影片
食家推介
喺元朗附近做嘢就顺便揾下有咩食店试下，见到有人话呢间啲梅菜蒸鲩鱼几滑（虽然佢餐厅名卖烧鹅），咁就试一试佢。入面系普通茶餐厅格局，一张大圆枱可以坐4～6人，繁忙时间有机会需要同人搭枱。入舖一坐低就唔多谂直接叫梅菜蒸鲩鱼，配冻饮+$3，店员会主动问你想要咩部位，我就一定㨂鱼腩，而个餐跟例汤，当日应该系椰子鸡汤，都算够味、唔似味精汤。大约10分钟左右之后就上埋蒸鱼，睇落条鱼应该系即蒸，啲肉嘅口感系新鲜，唔似某啲餐厅一早蒸定、啲肉霉霉哋/嚡熠熠。食饭途中都有其他人叫蒸鲩鱼，可能真系呢间舖嘅招牌菜之一。
继续阅读
好食先写食评～放工番到屋企见电视播大排档，即刻忍唔住要揾间嚟食！系OpenRice见啲相都几四正，就拣呢间试下～晚餐叫小菜食，由伙记推荐开左支25年嘅青岛😂🍺🍺烧鹅叫左个下庄，非常出色！猪油渣炒通菜，识叫一定叫猪油渣！豉椒炒粒花甲，好食冇沙，但有都几只冇开口🥲想加碟炒米粉，可以自选配料帮我炒，正宗大排挡人情味🙂↕️环境干净，有电视睇👍4个𩠌加支啤酒，埋单448，留港消费之选
继续阅读
元朗聚丰烧鹅小厨嘅小炒几有镬气，而且价钱又唔贵，我同父母都钟意嚟食🥰椒盐九肚鱼 $98九肚鱼嘅外层煮得够晒香脆，椒盐嘅调味同佢配搭得好好！九肚鱼肉质鲜嫩，令人食指大动😍金菇肥牛煲 $88金菇肥牛煲非常足料，底部仲有粉丝做配菜！金菇同粉丝吸收晒酱汁嘅精华，好开胃😉豉椒炒蚬 $98炒蚬堆叠成小山，蚬肉饱满，仲完全无沙，咬落去仲即时爆汁，够晒鲜味！姬松茸嫘片炖老鸡汤 $48店家落足晒料，仲完全无味精，有妈妈嘅味道！
继续阅读
是日想食下小炒，到左朗晴邨的聚丰，呢间小炒够镬气，仲有靓烧味添。八点左右黎到，食客都几多，好几围大枱好不热闹。⭐鲮鱼赤小豆粉葛炖脊骨汤本想叫白肺汤，但卖晒🥲转叫粉葛汤，汤头浓郁鲜味，汤料煲到软腍，好好饮，可惜份量太少了，唔知有无大煲叫？⭐凉瓜炆仓鱼仓鱼好大条，肉质鲜味有咬口，酱汁调味不错，凉瓜爽口🤤⭐虾酱炒通菜大大碟菜正呀！虾酱鲜味，浓味野特别啱送饭。⭐炸大肠最后就系香口野，屋企难整嘅𩠌梗系要出街食，炸得好香脆，大肠烟韧有嚼劲，下层菠萝鲜甜，好食🤤⭐白饭大大碗热辣辣😋啲𩠌真系得，大碟又好食。
继续阅读
叫左聚丰薏味包鱼炆鸡煲（半只）小辣 ，鲍鱼炆鸡煲的鸡肉好嫩滑，味道浓郁，里面嘅鲍鱼小小只，好可爱🤣🤣微辣嘅风味啱啱好，唔会太猛。煲仔嘅热气保持住整道菜嘅温度，食落真系十分满足。蜜盏薯仔牛柳粒几香，口感柔滑，牛柳粒质感唔错，整体搭配得宜，真系饭桌上块好选择呢！甜味同牛肉嘅咸香互相衬托，感觉几家常。通菜清淡可口，口感清脆，让整餐唔至于太油腻，补充咗其他菜嘅丰富味道，食上一口都觉得清新舒服。呢道菜正正符合我对绿色蔬菜嘅需求。overall聚丰嘅环境简单舒适，好合适同朋友聚餐，值得再来试一次！
继续阅读
您可能会有兴趣的...