聯興潮州飯店

营业中

休息中

同學啱啱返到香港，三個朋友一齊去食打冷。記得對上一次食打冷，都係我地幾個一齊，好懷念！為左避開人潮，我地未夠六點半就黎到，仲訂咗位。野食都好快到，首先黎鹵水什拼（$60），價錢幾抵。有墨魚、紅腸、大腸、豬肉、豆腐。墨魚幾爽口，大腸好入味，豆腐軟滑，豬肉比較多脂肪。整體都好滿意！之後上左豆腐魚頭湯（$65）份量多，特別一讚係魚頭好新鮮！.蠔仔餅（$68）啱啱炸好，好脆！而且唔會覺得好重麵粉味。可惜蠔仔唔多，蠔仔餅周邊都冇咩蠔。最後黎左檸檬蒸烏頭（$100）魚肉好滑，蒸得啱啱好。檸檬味唔夠重，唔夠酸。整體呢餐好滿意，埋單$311，每人$100左右。價錢合理，食物質量都唔錯。

開夜後往上環熟食市場晚飯，食潮州菜「華興」，據悉由尚興的排老二的兄弟主理古祖味濃又美味，全場幾乎坐滿，不過好多菜都沽清...今晚個鵝掌煲超水準，夠焾又燜得好入味~果然係必試的招牌菜。魚蛋紹菜的魚蛋好脆，不過因為餐牌無，要另加$10。蒸大鱔，油略多，但肉好爽脆，鹵水拼盤亦無得輸。盡見大師級風範的一餐。可惜人少叫唔到鹵水鵝肝，石榴雞、荷包鱔同潮州翅都要預定~仲好似有烹調各式海鮮，下次人多時再來試下。補充一句，由於街市經營，所以設備簡單，洗手間公用，眼目所見，好多餸菜半製成品，都無好好安放同分隔生熟，招呼就更加街市...你要頂得順好寸咀的老闆娘先好~

呢日天氣凍少少，一行三人決定一試大家讚好嘅沙嗲肥牛鍋，一上菜已見肥牛脂肪分佈均勻，沾上沙嗲汁食真係正，每舊大大塊又有牛味又好𡁻口！肥牛底有白菜墊起，d菜拾熟後索晒d香濃嘅沙嗲湯！三個人每人幾塊肥牛略嫌唔夠喉，又唔想嘥咗個咁正嘅湯底，見隔離枱叫同一個煱再另加碟淨河粉，照跟！河粉加落沙嗲湯，索晒d沙嗲汁，變成沙嗲肥牛河粉，熱辣辣咁食真係好味！另外再叫咗滷水鵝片、椒鹽鮮魷同兩支可樂，潮興係食打冷嘢，滷水鵝無容置疑，但個鮮魷的確值得一讚，呢碟菜嘅炸粉係精髓，唔會厚又夠脆，食落好香口，唔係間間舖頭整得好食。總而言之，呢餐確係食得開懷

在潮州人聚居的地方上環，能夠做出打響名堂的潮州菜，數來數去十隻手指都數到，聯興就是其中一間更被稱為價廉物美的餐館。我在這裏光顧已經很多次，老闆娘叫二嫂，總廚叫二哥，特色是連我這些老潮州人吃也大贊叫好。其次就是價格合理，晚市10個人吃到整台都是都大概只需要＄2000。這一晚和一班來自不同國家的朋友來這裏吃晚飯。然而這天晚上我們帶了他們後，第二天他們又再去吃，可想而知這裏的吸引力。是比較少見的滷水鵝肝，西式鵝肝大家吃得多啦，不知道大家有沒有吃過潮州滷水的這一種，鵝肝鬆化，味濃，每一口都滲出那種滷水和鵝肝本身的香味。一疊一大嚿鵝肝，雖然比其他滷水食物貴很多，但很值得一試。在吃這個鵝肝的同時，不妨喝一杯威士忌，真的10分合宜啊！朋友帶來了這個余市20年，已經沒有賣了，價值不菲。個配搭鵝肝10分出色。接着都是滷水的世界，愛的是這個滷水鵝掌翼，份量很多，煮得入味而且肉淋。兩隻已經夠10人吃了。還有這個我一每次來一定會點的普寧炸豆腐，是很簡單的炸豆腐，但香脆冇油，裏邊豆腐很滑。配上點點酸汁，簡單美味。由於大家在品嚐威士忌的關係，要點一些十分之配搭的小吃，這個椒鹽白飯魚雖然不是潮州菜，炸得鬆脆白飯魚很

一直也想來哩間食哩個沙嗲肥牛鍋，成日諗住叫多點人一起食，點知約來約去都冇人同我來！今晚就我同你兩個人食啦......哩度既沙嗲好香，又有花生粒，之前也試過其他沙嗲餸菜，例如：沙嗲牛肉芥蘭/沙嗲牛肉炒河，已知哩個沙嗲味道不錯！所以一直好想試哩個沙嗲肥牛鍋，先上沙嗲湯底，超香，而肥牛明顯是即叫即切，超大塊又有牛味.....大大細細，大約14塊！肥牛下面仲有白菜仔，浸了沙嗲湯既菜好入味呀，連不吃菜既某人，也自動自覺係咁夾來食！另，叫了一碟炸豆腐，豆腐好滑，豆味也重，不錯！雖然是熟食中心，但也幾乾淨！

唔知係咪有一半潮洲人血統關係（我媽咪係潮洲人，我老豆唔係，所以只可話自己係半佃潮洲人😂）， 我對潮洲菜情有獨鍾！今次呢間潮洲菜館，好正宗！仲有好多潮洲專有既食物👍🏻👍🏻，簡直一試愛上！鹵水鵝肝，真係唔係度度有，仲要勁滑😋雖然擺得唔太有美感，但味道不錯！配料豆腐就一般。凍烏頭，唔知係咪岩季節，條魚夠肥，仲有黃油添蠔仔肉碎粥，啲蠔脹卜卜，好鮮味，不過友就覺得比較腥，個人口味不同吧！店內仲有白果芋泥，韮菜果等特色潮洲食品。老闆話白果芋泥唔係成日有，如果想食，最好預早同佢地講。

小時候，浪子也常與家人到潮州菜館吃飯。與其說是菜館，不如說是大排檔，甚至是一些更巷仔更草根的地方。很多食物都掛在街邊，坐的是圓櫈，喝的是清茶，聽到的都是粗言，食客是豪邁的一群。人大了，香港進步了，大排檔結束的結束，搬入鋪的搬入鋪。每次希望重溫各種味道的情懷彷彿都在被現實剝奪著。記憶與淡忘就好像日出與日落一樣交替著。還好的是，某些事，某些人，某種味道，看似已經淡忘，卻原來是沉睡在記憶的深處，籍著味道，才能重新想起。聯興是上環市政熟食市場的其中一間食肆。佔的位置頗多，又近扶手電梯，很容易找。他們是否由大排檔開始做起？已不可巧，但味道來說我相信應該八九不離十。老闆娘很好人，很好客。替我們找了一張檯還推了好幾張圓櫈給我們放戰利品(是的，我們是去購物完才來吃飯)。餐牌裡的款式很多，潮式佔了大多數，但小炒也是有的：兩個人一支啤酒，就不會吃太多，只簡單叫了一些下酒小吃：來潮州菜館，必吃潮式滷味。我們點了一個潮式雜拼，甚麼都有一點。滷水汁是潮式打冷的靈魂，好吃與否全賴這個汁。這裡的滷水汁味燶很濃，帶點酒香。其實墨魚爽滑彈牙，滷蛋也出奇地好吃。豆腐佔的比例很大，另一佔的比例也很大的是魯肉。魯肉較肥，但豬

有日突然好想食打冷，港島線有咩好選擇？朋友即刻提議到上環街市樓上食，話之前食過勁正好想encore 咁話街市上到最上就係熟食市場，成層樓都係d 中式小炒or 泰食熱點，因為環境好熱，人唔算多。行到尾就見到呢間打冷店la打冷平時一定要食鵝片，朋友話想食多d 肉，轉左食鵝件一上黎，超開心，d 油色已經好靚，聞落非常香，一入口d 鵝油同肉好似溶入咁，好味道！鵝味好重，同d 老抽甜甜地既味好match👍雖然怕熱氣，但食潮州野真係好想食蠔餅。。。呢家蠔餅味淡，點埋個汁先arm arm 好，有小小失望炒魷好乾身香口，好味但隊極啤酒都好驚會熱氣哈哈哈再黎多個家鄉芋頭飯，本身以為係煮到d 芋頭好林既，黎到發現似家鄉炒飯好有鍋氣，d 蝦米非常香好惹味同埋老細幾好人成日關心我地同我地傾計，開心滿意的一餐

There was an Air-Ink Event using Ink produced from our Polluted Air to draw out the Graffiti walls, to showcase how polluted our air that we breathe in can be, it was together with Tiger Beer from Singapore and also Crafty Cow in Sheung Wan as a collaboration. You never know what you breathe in can make your lungs blacker than Laser Printer ink! Afterwards, some of us decided impromptu to head down to a Cooked Food Centre for some Chiu Chow dishes... Sheung Wan is actually pretty famous for Chiu

是日情人節, 因男友公司要食飯, 所以今日做左孤兒仔, 朋友見我要食自己, 就捉左我一齊食飯3個星期前同佢地食過另一間潮州菜, 佢地覺得麻麻地, 就建議今次食呢間, 非常期待 佢係熟食中心入面既大排檔, 所以菜牌比較多大排檔野, 睇菜牌既時候唔係好覺得係食潮式野, 所以當時真係有少少失落我地4個人, 有3個女仔, 所以都唔係太敢叫太多野食先黎個鹵水鵝片拼墨魚, 個鵝片非常入味, 而且好"林" 好香口, 點埋個醋真係絕配, 冇得彈!!!個墨魚就比較普通, 唔算太爽口, 不過都可以一試 呢個沙爹牛河係朋友推介, 我本身唔太期待, 因為好多沙爹牛河個沙爹都唔岩我口味, 好多都太濃味, 而且我唔鍾意食太"杰" 既醬汁, 所以都係打算食兩啖就算, 況且朋友食完第一啖話冇以前咁好食點知我一食, 竟然停唔到口, 佢個沙爹一d都唔"杰", 個河粉係用蛋炒過, 好香口, d 粉唔會炒到一pat pat, 真係幾驚喜油鹽水大蜆, 冇錯, 正如你所見, 絕對唔係大蜆, 絕對係細蜆, 而且冇咩肉, 不過個油鹽水做得幾好, 只係d蜆自己本身失色, 如果轉用花甲應該都幾好味豉油皇鵝腸, 朋友話呢度d鵝腸好正, 因

今日同朋友打完羽毛球就上左去熟食中心搵食, 俾我地發現左一間好好味既打冷, 後來從住在附近既朋友得知原來呢間打冷開左好耐!環境當然係熟食檔既格局, 吾會坐得舒服, 但勝在冷氣夠, 燈火通明, 老板煮食既位置同整鹵水既位置都同枱有d近, 所以經常傳來香味我地一行7人叫左椒鹽鮮魷: 味道新鮮香口, 出面層脆夠少, ok!鹵水鵝: 不錯, 鹵水鵝啖啖肉, 切片功夫夠令到口感層次分明, 鹵水味亦夠老練 鹵水鵝肝: 十分邪惡既食物, 鵝肝表面滑而內裏十分creamy, 充滿鹵水, 同鵝味, 正但不宜多吃 豉椒炒蜆: 豉椒汁濃度同咸度適中, 蜆肉新鮮有咬口, 十分好味蠔餅: 係偏向偏身煎出黎, 我覺得蠔味夠只係略嫌蛋吾夠味, 我自己鍾意炸大舊d香口d!蝦蟹棗: 傳統潮州菜式, 將蝦肉或蟹肉整碎然後連埋芋頭蓉炸, 十分香口而且因為係肉碎所以咬落十分有質感嚼勁接下來係主角沙茶醬湯底配手切牛肉, 超級好味, 就好似打邊爐食法甘, 將手切牛擺落煲緊既沙茶醬湯底入面, 手切牛肉味十分濃郁, 有咬口得黎亦都有少部分油脂, 所以吾會得個un字, 口感多汁得黎又有少少咬口! 因為牛肉好濃所以味道吾會俾沙茶蓋過.!

本身想去食皇后街一間小店點知去到冇開!就行左黎上環熟食中心搵食間間都多人呢就是但搵一間坐低了反正少食潮州野首先嗌左鹵水拼盤有鹵肉,紅腸,腸,墨魚等都夠入味,又唔會太重味炸蝦蟹棗新鮮熱辣,有10粒,不過影之前已經食左兩粒XD蝦不錯冇計,蟹相對冇咁有味最後等左好耐先黎既家鄉芋頭飯本身我地都以為係淡味既點知比想像中濃味唔只有芋頭呢!不過由於份量多又飽肚,食唔晒要打包呢見倒其他食評話態度差,我地又唔覺不過上菜係有少少慢的本身都覺得正常啦,但食完返屋企好想飲水呢

貴夾難食，餓死等候，錯漏百出，卸膊員工，賴番個客，小菜超鹹，一係勁淡。非常難受，險勝綠島，香港上環，中高大佬。小菜餐單：豉椒鵝腸 - 嚟錯豉油王鵝腸 - 賴我地寫錯 - 冇錯，我地係寫埋俾佢都賴我地錯菜蒲煎蛋 - 豐富鹹味韭菜豬紅 - 小滑小味涼瓜排骨 - 正常苦味三絲海蜇 - 普通嘅味煎蠔餅 - 肥濕無味 - 呢個最失望雜菜煲 - 合理無味川辣牛肉 - 漏單，啲葉 OK，牛肉同沙爹同味沙嗲牛河 - 屎色普通味潮州炒河，潮州炒面 - 兩個 OK

唔會有下次  因老闆娘態度差劣 不好經歷朋友聚舊在聯興潮州飯店食晚飯 生菜豬紅 薑蔥蝦 煎蠔餅 炸蝦蟹棗 蒸鱔 香煎九肚魚烙  無乜味 唔入味 唯一香煎九肚魚烙入得口煎蠔餅 好厚多粉食物水準點都好, 但老闆娘/侍应小姐 重係惡死能登嗰隻 "唔坐罷走" 態度 不過環境衛生、服務態度就難以接受 有點失望

朋友聚舊在聯興潮州飯店食晚飯生菜豬紅，無味生炒骨，OK啦 薑蔥蝦，120元又少、又貴、又唔好味，仲好多油添川椒雞丁，唔講都唔知係川椒雞，唔辣好多油 沙爹牛河，買相差，食落更覺差，牛肉那到無晒牛肉味，而且仲有d韌添兩面黃，只得一面黃，另一面又濕又淋反沙芋，芋頭炸過龍太乾，外面糖粉又厚又梗炸蝦蟹棗，得過熱字，無乜味豉椒炒蜆，煲熟左d蜆先炒，唔入味