聚滿居

营业中

休息中

今日難得Off 又早起🤣 同下屋企人去飲茶！聚滿居前排裝修完，好似琴日先開翻！食茶餐廳早餐食到悶，難得屋企人又off，一於去飲茶，一黎到門口，佢門口個牌轉佐，感覺醒神佐，之前d食物起真係超級慢！估唔到今日d食物黎得好快！鳳爪好入味叫佐2碟之後再安call😍仲有我最愛既炸雲吞。好脆其他食物都唔錯，唯一一般既係個腸粉，太粉，口感無咁好！好好味既鳳爪

樓下得一千零一間既中式酒樓，前身叫「裕滿人家」，年頭裝修同改左名叫「聚滿居」，班底望落無咩點變。清心白肺湯：熱辣辣，不過吾夠味，似滾湯多，用左豬肺、豬腱肉提鮮，不過湯揸吾多，好似飲水咁。白灼生蝦 🦐： 蝦某部份新鮮彈牙，有咬口， 有好幾隻焾曬似死左好耐都照煮咁😝燒乳鴿🐦： 炸得好乾身，吾蘸話鹽 🧂都夠味，吾會有滴油情況，好香好脆口。花菇扣鵝掌：花🍄大大舊有睇頭，鵝掌好焾身好易LUN，生菜🥬爽脆佈滿鮑汁，好味。蒸壽包：大大個，每次都當甜品咁另叫，蓮蓉餡滿滿又吾太甜，很可以。食飽之後有糖水送，有紅豆沙/麥米粥，麥米的口感，少許彈牙煙韌。花生煮得又焾又香，糖水不太甜，剛剛到位。吃了一碗後精神就為之一振，暖身又暖胃。總結：屋村酒樓都係咁上下質素 中規中矩壽包是必點

我家樓下一千零一間酒樓剛又轉為聚滿居，內裡的人和事跟舊的裕滿人家也差不多，不知是轉手定轉名了！有時飲茶癮起亦會去幫襯的，像這天便跟車爸爸來嘆下午茶囉！ 跟以往的格局一模一樣的聚滿居只是門面轉了這招牌，其實只做了些翻新感覺上沒有太大分別！ 車爸爸很喜歡吃鮮蝦炸雲吞＄24當然要點過佢食啦！雲吞皮夠脆口唔會油淋淋，餡料不算豐盛但勝在新鮮。 而蠔皇鮮竹卷＄24.8就十分飽滿口感超好，炆至入味非常好味道。 我飲茶最愛吮腳趾所以豉汁蒸鳳爪＄20.8必點！醬汁調得恰到好處鳳爪夠淋之餘還富咬口合格有餘！ 這籠潮州蒸粉果＄15.8就麻麻哋皮好厚重，可幸的是餡料算好味道实有齊花生沙葛等材料，平平哋填肚不錯嘅！ 我從小至大都是魚肚的忠心粉絲，由雞札、綿花雞到百花釀魚肚也不會放過！百花釀魚肚份量很足以下午茶＄30.8價錢來說頗合理。 最後有可以不吃的香茜叉燒腸＄24.8，肯定是翻熱的貨色比叮叮的出品口感更差！！ 上一手的薑汁糕＄20.8十分好吃見仍然有得吃這天亦點來嚐一嚐，口感味道幾乎一模一樣的好吃，好肯定是出自同一師傅手筆。

雖然名字不同了，但是內裏裝潢、餐牌、以及店員，好像都與之前的譽滿人家差不多。新開的午市時間，都有不少人來。牛展可以看到大大碟，非常之多薄片的牛展，加點酸醋味道就更加好。但有次，不知是否急於拿來，都未完全解凍，還有輕微雪氣，真誇張。這兒的燒味，質素反而比較好。例如燒肉，是五層半肥瘦相間，不會太肥，但有不會瘦到痴牙。雞亦都很入味，但是我不會太鹹，亦都不是整碟雞胸肉的給你。茶，亦都以這邊的比較濃香，比起富東的酒樓更香更濃。但是，坐在最入面，有時會比較焗。

提前母親節慶祝，一行十三人。點了3668全包宴。上菜沙律大蝦。蝦係熱既，不突止。有d梅梅地。之後d菜一菜一齊黎晒。其間個樓面好似趕收工咁。係咁塞晒d野上枱。到個翅，頂硬既。跟本就未夠身既。跟住d其他野無味既。後黎個糖水同桃包都黎埋。個樓面夠膽死想連e兩樣野都塞埋上枱。跟本我地成枱野碟碟都未食到一半。我問個樓面係唔係好趕住收工？定係我地阻住你？跟住佢黑面走開左。到我地食到咁上下都未見有人執枱。桃包自己上。後尾叫個樓面畢糖水分比我地。就大大聲聲話畢囉！成枱人比個樓面激到滾晒。最尾個樓面連個果盆都冇上比我地。全包宴係裡面包埋有果盆。不過圍菜都有d野係幾好既。條魚蒸得好。燒豬、燒雞都好香口夠脆。其他廚房野就好差。最差係個樓面d態度！平時飲茶、晚飯都有上開去既。點知叫親戚朋友上去食就出事。個樓面真係不知所謂。以前舊鋪都知佢衰架啦！一有唔滿意就掉爛晒d碗碟落下欄盆。嘈死。一個樓面影響晒成間酒樓。其他樓面都好好只係佢咁差

這間酒樓前身是 "裕滿人家" , 現在也是同一集團, 改名為 "聚滿居" 聽他們說, 裝修比起之前靚了很多, 現在的柱位用了花紋牆紙, 藍色花紋玻璃的設計, 有酒店的氣派 樓面可以間2 邊場, 名有VIP room, 那個巨型LED wall , 也挺不錯, 播著菜單 , 發現性價比很高 現場免茶, 免芥, 免加一! 打破了酒樓傳統的營運方式, 不知遲些我住的附近會不會也跟風!? 我們在復活節, 即是假日, 叫了 "金裝餐皇推介" , 12 位用, 只是$1688 , 人均只是 $140 左右, 很划算! 可能要幫酒樓做宣傳吧, 所以做到咁平, 我要形容, 性價比極高! 金陵BB 豬 - 皮脆肉嫩 上湯焗珍寶大蝦球伴伊麵 - 蝦球真的大大粒, 只是感覺應該有用疏打粉處理過, 還可以, 伊麵好好味! 醬爆芹香花姿象拔蚌 - 魷魚及象拔蚌很足料, 想不到, 加了引象分 沙律盞拼黃金卷 - 這個是炸的水果卷, 不過都幾好味, 隔酒做得幾好, 不覺油膩 靚湯 - 可以分到不止 12 碗, 飲完不太覺口乾, 有很多豬肺豬骨在裡面, 好足料 欖豉蒸深海龍躉班 - 超大條, 我沒想過此價錢有龍躉,