聯合書院學生膳堂

营业中

休息中

見到上新就試下，平時食開沙律🥗磨菇飯/咖哩飯🍛，前面三樣都ok嘅幾好食，今日呢個炒飯真係好失望😭😭😭味道方面冇咩冬陰功味，我frd話味道少少膠，同埋我覺得有啲油，都冇食曬，海鮮都唔多，唔算好飽😭😭

開心軒除咗有普通嘅炒粉麵飯，仲有兩大個雪櫃擺咗形形式式嘅蛋糕，全部都係$28件，因為之前未試過carrot cake，所以買嚟試試，另外仲有荔枝玫瑰芝士蛋糕🤩雖然知道蘿蔔蛋糕會落肉桂粉，但肉桂味真係超重，而且因為有合核同蘿蔔絲(?)，食落口感比較粗、好似能量棒😂仲要有成4層疊埋一齊，中間夾住嘅frosting都幾厚，所以吃下吃下真係會好飽🙈而且因為只係食得出肉桂，成個口都會變成同一種味💩但比我想像中濕潤，如果想試可以直接當正餐😆芝士蛋糕表面有層荔枝啫喱，食落有啲Lady M嘅味道🤣忌廉芝士部分超綿滑，好似完全唔洗咬，中間夾咗啲手指餅，應該冇點咩汁(E.g. Tiramisu會點咖啡)，但都可以同cream cheese融為一體，唔會特別乾👍🏻底層嘅牛油消化餅都係一咬就化開，所以成個蛋糕食得好爽😛

👩🏻‍❤️‍👨🏻：⭐️⭐️⭐️話說可以喺中大泊車，喺附近睇完樓好肚餓成日唔食飯，原來新亞can冇開，無敵嘅吉列豬扒薯條下次見啦。去咗隔離聯合can，隨便嗌咗兩樣，賣相又好，味道都好好！最緊要抵食！👰🏻‍♀️肥牛酸辣米線🤵🏻‍♂️雞扒台式肉燥飯IG@eateat.couple #lunch #CUHK #canteen #hkfood #hkfoodie #foodhk #hkfoodies #hkfoodblogger #foodblogger #igblogger #hkblogger #hkkol #hkigblogger #hkfoodlover #kolhk #foodbloggerhk #foodig #hkigfood

自從新亞can 摺埋，山上沒有好東西吃，只淨下 UC Can。呢排 UC can 最受歡迎 即炒粉麵飯。觀感都不錯，一入口飯系軟熟，但再食落去鹹味開始浮現出來，同埋有少少燶味。食埋今次，冇下次。

今日返左學校同朋友聚舊，買左個紅莓芝士蛋糕。溫度夠凍，所以質都相對都足夠挺身。不過藍莓可能因為唔係時令，酸左少少，而個餡有少少冰左好耐既味道，不過同朋友傾幾句又食一啖，食一啖又傾幾句咁，都唔錯既環境唔錯好舒服，空間好大，同朋友傾計敍舊一流

大大份的公司三文治當下午茶好正竟然是用三片多士夾起來配料有炒蛋、番茄、小黃瓜和火腿，再擠上沙拉醬味道還算可以，多士有烘過，現點現做熱熱的很新鮮價格又划算，吃得過！

uccan肉餅飯真係好好食！媲美出面嘅餐廳～只售24蚊嘅雙餸飯，肉餅鮮嫩可口，入口即化，厚度適中，咬落去肉汁豐富。當然要做到咁軟稔嘅口感，肥瘦肉比例可能達至六四，好邪惡！佢好食地方在於控制火候剛剛好，唔會好硬、鬆散。最怕又乾又實嘅肉餅，拿捏得精準絕非易事。鹹香肉餅、配上鮮甜爽脆嘅粟米，撈埋白飯，聯合味道😙仲有馬蹄、小魚乾同鹹蛋都好正！呢個餸絕對令我念念不忘！聽講有d人會嗌三個餸都係肉餅🤣🤣🤣🤣

四年的回憶😋作為聯合書院學生，UC can 是我的回憶。 以前經常去吃。 平時最常吃下午茶，價格相宜👍🏻最推薦魚柳配薯角！晚餐都有特色飯餸，雙餸飯是最受學生歡迎，每天菜色都不同🍱🍝🌮，另外還有肉躁飯，酸辣湯面，韓式部隊鍋🍜👍🏻👍🏻

幾番易手，UC can 一直照顧着UC宿生的五臟廟，實在是充滿回憶的地方。這一手的UC can 一直都嘗試追上潮流的腳步，屢有新品，推陳出新，例如 🇹🇼 台式肉燥飯和 🇰🇷 韓式部隊鍋。個人推介其公司三文治，麵包經焊底後脆口，且用料豐富，份量十足。另一心水為 🇹🇭 泰式芝心手打雞肉漢堡，此漢堡肉質層次分明，頗有肉味，而且內有乾坤，其芝心可謂畫龍點睛，加上泰式辣醬，完美配搭，另人食指大動！不過UC Can 亦非冇伏，有時推出的新菜式味道令人不敢恭維。不過，整體來說，持續進步，值得表揚！

餐廳：聯合書院學生膳堂 (沙田)地址：沙田香港中文大學聯合書院張祝珊師生康樂中心地下聯合書院嘅學生膳堂又名UC Can，以前排戲嘅時候都會成日去食🤓晚上咁啱同朋友一齊食飯，去返好耐冇去嘅UC Can食飯先知原來出咗好多新嘅嘢食👍🏾不過一如既往嘅問題就係：拎嘢食嘅時候要非常小心個托盤好滑，食物好容易就會滑走😂🙈我都差啲賴嘢💩好彩無事咖喱雞扒併餃子飯($32)雞扒稍為調味過之後就拎去戰煎，雞扒唔算大塊，但係都尚有雞味（因為好老實講有時候有啲雞扒都唔知係來自邊度，而且好似雪藏過好耐左拎返出嚟咁），餃子有兩隻，都仲係脆嘅，食到入面啲餡係豬肉。咖喱唔辣，適合鍾意食咖喱但係唔食得辣嘅人～

有時要去中大山上面上堂 所以就黎食左幾次uc can真心覺得宜家uc can既質素高左好多每次到lunch time都一定坐滿晒人推薦雙餸飯同埋台式肉燥飯雙餸飯$24 想飲野加$2-$4左右 如果配老火湯仲唔洗錢 湯係唔錯既 肉燥飯就比雙餸飯貴少少但絕對抵食 如果想食麵都可以簡酸辣米線 辣度適中Uc can 宜家仲增設台式飲品 雖然芝士奶蓋我就覺得一般 但茶既味道香濃 而且價錢比出面平好多一定要試！最後要提既係入面啲姐姐好nice 去左幾次可以同佢打下招呼架

身為一個聯合書院既學生，緊係要試下UC can！雖然Uc can有好多款野食，間唔中仲會有新品，例如日式拉麵，韓式石頭鍋飯，但係要數最好食既一定係雙餸飯！每日都有四款比你揀，通常其中一個會係菜，仲送埋湯。好有家既味道！

自從轉左手之後書院嘅 Canteen嘢食quality都上升左唔少 仲加入左唔同嘅台式手調飲品平均都係10幾蚊到20幾蚊 今次試咗芝士奶蓋既飲品 唔會太淡飲上去都幾啱入口

中大的canteen真係人生第一次食，今日機緣巧合之下去上堂就食左canteen。有一送飯$22，兩送$25，3送$27，飲品加2元。除左鼓油皇雞中翼我另外3個都有選！個魚香茄子 唔咸，煮得幾淋，梅子排骨就冇咩梅子味，雖然雪藏豬肉但就唔係果d勁肥既肉。個恰菜又幾好味，冇味平時食滾水煮既味。飯就偏硬。但27元3送飯食得飽已經幾唔錯了！

今日食兩餸飯，擇左茄子斑塊同梅菜肉餅，飯有好多，好飽。斑塊係炸，但好在唔油，茄子反而少過斑塊，茄子細舊但唔會一口油幾好。梅菜肉餅就好多肥肉同梅菜不多，但好軟都okay好食。