聚Chill

营业中

休息中

叫咗黑松露卡邦尼意粉（＄50）食得出佢係用咗忌廉嚟煮，食落都幾香忌廉味。撈匀咗個面頭嘅黑松露醬之後食落有陣淡淡嘅黑松露味。加兩蚊轉咗天使麵，食落比普通意粉會好食啲，唔會咁膩。似屋企再煮到嘅嘢，但價錢正常。環境比較狹窄， 但裝修幾有心思。上菜好快，餐牌種類亦都唔多，只係得小食同意粉 另外個小食要咗番薯條（＄25） ，食落熱辣辣，食落都有蕃薯香味，炸得夠乾身唔會成口油。個醬係沙律醬再加少少黑松露醬，丘比沙律醬味有少少蓋過黑松露味。

因為人多所以已經盡量630pm晚市開門時到達，點知都有2-3枱人早過我哋!好彩佢哋人少同埋咁啱趕得切所以唔洗等🤭我嗌咗👉🏻車仔自選意粉(牛柳粒+蝦肉+燒肉汁)👈🏻同埋👉🏻荔枝椰果梳打👈🏻意粉唔淋，好有咬口，燒肉汁好入味，可能因為我嗌牛柳粒，所以成碟係超夾!而牛柳粒唔韌，蝦肉都唔霉。食完之後唔會話好濟，係我食過嘅意粉入面性價比最高同最好食😭(偷食咗少少朋友嘅意粉，佢哋係忌廉汁配三文魚，因為材料上咁樣係應該夾味啲，但我覺得燒肉汁比忌廉汁好食!)荔枝椰果梳打，正常味，唔會話好似糖水咁甜，不過最尾啲椰果唔係幾啜到，但其實間間都係咁😂我哋仲係店入面慶祝生日，店長竟然唔收切餅費！！！！！超良心超好人😭仲幫我哋雪住同埋拎出嚟比surprise🙈十分感激!衛生真係唔錯，一隻蚊都冇

去到已經好多人排緊隊又有人等緊外賣 一間餐廳都係得兩個人 廚師同waitress 態度極好 入到去即order野食 好快就上碟招牌黑松露卡邦尼意粉黑松露味突出 同出面賣百幾蚊有得揮 難怪係招牌菜 我地再加$15配甜薯薯條 exactly係我出面西餐廳嘅水準 好感動 咁平嘅價錢食到高水準 要再去懲罰！泰式海鮮意粉其實食落第一啖無乜味道 但食多啖 辣式出哂嚟 估唔到意粉同thai口味又幾夾 食到碟底都幾多油 我地再加配泰式蝦餅 有三舊 薄薄嘅 但好脆好味

💛黃店💛文宣+罷工支持🎗紅橋附近好多平靚正黃店，今次試左呢間抵食意粉🍝店鋪位置唔多要預多少少時間黎等位啊⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🍝 白酒忌廉汁帶子意粉伴蟹籽($52)今次我轉左天使麵(+$2), 因為我中意幼身d既🤤意粉軟硬度適中，醬汁夠哂creamy💕但就冇咩白酒味😆餸方面都好足料，有滿滿既蟹籽😍🍠黑松露蛋黃醬蕃薯條 ($25)蕃薯條外脆內軟，面頭仲有啲砂糖甜甜地咁🥰加埋蛋黃醬真係食到停唔到口啊🤓超推介！.🔸評分: 8.5/10💰人均消費: $50-$100

鋪面不大，估計最多可容納二十人左右。二人作業，一個人睇樓面 一個人煮食，辛苦哂！叫左一個黑松露醬卡邦尼意粉、泰式海鮮炒意粉，加半份炸蝦餅個汁夠杰身，掛到上個麵到。黑松露味唔太濃，冇蓋過本身個汁既味少少酸酸辣辣，真係幾有泰式香味炸蝦餅面頭有麵包糠，比一般蝦餅有特式

由於餐廳比較細同座位少，所以需要等位，而當日晚市都只係等10-15分鐘左右。餐廳嘅防疫措施做得好全面，由入去餐廳前要量體溫，亦有酒精搓手液。餐廳的每一張枱都有酒精搓手液供食客作消毒用。————————————————— 📍食物&不專業食評：1️⃣招牌黑松露卡邦尼意粉 $50 意粉軟硬適中，而黑松露亦都冇搶走卡邦尼汁嘅味道，味道啱啱好，成個意粉食完都唔會覺得膩，份量都好足夠！2️⃣牛油炒蘆筍 $25 炒蘆筍都嫩，唔會有渣。食落好香黑椒味，但略嫌有啲油！3️⃣炸蕃薯條配黑松露蛋黃醬 $25 真係好鍾意食呢個炸蕃薯條，上到嚟熱辣辣，炸得好脆好香又唔會油，25蚊嚟講都真係幾多！而黑松露蛋黃醬同炸蕃薯條都好夾，唔夠醬仲可以同店員講有得加醬！🧡感謝用心睇到呢度嘅你地🧡

支持良心小店之日常～聚chill係飯堂之一，而且差不多次次黎都會食炸番薯條配黑松露醬，但呢次先知原來唔夠醬可以再加！因為店員講炸番薯條甜甜地又唔算成日見,值得試架意粉今次揀日式燒汁牛柳粒意粉同蒜香蝦意粉，各$48 咋！真係好抵！燒汁牛柳粒個汁好夾同比較濃味，蒜香蝦D蒜好搶疫情期間枱與枱中間用易拉夾隔住，都幾聰明！每枱枱面/後面都有酒精搓手液同紙巾，做得好足！通常黎都要等下位，有時都會拎定盒黎買外面返去食另外，見到呢間有參加良心飯劵呀

開到0000 適合一眾打工人士夜晚去到紅橋又唔想食甜品 正餐嘅話可以埋黎呢邊小食同樣吸引 係飯前飯後口痕/同朋友傾偈嘅好地方 📔黃店 聚Chill 6-9月有罷士參與遊行———————————————————1.炸蕃條薯配黑松露蛋黃醬🍠 ($25)炸得香脆 份量慷慨 二十幾蚊有咁多仲有薯條至愛嘅黑松露蛋黃醬🥰 抵食！平時蕃薯條唔係我杯茶 但佢炸得好 所以好味！味道：🌖 (評分：正🌕🌖🌗🌘🌑不了).2.西柚檸檬梳打🍋($18)西柚汁同肉都有 十分足料 唔會太甜雖然飲品只得散嗌 但特色飲品係唔錯嘅😀味道：🌖 (評分：正🌕🌖🌗🌘🌑不了).📒✍🏾整體分數：7/10🤓⛅️

中午經過附近，一個人諗緊食乜好。見到呢間食意粉好似唔錯，入去試下啦。小店餐牌選擇唔多，最後我揀咗個招牌黑松露卡邦尼意粉 加配 香辣雞翼。香辣雞翼，啱啱整好熱辣辣，配埋酸辣醬超正。招牌黑松露卡邦尼意粉，意粉煮得啱啱好，個汁都教得唔錯，加埋上面黑松露一流。💛

心血來潮行到紅橋附近搵野食，見到menu幾吸引、價錢又ok就拎籌等下位咁，等左大概15分鐘就有位，比想像中快！✅ 店內有紙巾、消毒搓手液提供✅ 服務ok✅ 上菜速度快，食物新鮮熱辣辣，抵讚👍🏻👍🏻👍🏻🔸 希望抹枱方面可以再仔細d，畢竟現在疫症橫行🔸 裝修幾靚，本menu都可以再設計得吸引d🔸 炸雲吞加張吸油紙再上碟會好d🔸 希望下次食到今次食唔到嘅雞翼整體嚟緊，係誠意小店，絕對有下次的！！！！！

晚市常見聚滿客人在Chill，特意自己早一點來買個外賣回家Chill。沉綠色門面招牌，加墨綠油漆牆身，感覺很沉重。是故天花、地面及燈光必須用柔和系顏色材料，做一點激烈對比，舒緩客人視覺感受，讓客人座得輕鬆點Chill一下。舖面位置不大，約廿個位置，落地玻璃，街上行人清楚食客景象。這個格局，我們叫做聚籠效應，當舖子愈旺場會更旺場，當舖子愈冷清只會更冷清。這兒晚上經常座無虛席，我就是這樣被吸引來的。餐牌沒太多修飾設計，只賣七款意粉，一目了然。經營者也不陳腔濫調，也懶得使用任何形容詞，食物只說汁醬+主食材+意粉。賣的是口碑，有自信，深信客人會重來。招牌黑松露卡邦尼意粉。 卡邦尼有很多做法，家家廚師所用比例略有輕重。意大利地區會用上較多芝士，香港則奶較多，還有些會加上蛋汁。這個汁是香港做法，制作意粉時間準繩正確，不軟微硬。打開外賣盒，賣相漂亮，在意粉上灑下香草，中間點綴一小圓黑松露醬。芝士奶醬有點稀稠，可能經過一段時間外賣回家，汁醬沒包實意粉，墮落在盒下。吃前需要攪勻，口感正常如飲濃滑芝士奶醬，未到頂級水準，但這超值價格來評水準高上。照燒汁牛柳粒意粉。爆香蒜蓉青椒加入牛柳粒快炒，半熟後再加照燒

2019-11-30通常黎到紅橋，都係想食米線。次次經過呢間舖都無試過，今日去到見到有位就試下。叫左個泰式蝦餅，卡邦尼同埋泰式海鮮意粉，我個仔超鍾意食卡邦尼，我自己就整唔到呢隻咁香濃嘅卡邦尼，如果同小朋友食唔夠既話，可以加$10加底。我個泰式海鮮意粉，有粒青檸響上邊，支少少青檸汁，好清新，意粉食落又唔會覺得膩。個泰式魚餅有少少辣同埋冬陰功味，好香口。雖然我見到小店係得兩個人，但係我最希望，呢度可以有即沖嘅奶茶同埋檸檬茶。

同兩個朋友仔聚會食餐便飯💕今時今日出去食餐飯都要唸過度過🙄又要唸食邊間先符合經濟效益又要唸食咩好😂😂最後揀左呢間👇舖仔細細性價比非常高點解我見到個門面黃色既🤔唔算好多人不過都要等而家食飯預左要等👍過年期間黎食有揮春同海報放外面枱仔俾同路人❤️點解新年食過哂年先post？🙄er... 係我懶😂唔好意思😜呢杯野好好飲但已經唔記得個名相信你睇到餐牌會估到😅蝦餅香脆好味👍👍雞翼尖就個人認為普通啲😚佢係冷盤咁我就鍾意食熱既甜酸醬咁上下味意粉同寛條麵都好好食餐牌仲有好幾款相信都唔錯👍最後呢張睇到少少款式不過真係唔記得左影餐牌😭又係我呀掛住食囉😪

閒日夜晚七點幾來到，要等一陣間位。餐廳比較細，但都坐得舒服唔會太窄。裝修簡潔乾淨，木色為主。樓面得一個人，但侍應細心有禮貌。叫咗一個帶子蟹子白汁意粉同埋蒜蓉辣椒蝦意粉，加一個番薯薯條。佢啲意粉煮得啱啱好，唔會太硬，唔會太軟。蒜蓉辣椒蝦意粉少少辣，仲有炸乾蔥炸蒜喺面，幾香口。帶子蟹子白汁意粉，夠味好食。大推番薯薯條，新鮮炸起，外脆內軟。好有番薯味，面頭灑左啲糖，加埋黑松露蛋黃醬，好夾好好食，仲要淨係二十幾蚊！抵！意粉每碟大概50，抵食吖。會再幫襯。

雖然地方少少，但有意想不到的食物意粉我最喜愛的是 蒜蓉辣椒蝦意粉，一碟的份量也不少， 看似平平無奇，吃起來別有一番心風味還有這個自家製茄汁蜆肉意粉，超好味這間現時也會很多人排隊要等好吃意粉就要排隊吃了