聚滿坊粥底火鍋私房菜 (已搬遷) 新店位置

一次地獄之旅！環境、服務、食物、都非常之差！先講環境：喺正馬路旁邊，非常之近出面，出面有人食煙，啲二手煙吹晒入鋪頭，成間鋪頭又細、冷氣又唔夠、打邊爐但通風做得唔好，搞到焗住左啲二手煙喺裏面！空氣唔流通！服務：簡直係冇服務可言！最差嘅係成日催你快啲食！快啲還枱比佢！問題係啲嘢根本未煮熟！仲有就係職員不停咁埋你張枱係咁將啲食物離開好遠掉落去個㷛道、啲蝦跳返出嚟，彈到我朋友，搞到佢隻手紅晒！職員一句都冇問我地有冇事就咁行左去！食品質素：叫咗個198餐，份量好少，兩個女仔都食唔飽。埋單已經四百幾蚊！終於知道點解佢成日叫我地快啲食，因為啲食物唔新鮮，又發水，煮左5分鐘的鮑魚變咗五毫子咁大！賴尿蝦細隻到食唔到！啲魚未洗乾淨個肚仲係黑色！另外一定要提就係一個「發X嘅菜籃」！請看以下圖片，咁都拎出嚟俾人食，可想而知佢對食物嘅心思有幾多！

地點勁唔方便，book左枱但係去到仲要企係路邊吹風等佢有枱。第一次去，book枱時冇講明要提前食升級版，結果就食埋set死左嘅平價野。又話有紅蟹又無啦啦變左三眼蟹。服務員又唔專業，倒蝦入個鍋個陣又由得d蝦係咁跳到枱面，彈濕我。街市手打蝦滑都係$22，佢賣$68勁少！邊爐鍋粥淡過洗煲水！最後係用火鍋個湯加返d個樣似隔夜粥d米倒入去煮。冇左用粥底下火嘅功能，相反係變相食晒d勁燥火鍋湯！一定唔會再去囉！

今日招呼兩位來馬來西亞朋友，他們一早講明要打邊爐。約了6點佐敦等，以為咁早食飯唔會有好多人（我太疏忽了），點知間間都無位，全部full book，情急下馬上周圍打電話看是否附近還有位子，免得2位朋友久等。還好搵到這間，接聽電話的小姐相當親切，問我們是否可馬上到。於是馬上趕去。去到，staff 相當細心介紹，我是第一次吃粥底火鍋，原來它是計一人一set ，幾位朋友一齊食唔怕分不均。食物豐富，海鮮有鮑魚、生蠔、蟹、蝦、蜆、魷魚、䱽魚（好似係）（一條），其他肉有牛肉、雞、牛丸、魚蛋、鯪魚滑，仲有粟米、蘿蔔、南瓜。先吃海鮮，所有海鮮都很新鮮，非常美味，我們尤愛蝦、蟹及鮑魚，非常鮮甜，友人大讚「好耐無食過咁新鮮既蝦」。魚也很新鮮，我其實很怕魚腥味，但出奇地魚不腥且十分鮮甜，相信因為食材新鮮。食物份量足夠我們仨吃有餘。湯底最後用來煮粥，加上南瓜及蔥，配上油條，又是十分美味的一道。寒夜來上這一碗粥作結尾，實在滿足。飲品極力推薦其自家熬製的紫貝天葵，甜甜酸酸相當開胃，喝完好像也沒有那麼熱氣。幸好一早已叫了一杯，因為到後來約8時，此飲品經已賣完。另外特別想讚服務一流，無論是對顧客，抑或staff 自己之

200 幾蚊位， 除左個海鮮盤仲可以2-4位就揀6樣火鍋料， 多d人就揀多d. 個海鮮盤d蟹有膏架，好正。 自己整都買5到甘多海鮮，所以好抵。 缺點係d蜆有沙。 最後煮個粥雖然好甜， 充滿海鮮味不過都係5好食最底個層。 d海鮮好新鮮

第一次寫食評 服務態度一般好像改客 不停問你食完未 有點貴份量少4個人只有一碟肥牛 食完覺得不是好飽 地方又窄 有點焗食方面： 海鮮幾新鮮 粥底鍋無乜味 雞就麻麻 無菜 只有瓜有點怪 下次不會再去

今次同成班朋友去左呢間好出名既火鍋店「聚滿坊粥底火鍋私房菜」打邊爐，餐廳裝潢簡單唔係好特別，桌椅座位之間都比較狹窄，不過為咗食好嘢呢啲冇所謂啦。🍲因為餐廳要預時間買食材及預份量，所以要求食客早啲book枱，收費分別係「星級版每位 $288，酒水任飲(不包含酒精類飲品)，全單加一 」同埋「特惠版每位 $188，酒水另計，全單加一」，而且時段分為18:00及20:30兩個時段，而我哋一班人點選了20:30既特惠版。💵「星級版」新鮮鮑魚、海中蝦 、海紅花蟹、流浮山蠔、鮮魷魚、龍躉仔、黃金蚌、紅花甲、新鮮大元貝、芝麻雞、八爪魚丸、牛丸、南瓜、冬瓜 、粟米、油條、手打鮮蝦墨魚滑、雪花肥牛...18種食物。🍤🦀🐚🐟「特惠版」新鮮鮑魚、海中蝦 、海紅花蟹、流浮山蠔、鮮魷魚、黃立倉魚、蜆、芝麻雞、魚蛋、牛丸、南瓜、冬瓜 、粟米、油條、手打魚滑、雪花肥牛...16種食物。🍤🦀🐚🐟坐低冇耐，店員就會將全晚嘅食材放上枱面，整到成枱都係滿滿咁，好滿足好豐富咁。首先係落咗雞件將個湯底煮煮先，之後就可以因應個人嘅喜好落唔同嘅海鮮同埋配料。黃立倉魚用嚟打邊爐感覺好新鮮，平時唔多食魚既，都會覺得好滑好新鮮。整體來講食

天氣凍想去打邊爐，諗起呢間，都係第一次食，8點半後通常滿座，想食真的要book位，我book7點，所以無所謂。入去阿姐會問係咪第一次來食，我聽到佢問了幾圍，佢都話海鮮食先，因為新鮮。擺上檯時蟹鉗仲識擘大，咀仲郁下郁下的，真係新鮮，所以我首先比佢一個了斷蝦都係彈彈下呢幾款係2人餐的份量阿姐係咁行來幫我地落野，又係咁幫我地撈野，又係咁叫我地不如食呢樣先果樣先，一係就落蜆落鮑魚落蟹，3分鐘可以食蜆，食完蜆就食鮑魚，食完鮑魚蟹就熟架啦！大姐，我打得邊爐就係自己食咩就落咩架啦，好似驚死我地撈少左一粒半粒蜆咁，又過來幫我撈，所以奉勸各位都係book8點半，鋪頭滿d，阿姐唔會過來幫你搞野。不過最後總結，呢款邊爐可能有時間限制，粥水不能太乾，食完最後會加飯(應該係)阿姐怕煲乾水，撈唔到吧。回應標題，未試過比加一比到覺得超值！

尋晚食，無下次，第一次寫食評，特登登記寫呢個，$188 + 1， 個set份量少，兩個女仔食，普通任食打邊爐重好，以為放左佢d食材個粥會好食，但最後粥底係好淡，想加鹽但無，寫住棠哥推介，應該初初係好掛，愈多人去就差左...

地方很窄，旁邊堆滿貨，坐得非常唔舒服。食過附近「靚粥工房」的粥底火鍋，堅係粥底，比較之下，呢度係粥水火鍋。叫私房菜，所以無得點菜，人人都係食嗰set。有雞、鮑魚、花蟹、蜆、魚、蝦、一蝶牛......正常貨色，沒有很驚為天人，四個人$900好像有點貴。打到尾會加啲爛飯變成粥，呢個感覺好韓式。

本人和友人第一次去吃粥底火煱，一去到呢間餐廳，全部野食就—次過上晒黎，原本都吃得開心既，之後有位短髮女侍應拎多左一碟鮑魚俾我地，(前提我地唔知每人有幾多隻鮑魚，我地之前已經每人吃左一隻), 女侍應二話不説就幫我地倒曬入煱中。但系隔左—陣，女侍應從同事囗中得知，我地呢枱已經上晒Ｄ食物，女侍應即刻二話不説地系我地煱中"撈"番曬Ｄ鮑魚。。其間仲要發出不屑既眼神同聲音。果—刻，我地真系好hard feelings, 佢自己做錯事，完全沒有道過歉。。點解可以系客人煱中撈Ｄ食物走？呢間餐廳擺明就趕客！！！以後都唔會再幫襯！！！

放工後延續中秋節既飯局大家仍然繼續放縱來個超級海鮮邊爐。。。。仲要係粥底個隻鮑魚，懶尿蝦，牛肉，蟹，魚，雞，丸，魚滑其實我地得4個人食，就叫到成台都係，其實都真係幾多。勝在每樣海鮮都好新鮮，好似魚咁，洗乾淨後整到一年件平均大小。蟹就一隻兩二，每人有半隻。不用多講，就知道新鮮食材煮好後，個粥有幾解甜啦但都有美中不足既，就係鮑魚喇，D鮑魚邊仲係黑色既，真係好想自己拎去洗。。。。但不想掃大家興，所以影張近照俾大家留意一下

食物只是一般，但服務卻是9流。首先是食物沒有太大驚喜，湯底亦冇味，只有幾嚿雞於清湯底裏，套餐的食物款式也不算多。最初以為粥底火鍋係用粥打邊爐，原來係打完邊爐後才用邊爐的湯底加入漿糊般嘅飯入湯底，再加葱及鹽，但其實碗粥一D味都冇，完全唔好食。而全店最差係服務，叫佢哋換過隻碟都唔肯，只係同我哋講叫我哋將D殼倒落個碗度就可以了，咁嘅服務態度真係唔會再幫襯還不斷催促我哋放D食物落湯，好似要我哋快D食完就要走嘅感覺，完全冇自由。總結係地點唔方便，食物冇驚喜，服務超9流，價錢不便宜。

話說一年前就已經好想試，因為難book，所以又唔記得咗。好彩前排有open rice online book,就即刻book左勒。要試就梗係要一個升級版，果然名不虛傳，食物好新鮮，好好味，員工都好好，仲教我地點食，同幫手影相。

我一直以為粥底火鍋即是湯底係粥，用粥來打邊爐。原來不是的。這天繼續生日飯系列，一班同樣冇食過粥底火鍋的朋友，約好一起試試呢間。聽聞呢間餐廳前一排非常的full，皆因藝人歐錦棠的推力極介，加上本身座位不多，故極難book位，依家稍為好點了。時間方面分了兩輪6:00pm和8:30pm。限時1個半鐘，時間上是夠的，不趕。我們選了6pm，事實是一到8:30pm門口已有下一批等著。所以，記得訂檯，記得準時。地點方面，介乎佐敦與油麻地之間，建議由柯士甸站A出口走過去，10分鐘內到達。來到點餐就發現，這裡食set，每位188元加一。內容頗為豐富，有雞、紅花蟹、海中蝦、青島鮑魚、黃鱲鯧、魷魚、鯪魚滑、牛丸、魚蛋、肥牛、流浮山生蠔、黃蜆和蔬菜(南瓜、粟米等）。據悉食材都是即日選購，所以非常新鮮生猛。這個價錢，食到這個質量，非常划算！蠔的海水味淡，但夠新鮮，表面晶瑩剔透。彈牙肥美。黃鱲鯧不腥，滾熟後質感比煎煮的來得滑溜。魷魚則是不過不失。鯪魚滑打至起膠，味道較淡。即係不愛好鯪魚的人也吃得到。雞肉嫩滑，但是講究下鍋時間。蝦蟹非常新鮮，新鮮到要跳出檯面的程度，要用蜆壓著。雞亦非常新鮮滑溜。店員在旁邊一直指點我

第一次聽訂位要先落訂$500，叫我去恒生過户！食餐飯都係幾百蚊，何解要先落訂呢？之後見到佢有寫到訂6位以上先要落訂，但点解我訂5位都要叫我落訂？又唔係得一間蒸鍋！如果訂酒席要落訂我知，真係唔明食幾百蚊飯都要特登去過數先訂到！真心覺得佢係好好生意唔至在！這是甚麼規定？