聚串串燒專門店 （長沙灣分店)

营业中

休息中

我同朋友經過外面聞到好香嘅燒烤味，忍唔住就入咗去試食呢間新開串燒店，店內較細，共6張枱，晚上10點後還坐了4枱客，聽到樓上好像仲有一層係可以坐房唱K嘅。店員比咗個籃我哋自己揀食物，揀完再比廚房燒，價錢錶晒喺menu度，如果每款食物加返食物名稱會更好，因為有好多款肉類唔知邊款打邊款，有幾次都要問店員先知係咩嚟。食物味道同店舖裝修都幾有大陸風味，連隔離幾枱客都係大陸同廣州人多，食食下見到啲人喺度食煙，我詢問店員：可唔可以叫佢哋出返去食煙？ 佢話：我哋呢度係可以食煙嘅 我驚訝問：而家室內比食煙㗎？唔係會罰錢㗎咩？ 之後我見店員有同佢哋講返。我哋全程一路食就一路吸住二手煙，快啲食完就快啲走，當我走嘅時候見到另一枱又食緊煙，下次我都係買外賣算

今日放工同朋友就腳係長沙灣呢邊食晚飯，天氣涼左啲就想食啲邪惡野😈所以我哋揀咗食串燒～呢間串燒小店係自助形式，自己揀好曬啲串燒放喺個籃度，然後付款，廚師就會開始燒！我地覺得呢度嘅款式都好多，樣樣都好想試下，因為朋友唔係好中意海鮮，所以我地主攻肉類同蔬菜：🔸肉類方面我哋叫咗牛仔骨、牛柳粒、牛舌、牛腱、羊架、雞翼、雞腎、雞軟骨，我就最中意羊架，好juicy，羊脂又唔會太騷～其他都燒得啱啱好，又香又唔會太乾～🔸蔬菜方面就叫咗韭菜、娃娃菜、秋葵、金菇菌，都好正！整體串燒都燒得好好食😍味道適中，唔會太濃味但係又好惹味！另外佢其實仲有啲雞泡魚乾、生蠔、帶子等等，中意食海鮮既又可以試下😎

同朋友仔兩個等上堂，梗係去食下野先啦，唔係邊有力上堂，搵左呢間串燒店，可以燒燒下慢慢食。好，睇下有咩好食先。呢度係可以自己岀去揀食材架，鍾意邊隻雞翼邊條茄子都可以自己揀，好野！雪櫃裡面放得整齊衛生。執好就交比店員燒，坐番埋位等食。首先黎左個韭菜、金菇，叫左小辣，韭菜食落冇乜草青味，仲好爽甜。多春魚肥美多春，雞軟骨勁脆。仲有牛舌、豬腩肉，燒過迫左油份岀黎，食落冇咁膩。生蠔、大元貝，用上海量生熟蒜同蔥，我想要碗白飯。蒜蓉茄子呀，係打大佬呀，軟綿綿茄子加上蒜蓉，好好味，食完個口好臭都忍唔到食晒。

重口味仔鍾意食濃味串燒孜然串串最啱我🤤長沙灣區向來多餐廳今日就比我發現到呢間自助串燒店唔好誤會 並唔係任食只係老闆會比一個藍大家想食咩就去凍櫃夾簡好後就比老闆計數🧮同烹調大致都係有肉、丸、蔬菜同海鮮類原條茄子🍆同粟米🌽係我最愛茄子我簡咗條最大條嘅重蒜燒完出嚟勁juicy粟米就勁清甜燒娃娃菜就吸收晒啲孜然粉味蒜芯爽脆鮮甜燒雞全翼同雞中翼夠晒邪惡凍櫃拎出嚟時仲見到肥厚嘅雞皮點知燒完出嚟層皮已經脆卜卜冇晒脂肪平時唔食雞皮嘅我都唔想放棄燒牛仔骨一份有三大件食落仲keep到牛味又唔會老燒物點少得墨魚丸同埋腸燒司華力腸勁震撼勁重孜然粉味～腸皮卜卜脆呢度播嘅歌好潮～咁啱天氣涼坐門口位超舒服

串吓串吓咁過一晚今日同朋友仔約出嚟食個飯，佢住蘇屋嗰邊，我又想去長沙灣買啲嘢，所以嚟左順寧道食。依間串燒都幾乾淨，完全無大陣燒烤味，走嗰時都無，就係依點已經抵讚！一開始大家出去兩個雪櫃選自己想食嘅嘢，望到乜想食就放入籃，俾佢燒，佢會問你食唔食得辣，食得幾辣！首先係韮菜串（$13），燒到好靚，仲係好翠綠，食落一啲都唔老，唔會有渣的，少少辣，唔會好咸。三文魚頭（$68）可以點吓芥末豉油增添鮮味，幾厚肉吓！燒乳鴿（$62）係原隻上，燒到脆卜卜，用手撕開10分滋味。 老細推介我哋食燒莞茜 ($16) ，感覺有啲似燒韭菜，燒完後仲有滿滿嘅水份喺芫荽內，而且唔會好大陣芫荽味，不是芫荽控的我都接受到。原條粟米 （$28），原條新鮮粟米，搽上一點點牛油和辣椒粉去燒，每粒粟米都食到佢本身嘅甜品。雞泡魚干 （$38），搽上少少蜜糖去燒，少少脆，又香口，係種暖暖地嘅高質零食！燒韮菜 （$13）燒到剛好，好juicy，有時去其他食店會好黏牙。墨魚咀（$25）有8粒咁多，好抵食，食落爽口彈牙， 十分有質感。蒜蓉生蠔 （$35/隻），係即開生蠔嚟，依個調味超正，勁濃嘅新鮮蒜蓉同葱粒同蠔嘅海水融合，簡直是齒頰留香！

長沙灣呢排開咗好多串燒店，今次呢間有啲唔同，佢係自助式，自己揀完想食咩再逐款計。 餐廳裝修到好似去旅行嗰啲鐵路車廂咁🚝，仿如坐住列車食串燒咁。樓上仲有得包房唱埋K添🎤，啱晒一大班friend聚下。 基本肉類蔬菜都有齊晒。 蒜蓉燒大雞脾🍗：雞肉尚算嫩滑蒜蓉味好香🧄，不過燒完出嚟比相像中細隻。 燒豬腩肉🐖：豬腩肉唔會過多肥肉，油脂香氣十足，油脂入口仲保留住脂肪融化口中的香味，肉質柔嫩多汁，肉味濃郁美味。 燒豬頸肉：好爽口呀！ 燒墨魚咀：煙煙韌韌幾好味。 雞軟骨：爽口又有嚼勁，加埋食，味道超正！🤤 燒雞皮串：雞皮整到好脆口。 雞中翼：咬落去都保持到juicy。 墨汁花枝丸🍡：黑色嘅墨汁花枝丸都較少食到，食落去都食到墨魚粒。 香菇貢丸：爽口彈牙，菇嘅味道都好突出。 司華力腸＆熱狗腸：兩條都𐝹開咗，腸嘅入面都有陣陣香味，表皮又夠脆。 招牌牛仔骨：肉質都幾嫩，食落唔會太多筋位。 燒原隻大干魷魚🦑：燒出嚟好乾身，愈嚼愈有勁，食出魷魚焦甜香味。 嫌一隻大干魷魚未夠，再加多個魷魚鬚。 蒜香冬菇：冬菇肥厚香甜，加埋蒜蓉味道更香。 金針菇：金菇爽脆，唔會燒得太乾。 燒菠蘿🍍：串燒中其中一個我最鍾意點，表面微

川辣串燒店香港有唔少～聚串性價比高，價錢抵食，而且味道都大陸串燒無疑🤤🤤🤤😭係好掛住大陸串燒嘅味道！不過開始新店開張唔同人，所以唔使等位🤪呢間串燒店係最似大陸串燒店的味道，係暫時係香港最好食的大陸串燒❤️朋友都係第一次食川辣串燒都讚非常惹味👍👍 燒韮菜$13 唔會太多油味道好入味👍👍一食落去，以為自己反左大陸🤤🤤燒原隻大魷魚$38師傅燒到脆口，有咬口，魷魚味濃👍抵食雞泡魚干$38燒得剛好，唔會太亁，配上醬油同芥茉味道好夾蒜蓉燒雞髀$38雞脾同手咁上下大，皮脆，咬落有肉汁👍蒜香燒茄子$38茄子勁大隻，平時街市都少見到咁大隻，証明店主揀材料都好用心燒豬腩肉$20半肥瘦，咬落有油香👍飲品方面Apple cider 都係$25👍👍

有咩爽得過一路嘆串燒一路嘆啤酒🍻屋企附近開咗間新開串燒店，幾大間環境幾好，啱晒一班fd 吹水啤啤佢啦！呢度都幾有氣氛㗎，一直可以聽住歌，嘢食就可以去大雪櫃就自己揀，揀啱就放入籃’隊’俾佢燒。燒豬頸肉豬腩肉 👉🏻兩樣都勁肥美😂一路食一路滴油香噴噴原隻芥末三文魚頭👉🏻夠鹹香和皮脆脆的，點上芥末醬簡直係神來之筆雞中翼、燒雞髀👉🏻👍👍👍正正正！即叫即燒，好食過生炸雞髀太多了！同孜然粉亦都好夾，果塊皮好似薯片咁薄脆，仲要好大隻，啖啖肉大滿足！燒原條茄子🍆👉🏻見到茄子咁大條真係唔燒都唔得啦！小腿咁粗，肉身勁厚，食落啖啖肉軟綿綿，同蒜蓉醬簡直係天造地設，話說我真係好鍾意蒜蓉獨有嘅辛辣感，我同老公的人食咗一條，飽過食飯😂