聯發麵家

营业中

休息中

好難得有性價比咁高嘅粉麵❤️雙拼都只係$30!!!!牛筋都煮得幾腍 一碗有成5-6條牛肚都好入味嗌咗湯底走油但啲米粉仲係好滑唯一美中不足嘅就係地方比較逼但係幫襯得小店就預咗㗎啦～

好好味的小店，食左20年直得推介👍👍👍豬手及雞腳是招牌不可不吃，雲吞及牛腩都好正，河粉超滑美味，菜花食腩汁👍👍無得頂一定要加腩汁，環境就比較逼（地方不大)。

這間粉麵舖的裝潢其貌不揚，卻內藏美食。兩個人共點了四樣食物，必須承認我們的食量驚人！哈哈！椒鹽魚腩：魚腩外脆內軟，而且用椒鹽、薑、蔥炒得很香很惹味。魚皮：這是我第一次嘗試炸以外的魚皮，意外地沒有任何腥味，連同芝麻、薑絲、蔥絲和花生粒再點醬汁，入口是爽的口感。牛筋米：牛筋炆得十分入味，因為配搭了其他食物所以米粉的份量就變得稍多。如果只要一碗湯米的話，這個份量對女生而言剛剛好。鳳爪撈幼麵：南乳炆鳳爪十分入味，鹼水麵沒有浸在熱湯當中所以仍然保持硬度，美中不足的是鳳爪並沒有炆得很淋。提外話：其中一位姐姐的計算需時😹請見諒🤣

我一直都有幫襯開聯發，覺得呢度嘅水餃同牛腩真係幾唔錯，水餃夠哂大粒之餘又足料，蝦肉爽口，yummy麵條好彈牙，並非用一般全蛋麵，難得！至於牛腩又係另一款美味之作，牛腩炆得軟稔入味，牛味香濃，而且食落完全冇渣，正！牛腩嘅份量中規中矩，抵唔抵食見人見智，但呢度每晚都客滿，係有佢嘅原因嘅

次次黎親旺角諗唔到食咩都會聯發，第一呢間麵店真係開咗最少都有30年有細食到大，最緊要係咁多年佢嘅食物係冇偷工減料份量亦都係冇減少過，23蚊一碗艇仔粥多料到爆炸，通菜係要佢哋自家製嘅腐乳，食落去好香口有少少酒味，油泡田雞係即叫即整，如果你坐近門口位仲可以職場見到哥哥仔新鮮用油快速爆香田雞，一路睇住佢整一路聞到香噴噴嘅味道，仲有最緊要係所有祝都係即叫即整嘅，雲吞麵質彈牙，只有小小梘水味，同普通坊間嘅麵店唔同係佢哋嘅面係有好重嘅蛋味，平家嘅食物絕對有水準！

今天叫了一碗魚腩粥，食到一半時候發現有小強腳！諗住同阿姐講，阿姐過來看後，她竟然話 好正常！有咩問題？食物有小強腳都正常？仲話想唔俾錢而搵話題！什麼態度？食物污糟已經好有問題，仲要屈番客人不想付錢而搞事？最後放下錢走了！不會再去！態度真的有問題

聯發麵家主要賣粉麵類，在晚上6:00後便會新增粥類。店內選擇也多，有傳統的雲呑，魚蛋，牛丸，牛腩，牛筋，豬潤等，更有鳳爪，豬手可以選擇，而且價錢非常便宜。一碗粉麵只賣$24-$31不等，豬雜和牛雜較貴。牛肉米粉 $30牛肉不過不失牛筋米 $24牛筋幾爽滑 不錯油菜 $10一碟有菜心，生菜，芥蘭選擇$10一碟價錢算是非常便宜！聯發麵家可謂平價速食之選但店內的姐姐很惡，講野慢d吾清楚都被會人鬧令沒有想再去的意欲。

因為成日都會落旺角轉車返屋企…而好多時肚餓都會係旺角食D野醫下肚再返屋企食飯…聯發好多時都係我既首選！因為我個人比較鍾意食麵仲要有湯！我黎親都只會叫次炸醬麵！其他既麵類我試過就覺得麻麻！除左鳳爪！好多人叫！不過唔鍾意”倫”骨！所以從來未試過！仲有佢地個生滾粥都好多人叫！講番炸醬麵先！個炸醬汁幾好味！甜度適中！有瘦肉，亦有小小肥肉平衡下！麵就淥得軟硬適中！而且冇鹼水味！另上既湯就唔算突出！不過出品有時因應唔同師父都有小小出入！價錢就由$19加到$24,雖然味道真係唔錯，不過真係冇以前咁抵食謝謝…

下午茶時間當然到處搵野食，一經過門口聞到牛腩香，一於入黎食碗腩麵!!旺角黎講24蚊一碗真係好平!!深水埗都已經要21蚊一碗，估唔到周圍搵野食都搵到平價既驚喜腩麵多蔥，一黎到聞到好香牛腩同麻油味，啖湯夠清，但有點過咸。六舊牛腩都較厚身大件，份量唔少，雖然睇落好似好柴好乾，但食落好香腍軟身，好正麵煮得岩岩好夠彈牙，而且份量好足，又無梘水味。旺角旅遊區都有平民價既野食，而且份量同質素都錯，十分難得

星期五深宵時份。。。3時, 竟然這間小店也要等位。。有點誇張。我想理由有三: 1. 價錢親民價 2. 有幾款簡單小炒 (不是大牌檔那種) , 生滾粥, 有粉面, 夠大眾化 3.小舖人情味好! 特意前來, 心思思樣樣想試。 觀看四周, 點粥或粉面各半, 先小試牛刀, 吃一個涼菜。 薑葱魚皮($30): 有生滾鮮魚粥賣的地方, 鮮魚皮也多有保證! 不失望, 魚皮絕對爽脆! 吃得到的新鮮! 花生咸香脆口, 所點的豉油, 像老抽的深色的, 偏咸但不點不過癮! 如有芥末更佳! 連薑絲同吃, 牛筋幼面: 有點失望, 牛筋炆得諗諗的, 味道一般, 是街坊粉面貨色, 面條算爽口彈牙, 沒有留下深刻印象, 不過, 21元一碗確是抵的。這樣的老店, 應該支持! 我看其他人吃粥也大讚多料新鮮。不過衞生情況。。一般。。。

夜晚8點零9點收工又唔想番屋企煮，叫埋個fd係油麻地食野。原先想去岩手食番上次個蔥油拉麵，點知爆晒場，出面仲有幾個人排緊，即係要起碼等半個鐘，即轉場。行行下見到聯發好似唔錯，但係又係爆場，決定買外賣上個fd屋企食。我就叫左個蠔油芥蘭(十零蚊)同豬手撈麵(~$31)，落單個時因為之前想食拉麵，仲同姐姐講左幾次要豬手拉麵-0-不過姐姐幾好人，冇發我脾氣~ ~咁等左個零字就有得拎喇，一打開wow，又幾大份啵，目測比平時一般麵店多1.5倍麵，有5粒豬手係面，因為肚餓關係，即刻撈撈d汁相，都唔記得影就夾左d麵食。醬汁幾鮮甜，小小漿口，麵質彈牙，但因為醬汁關係較難撈鬆。再咬啖豬手，我個人就比較鐘意淋身嘅質感，最好就唔洗咬就可以好輕鬆整到d骨出黎個種。我覺得聯發d豬手卥得相當好，淋身，但又未至於唔洗咬個種，味道方面，卥得好入味，正!芥蘭三個字形容，爽！脆！甜！店家好細心將芥蘭分段切左，方便夾又方便食，加埋蠔油真係無得輸。

還記得小時候住在花園街的日子，門前就是雲吞粉麵檔，每天天還未發白，老板娘已經開始炆牛腩，包雲吞，當日的情境及氣味，多年來都在腦海，所以對舊式粉麵檔有種莫明的喜好。幸好香港尚有小店存在，聯發並非甚麼名牌店，但每次光顧都有七八成滿，真的有一班捧場客。豬手米炆得夠腍，但不太入味，真奇怪，忘了一句多豬手汁，吃起來味道不足。灼芥蘭「飛」蠔油，改要牛腩汁，畢竟是當造菜，芥蘭清甜又爽脆，澆上腩汁就更惹味。雖然水準一般，但小店是越來越少，實在有支持的必要。

夜晚 十二點幾突然想食下牛腩河就到呢家麵家食啦但坐底發現冇牛腩 冇河粉非常無奈😅😅只好整個雲呑麵食下雲呑麵加色( 加腩汁）再加可樂 油菜 34蚊又幾有驚喜喎 麵既口感不錯 雲吞亦足料見住門口既伯伯即場包都知應該幾新鮮既雖然冇自己想食既野 但食物質素幾好既 係環境爭小小 坐位又逼小小咁啦不過靠住傳統風味取勝😙

今日同朋友去附近擲標，選擇了去到麵家食飯。朋友叫佐個牛什河，我就叫佐個魚蛋撈麵魚蛋撈麵的豪油真係好咸，不過浸落去d湯到成碗野立刻正哂，而且佢的麵質不錯，喜歡口感的朋友可一試整體都不錯，下次會試薑蔥撈麵

呢間絕對係旺角區內最喜歡的粥店之一，但係千其唔好３個以上去食，最好自己一個去。因為超級難搵位，但今日下午去食，未有粥賣，就試一試撈麵，叫了一個牛腩撈。牛腩份量十分足十分多，牛腩好好味，又夠爽，入口即溶。其實應該叫腩筋兩溝，少左ｄ牛筋，好似有ｄ單調。而個麵就太重簡水味，我就唔係太喜歡。下次還是食返粥，魚皮同埋田雞十分之好味。