聖羅蘭餅屋 (已結業)

口痕想買嘢食嘅我,落到嚟買嘢食我行完石蔭所有嘅麵飽店,呢度可以話係石蔭唯一一間有糯米糍嘅麵飽店糯米糍層皮煙韌得嚟唔會太黐牙,入面個餡係奶黄,少少甜啫喱杯軟滑,甜甜地,有唔同嘅水果味(絕對唔係藥水味),不過唔係好有彈性,

尋日(20-1-2015 Tue)男友放工後話要走過o黎,為o既係帶佢同事o既韓國手信同佢推介呢o度o既蛋卷.呢個係純蛋同朱古力蛋糕合成.我o地食完既飯一段時間後就試.打開倉盒,嗅到蛋香,咬落去,感覺好厚,純雞蛋卷密度好高質地亦實啲,唔會好似食空氣咁;而朱古力蛋卷就冇咁厚,因為密度低啲.至於味道,唔太甜,而且朱古力味比較淡,可能同密度有關,不過我覺得OK o岩o岩好.

之前睇過食評有唔止一位都話聖羅蘭嘅蝴蝶酥好食仲話難買啊等等，咁我咁啱行過見到有就買盒嚟試下啦~~~好一般咋喎~佢唔酥囉~偏向脆身多d有部份仲2塊痴埋一塊.....唔夠位焗嗎??甜就唔算好甜嘅但食多幾塊就已經痴牙.....相比起反而奇華個d酥鬆得多好食得多了.........

又到我生日！以往家人多數在大型連鎖麵包店購買蛋糕，今年男朋友於屋企附近聖羅蘭餅屋買了個生日蛋糕慶祝，細細地一磅的栗子雜果蛋糕，夠我一家三口享用。蛋糕的的式式，但外表頗為精緻，面層有多種不同款式的水果，有士多啤梨、蜜瓜、木瓜等，不過其中菠蘿片酸得男友咪哂眼；鮮忌廉下得有點兇，幾乎一吋厚，不過忌廉幼滑又香加上軟綿綿的海綿蛋糕，好味道；栗子蓉味道香甜，不過份量較少，如果多一點會更好！總的來說質素不比連鎖店的遜色，不失為平價好選擇！

聖羅蘭既麵包唔係唔好不過我吃麵包會選擇同一條街的三井所以今次寫食評絕對唔係寫麵包個人覺得店中最好味既係$14 蝴蝶酥聖羅蘭既蝴蝶酥甜度剛剛好每一塊都見到<酥>脆既效果不過唯一唔好係太薄如果可以做返厚點會好好多同埋$14 真係超值

上星期日抽空去了葵涌探丫爺剛巧行過呢間餅店我記得呢間野好多人都推介講不過就唔係好明顯因為係街市內而且周圍好多餅店難得見到點都要食下$2.5一個，$4.5 二個當然要二個啦仲要岩岩好出爐真係好彩不過，真係憤怒鳥呀D呀姐做野超慢你叫佐3次佢都係「等陣、等陣同等陣」真係有d火要不時不趕時間我應該會放棄等了我諗都成8分鐘終於有得食真係熱辣辣嫁個皮真係幾鬆化好易碎不過d蛋漿真係好正、好鮮真係一次食3個都得如果呀姐做野快d就更好啦下次有機會都會買返2個做下午茶先得

我住附近架..下午有時間我就會買架...2元一個,我覺得很抵~~~其實,我返工要去唔同地方,但回來香港後,我都好想食佢嘅蛋撻~雖然一個有大約..280 卡路里,但我有做GYM,我諗無問題啊..另外, 我覺得唔太甜,個皮最好食..我有時係出面買蛋撻,4,5元一個,又唔好食...可能,街坊生意,唔係市區,就有呢D好~~~~

昨日到這店買一袋6個的全麥麵包, 只是6元, 非常抵, 家中小朋友一個都何吃2個, 仲好飽肚既有益 。而大朋友則喜愛吃曲奇餅 (中間是朱古力心) 及蝴蝶酥, 一盒好抵, 買兩盒仲慳多1元,真係好好食, 兩者都夠鬆化, 自己加多杯奶茶, 真係好好的一個下午茶 。每盒份量好夠, 合2-3人吃, 非常抵 ! 蝴蝶酥是迷你的, 我幫襯左3年都係見第一次,非常搶手, 在 上午9:00多才見到, 記住一試 。

每次去石蔭村, 都會到這裏買:粟米火腿包(1) 價錢: $5.00 3小個(2) 用料: 粟米, 火腿, 和 重重的牛油味, 好味(3) 鬆化: 如果不是焗好立即食, 包身比較硬, 如果立即食, 靚蛋撻(1) 價錢: $2.00 1小個(2) 味道一般, 冇乜蛋味, 皮ok 鬆化

其實呢間餅店都開左好耐,不過見d價錢稍貴,又加左價,所以就冇乜買過野食~次次經過都見到蛋撻差唔多賣唒,諗住會好好食,真係冇令我失望!蛋撻熱呼呼的~佢個皮好好味,係酥皮黎既!入面有少少香蛋味,正!!!我差唔多每日都食個,哈xP實食到好肥

媽咪每日放工都會買呢間既麵包俾我第二日做早餐, 有時佢買到返黎都忍唔住食左今日的早餐係:全麥包 ($5): 細細塊既麥包, 非常軟熟, 仲好足料, 有好多粒粒好好咬口, 麵包皮仲有好多芝麻!!好食!!0係屋企可以搽少少煉奶咁食~yammy!!椰絲包 ($3.5): 用鍚紙兜焗的, 外層焦焦地好香, 椰絲唔會太甜, 成個包都係好好食, 好想食多個呢度既麵包真係好平好抵食!!

今年同事買嘅生日蛋糕，其中兩個係聖羅蘭買嘅，一個小的朱古力味，大的係mango味。此餅店不嬲蛋糕都唔差，做得亦頗出色，仲抵食夾大件添！蛋糕好軟熟，新鮮，但就略嫌cream太多，如果可以少啲就更加好啦

今朝早餐又想食麵包，公司周邊的麵包店，對此店情有獨鍾，今日買左一個吞拿魚包加蒜蓉包做早餐，吞拿魚包好軟熟，吞拿魚餡都頗多；蒜蓉包不過不失，相比之下，吞拿魚包較為出色！兩個包只是$5.5，真係抵食的早餐

又一次替呢間包餅店寫食評，因為麵包太好食勒，尤其剛出爐，熱辣辣，又軟熟，真係一次可以食幾個，早餐買一個包，再加一杯咖啡，真係完美配搭！呢間麵包點流量快，所以好多時都買到熱辣辣嘅包，曲奇餅亦都做得唔錯，夠鬆化，唯一美中不足就係衛生問題，我見過有一隻「烏英」被困在麵盤內！

今日買咗一件，見到佢好飽滿買嚟試一試，咬一口：芝麻味：唔覺有！軟熟度：夠軟熟！濕潤度：好乾身！