影片
营业时间
星期一至日
08:00 - 21:00
以上资料只供参考，请与餐厅确认详情
最近見到位睇開嘅網路紅人居然介紹粉嶺呢間小店，講到好好味，性價比好高，最大賣點係星期一至五先有嘅$28炸髀西多下午茶。其實我睇過餐牌🤔，覺得以村屋餐廳嚟講，價位比較高😐。不過屋企人話想試，就即管比個機會佢啦。星期五晚上7點只有一枱客，到我地8點幾走都唔多食客。餐廳望落以為係茶記，但價錢係酒樓價，另外仲有加一同茶芥$10/位，我地四個人，叫左五樣野，連加一$720。菠蘿山楂咕嚕肉 $108上枱好大陣酸味，咕嚕肉份量中規中矩，食落仲有少少脆，而且每粒都有肉，唔會只有肥膏。菠蘿就差D，唔新鮮。避風塘鮮魷$128好多炸蒜、好香!! 用嚟撈飯食一流!!鮮魷份量合理，有厚有薄，厚果D彈牙、有魷味；薄果D炸粉就厚左D。籠仔荷菜蒜香龍躉飯(炒飯底) $148呢個飯有驚喜，全餐最好味係佢，蒜蓉份量多，龍躉厚肉又夠滑；炒飯炒到粒粒分明，而且吸收哂D蒜香，好正，但唯一缺點係好油、勁油😂，一定要多人先好叫。蜂蜜芥未脆豬手 $188呢個要等20分鐘，上枱果陣排得好靚仔。豬皮炸到好脆，食落唔會好油膩，個人覺得唔點醬已經OK，一嚟個醬好稀，二嚟沾左醬反而油膩感重左。豬手肉望落好紅，不過食落唔鹹。XO醬乾炒牛河 $108所有炒粉麵飯嘅餐牌仲印緊，所以要問職員先知咩價同有咩選擇。炒河有鑊氣，但食落唔太覺有XO醬🤔；牛肉唔韌，不過比較碎，整體一般。個人覺得炒河唔抵食，份量唔大，如果喺茶記食同等份量同質素，一定唔駛呢個價😏。鮮魷同籠仔蒸飯可以一試。餐廳本身過$300可以用信用卡付款，不過職員表示當日卡機壞左，只收現金，所以請各位朋友仔記得自備現金先好嚟。
继续阅读
之前見好多食客俾like,讚放題高質扺食，所以特登親weekend 黎試一試。結果大失所望，雞煲/烤魚任食放題己沒有做，改為散叫。故隨意先叫一個雞煲（一隻雞）先試試，份量非常少，只係一隻普通燒春雞size份量，而且味道一般，要$300，此份量，其它店約$200左右，故性價比非常低，而其它火鍋配料亦標價不便宜，午餐肉都要索價$60，選擇亦不多，故最後只叫一個雞煲，兩碗白飯，一些飲品，埋單己要四百幾，下次不會再試。
继续阅读
話說華明邨以前都有傳統嘅酒樓，執吓執吓就冇晒，所以第一次試吓呢間新式嘅茶樓環境雖然同上一手裝修好似冇乜大分別(上一手係一間日式餐廳)所以今次就講吓佢哋嘅食物蒸飯好多老人家都有食，不過就要留意落單時間，好似唔記得11點定12點前完蔥油餅質素正常另外亦都叫咗幾款點心，不過不失，正常發揮
继续阅读
不建議點即炒菜式！干炒牛河炒到碎濕濕？！另外，職員話要食滿$300先可以用信用卡找數，十分不方便！！！！！！建議改善一下！星期六日假日茶錢每位$10，農曆新年是加二。
继续阅读
餐廳光猛企理，侍應亦好好客和有禮貌，屋村茶居有種貼地和親切感。留意這間餐廳不收茶位費喔🫶🏻這間餐廳離我家不近，但以下兩道菜已經足以令我下次再回訪😎🍲世一沙嗲肥牛煲 $138裏面有肥牛、粉絲、金針菇、紅綠椒。份量很足，而且醬汁味道超正，裏面的食材已入味，撈飯吃一流，不會太油膩🤤🍲魚香茄子煲 $98茄子份量好多，而且茄子內部軟綿，但不會過於軟爛，而且都超入味🫶🏻🫶🏻魚香醬汁同樣都很惹味，由豆瓣醬、辣椒醬、蒜末等材料而成。🍲大大杯紅豆冰 $35原本覺得$35一杯紅豆冰有點貴，原來是很大杯，而且紅豆都很多🥹飲品甜味主要來自於紅豆，紅豆原本已經煲得很「沙」，因此只要搞勻幾下，整杯紅豆冰馬上充滿紅豆香味😝
继续阅读