肚餓了串燒烤焗專門店 (已結業)

.‼️❤️ 記得CLICK我PROFILE關注我呀 ❤️‼️.🥳 ᘜᖇᗴᗩT ᘜᗩTᕼᗴᖇIᑎᘜ ᔕᑭOT @ 🌟 肚餓了串燒烤焗專門店《👽食神大媽食串燒》.💁‍♀️ 圖片展示美食為：微辣肉碎茄子 HKD 49 🍆蒜蓉扇貝 HKD 68 🐚蒜蓉廣島蠔 HKD 68 🦪金菇牛肉卷 HKD 39 🐂香燒餃子雞翼 HKD 49 🐔勁辣餃子雞翼 HKD 49 🥟柚子雞翼 HKD 30 🍊冬陰功錫紙包蜆 HKD 89 🌶️汁燒秋葵 HKD 29 🫑.👽 大媽最鍾意返兜嘅串燒店就係呢間啦，不過因為疫情嘅關係少咗好多聚會都好耐一段時間冇嚟過啦，今次心血來潮一於重遊舊地 😌.👀 一嚟就當然先要食茄子啦，絕對係每一次必嗌之選 ✋ 比一隻手掌咁大嘅茄子上碟，你有冇試過呢？仲要塞滿肉碎好惹味架 😋.緊接就當然係要食人氣之選嘅扇貝同廣島蠔啦 🦪 咁多蒜蓉，淨係望圖都應該知道有幾香呀 🤪 見到有之前冇試過嘅「冬陰功錫紙包蜆」，一定要叫啦，嘩真係超級冬陰功味爆發，估唔到會咁好味！👅 爆汗之選！.😬 然後呢就當然要翻兜一啲串燒經典食物，例如肥大嘅餃子雞翼，辣同唔辣任君選擇。再加埋甜蜜蜜柚子雞翼、金菇牛肉、秋葵。大媽食飽飽，超滿

放工有時攰攰地好想食下串燒飲杯啤酒，但好多串燒店都好大陣味，食完返屋企洗頭洗3次都唔掂！朋友推薦尖沙咀嘅肚餓了食完唔會有燒物味道，今晚就去試一試嚕～串燒叫左雞肉、免治雞肉棒&鹽燒牛舌，每串睇落脹卜卜，非常巨型！睇見好開心，心諗一定唔會乾噌噌～牛舌燒到剛剛好好嫩滑，完全唔韌有肉汁！雞肉調味特別，配有炭火燒嘅香味好食😋雞肉棒就有少少軟骨混喺肉棒，咬落脆口咁唔會膩豬頸肉肉質易咬，調味唔濃，但可能本身鍾意食泰式燒豬頸肉，如果有酸辣汁就正到爆啦！海鮮類叫左金黃醬廣島蠔同冬陰功錫紙包蜆，蠔好大隻燒完都無縮水，燒蠔係另一種食法，呢甜味同蠔味同生蠔🦪完全唔同蜆每粒細細粒但粒粒都有肉，有時殼多過蜆肉好鬼嬲！冬陰功湯底好清，唔會辣到食唔到，怕辣嘅朋友友都可以試試！呢個送酒一流！串燒必叫嘅茄子又點少得？！呢個茄子🍆係孜然粉嘅辣，肉碎微甜，茄子燒得很好，茄子肉夠腍重好甜～正吖！呢間嘅黃金薯條出哂名我又點會點漏～不過一碟超大盤！黃金做得好靚，每條薯條都有黃金醬～非常好食！我凈係食過黃金蝦，估唔到黃金+薯條都咁夾！呢個薯條重大份到食得飽兩個人喔～呢餐食到無敵飽，真係唔好睇少串燒嘅威力！食完衫同頭完成無味，又無油淋

真係好耐、好耐冇食過串燒、突然見好想食下，就揀左依間專門食串燒嘅、果然冇令人十失望、絕對可以試二次，好正可能太耐冇食，兩個人都係點左好多嘢🤣🤣紫金甜薯串：細細粒、都係幾juice 同埋有啲啲甜味羊仔柳：本身我係唔係好鍾意食羊、因為唔鍾意羊騷味、但係依個冇羊臊味係我可以接受個範圍燒到外焦內嫩惹味黑椒牛仔骨：肉質好嫩好多汁芝士蟹籽玉子燒：芝士蟹籽永遠最佳拍檔自家製惹味燒雞肉串：不過不是夠入味又唔會太老肉汁香燒餃子雞翼：入面有滿滿嘅調味（微辣）蟹籽而且冇骨簡直懶人恩物川式燒韭菜：個醬汁幾好味，韭菜有啲難咬白酒焗蜆：清談酒味、牛乳蟹肉餅：外皮好脆，食唔到有蟹肉香燒原條日本鰻魚：肉質好滑冇咩股京蔥五花腩：多汁肉鮮叫多好多嘢食終於滿足到自己嘅胃

呢間餐廳我好耐之前已經喺OpenRice收藏咗，直到今日先有機會同朋友試下。餐廳位於亞士厘道，地方唔算大，但好鍾意佢有啲手工啤酒樽嘅擺設，尤其是係以下呢一set🤣🤣星期二夜晚比較靜，我同朋友都可以好好地一路食嘢一路傾吓計。我哋嗌左10串串燒，我都專登嗌返啲餐廳👍🏻嘅串燒，等咗十幾分鐘左右就開始陸陸續續上枱。好快就成枱都係嘢食啦。火辣牛丸 $22燒芝士蟹子玉子 $38雞肉串(2串) $39香燒餃子雞翼(2隻) $49原條鰻魚 $62辣味原隻魷魚 $69汁燒娃娃菜 $22燒豆角 $25燒韭菜 $25麻吉燒 $22整體食物質素都唔錯，當中有幾款我特別鍾意。火辣牛丸: 呢個真係好辣啊，但辣得來係爽嘅，同埋啲牛丸都幾彈牙。香燒餃子雞翼: 個餡食落係有少少好似泡菜咁，啖啖肉。原條鰻魚: 條鰻魚都幾大條，啲肉幾嫩下，無乜骨，個燒汁都唔錯。辣味原隻魷魚: 呢個上枱係有兩條魷魚嘅，都幾辣，但無牛丸咁辣，同埋燒得一啲都唔韌。燒韭菜: 雖然有啲油，但啲韭菜超大條，食到好滿足。

亞士厘道樓上串燒店＜肚餓了＞，即使依家我睇番個餐牌我個肚真的響了。餐廳唔算大，但正因為上左樓，稍稍遠離繁囂，食串串燒，同朋友摸下酒杯底都咪話唔梳乎。燒豬頸肉豬頸肉外表燒得脆邊，上碟時已切成條狀，肉質彈牙爽脆，最重要係不覺油膩。燒安格斯牛柳粒燒得香而嫰，中間仍然是粉嫰不會過老，肉質多汁富有嚼感。白酒焗蜆這幾乎是我去居酒屋必點的，有酒ar ma🥰🥰蜆肉煮得剛熟又鮮甜，清酒煮熱後味道香濃，飲幾淡全身已經熱起來。兩者絕對是無懈可擊的組合。扇貝拼盤扇貝本身味道鮮味甘甜，加埋多元味道選擇， 蒜蓉，芝士 ， 蜜糖，黑松露，芝士金黃醬等等，為扇貝 加添美味。蒜蓉茄子茄子外形胖胖又肉質豐厚，一食落去就 爆曬汁， 蒜香十足又惹味。雞肉串燒得入味，又帶有少少 燶邊脆口，充滿濃濃的炭味肉汁。

假日早段晚市，本身距離下場有大半個鐘。諗住食少少野，坐一坐。 入座時只係一半客左右，唔需要等位得，直入。極速點完菜，諗住串燒唔會大耐。萬萬預計唔到第一碟串燒要半個鐘後先上。 本身點左3道菜，以為會一次過上。最後等左約45分鐘 連串魚蛋都上唔到。 串雞肉串係普通ok，少少味，但又未去到可以留下印象。催左待應，但反應不大。最後，都係等唔到。 cancel單。只係時間唔多，又望到廚房係到㩒手機，無心機等。下次如果有大量時間又唔肚餓，可能會再試既。

餐廳位於尖沙咀亞士厘道入面，係一間樓上鋪嚟嘅。喺門口有個好大既招牌唔驚去錯。 首先嚟咗雞翼先，呢度雞翼係（$30）兩隻，我哋分別叫咗兩款唔同口味。首先隻柚子雞翼，真係食到淡淡的柚子香味，甜甜地識落都幾清新。之後另外一隻口味就係勁辣跳舞雞翼，顧名思義個雞翼真係幾辣但係就未去到跳舞嘅😂可能因為我食得辣啦。之後嚟咗幾款丸類，今日叫咗個椒鹽燒星加坡白魚蛋（$22），椒鹽味好重而且魚蛋都夠彈牙燒得都幾出色。另一款就叫咗火辣牛丸（$22），我自己個人就比較鍾意食個牛丸多啲，因為佢辣得好惹味，而且牛丸個口感都好好。👍黑椒牛仔骨（$59），牛仔骨味道香濃，充滿咗黑椒味，唔好以為串燒就會比啲冇咁靚嘅牛肉你。呢個牛仔骨都肉質鮮嫩，雖然黑椒味重但係都食到牛香。 最後想推介呢一個芝士煙肉焗西蘭花（$48）。成個西蘭花份量好大，而且上面鋪滿左大量嘅芝士再攞去焗。芝士溶咗之後深入去西蘭花度做出拉絲嘅效果。👍好味

前排去左尖沙咀肚餓了食串燒，餐廳經常full booking，所以特別期待串燒味道岩吾岩自己口味。燒火辣牛丸 $22:真的夠晒辣味既牛丸，一路食而辣味慢慢愈來愈辣。牛丸口感好彈牙，帶有牛香味，中意食辣既朋友可以一試！鹽燒厚切牛舌 $68:牛舌好夠厚，但食落完全吾硬，仲帶點軟口口感。同樣地充滿左牛香味，仲滲出吾少肉汁添！香燒金菇肥牛肉卷 $39:估吾到件數刀幾多，共有三大舊牛肉卷。牛肉卷一樣吾會燒到乾，包住爽口既金菇一齊食，味道夾之餘又有兩種口感。川式爽彈火雞腎 $32:我大力推介既串燒，因為火雞腎真的夠晒爽口，完全吾硬吾難咀嚼！火雞腎大大粒，味道又吾錯，感覺上好抵食。川式脆燒雞軟骨串 $39:雞軟骨燒得一樣吾會太乾，反而香脆得黎又有口感！依款串燒仲打孖黎，好抵食啊！香燒原條日本鰻魚 $62:夠晒大條既鰻魚，燒得吾錯。再配合燒汁，味道吾會太咸！鰻魚尾部會有多少少骨，小心食用。蒜蓉燒15cm虎蝦 $68:以蒜蓉可食出原本處蝦既味道，蒜蓉令虎蝦既鮮味更為突出。味道帶少少咸來調一調味，處蝦夠晒大隻，啖啖肉呢！芝士燒15cm虎蝦 $68:蝦控當然吾會放過另一款方式既虎蝦喇！以芝士燒仲吸引我，因為

之前嚟過同一棟大廈食日本嘢，最近先發現呢度原來有間本地少有嘅串燒店，同朋友一齊過黎飲下酒，回味下以前去旅行嘅感覺先🙌🏻炸物: 炸春卷、咖喱角、芝士薯波燒物:蒜蓉燒原條茄子、肉鬆玉子、蜜糖燒雞翼、紫金甜薯串、川式燒韭菜款款落單先整，所以上枱夠晒熱度，炸物方面，我最欣賞咖喱角，餡料滿瀉，外面脆卜卜得來又唔會太油。燒物同樣用料豐富，茄子上爆多嘅蒜蓉好惹味，我哋一人一大條😆👌🏻雞翼都係用上珍寶size嘅，我哋都食到好滿足。

🍢純食串燒唔再係BBQ先有，呢間樓上店主打串燒和飲品🍺記得呢間店係冇飯麵架😆蒜蓉牛油烤焗雜菌椒鹽燒星加坡白魚蛋香燒金菇牛肉卷蜜糖燒雞翼香燒原條日本鰻魚汁燒北海道原隻魷魚肉汁香燒餃子雞翼美食係需要等待嘅，全部即叫即燒，大約15至20分鐘就有嘢食喇！款款高質，燒得啱啱好，鰻魚同埋雞翼咇哂汁添，連簡簡單單嘅白魚蛋，都可以燒到外面有啲蜜糖脆皮，內裏非常彈牙！串燒種類目測超過100款😍真係想食乜都有。

本來約咗同事去尖沙咀行街，因為天氣太熱，冇乜心情買嘢，同事提議去肚餓了串燒烤焗專門店飲啤酒食串燒，坐下傾下計，佢話同朋友去過，串燒味道好好。一入座立即叫杯Asahi解解喝，一啖飲落去真係透心涼。金黃醬廣島蠔，金黃醬係師傅自己用粟米粒和沙律醬等調製，味道酸甜，蠔身脹卜卜好新鮮，焗到金黃色，香噴噴熱辣辣好惹味！蒜蓉扇貝，扇貝鮮味，啖啖肉夾埋蒜蓉食，滿口留有蒜香味。蜜糖雞翼，燒得熟度恰到好處，皮香肉嫩，味道有甜甜的蜜糖味。香燒餃子雞翼，雞翼去骨後釀入明太子，再炸至金黃色，雞翼皮脆肉嫩， 外層雞味濃郁，明太子餡料豐富飽滿。微辣肉碎茄子，茄子軟嫩，肉末鹹香，少少辣能提升味道。忌廉蟹肉餅炸得脆口，餡料做成流心，creamy!

好耐冇去燒嘢食啦！而家想去又怕熱，老公話不如去食串燒，佢知道尖沙咀有間叫肚餓了串燒烤焗專門店，食物質素唔錯又唔貴，咁就一齊去試吓！芝士燒虎蝦、金黃醬虎蝦：將大大隻虎蝦開邊，放入醬汁燒至金黃色，蝦肉鮮甜彈牙，芝士十分惹味，自家製芝士金黃醬加上粟米同沙律醬酸酸甜甜，有口感又好味！芝士廣島蠔：蠔肉有芝士香味之餘又唔會腥，口感柔滑。芝士扇貝：芝士真的是百搭，燒焗海鮮好夾，扇貝亦不例外，好惹味。肉汁燒雞翼，金黃色的雞翼，外皮香口，雞肉嫩滑有肉汁。燒玉子（芝士蟹籽）：厚身的燒玉子上面放上芝士和份量不少的蟹籽，玉子口感香滑，蛋味濃郁，芝士還可以拉絲，蟹籽增加口感。羊仔柳大大串抵食，完全冇羶味，加咗孜然粉又香又惹味！免治雞肉棒：已經調味的免治雞肉外層香脆，有軟骨的爽脆口感。原條鰻魚：採用原條鰻魚用特製醬汁烤香，十分惹味！

今日為慶祝丫妹離職脫苦海第一天, 知道佢最中意食串燒, 於是book左尖沙咀一間樓上主打串燒餐廳同佢食返餐。餐廳面積不大, 地方企理,多款串燒、小食供選擇。【鹽燒牛舌】HK$68一串有五件超厚切牛舌,  牛舌口感超爽, 帶有原本肉汁, 表面有少少孜然粉調味, 驚喜惹味!【金菇牛肉卷】HK$39肥牛卷住串串金菇, 牛表面煎至焦香, keep到肉汁唔太乾, 肉汁再滲左落金菇入面, 正!【香燒餃子雞翼】HK$49雞翼已被去骨, 釀入了明太子, 賣相脹卜卜, 鹹鹹地又有層次【燒雞軟骨串】HK$39軟骨爽脆, 表面有少少焦香, 灑左有少少鹽調味, 提升味道【免治雞肉棒】HK$38雞肉棒表面有少少燒汁, 燒得濃濃地, 但內裡keep到肉汁, 包含左少許軟骨碎, 食落有層次【芝士蟹籽燒玉子】HK$38熱辣辣時可拉起長長芝士絲, 面層加上大量蟹籽, 整體甜甜地, 但蛋味同芝士味都唔太濃郁。食落唔會好漏。【忌廉蟹肉餅】HK$22炸皮鬆脆不油膩, 入面嘅流心忌廉超軟滑, 忌廉味突出, 但唔太食到有蟹肉。【黃金墨魚咀】HK$69墨魚咀爽彈, 鹹蛋黃味濃郁, 份量很大, 兩個人食都覺得好漏。【微辣肉碎茄子】H

【肚餓了食肚餓鳥．必點扇貝生蠔拼盤】#尖沙咀 #串燒話佢似曾相識，係因為同我最愛嘅 #串酒里 太似了，未FC但大概係分店吧？最深刻嘅必然係6款醬汁組合嘅扇貝與生蠔拼盤。蠔非常大隻，5款醬汁中最愛依舊係自家製金黃醬燒及蒜蓉燒，相當惹味！其次仲有款當晚先有現身嘅辣肉碎醬燒，同樣有驚喜！當晚本想試最多人讚嘅鹽燒厚切牛舌 ，可惜太晏售罄，可惜呢！另外仲發掘到佢個燒雞串相當出色，令我再encore咗個around 2！

又同friend去尖咀搵食，今次嚟到亞士厘道一間樓上串燒店食好西～訂咗枱八點半鐘，所以唔需要等直接入去坐低嗌嘢食啦～ 雖然係樓上串燒，但係相信個通風系統做得幾好入到去完全唔覺得有油煙味！飲品我哋淨係叫咗一罐coke Zero同一罐加多寶姐～ 本身都有打算嗌佢哋嘅手工啤嘅，不過大家都肚餓所以寧願要多幾吋串燒食好過😝以下幾款我覺得好值得推介！鹽燒牛舌 - 餐廳選用嘅係厚切嘅牛舌粒，咬開見肉質依然係好粉嫩，食落爽口彈牙！燒雞脾菇 - 燒雞髀菇最忌燒得太乾柴，呢間餐廳絕對冇呢個問題，雞髀菇仍然保留住大量水份，配合埋燒汁同埋孜然粉，好正～勁辣餃子雞翼 - 果然係勁辣，食得非常過癮，雞翼入邊釀左分量十足嘅辣味明太子，再加上雞翼去骨，所以非常之滿足！最後要推介嘅係珍寶帆立貝（兩粒）- 果然係jumbo size, 超大粒！燒得啱啱好唔會過老，所以食落係保持到帆立貝嘅鮮味同肉汁👍🏻