聚興樓

营业中

休息中

午飯時間見到差不多成間舖都係學生哥，再睇睇餐牌，嘩手撕雞飯/撈麵廿幾蚊！？唔怪得咁多學生哥幫襯啦，價錢平仲有飯可以轉學生哥至愛印尼撈麵。如果唔嗌野飲都係廿幾蚊，岩晒未有經濟能力嘅學生哥，慳返午餐錢，可以有多啲零用。見咁多學生哥都食手撕雞，於是我又試下，我叫左手撕雞飯同一杯凍檸檬茶，手撕雞飯份量偏細，但都夠飽，手撕雞味道唔錯，不過偏咸，建議配飯不要配麵，否則太咸，檸檬茶無跟餐要另外嗌，沒真檸檬的，純粹檸檬茶飲品嘅味道，額外加錢都無真檸檬茶，覺得唔係好抵飲。總括齋叫一個手撕雞飯係ok的，畢竟一分錢一分貨，但想加野飲，可以食其他餐廳，加左野飲就無價錢優勢了。

聚興樓分佈唔同屋邨都有分店，而廣福街市內就有一間，行落樓下更可外賣到！點一份✨［雞絲印尼撈麵加底 +飲品］$43 雞絲分量都還可以，但調味料偏鹹；可選擇（飯或印尼麵），如叫一份印尼麵就會較少，所以要加底先剛好，但麵質較淋；易普普通通，這個價錢算貴

啖啖肉手撕雞撈麵 呢間小店唔使多講大家都應該識，佢啲雞比較咸又嚡口，同之前幾次食差好遠，真係咸到要用水浸黎食，質素下降咗，為咗客人唔好食到有腎病，希望小店正視一下。秘製雞腎一個字，鹹！

係街市買野食填肚，諗住快靚正啦，點知嗰包所謂既三寶（腸粉+魚蛋+燒賣）真係估佢唔到咁難食，魚蛋難食都多係無味唧，呢到d魚蛋發晒水，一咬散開又無味，腸粉仲恐怖，碎濕濕，爛溶溶，仲有酸臭味，係燒賣叫做好少少，趕收工都唔係比d咁既野人食啦