聚味軒 (已結業)

聚味軒九龍城食泰菜多，今次幫襯一睇門口就知係黃店的聚味軒，菜式主打中菜。打開餐牌就俾冰鎮生炒骨吸引，再叫多兩碗白飯。等食嘅時候店員好好畀咗滾水我地洗洗碗先 仲有埋茶飲。冰鎮生炒骨岩哂夏天食，炒好的咕嚕肉被冰塊包圍，肉的表層非常冰涼消暑，仲脆卜卜，加上味道酸甜夠開胃， 外冰內暖嘅食法都幾特別。薯仔和牛粒$98呢款薯仔牛柳非常之夠鑊氣，而且薯仔比和牛粒更加更加好吃。薯仔吸滿醬汁好好食，好快就食唒！椒鹽鮮魷$88椒鹽鮮魷炸得爽脆乾身，吾油。鮮魷食得出新鮮，口感柔軟彈牙，椒鹽落得平均夠晒咸香，非常惹味。簡單三款菜式，巳感受到廚師的認真製作，下次可以再黎試下其他小菜！

自從搬進九龍城之後，發覺區內很多不同類型的食肆，每次上班時候，都會路過這裏，今晚便來試試這裏的廣東餸。薑蔥魚卜$88，魚卜就是未曬乾的花膠，因此含有豐富的骨膠原。廚師以砂鍋加熱上枱，香氣四溢，薑、蔥、蒜頭，份量亦很多，令到這個魚卜的味道更佳。魚卜爽口彈牙，含有胡椒、薑、蔥和蒜頭的味道，是近期最好味的魚卜。土魷蒸肉餅$88，土魷粒運載豬肉中，令到肉餅的味道層次，增加了不少，加上醬油的香味，是佐飯之選。鹹香雞半隻$138，雞肉吸收了鹽的鹹香味，雞的味道更加突出，想不到這裏的鹹香雞，是這麼出色的，期待下次再來吃這個出色的雞件。朝日啤酒$32，雪凍的啤酒，一直是吃廣東菜的最佳伴侶。

九龍城聚味軒，除了火鍋，仲有鑊氣小菜！價錢合理，份量大！椒鹽鮮魷（$88）：薄薄的炸粉，包住鮮甜彈牙的魷魚，好好送酒！蜜椒雞中翼（$78）：炸雞翼香口，帶甜甜的蜜糖味，加黑椒粒，而且份量夠大，足夠3-4人享用！自家制韭菜餅（$18/件）：韭菜餡料多而滿，韭菜香充滿口腔，好吸引的餐前小吃。最後追加一碟真功夫炒飯（$88），飯粒分明，炒飯炒得乾身，而且配料都幾特別，有酸菜、有肉鬆絲等等，配搭新鮮又好食。

黎到九龍城 今次唔係食泰國野 係食中餐今次食呢間聚味軒一入去去裝修都好傳統不過就好光猛好乾淨餐廳仲好貼心 比曬消毒液同埋安置口罩既方法今次叫左三樣野食首先有椒絲腐乳通菜菜炒出黎超熱而且翠綠爽口加左腐乳惹味得黎又唔會太鹹之後到乳鴿 size都唔細炸出黎 好脆 食落好多汁 唔乾身 好正佢本身都有味整左 所以就無在跟椒鹽最後就係蒸鱔鱔係腩位 食落都幾爽口我地叫左豉汁蒸佢用左甜面豉 同平時食開既有D唔同 但都幾好味好送飯！雖然例牌 但佢都有好多舊 夠曬2-3人食架喇！

聚味軒呢個鋪位十幾年黎，都轉咗幾次手，但裝修依舊所以無留意。最近睇App先知有原來開咗間黃店。～～～🐤薑蔥霸皇雞($56)雞肉煮得剛剛好，非常嫩滑！滑雞加薑蔥簡直絕配，唔食飯嘅我就咁食都唔覺得過咸。佢嘅雞飯係九龍城來講應該算最好食！～～～🐟豉檸蒸倉魚($68)平時係屋企蒸倉魚都係食豉椒，估唔到同鮮檸係咁夾！豉汁雖然惹味，但相對杰身同濃味，食得多好易膩，有檸檬嘅酸味中和返更開胃，搞到我自己蒸魚都想加檸檬。～～～佢嘅例湯仲係任裝架！當日飲嘅係粉葛湯，十分甜，好好飲～

去打邊爐，叫胡椒豬肚雞湯，個湯勁勁勁正首先勁濃，啲胡椒豬肚味好夠好香，我哋幾條友，每人都忍唔住齋飲咗幾碗。。。so far係我飲過最好嘅胡椒豬肚湯老世話最好飲返幾碗胡椒豬肚湯先真正開始打邊爐，因為遲下啲食材啲fat會破壞個湯啲味有半隻雞，or 一隻雞揀。啲豬肚勁多。。。叫咗即煎午餐肉，好熱好香蟹子蝦滑，幾特別食材上面，最impressive係呢碟安格斯牛肉。厚切，香，食落口軟冧冧，經典高質肉。忍唔住食咗一半，唔記得影相

九龍城大多數都係食泰菜，但見到網上有人推介九龍城呢間中菜，仲有打邊爐，所以想試下。一入門口，員工好好禮貌招呼！！！平日夜晚七點幾去，其實唔多人，大約三張枱。以為係九龍城既餐廳價錢會偏貴，但小菜價錢大約68-150左右。如果食魚，海鮮就大約二百左右。  問左老闆有咩推介，佢話霸王雞都多人食。我今次試左霸王雞，小炒王同埋真功夫炒飯。其實無諗過外賣既份量都咁多。霸王雞小炒皇真功夫炒飯下次會試下其他小菜！！因為呢間係極認真製作既中菜！！

第一次去九龍城食野，路都唔難搵，好易就搵到。訂左位，唔需要等就就入得～招牌冰鎮生炒骨同椒鹽粟米一定要試！！冰鎮生炒骨好新奇有趣，椒鹽粟米就鐘意食椒鹽就一定要試👍🏻想叫鮮魚皮，咁岩賣晒，而最近都無黃金磚，所以叫左黃金茄子，係我最愛既咸蛋黃！佢做得非常之濃味！比起出面好多間佢真係好香濃仲咬到蛋黃沙！！藥膳花雕雞個湯好重藥味，唔會飲水咁淡，而且佢既花雕酒都好出，雞又新鮮😍食完雞仲叫左墨魚滑同安格斯牛肉打邊爐👍🏻墨魚滑就中規中矩，牛肉比較好！肥瘦適中，厚薄均勻，一熟即食👍🏻入口好香，好滑！功夫炒飯賣相就差左少少，我仲唔小心好大聲講左句同個圖差咁遠既😂但炒得夠乾身，飯係粒粒分明！我地五個人，每人都只係食左$220，都算係抵食！環境都舒舒服服，店入面哥哥們都好有禮貌態度好好👍🏻

雖然呢間餐廳好似主打火鍋，但我去幾次都係食小菜。由其是呢排疫情，都唔敢打邊爐，而呢間嘅小菜係勁！好！食！今次同3個朋友一齊去食，每次去一定要叫佢個冰鎮生炒骨，外脆內軟，又靚又好食。生撈魚皮都係必嗌之選，喺其他餐廳好少食到，爽口夠味👍🏼見隔離檯叫雞翼，我哋又跟住嗌，果然無失望，好惹味😻雖然明知鹹蛋黃唔健康，但真係好難抵抗佢嘅魅力😂碟黃金鮮魷一上檯，未影相就即刻夾咗件食咗先😋呢個雜菜煲份量好多，感覺係出面嘅雙倍份量，好抵食！4個女仔基本上都無留手咁嗌餸，最後埋單都係每人$160左右，性價比極高！！！聽朋友講佢地嘅藥膳雞煲同湯都好正，下次再去試試。

九龍城食左咁多次飯，第一次吃聚味軒，我上司介紹我去吃，中午時段入去吃，裝修十分中式，位置寬躺舒適，中午有即炒飯餐，當中包括蒸餸類，雖然要等十五分鐘，但大家也是叫了蒸餸。這樣的份量絕對對得住個價錢，五十幾，有飯有湯。豉汁蒸倉魚雖然冇食，但感覺幾好，魚也新鮮。梅菜蒸肉餅，呢個好啱送飯，汁不會太多，梅菜好食份量多，肉餅有口感不會似溶左，夠大塊。豉汁蒸排骨，聽同事講都可以，好多排骨，排骨食唔到既位也很少，只有兩舊肥肉。餸多到佢食唔晒。佢上菜前送左例湯，有料冇味精，冬瓜湯但疫症時間都係少人去食飯，聽講生意少左好多，大家少出街，如果想喺呢頭附近食飯，不妨一試，對得起個價錢，快餐都要50-60一個，所以食得過，仲要同聲同氣同路人

今晚主要食小菜，所有菜式都好夠鑊氣同入味。每款味道都突出，唔會相似。其一特點是有小菜，又有火鍋。可以满足一大班人不同需要。疑似老闆娘幫我們影相態度非常認真，一般食店絶無僅有除了一位服務員少少cool, 大部分人都好nice及親切。所有朋友都很滿意下次必定再去試火鍋。朋友一致推介以下菜式：咸蛋苦瓜、雞㷛、芥菜戀上豬膶、椰菜花、豆苗有鑊氣又滑、韮菜餅