聚朋坊 (已結業)

今日去完探朋友就去左佢屋企附近既小菜館食晚餐☺️佢話都未食過 就一齊試下「聚朋坊」呢間係京川滬菜館🥰好衛生同埋好乾淨 因為我好怕啲枱油淋淋😖坐得好舒服！落單都係手機用Qrcode落單好方便👍🏻我地叫咗干貝賽磅蟹🦀佢會配上一兜醋比你呢個小菜都要好花心思 賣相吸引 同埋蛋白整得十分嫩滑 可以撈勻佢同干貝一齊食 會更加美味好岩撈白飯😍花雕醉雞🐣聞落去酒味好足不過食落口唔會好苦👍🏻而雞都十分嫩 雞皮油脂好正🤣二人份量岩岩好生煎鍋貼🥟全人手包 同埋入面嘅餡料係超級滿！煎得好靚底部金黃色 入口超級香脆 同埋十分juicy😍😍 好似變咗食小籠包咁有湯汁 勁正💯一定要叫你食 ！北京填鴨（半隻）🦆外皮脆卜卜 肉算厚配埋青蔥同埋青瓜點著甜醬一齊食 好滋味😋包住個塊皮唔算太厚！好少機會食到依個餸菜 今晚真係好滿足！見到有張教人煮幾耐食譜 十分細心 買返屋企都唔怕煮得唔好🤩

北京填鴨(半隻)($168)，個皮蒸得夠熱辣辣，皮既份量足夠一塊一片鴨，燒鴨色澤亮麗有油份，唔會乾爭爭，二人食半隻已經好夠。花雕醉雞($78)，擺盤賣相唔錯，花雕既酒香味濃郁，在口腔仍然停留一陣餘韻，而且滲入雞肉之中，雞肉質嫩滑。孜然羊肉($85)，孜然味香濃，帶少少微辣，羊肉肉質好軟腍，而且有香羶味，整碟都係羊肉，份量非常十足，估計超過20片羊肉以上。炸小饅頭($28)，共3個，溫度暖暖地，唔會太熱一食燙親口，外層有微微脆，內裏鬆軟。凍豆漿($16) /可樂($13)，食得好飽肚，飲豆漿解渴解膩。

由於有親友家住長沙灣一帶，所以，不時都會來此，但是，今天就不是來探親友的，而是親友說他家樓下開了一家新的京川滬菜小館「聚朋坊」，定價相宜，相約一同晚膳，以答謝上次帶給他的外賣美食。菜館屬小店規模，地方不太大，也不太小，有卡位，有小圓枱，環境整潔光猛，而店員都好盡責要求客人量體溫及掃安心出行（或寫紙仔），此外，兩位後生的店員服務好熨貼，亦很有禮貌。一如本地的中菜館，菜式的選擇十分之多，由冷盤、點心、小菜、河海鮮……到湯粉麵、特色菜、甜品都有提供。最窩心是全日都免加一、免茶芥的。現在，更推出限時推廣，選擇指定菜式更奉送大支裝啤酒或汽水兩罐，等客人食得過癮，飲得開心。來吃滬菜，不吃小籠包有點中空寶的感覺，故先來一客「聚朋坊小籠包」（$48）過過口癮，一客有5隻，外觀看上去外皮十分薄透，摺位亦不厚，入口更有爆汁的感覺，裡面非常多湯汁，而且，肉饀十分鬆化好口吃，沾上少少醋汁，風味更佳。另一款滬式點心要了「生煎窩貼」（$48），一客有4隻，隻隻都包得飽滿，鍋貼煎得底部焦香甘脆，同樣肉餡打得既鬆化，又富肉汁，又是具質素的出品。店長推介水煮及酸菜系列菜式，確實有很多款式，就試試看「酸菜田雞」（$128

終於終於找到了一間可以说色香味俱全的小館.我已幫襯了超過三次在一個月里面.有時間一定要未試它的生煎飽！太過份的好味！！！！！今次來是午餐的時間有lunch set ,價錢這是大約$58今日再encore酸辣湯菜肉雲吞再來一個麻婆豆腐：）辣到是麻辣但剛好的辣.這就是我推介的生煎飽！！！！第一口一食你就知menu里有不少lunch set but....我忘記了影給大家.我一定再來.到時補番給大家.我期待試酸辣魚.等我...之後同大家開心sharing

某日行過，見佢個牌午餐52蚊，今時今日唔算貴囉！有小菜同粉麵，而小菜之中......有久違咗醬爆雞丁，有啲懷念以前的味道午餐都有餐前小吃有例湯主菜+白飯醬爆雞丁的味道同以前食過有9成杷似，不過唔知係咪成本問題無落腰果總體是OK的，下次會試其他小菜

同樂樂表哥慶祝將成為陳家第一個大學生 位於深水埗順寧道新開一間京川菜店 必定要試下水煮桂花魚，水煮毛血旺 仲試埋片皮鴨～ 仲有我地鍾意食的甜品：高力豆沙同豆沙鍋餅 另外都有叫唔辣的比小朋友食有妹妹話好食的炒年糕同賽傍蟹 樂樂表哥都指明要食炸饅頭