影片
港铁土瓜湾站D1出口, 步行约8分钟
继续阅读
电话号码
34833881
营业时间
今日营业
07:00 - 18:00
星期一至六
07:00 - 18:00
星期日
全日休息
公众假期
全日休息
以上资料只供参考，请与餐厅确认详情
戴定頭盔先～呢間唔係咩人氣小店，啲嘢食都唔係話特別岀色，Menu方面都係啲大路茶餐廳嘢食，只係我食過覺得性價比都幾高所以分享下☺️➼ 下午茶雙拼粉麵連飲品（鮮牛肉拼煎豬頸肉上海麵）真心三十幾蚊食到個飽肚嘅下午茶好難得，本身我都冇乜期望，諗住都係普通一個麵加幾舊肉，始終價錢都比較平，但嚟到之後發現份量都唔少，啲肉同啲配菜多到睇唔到啲麵。鮮牛肉真係鮮牛肉嚟，冇用肥牛呃我🤣而個豬頸肉好爽口，而且真係有煎過，非常有誠意呢！仲有個湯底唔會好重味精，食完成個麵都唔會口渴到要係咁飲水，三十幾蚊嚟講好難得呢！➺ 小分享：雖然嘢飲方面有疑似台式飲品揀，例如胚芽奶茶或珍珠奶茶嗰啲，但唔好expect真係同岀面嗰啲一樣，佢哋個茶底係用返平時茶餐廳嗰啲奶茶🤣不過唔洗加錢嚟講，當佢係普通凍奶茶咁飲其實又OK🤣
继续阅读
本身見到佢有台灣食品，就入去試吓，點知中伏一入到去，午市無咩台灣食品既選擇，叫左XO醬薯仔炆排骨飯，一食完全無XO醬既味，醬汁好杰，送左碗髮菜蓮藕湯係唯一比較好既。熱珍珠奶茶，奶茶味又唔香，整體而言十分失望
继续阅读
今天決定遊走在「利」(女朋友)心「中」，相約女朋友在「中」環忌連拿「利」這個秘景遊玩，之先要吃吃早餐，崇潔街美食街果然是一個美食天堂，不同款式的早餐也能在此買到。決定在這裡先品嚐早餐，我點了一個港式早餐，傳統的，沙爹牛肉公仔麵，三文治，太陽蛋，午餐肉，配熱奶茶。女朋友點了柞菜肉絲公仔面，太陽蛋，腸仔，配熱奶茶。整體來說性價比之高，三十塊就可以吃得飽飽的，太陽蛋也不須額外加價，烤面包就需要加一塊，這是讀者需要留意的。反而那個熱奶茶就有點怪怪的，不知是茶底問題還是茶葉問題，喝下女朋友說有少少洗潔精味道。日期：28.1.2021
继续阅读
Lunch time 時段見佢有吉位，於是推門而入。點咗個夏門炒米，一個豉椒排骨飯。再留意下，點解開著d掛牆扇？中伏！原來無冷氣！頂！如果未落單必閃！即刻明白點解 Lunch Time 都重有位！廈門炒米配料算足夠，但份量明顯偏少。豉椒排骨飯排骨份量少得可憐，而且芡汁超多，最慘係個芡汁又唔係好味，結果..... 食到一半，被迫放低對筷子，投降！崇潔街係英雄地，雖然只係短短一條街仔，但餐廳已經有十幾間，做得唔好，好快就消失，好似行前少少果間火鍋店，已經轉手，又睇睇哩間餐廳捱得幾耐.....
继续阅读
餐廳開係崇潔街入面，質素當然唔可以太差。餐廳好大，可以容納一百人，lunch既時間都幾多人，坐滿返工，同埋隔離地盤既工人餐牌既選擇幾多，hk37至hk40，凍野飲唔使加錢，價錢算唔錯。一坐低就會有侍應姐姐係隔離問你要咩，直到你肯落單，之後一食完果碗空置唔夠5秒就收起。基本茶餐廳既元素佢都有碧綠川椒雞飯 凍奶茶少甜 hk37份量都幾大碗，白飯佔左整個碗7成左右，上面舖滿好多既汁同餸。雞肉粒切到手指頭咁大，好多粒，仲有兩大條乾紅椒，青椒，一望落以為辣到傻但將飯撈勻汁，食落去啲汁係甜既，一啲都唔辣，食哂成碗一啲辣既味道都無。同望落去既感覺完全唔同，雖然甜味唔算過，但同川椒呢種餸完全扯唔上關係。不過雞肉好滑，應該用雞脾肉切粒，煮得剛好，甜甜地食落口都幾好味。而且個汁都幾多，餸落個飯濕濕地都幾好味凍奶茶少甜呢杯凍奶茶就真係差左啲，黎到既時候，冰已經開始溶，飲落去係淡既，一啲茶味飲唔到，淡奶味就有，雖然份量都算大杯，而且凍飲唔使加錢，但質素比較爭左啲總括黎講，呢餐lunch比較欠理想，雖然份量都幾大，價錢亦算公道，不過質素應該可以再好啲
继续阅读