聚滿坊粥底火鍋私房菜 (已搬遷) 新店位置

天气冻想去打边炉，谂起呢间，都系第一次食，8点半后通常满座，想食真的要book位，我book7点，所以无所谓。入去阿姐会问系咪第一次来食，我听到佢问了几围，佢都话海鲜食先，因为新鲜。摆上台时蟹钳仲识擘大，咀仲郁下郁下的，真系新鲜，所以我首先比佢一个了断虾都系弹弹下呢几款系2人餐的份量阿姐系咁行来帮我地落野，又系咁帮我地捞野，又系咁叫我地不如食呢样先果样先，一系就落蚬落鲍鱼落蟹，3分钟可以食蚬，食完蚬就食鲍鱼，食完鲍鱼蟹就熟架啦！大姐，我打得边炉就系自己食咩就落咩架啦，好似惊死我地捞少左一粒半粒蚬咁，又过来帮我捞，所以奉劝各位都系book8点半，铺头满d，阿姐唔会过来帮你搞野。不过最后总结，呢款边炉可能有时间限制，粥水不能太干，食完最后会加饭(应该系)阿姐怕煲干水，捞唔到吧。回应标题，未试过比加一比到觉得超值！