聰少甜品 (已結業)

夜晚10點左右時段去，店入面得兩枱客。叫員工落單，佢係度玩緊手機，叫我地等等。我地講完要d咩，佢一句野都唔講就咁轉頭走左去，一句"好，幫你落單"都冇。坐左幾分鐘，佢又走返過黎問我頭先落左d咩，唔記得左，真係好無言。

Durian Sorbet $40The durian on top gone off for the first one:'(The second one was way much betterThe sorbet doesn't really have a strong durian flavour, but strong coconut milk flavour insteadPeople who don't like durian should also do fine with it Mango Milkshake Custard $37I liked how they used mango to cover up the custard, it's just too healing to see the portion of mango they offerThe custard is soft and silky in textureTummy approved!

這天晚飯後，時間尚早的原故，一班朋友都沒有意欲回家去，大家就漫步去厚福街食甜湯，可惜人太多了，不知等到何時，朋友們只好轉換另一場地，可能是星期五的關係，到處都是人山人海，等了約10分鐘的時間，終於到了我們入座，入內場地細，大家坐得很親密，與鄰座手臂擦手臂，後座就背靠背，顯得十分擠迫，也許是太繁忙的關係，人手少，年青的侍應生，顯得有些許不專業，下單時常混亂了餐點及數量，每每客人這邊廂食完甜品，那邊廂就即收搭走餐具，沒等客人有停留下來的空間，再點下一道甜點，好像有趕走客人的感覺，幸好這少缺點，不影響我們的興致，送上來的甜品確是滿足到我們口福，吃完一輪，再連續下單，才滿足離去，芝麻合桃露，杏仁合桃露，雙拼的味道，沒搶走各自本身特有的香味與好吃的味道，只會更協調，更濃香軟滑，紅豆綠茶Q果，買相小巧，精盈透緻，皮薄煙韌，配上不太甜的紅豆蓉餡，令人一試就愛上，後吃的綠茶餡Q果，就稍稍偏甜口味，但都是一道不錯吃的甜品，無論西式或中式甜品，吃時都可令人有開心的感覺，與朋友共聚閒聊分享甜品，更是樂也融融

一入到去問個店員有咩好推介，於是就向我推介左芒果奶昔雙皮奶同鲜什果椰汁涼粉。等左一陣（大概2-3分鐘左右），店員就迅速將食物收喺我眼前，並示意細心品嚐，芒果奶昔雙皮奶上既芒果非常新鲜，再加上非常了得既刀功，令芒果完整地成功覆蓋整個雙皮奶。而鮮什果椰汁涼粉方面，涼粉、生果同椰汁既份量非常恰當，戀括而言，聰少甜品令我品嚐到最優質既甜品，下次我一定會再幫襯㗎！

是日尖子飯後想吃糖水, 筆者想試聰少的水準. 週日晚上十時半到達, 大概八成滿, 不用等候便可入座. 店內的裝修很像泰國的Mango Tango, 用上黃色和黑色作主打, 又放上locker作裝飾, 感覺主打年青人客路. 看看menu, 最後點選了生磨杏仁茶(HK$26), 芝麻合桃露(HK$28). 生磨杏仁茶, 試一口, 温度夠熱, 合格! 杏仁味也算香濃, 入口真的做到是茶的效果, 不會水汪汪, 較水厚身一丁點, 口感很好. 尖子的芝麻合桃露 口感較為厚身, 合桃味道濃郁, 加上少許芝麻香, 也算不錯. 但味道輕輕略為甜了一點.

睇完演唱會，順路行過黎食糖水。想試佢嘅龍眼冰好耐喇，因為龍眼做嘅甜品始終唔係話咁普遍。果然冇令我失望，好重龍眼味，而且好多龍眼果肉好足料👍🏼👍🏼另外友人叫左蜜瓜冰，都唔錯啲冰好重奶味！不過我都係會建議食龍眼冰，始終夠特別，唔係度度食到

喺一個清涼嘅晚上, 三位青年人走進鬧市, 尋覓佢哋心目中既一點甜, 點知墮入一個迷惘當中...當佢哋親眼目睹員工對食物嘅粗暴, 服務態度惡劣, 加上對客人黑面, 無禮貌, 倒瀉糖水, 兼且將糖水放置客人對面, 三位青年人深感無奈。但係令到三位最驚嘆嘅一件事莫過於呢間小店嘅大創意。 潮流興自製八爪魚丸, 呢間小店就玩自製椰汁芒果西米露, 事關兩碗椰汁芒果西米露只有一碗係有芒果, 要三位自行將其中一碗嘅芒果轉移至另外一碗。就喺呢個清涼嘅晚上, 三位對人生有所頓悟, 明白到好嘅服務態度, 以及優質嘅食物質素, 都係無常。

話說一大班朋友拉大隊食好時沙嗲，食完唔夠喉話無甜嘢落肚喎🙄飽到上心口咁走去挑戰聰少甜品⋯不嬲我都有食開將軍澳既聰嫂私房甜品，榴槤水晶珠同龍眼椰果冰都係我既最愛。不過礙於今日飯腳中有一半都係唔食榴槤，只好暫時放下榴槤水晶珠🤣龍眼椰果冰-餐牌寫到明每份都有30粒龍眼...食得出真係好足料冰入面啖啖到食到碎龍眼肉，清甜冰涼既口感，真係啱晒頭先食濟晒既我哋👍不過佢呢度定價比起聰嫂高⋯我記憶入面聰嫂既龍眼椰果冰係$3x⋯呢度要$40😧有可能店舖地段問題啦，貴租貴食🤦‍♀️

叫咗3個甜品，全部味道好淡，家人們全部都話未食過咁差嘅甜品店楊枝甘露:淡而無味，稀到不得了，成碗野白色，好似一碗無味嘅西米露芒果雙皮奶:雪到變咗沙冰都照送上檯川貝雪梨:無川貝味，係一碗淡味雪梨水整體非常失望，唔會再幫襯

地點好方便，在紅磡火車站行落天橋就見到，很多人光顧，當日都要等三十分鐘先有位，價格方面都唔太貴，應該是中價的選擇，店內的佈置都幾特別，甜品的品種都好多，最後選擇左芒果味的沙冰，好好食的芒果好甜，沙冰涼涼地，有的透明的大西米，賣相都幾靚，味道唔錯值得推介

在尖東海旁拍攝照片完畢，路過新文華中心地下，看見有間甜品店便入去歇歇腳休息一下。這張海報很吸引，我就要杏仁茶燉蛋白吧！可能要「燉」的關係，我都要花時間等，我又看見上Facebook live甜品屋有$10現金卷優惠，於是也live了。甜品屋剛開舖不久，沒有其他客人，我便周圍看看和拍照，原來店鋪以校園為裝修主題，一邊牆壁都是真實的儲物箱，既實用又可以裝飾，一物兩用。我的甜品來了......呼！熱騰騰的，都要稍等，為美食，冇辦法喎！要很著意的才感受到輕微的杏仁香味，蛋白很滑滑，甜度也剛好！我都有用埋$10外賣優惠結帳後，我用$10現金卷優惠加$2，買芒果西米露回家。

食飽飯後在尖東散步,突然之間有啲想食糖水的衝動.見到聰少裝修得美輪美奐,決定入去試一試.之前在將軍澳聰嫂食過,覺得非常一般,所以今晚在聰少同樣不抱有太高的期望.店舖裝修幾trendy. 看看餐牌大部份都是比較新式的甜品.但係我今晚想吃傳統的, 所以點了芝麻糊合桃露,同埋杏仁茶,兩個都有加湯丸.終於上菜了, 賣相非常精緻. 每碗甜品都有一個木製托盤上.但是吃了第一啖之後就發現只係得個樣⋯⋯它的甜味一點都唔自然. 沒有應有的香味.杏仁茶有點像粉開的一樣. 食完之後覺得口渴......可能傳統野唔係它的強項吧⋯⋯

是日從尖沙咀行去尖沙咀鐵路站， 途經聰少甜品。 見入面唔係好多人又行到攰一， 所以入咗去坐下食下嘢。 點左楊枝甘露豆腐花同士多啤梨豆腐花， 食物味道不過不失， 同銅鑼灣聰嫂差唔多

同朋友係尖沙咀慶祝生日食飯黎一齊去食糖水，本人一向好鍾意食聰嫂，所以見到聰少緊係要試下，我哋見到門口有關注微信或讚好Facebook就可以減十蚊，我地八個人坐低問職員，佢話要下次先可以用，可能見到我地人多，我一向食開蜜瓜冰，但呢到同聰嫂真係差好遠，個d西米唔會變成冰，口感差好遠，另外叫左個榴槤pancake，出到黎個榴槤pancake係比d水浸住3分之1個，可能佢地忙，所嫁整定好多放係到 又無放入雪櫃

同老公響尖沙咀食飽飯經過諗住坐低食甜品，入到鋪頭冇店員招呼冇餐牌！最初仲以為係用電腦自己落餐因為一直都冇人理我地！問個店員攞餐牌佢好晦氣咁同我地講係櫃裏面😡我哋兩個人叫咗兩碗甜品呢碗係楊枝甘露豆腐花，另一碗係芒果燉奶。味道不過不失，不過如果你再問我我一定唔會再返嚟！