聚滿坊粥底火鍋私房菜 (已搬遷) 新店位置

原本有朋友話想食蒸氣火鍋，但我食過覺得唔係太抵食，味覺上又無咩特別，突然諗起有人同我介紹過呢間粥底火鍋，就諗住去試下。我哋去果日先即日book台，點知又有位喎。去到間鋪仲未齊人，諗住問佢攞個menu出嚟，睇下有啲咩嘢食同埋價錢，跟住有個姐姐走出嚟同我講話佢哋呢度全部食set，無menu，每位$188。諗住呢個價錢食海鮮，應該唔會飽，仲問定佢有啲咩餸可以加，點知個姐姐話一般嚟講淨係食個餐都飽如果我哋唔係真係好大食的話，我果陣都半信半疑。到我哋人齊入去坐低之前，果煲粥底已經為我哋準備好滾緊，然後10分鐘之內已經將個餐嘅全部配料放上枱。店員見我哋第一次嚟，仲教我哋應該食邊樣先，唔同種類嘅海鮮大概淥幾耐。第一味食嘅呢就係鮮鮑魚，鮑魚新鮮，表面有光澤，肉質爽口，但本身味道唔算話係好突出，可能我自己本身麻麻地鍾意食呢樣嘢。生蠔我的至愛 ，新鮮肥美大隻，淥完之後都無話縮好多水，蠔嘅味道唔算係好濃，不過淥蠔果陣記得要睇實時間，千祈唔好淥太耐，唔係肉質就會變老變硬。啲蜆本身唔算話好大隻，但就隻只嘅size都差吾多，無話有啲特別細隻。倒晒落去之後你會見到佢哋一隻隻咁開口。蜆肉乾淨無沙，每一隻都開口，肉質

依間邊爐有點特別，因為佢係按人頭預打邊爐材料，而且主要是食海鮮的。之前訂位訂了9位的粥底打邊爐，點知有2個病了，變7人邊爐。好彩去到同店講都可以將份量改為7人,都幾彈性😎佢地既湯底係粥水黎既，因為打完邊爐最後用黎煲粥的😁海鮮方面次次都有點唔同，唔同枱，唔同人數又有點唔同。我地今次有雞，蜆，蝦，蟹，魚，鮑魚，蠔，牛丸，牛肉...不能盡錄😝我地係食雞鮮，d雞可以唔點醬汁食都好好味，而且肉又唔鞋😌依度既海鮮好新鮮因為d蝦上左枱都仲跳下跳下～D鮑魚，蟹同魚都好鮮味，因為同枱有人平時唔食魚都食幾舊😋食到尾就加飯落去煲粥，因為d粥係用飯煲，所以好綿👍🏻可惜最特別的粥我掛住食唔記得影相😓唯有俾伴粥既油炸鬼你地睇下啦😆總括黎講都唔差，不過有朋友第一次黎，佢問點解無菜既？哈哈，要問問店主lu～

好好彩地一星期前打左去訂位！ 因為知道常常爆場！ 一坐低，呀姐即刻好快手地上菜呢到勝在食飯唔駛用腦，由餐廳安每日新鮮既海鮮！呢個價錢確實超值！有新鮮既蟹， 蟹味令湯底更鮮！唔知點解影像 upload 上黎blur左但都睇到牛肉好正！ 起晒雪花！當日仲有蠔！ 百幾蚊真係抵到喊！其他火鍋配料，如丸呀，魚等都十分好味！ 絕對不會將貨就價最後粥底綿綿，今次家庭聚會大家都十分十分滿意！

粥底火鍋據聞源自廣東順德，以粥水為火鍋湯底，打完邊爐過後加入米糊及配料成煮成粥作結尾。係香港貌似唔米咁多同類店鋪。今次放工收野就去左吃最後一輪。環境：地方唔算大，但係有兩個鋪面，一個街頭一個結尾。要小心行冤枉路。舖內好多座位，略為有少少逼夾。味道：火鍋注重食材和湯底。食材方面都幾新鮮，蝦都仲跳緊。以呢個價錢黎講，食材算得上有誠意。湯底方面就唔洗講，粥底好清淡。吃到尾先最正。服務：工作人員都好nice，成日主動幫手熝野。以每人198黎講，確實唔錯。最衰唔收卡，差D唔夠錢走

朋友加了薪, 說這許多年多虧有我這老友幫她解困,她才沒有離開公司, 亦沒有這次滿意的加薪幅度為表謝意, 她說要請我吃晚飯~好吧, 見她這麼有誠意, 我就不客氣啦!早前在雜誌看到聚滿坊, 看到有新鮮的海鮮已口水直流了所以就訂好位子, 來這裡大吃一餐!店子位於佐敦, 人流非常非常多, 一條街竟然有三間鋪, 味道應該不錯又有保証吧!!坐下後, 發覺每枱都大約是吃着同一個套餐, 細問一下, 原來這個異常豐富的海鮮餐是按人頭來收費的, 約每位HKD 188 (另收加一), 但就有超級豐富的海鮮, 魚, 肉類(肥雞), 丸丸可吃,到最后吃完火鍋, 店子會幫你加湯變成美味又鮮甜的海鮮粥, 收費合理又不貴, 難怪每枱都點~ 先上枱是一籃蔬菜, 包括有菇類, 南瓜等等, 全部都非常新鮮, 亦可以開開胃口!接下來的分別有鮮鮑魚, 店子按人頭每人有一隻~鮑魚不用多說就是爽和超彈牙! 想更鮮的話, 可以稍為燙燙就吃, 特別喜歡鮑魚有點咬口的群邊, 中間的肉亦夠肥和厚身超好吃! 生蠔也是胖胖的, 每隻都相當肥美, 嗅一下就能聞到新鮮的蠔味在不住的滲出來~灼熟后蠔味更加豐富, 咬下去滿滿黑色的蠔精華溢出群邊都很

本人非常鐘意食海鮮，聽朋友講呢間粥底火鍋吾錯，就一於黎試下。果然都幾令我驚喜，呢度d海鮮好新鮮！款款上碟都好生猛，首先，店員建議我地先放雞，同粟米蘿蔔等材料，雞肉好快就熟，件件新鮮嫩滑！海鮮非常俾貨，上碟仲生猛到不停郁，海蝦直情就黎跳出黎咁（冇誇張到）！隻蟹好多肉，吾使點醬油都好鮮甜魚肉都好令我意外，我以為滾完會散晒，但佢不但冇散開，而且仲好彈牙，吾錯！不得不提個鮑魚，非常新鮮，見到佢上碟果時不停郁，就已經流晒口水，果然非常鮮美！其他食物都非常滿意！呢度係二人分量，都只係四百零蚊，好抵！最後食晒海鮮之後，店員會幫你煮粥，混合埋南瓜同葱粒，再加埋油炸鬼，煮完碗粥軟棉棉，南瓜又甜，正！食完真係要捧住個肚走！😋😋

媽媽愛吃火爐，所以近日我們經常在家打邊爐，而每次她都會買大量新鮮海鮮回家給我吃，令我感到非常幸福，不過，我就是一個容易上火的人，吃了火爐後，很快就會喉嚨痛，所以，每次也不能盡情的大吃大喝。與朋友訴苦時，她介紹我到以粥底做火湯底的聚滿坊試試，除了因為粥底不易上火，還有就是海鮮的精華會滲到粥底，能與粥底快速融合，加入綿綿的米糊，便成為海鮮粥。 由於知道這家私房菜館食客多，所以我已經一早預約，630pm 趕過到，店內已經有不少食客，我們點的海鮮餐是按人頭收費，每位$188 (另加一)，當中包括約11款食物。 第一款送上來是雞脾肉，店員還表示雞肉耐熱，可先用來放湯，個人認為雞件肥瘦適中，就是用來放湯，湯底亦不會有厚厚的肥油出現，就是用大火慢烘，肉質依然能保持嫰滑，不會變得粗糙，入口啖啖食， 非常好吃。 鯪魚滑相信是手打吧，因為魚肉感覺挺結實，放湯時不會鬆散，味道挺鮮甜，口感亦夠彈牙。 魚蛋及黑椒牛丸的味道超讚，兩款都非常彈牙及爽口，黑椒牛丸入口惹味，味道亦不會很鹹，而魚蛋非常雪白，味道鮮爽，帶有海鮮甜味。 海蝦size 真的超級大隻，而且蝦頭更有蝦膏，感覺上非常新鮮，蝦肉入口結實，味道鮮師而

等咗咁耐終於有機會嚟試吓呢間「頂級過分良心食店」！每位$188食材劃一，粥底火鍋連十多款生料，唔駛煩惱要點D咩！亦預計咗每人嘅份量，唔怕叫得過多！用粥作為湯底，但今次嘅粥係冇米粥，係呢度就連湯底亦都唔需要諗，因為只係得呢款！老闆話佢哋用嘅係順德油粘大米，可以令粥底更有米香同潤滑。粥底係將米磨碎之後加水攪拌煮成粥，而唔加米嘅原因係怕米煮得耐會燒焦窩底，同影響湯粥底嘅稀稠度。侍應一口氣將所有火鍋配料上枱，場面壯觀到一時都唔識反應，火鍋配料有鮑魚、花蟹、大蝦、蠔、大蜆、肥牛、倉魚、鮮魷、滑雞，粟米、南瓜片.........一開始我哋將雞同粟米全都放落去，因為可以煮較長時間！打邊爐丸類當然唔少得啦！牛丸、魚蛋........鮑魚極之新鮮，新鮮到放落鍋都仲郁緊！鮑魚十分鮮甜爽口！海鮮嘅種類都有幾多！蠔、大蜆、鮮魷！鮮魷都十分彈牙！倉魚肉質嫩滑！侍應放落枱時，我好奇問係咩！侍應話係蝦，怕佢跳出來所以蓋住！我心諗有冇咁誇張呀，點知一開諗住影相時，隻蝦真係跳咗出嚟！蝦算不上好大隻，不過就好新鮮、鮮甜爽口彈牙！肥牛只要輕輕灼幾下就可以！肥美而且肉味濃！米飯終於出場喇！最精彩嘅部份嚟喇！一次過將花蟹同蘿蔔

聽過好多次粥底火鍋，今次終於食到，全部海鮮超級新鮮呀！海鮮有蝦、蟹、貝殼、蠔、賴尿蝦，全部上碟果時都仲識郁架證明真係勁新鮮！條魚都好新鮮，煮完都好滑，平時對魚麻麻都要讚下佢Close up下d賴尿蝦同蝦先，真係新鮮到會彈出黎架😂😂要搵個碟蓋住佢除左海鮮，仲有雞同其他蔬菜，例如粟米、南瓜，雞好滑，南瓜同粟米都好甜！打完個邊爐，最後當然就是煮成一鍋好甜既粥，有晒所有火鍋料既精華，正好甜！

當天明明book左8:30佐敦7位 , 去到攞位話無資料指左我去街尾果間 , 街尾果間就有資料但話係街頭果間先啱 , 再行返去街頭果間就話真係冇資料而且冇晒位架啦 , 叫返我去街尾果位問清楚 , 去到街尾果間再問 , 佢就叫我去返街頭果間先佢會幫我同佢d同事溝通 , 去到後有個態度極差的女服務竟然說 "羅小姐就冇 , 陳小姐就有 , 你要唔要呀" , 真係比佢吹漲 , 最後街尾話幫我地同同事溝通果個男仔同我講 , 尖沙咀有位你地去唔去.........真係無言

平時各有各忙，今日终於夾到7点可以同太座一齊食晚飯。係文蔚街内左搵右問先来到聚滿坊，入面幾乎坐滿人。如果冇book位，真係只可以望門輕嘆 坐定後，就望吓隔離左右食咩，我地照樣order左個餐。套餐有鮑魚、瀨尿蝦、基圍蝦、花蟹、生蠔、鲮魚肉同黃立倉等等。睇落樣樣新鲜，蝦同蟹仲郁郁吓 除左食材新鲜，店員態度友善又熱心，係適當時候仲會過來提醒你邊樣熟可以食先。而當你食得八八九九時，店員又會來加粥膽，用之前既海鮮粥底加入花蟹，煮出来嘅粥是非常鮮甜 這個二人套餐看落份量不多，但吃埋碗粥後就岩岩好。外邊粥底火鍋有好多，但吃到有咁新鲜的食材確係唔多，加上價錢適中，不妨一試！

慶祝朋友生日 今次揀左粥底火鍋試下用料新鮮 最後食到一煲好鮮味既粥一問之下火鍋海鮮用料全部都係老闆下午去搵返黎保證上枱既時候都仲係好生猛好新鮮我諗呢個口碑同堅持係客似雲來既原因服務方面，店員周不時都會提醒我地邊樣熟已經食得，邊樣食先會好啲，全程跟進價錢方面， 係物有所值雖然佐敦店唔近港鐵站但有機會都會黎返尋味

 人生第一次食粥底火鍋，有d期待，因為其實都係臨時臨急決定去食，打去book位都怕無位，但估唔到仲有位，附近都有好多類似既野食，位置比較辟，係d巷尾到，揾都揾左一陣，好彩無遲到，餐廳係無餐牌，視乎當日有咩而俾咩你，所以你入到去坐底咩都唔使講等一陣就有野食，價錢就係$188@1再加一，有11樣野食，大部份都係海鮮，以下係二人份量一坐底就已經有煲粥水係到，不過我覺得唔夠結，無左綠完之後d野食有層漿個種口感，因為呢個都係粥底火鍋既特色黎嫁嘛首先就落左d雞同粟米蘿蔔落去，令到個粥底甜d，油炸鬼浸完d粥水食好開胃海鮮就有呢幾樣，全部都好新鮮！其實仲有蝦，不過太新鮮驚佢跳出黎所以用隻碟壓住，蝦肉又彈牙又大隻，不過魷魚就少左d，每人得一片同一隻腳，不過又有蠔，鮑魚，蟹同一條黃立倉所以都幾吸引而肉類除左頭先隻雞之外就有呢d，肥牛有牛味，唔會太肥，丸無乜特別，肉類比較少，可能一陣d水要用黎煲粥，所以唔會有太多肉，因為d肉會令到d水變濁到最後就係重頭戲煲粥啦！因為掛住食無影到個過程，臨煲粥之前都見到好多綠完肥牛個d啡色泡係到，原來店員會幫你筆走佢先，咁都安心d，首先放d南瓜落去煮淋佢先，之後就落個粥膽，最

去了上年歐錦棠推介既「頂級過分良心食店」聚滿坊，當到達佐敦分店時，店員就帶我們到隔條街的分店，不過openrice就沒有資料。每位$188加一，劃一食材，按人數配份量，不是任食。 先來隻鮮雞腿放進清湯底，可吃或當淆湯之用。 新鮮肥美的生蠔、蜆 花蟹即劏即上檯，新鮮到仲想爬爬走。超大隻海蝦、瀨尿蝦，生猛得彈彈跳，應該是剛從水缸剛撈上來。 新鮮鮑魚 原條黃鱲䱽 除了海鮮，不少得火鍋的好朋友 肥牛，色澤鮮紅，味道不錯。 還有鯪魚滑、白魚蛋、黑椒牛丸。黑椒牛丸有粒粒黑椒在其中，肉質彈牙又惹味。 白魚蛋入口很爽口彈牙，沒有腥味，味道很不錯，相當有驚喜，吃了很多，哈哈。 第一次火鍋吃到這麼大隻的新鮮海蝦，肉質鮮甜彈牙，沾一沾豉油更添鮮味。 還有頭一次品嚐鮮鮑魚作火鍋配料，鮑魚又是爽口帶點煙韌。 雖然「粥底火鍋 」，但今次湯底一開始無米粒，原來是擔心米煮得耐會燒焦窩底，以及影響湯底稀稠度。就等到最後完成全部火鍋 料，店員就拿出「有米粥」、可以加入南瓜片，最後就按自己喜好加入蔥花、油炸鬼。粥鮮味不算太濃，是因為途中叫店員加水加太多所致，有點美中不足。 約$200有花蟹、鮑魚、大隻海蝦、瀨尿蝦等新鮮的食

好友3月頭已經book左呢間粥底火鍋慶祝我生日我地係柯士甸西鐵落左車，行10mins左右就到，我地係新舖, 環境好光猛, 不過我覺得坐得有d逼..呢到係無餐牌, 得海鮮set,我地6個人, 佢就比6個人份量比我地,海鮮係每日不同款, 不過一定係新鮮...今晚有蝦，花蟹，倉魚，鮑魚，蜆，魷魚，蠔，白雪蛋, 黑椒牛丸，鯪魚肉，雞肉，南瓜，粟米同炸兩...牛肉色澤好靚, 夠紅又無乜筋,塊塊都薄切, 所以好快就熟,份量都多, 每人分到3,4塊, 有肉味...份量應該有全隻雞,雞肉好嫩好滑, 無雪藏味~白魚蛋好彈牙, 牛丸好濃黑椒味,不過我鐘意一粒粒多過切開左...鯪魚肉有2大嚿, 吃得出係手打, 熟左之後好軟, 好香, 好易入口~第一次用倉魚打邊爐,估唔到咁鮮甜, 而且唔算多骨...鮑魚洗得好乾淨, 無泥,而且仲識郁, 待應教淥4分鐘就得,果然好爽口, 一d都唔韌...d蝦好大隻, 每人有2-3隻,好新鮮, 由於d蝦仲識跳跳窄,所以要用隻碟蓋住佢~魷魚塊塊都好白淨,而且大大塊, 最鐘意睇住佢變彎曲~d蜆每人分到2-3粒,粒粒都好鮮同爽口, 又無沙~一碗有8隻蠔, 隻隻都有手掌咁大隻,待應教淥6