，我敢說絕對比平時在火炭區吃到的幸福。因為是即叫即燒，我等了大約四十分鐘，原本的午餐已經變成了下午茶。肉類之中，對雞肉特別情人獨鐘，嘉美雞已經成為新鮮雞的標誌，網上訂購原隻差不多要$198，雖然脂肪較少，但喜歡它夠雞味濃郁。燒至金黃色的微脆外皮，還有啖啖肉的雞胸都能令我回魂。再配上濃稠的忌廉蘑菇湯和清爽的薯蓉雜菜，肥膩和健康之間得到很好的平衡。附送的甜品意外地很大碗，酒紅的顏色沒半點人工的藥水味，反而莓味很重，裡面混了菠蘿、水蜜桃等滿滿的雜果，感覺非常健康。沉睡醒來的第一餐，看來相當不錯呢。

媽媽入院，過來探病，送便一起吃飯，但她不能離開病房，唯有叫上來，病房有本食譜，中西美食，粥粉麵飯，咩都有，只要有銀兩，就有得吃，番茄豬扒飯，穩陣之選，個汁好好味，豬扒夠「林」，飯量適中，但叫之前要吃少少野，我怕會餓死，等了90分鐘都有，幸好醫院食物好健康，少油少鹽少糖，無味精，正…

唔知老公因乜解究，個心跳加速，醫生建議入院做檢查，好彩無乜事，不過間醫院的膳食安排就認真麻麻。因為要驗血，所以前一晚的晚餐後，至第二天的中午，不能進食，中午抽完血解禁，連忙點餐，結果三催四請，八十四分鐘後才送來，只是一個菜遠牛肉飯，又不是叫九大簋，不知甚麼原因咁耐，老公差些餓暈。飯用膠盒載著，一格放白飯，一格放肉，中間放幾條菜，牛肉切得不規則，一塊大一塊小，還加了幾片罐頭蘑菇，老公太餓，也祇消五分鐘便吃掉，老公是不揀擇的人，若味道不是太差也吃下去。晚餐我預先替他點了蒸鯇魚腩配白飯，免他再捱餓，早些點餐，今次沒有遲送來。鯇魚腩是老公的最愛，點著豉油吃最開心，雖然腩位的部份並不多，但也吃得滿意。翌日的早餐，我替他點了火腿芝士三文治和麥皮，他覺得麥皮不夠杰，其餘OK！不得不提，房內的餐牌頗恐怖，又皺又破爛，破爛的用膠紙修補，一間私家醫院的管理比下三流的茶餐廳還要差！

醫院大樓九樓飯堂, 話耐唔耐, 話短唔短 , 都食左四個年頭好唔好食, 真係要睇彩數, 同一樣o既送菜, 唔係次次一樣水準唔同時段去食, 又會有唔同味道 , 除左車仔面係日日如是 ~平時忙住返落去做野, 多數都係食自選兩送飯, 跟湯或熱飲,多少少時間o既, 會叫廚師推介 , 有西式飯或意粉, 都會有焗飯最少機會食到o既就係即叫即炒, 又要 12:15pm 後先有得叫,叫左又可能要等好耐, 基本上無乜邊日可以有時間慢慢等難得今日時間許可, 即叫即炒o既選擇又幾合口味, 緊係貴 d 都無所謂 , 叫左個黑椒雞絲炒意粉, 慢慢食慢慢嘆大約等左十分鐘, 新鮮熱辣鑊氣十足o既炒意粉有得拎喇,份量分分鐘比茶餐廳出品還要多, 配料足味道仲好好,黑椒味係黎自黑椒碎而唔係隨便調個黑椒汁草草了事 , 雞肉在所難免的帶著可以接受o既雪藏味, 香口入味,配菜有芽菜, 韮菜, 洋蔥, 爽口清新, 為意粉添上更佳口感意粉o既軟韌度控制得好好, 幼身有嚼口, 係眾炒粉面中最出色因健康為由 , 每個餐都會跟一小碟菜 , 今日食椰菜 ,凍冰冰的 , 我個人鍾意撈埋落個炒意粉度食 ~ 另外即叫即炒包一杯熱飲, 可以揀湯

醫院飯堂 d 飯 , 其實都無乜大期望 , 估計都係味道淡 , 又貴又唔好食因朋友關係 , 今日黎左法國醫院食飯 , 叫左個是日廚師推介 ,係焗粟米魚柳飯 , 加錢可以轉凍飲 , 於是叫左杯凍檸茶等左大約五分鐘左右就有得拎 , 原來仲有一小碟菜 , 好健康呢個 canteen 都幾多人 , 有少少嘈 , 姑娘食完飯會執埋自己個餐盆而且地方都唔細 ,座位幾充足 , 所以都唔係話太難搵位坐 ~焗飯份量一般 , 不過因為係白汁 , 都好夠飽 , 唔會話好油膩有少少芝士焗燶左o係面 , 個飯又用雞蛋炒過 , 都幾香魚柳有兩大塊 , 味道都唔錯喎 , 係粟米粒無乜甜味 , 不過好夠汁黎撈飯食碟菜係白烚椰菜 , 無味道好清淡 , 可能要配合病人o既口味杯凍檸茶都幾好飲 , 唔會太甜 , 仲有好多片檸檬添

十月下旬‧晴行一下都好，走了不短的路來這裡買個碎牛粥做早餐。買的時候收銀已事先張揚要「等一等」，而將收據交給櫃位後是真的等了好一會，少說也有十五分鐘。只是一碗碎牛粥者，好人好者都覺得耐，何況真的有病人會在等？不明。不過佢個粥又真的是沒有味精的，牛肉味雖淡，但也是無添加，清清地也原味，吃後胃很舒服。當然，不想再有機會吃這個粥了。

老爸的身子響了警號，醫生建議我也要做身體檢查，怕有遺傳基因，「卜」好了日期，便早一晚入廠。醫生吩咐整天不要吃高纖食物，以免檢查得不徹底，到黃昏更不可進食至明午，足足十八小時要捱餓？為了健康，吃少兩餐當作參加了「飢饉三十」吧！ 翌日中午，檢查完畢，人亦已醒過來，昨天亦祇是吃白粥，哪會不肚餓？連忙著護士替我點餐，菜遠肉片飯是我的選擇，過了十多分鐘，發現飯已在無聲無息中放在我床前的几上，用黑膠盒載著，不知是否為衛生而放棄環保？飯盒分有兩格，一邊放白飯，一邊放肉片，中間還放了兩條菜心，肉片顏色白淨，應沒有放豉油調味，「無添加」看來更適合病人，但沒有病的我亦覺得好吃，肉片切得薄，煮得軟滑，有幾粒粟米，紅蘿蔔，青豆和些少稀稀的蛋花茨汁作點綴，菜心嫩綠，米飯夠熱，本想三扒兩撥吃掉，但不知自己腸胃是否適應，祇好每一啖也細嚼才下嚥。習慣了每天忙碌地工作，連吃飯都是匆匆忙忙，為了健康，也許是時候要檢討一下生活習慣。

13Nov08的晚餐~~~嘩，打開餐牌，好貴呀！(聽人講叫上房係貴d架，堂食會平d？)但都要食架啦，肚仔餓丫！叫了鮮茄豬扒意粉$54、熱華田$14。準時6點半送上黎，茄豬扒意粉香就幾香，但味道好淡，可能諗住病人唔可以食咁濃味卦？個華田有色無味！！！14Nov08的早餐~~~煙三文魚穀麥包三明治$38、鮮榨橙汁$28。個三文魚幾ok喎，d生菜又好新鮮，沙律醬雖然淡，但味道不錯！飲得出真係鮮榨橙汁，仲要係新奇士橙！但略嫌細杯！個ok係裨個早餐！

因為某些原因嘅關係, 師傅早兩日就黎過呢度, 由於一清早嘅關係, 所以師傅未食早餐, 攪掂晒所有野後, 師傅就要去搵野食醫肚, 由於呢一頭都冇咩選擇, 所以師傅就光顧呢度嘅飯堂!一去到睇下個餐牌, 選擇真係唔多, 而且價錢都幾貴, 不過真係好肚餓加上冇選擇, 就求其柯打左碗腸蛋公仔麵啦!買完飛等左一陣, 一碗熱辣辣嘅腸蛋公仔麵就擺喺師傅面前, 先試下個湯啦, 湯底咸少少, 不過一d味精都冇, 而煎蛋有一隻, 腸仔有兩條, 煎蛋係煎到半熟, 蛋黃唔會實的的, 仲有少少蛋黃汁流出黎, 可以啦; 而腸仔就非常咸, 好明顯冇出過水, 咸得好緊要, 唔太吸引; 而碗麵裡面仲有幾條菜心, 菜心非常嫩綠, 好好味; 而公仔麵又煮得煙煙韌韌, 口感唔錯!總括黎講食物質素可以啦, 環境都幾舒服, 但價錢就幾貴, 三十四蚊一碗公仔麵, 有少少搶錢嘅感覺, 不過師傅諗深一層, 黎得呢度都唔會有咩心情去講食物質素同價錢啦, 皆因冇人會鍾意黎呢度嘅! 呢一個貴價早餐可以講係師傅暫時食過最貴嘅, 坦白講當然唔希望再黎啦, 唔希望有下次啦!