聯發小廚 (已結業)

同朋友去廟街吃小菜，叫了一碟生炒骨$78，一碟星州炒米$68，一碟椒鹽九肚魚$98.碟炒米來到簡直被嚇一跳，這是什麼東東來的，咁既樣都上得枱比客人吃，之後再上一碟九肚魚和生炒骨，生炒骨無肉味，九肚魚又難食。 叫亞姐比兩杯茶，亞姐話得滾水，跟住攞過來，話佢地最多只會比兩杯滾水，今次比個壼你自己加，簡直皇恩浩蕩，咁既服務質素咁既食物質素，香港食肆執晒都唔會再幫襯。仲有枱面有一碟唔好味既酸菜脯硬收你10元。-------埋單仲計多左錢。明明給我個菜牌寫明碟生炒骨78元，佢話碟生炒骨88元，佢自己攞另一個菜牌話是88元比我睇，幸好我張枱個菜牌仲未攞走，我話要攞番我個菜牌來睇，佢先話咁照計78元，離晒大譜。------吸引客來食飯就擺個平既菜牌出來，埋單就攞個貴既菜牌比人睇。

今日出左去廟街附近買野，突然之間好想食蠔餅，所以就去咗廟街佢有好幾間大排檔連住，我揀呢一間嘅原因係因為佢啲店員比較有禮貌d~蠔餅 炸得好鬆脆，唔會得幾隻蠔，好食👍🏻~中式牛柳 牛柳口腍，調味做得好，好食👍🏻

三個人去吃叫了煲仔飯，等了20分鐘上了兩個，另外一個一直不上，等了40分鐘才說漏單，叫我們吃炒飯。之後一直上錯菜，起碼6次。送菜的根本不知道誰叫的菜，要每張枱去問，我看著一碟菜，起碼好幾個人在上面噴過口水。叫菜管理不善，不知所謂的服務。服務員又不夠，又要在街外擺曬枱，為了減成本，所以很混亂。叫服務員跟單，根本沒空理你，自己走過去枱面問，老闆娘又黑面。煲仔飯沒什麼特別，不難吃，也不是特別好吃，燒完20分鐘，米都是濕的，之後叫了一個牛肉湯也沒有味道的，問拿胡椒粉，也是根本沒人理會。最後吃到很生氣，跟老闆娘說一個人等了40分鐘才說漏單，成肚氣，叫她打折，吃300多元，她說減10元，極度小氣和不客氣。永不再光顧，也建議不要光顧。

叫了3個煲仔飯，等了40分鐘只來了2個沒有飯焦的煲仔飯，另一個漏單，說無法補，因為這家根本不是專門做煲仔飯的店，不夠爐煲。態度差，環境差，什麼都沒有吃到。不會有下次。

冬至當天，確實有幾分寒冷。掀起煲仔飯的味道，想要一口熱辣辣的飯焦，便來到油麻地覓食。聯發小廚的姐姐熱情招呼，我們就直接坐下，要了一份潮式蠔餅和梅菜肉餅煲仔飯。店舖以人情味操作，所以有機會發生錯單。姐姐將我們的蠔餅差一點給了旁邊桌子。蠔餅份量算大，鬆軟，炸粉比較多，有蛋香，配上醬汁更好食。煲仔飯很受歡迎。下單時，姐姐已提醒要等半小時。有趣的是，煲仔飯送到時，姐姐直接幫我們加了一點豉油，說是可以吃得健康一點，然後就直接收走了豉油。但太少了，感覺反而唔夠喉。

有朋來自遠方懷念煲仔飯到廟街搵下“聯發小廚”大排檔風味還有打冷/小菜要有心理準備環境小小污糟鳳爪排骨（超多排骨肉嫩吾韌）臘腸雞飯（雞肉嫩滑多汁）特別的煲仔飯香味無得輸一定要食飯焦好耐無感受到大排檔熱鬧

油鴨脾拼白鱔煲仔飯$75 油鴨冧但可以再香啲白鱔入味但皮可以再爽脆啲（應該係部位問題 飯有啲濕 應該要焗耐啲同埋俾鐵匙羹刮飯焦（膠羹好難整豉椒炒鵝腸$88 好有穫氣 有超多鵝腸 口測有20條 連啲洋蔥同椒都好香口但少鹹同油 要送白飯食椒鹽鮮魷$88 好香 皮脆但粉多咗少少 魷魚肉較少環境少污糟 枱同餐牌有啲黏笠 但喺廟街要求唔高 可接受侍應都係啲中年至老年人 要大聲少少落單/叫佢先聽到 否則俾人會無視好多次整體而言 有進步空間 $251 我覺得可以再戰

同係外國返來探親的朋友係外面玩完,於是決定食d地道d的香港野。加上我都好耐冇去廟街食大排檔同打冷,於是就去了聯發。要讚讚這裏的幾位侍應,佢地好好服務態度,朋友話依排返香港,覺得香港餐廳的服務態度比幾年前走前差了好多。佢話好好奇,大排檔的服務居然甘好😂我自己吾覺其他餐廳差,不過依度2位大叔都好好就真。由於我仲意食豬紅,朋友仲意仲韭菜,所以依個岩晒。個豬紅好得,係我仲意的爽口口感,佢好入味,吾辣,好平但份量多,好感動。韭菜都好嫩。知我的都知我仲意海鮮和貝類食品,這個炒蜆好夠鑊氣也好"野''味炸鮮尤,吾多粉漿, good 叫左啤酒食完之後,朋友居然突然拎左個生日蛋糕出黎😂😂真係好驚喜,也無諗過大排檔俾我地搞一輪食cake🤣🤣個cake係朋友

我係叫外賣食一個花螺，一個炒硯返到去食發現花螺大隻係大隻，但係全部唔新鮮！全部死既，啲似梅哂！仲有炒硯，有1/3係無開殼！有開殼果啲，又淡而無味🤮🤮呢間野真係永久黑名單！

有日同班朋友經過附近，講起好耐冇食過打冷嘢，就行咗去廟街，諗住求其搵一間試吓，見到呢間出邊排滿晒枱，仲好多人，我哋就走咗去試🤣 結果就坐咗係一班叔叔中間🤣 我地一坐低就嗌返兩支青島啤啤佢🍻🍺估唔到佢個蠔餅咁好食！炸到好鬆脆，啲蠔仔都算新鮮👍👍滷水墨魚拼鵝片，打冷冇可能唔嗌滷水嘢，佢哋啲滷水都算幾好味，不過略嫌有少少鹹，同埋冇俾醋我哋點🙊其實我哋仲嗌左蠔仔粥，蒜蓉炒菜，椒鹽鮮魷，不過掛住食同飲啤酒，唔記得影相🤣整體食物質素其實都幾好，好有鑊氣，衛生程度就自行判斷🙊。不過食得街邊嘢，其實都係想感受返個街頭風味，周圍好熱鬧，有枱叔叔嬸嬸一齊喺度猜枚玩骰盅，好耐冇感受過呢啲咁地道同麻甩嘅vibe🤙

係廟街行左幾間餐廳，最後簡左呢間。坐左係出面位置，幾有風味。仲有提供餐前小食，花生同菜莆，菜莆有少少酸辣咁，幾開胃。上菜速度都好快，叫左無耐好快就一碟碟咁上，熱辣辣好有鑊氣。職員做野都好快手，唔洗等好耐。💟椒絲腐乳通菜感覺無乜菜葉食，好多菜莖，有腐乳味道，不過比較水，如果杰身d會更好。💟金菇粉絲肥牛煲個煲真係好保温，食到尾聲d野食仲keep到熱。味道都唔錯，仲有d菠蘿係入面tim。💟星洲炒米份量好大碟，都多料，有蝦、叉燒等等。如果重返d星洲辣味會好d。💟蒜蓉粉絲蒸鮮魷無諗到個底有粉絲，而且d鮮魷新鮮，有頭有鬚既部位，份量都唔少，配埋d蒜蓉粉絲一齊食，好正！總括黎講，係環境衛生爭d，但味道唔錯，份量多，對得起個價錢。

今日去廟街睇相😛睇完相順便喺附近搵嘢食想食小炒之餘又想食啲打冷嘅就見到呢間聯發小廚😇廟街好多舖頭都比較晏開但係呢間六點幾就開咗🙂咁佢有得坐街有得坐入面入面就對住廚房😖油煙好大所以如果唔太怕熱嘅話盡量揀室外嘅座位🤐佢都好多選擇除咗有中菜小炒都有啲打冷野🤠送咗前菜 花生豪餅好食蠔仔好大粒炸得吾粉🤤鵝片 價錢大概$100左右好大碟 都算抵食嘅🙀🙀腐乳通菜味道唔夠濃味 唔夠腐乳😿蒜蓉蒸開邊蝦啲蝦係偏細隻嘅蝦肉就唔算話好彈牙但係有我中意食既蒜蓉同埋粉絲打底撈埋就好惹味👀👀

吃完晚飯不太飽所以跟朋友來廟街吃潮州打冷。以前的廟街人來人往遊客非常多，現在整條街冷冷清清，每間餐廳也祇有約一半人客，可見疫情對香港的經濟和旅遊業有多大影響。選了這家電打冷，很久沒有坐在街邊的大排檔十分有風味。所以這家店的人客已經算是最多的一家。點了椒鹽九肚魚和 滷水拼盤。說實話有點失望，椒鹽九肚魚不太香脆，味道也比較淡，口感衹是一般。滷水拼盤的味道也衹是中規中矩，沒有太大的驚喜，真的騙騙遊客還可以，要和真正的潮州打冷店相比實在還有很遠的距離。

夜晚收工肚餓得發慌，拉埋同事食宵夜，兜去打冷較多嘅油麻地一帶，發現左呢間小廚，炒兩碟餸食個飯傾下計，一入店坐好就已備花生🥜小碟，邊等菜邊送口👉🏻沙嗲金菇粉絲肥牛煲較味非常好👍🏻個汁入味，唔會太傑身或太稀身，肥牛灼得啱啱好夠滑嫩，配埋沙嗲金菇粉絲肥牛呢個完美組合，必須叫碗飯👉🏻韭菜炒鹹肉一上碟已聞香撲鼻，食得出火喉十足，鹹肉鹹味較重，搭埋韭菜放入口，立刻中和，而且份量都唔少✍🏻其實兩味餸都好啱送啤酒🍻，今次趕住醫肚唔想咁傷胃就冇叫到，鋪頭唔算大，除衞生情況較欠皆外，送餐速度快、食物火喉同味道的確唔錯，價錢都算公道，$109埋單，總合尼講還可以，不過地面衞生及蚊滋就需多加注意些

今日有台灣既朋友黎觀光,所以我就帶佢黎廟街逛下特色既香港夜市,講真我都好小黎行,變到我同個朋友都大開眼界咁,之後緊係同佢試下香港既打冷啦,先黎個韭菜豬紅,唔夠熱韭菜又唔夠爽口只有豬紅比較正常,滷水拼盤大腸有滷得唔夠入味,魷魚就好爽口,紅腸就好一般,係個煎蠔餅夠曬熱,蛋煎得夠肥,蠔仔夠嫩滑可口,之後叫左個煲仔飯有飯蕉也夠香但無咩特色既野食,