肥仔海南雞專門店 (順豐大廈)

营业中

休息中

每次想食海南雞都會諗起元朗依間肥仔海南雞飯🥰 又高質又抵食😛 大家絕對要懲罰吓🤣去開元朗嘅話 一定要試吓😋==============================至尊無骨海南雞飯（$32）8/10 加雞 （+$15）海南雞去哂骨 啖啖肉🥳 點埋佢嘅海南雞醬 就更加惹味🤪 油飯唔算太油膩😝雞同飯嘅份量都足料🤣而且只係$32 真係好抵😆 而小編今咗今次加咗雞🤩都係加$15🤪順帶一提 咖喱飯都好正😍

支持黃店係日常生活嘅一部份，今日起身特登搭車落元朗，在行咗差唔多半個元朗諗住支持下肥仔海南雞，因為佢啲海南雞飯的確係好食，但係發生過今日嘅件事令到我唔想再去。叫咗一個海南雞飯外賣，加支薏米水，因為平時堂食都係有湯，咁佢包完個外賣俾我，準備走，發現好似冇湯係入邊，咁問一問店員，佢同我講話唔得閒俾我叫我等一陣，ok，無問題。再望吓見到支薏米水，係無色版本，咁就請求店員換一支藍色俾我，佢帶住口罩，之後叫我行開小小，保持距離。呢種態度真係不敢恭維，咁注重感衛生咁，你收完錢又唔洗手先幫我包外賣？

而加係元朗坐低食個飯 閒閒地都要$4、50蚊先埋到單 今日下午有野趕住做 想搵間快靚正嘅黃店食個lunch, 就即時諗到去肥仔海南雞食，叫咗個去骨海南雞飯（$32）坐低唔夠5分鐘，老闆娘即刻送上例湯同雞飯例湯較油，但雞味幾濃，有幾粒煲得好入味嘅冬瓜粒，冬天飲落好暖胃而海南雞去咗骨啖啖肉，雞皮同肉質都好滑，一向唔食皮嘅我都食晒😍 蘸埋佢地嘅薑蓉同甜酸汁都好夾😂 而油飯飯身乾身，粒粒分明，一邊撈黑豉油，好唔覺意就清晒成碟飯😍 搭碗嘅3塊青瓜都好fresh, 解膩一流！整體普通size嘅雞份量大約半個手掌，男士可能要加雞（+$15）先夠飽；但我覺得飯量都算多，食晒飯都已經飽飽地🥰總括嚟講，全港最平嘅去骨海南雞飯應該只此一間，想食個平靚正雞飯可以去試試💛

今曰突然好想食海南雞飯，就去咗肥仔海南雞專門店。店舖主打產品～～海南雞🐔🐔菜牌非常清楚簡單，只買4款飯，分別係至尊無骨海南雞飯、馬拉肉骨茶飯、娘惹咖哩牛根腩飯及秒製鹵水豬手飯。 點餐後很快奉上一杯冬瓜雞湯🐔🥣，有幾小塊冬瓜粒。應該是用浸雞的雞湯再加入冬瓜煲成，鮮甜味道足👍🏻這裏的至尊無骨海南雞飯$32 一碗，特別之處就是有加配料的選擇😘加雞$15、加腎$7、加全翼$5、加飯$5。雞肉都好嫩滑，無雪味，有兩款醬可以點。米飯則是粒粒分明，油飯不是很油膩的。不過飯底唔細，雞既份量👌🏻，還有兩片青瓜，淋左啲豉油在飯面拌勻一起食更添味道。一份加雞$32+1532蚊一個飯，又平宜又食飽，認真抵食👍🏻

今日中午經過入左黎食lunch，叫左個無骨海南雞飯($32)真係好抵食😋第一次黎，唔知道份量，所以冇額外加雞/飯。個飯黎到，個飯底好大，雞既份量亦唔小，有兩片青瓜......面頭淋左啲豉油，另外再有碟泰式醬同薑蓉。雞都算滑，但齋食冇咩味，加埋啲醬食就好味喇......

總括黎講呢間黃店優點係抵食，但味道就真係一般。不過口味嘅野人人唔同嘅，因為有朋友話好好食，經過都可以去試下睇下啱唔啱自己胃口😋🔻至尊無骨海南雞飯評分：🌕🌕🌕🌑🌑價錢：$32 + $15加雞肉質正常，但估唔到會係白飯😭個醬都麻麻地，但勝在大大碗好抵食，餐廳好多學生哥呢🔻馬拉肉骨茶配白飯評分：🌕🌕🌗🌑🌑價錢：$52我自己冇試，但朋友話味道好麻麻，最後佢食唔晒🤣📍肥仔海南雞專門店 (元朗)元朗鳳攸北街5號順豐大廈地下31號舖

元朗都可說是比較多餐廳選擇，假期日子更加是人山人海，要找一間寬敞安靜的餐廳，可就是非常困難，但是，都給我們發現了一間不太顯眼的店，這店不但不用排隊，還有我喜歡食的美食——無骨海南雞。再加上，看到店家冷氣開放，就立即走進去，不過冷氣好像不太足夠，一邊吃一邊流汗。至尊無骨海南雞飯($32) + 追加雞($15)價錢相宜，雞的肉質嫩滑，是雞髀部位，雞跟米飯的份量多，油飯做得好，有味有質感，特別是店家先把黑醬油淋在雞上面，外形更好看，還有其他醬汁，薑蓉跟蒜末與辣椒醬，都做得不錯，可以用來沾來吃。馬拉肉骨茶配米飯($52)一進到門口，身邊的朋友就說，店裡的肉骨茶很香，立馬來嚐嚐，湯味道鮮甜，有藥材香料味，但可以再加強一點，個人覺得太像香港口味，裡面的紅棗、豆卜、排骨都挺好吃。

今日同友人行街，路過見到間海南雞飯店，心血來潮就入左去食。呢間海南雞飯唔係貴，一個套餐都只係32蚊，包碗湯，不錯。海南雞夠晒滑，份量都唔係，我同友人都食唔晒。好耐無試過30幾蚊可以好食又食飽！

餐廳唔太大，只供應4款飯，分別係至尊無骨海南雞飯、馬拉肉骨茶飯、娘惹咖哩牛根腩飯同秒製鹵水豬手飯。最平$32就食到海南雞飯真係幾吸引！但我見同枱個女仔個碗雞既份量只係得幾件，所以我決定揀加多$15加雞。Order完好快俾左碗冬瓜湯，唔會太油，一碗有幾小塊冬瓜肉。油飯好香，雞肉質實淨唔肥，略為淡味左少少，要蘸醬料先好食。另外叫左枝蝶豆花薏米水，除左個樣係藍色之外，其實就係普通薏米水味。唔會太甜，食完雞飯飲反2啖解膩一流！

今日午餐去咗呢度食，2個人叫咗1個咖哩牛腩同1個豬手飯，另外每人送1細碗例湯咖哩牛腩不過不失，咖哩小辣但咖哩味欠奉，牛腩嫰滑，都算入味。咖哩汁夠多，足夠用嚟撈飯有餘，呢度加噃啲分。豬手飯不值1試，汁唔夠濃，豬手唔入味，豬味亦都欠奉，厚肉嘅位置啲肉唔夠嫰，好似煲湯豬咁稍硬絲狀，近皮嘅地方正常，$52呢個豬手飯覺得呢個質素不值得試另外送個湯偏鹹咁偏肥，似加啲油上湯度，而呢層油似乎不必，並未能令湯更美味

呢間位於元朗雞地（近爽爽麵店）轉角位有間超低調又隱世既小店😇成間舖賣既食物唔多，但相信款款都係招牌，海南雞飯仲只係$30！海南雞份量唔算多，雞肉全部拆骨，而且每舊都好滑，但完全唔多肥膏🤩底下既雞油飯係重點！香而不油膩，配埋秘製醬汁好岩送飯🤤

記得當年讀u有段時間好鐘意食海南雞飯，同同學仔每日落堂就周圍搵海南雞飯食，果區附近幾乎俾我地試匀，最鐘意海南雞個黑色甜醬油，果陣食到淨係試個醬就知正唔正宗有冇下次😂最近新年係元朗搵食，發現有間新舖食海南雞飯，當然要回憶一下，原來係大圍搬過黎，好抵食，海南雞飯加雞腎都係$3x😱另外個肉骨茶貴貴少但都係好抵。見到咁平本身係抱住一試無妨心態，但結果好好食呀😋咁樣食無骨海南雞飯真係好開心，啖啖肉，連海南雞個飯都煮得好香岩岩好。肉骨茶都唔錯，好香藥材味但唔會太重，岩我口味😋我應該會成日過黎再食🙈

元朗好少有肉骨茶，揾open rice見呢度有就去試下，好失望，肉骨茶淡如水，只得豉油味。朋友另外叫左咖哩牛腩飯，咖喱醬汁都是水滴滴咁的，味道古怪。職員冇禮貌，食物不合格，元朗一大伏店。

週六盡興後，冰冷禮拜日中午先起身搵食🍽️🍽️ 揀咗肥仔海南雞做週日第一餐😏舖頭係名星食店爽爽附近，唔係大街上，人流少啲啲🚶‍♀️🚶‍♂️小店算轉角舖，大約20個位，簡單食堂式裝修，光猛簡單🤗坐底就有張簡易點菜程序表格 （點餸紙🤣），四個主菜，海南雞🐥，肉骨茶🍵，咖哩🍲牛根腩🐂，豬手飯🐖。肉骨茶之前試過👌 今日食番海南雞同咖哩牛根腩😏 肥仔既海南雞例牌要加雞（＋15蚊），唔係話佢份量唔夠，只係好食食多啲💖 一黎比咗兩碗雞湯，純淨湯底只有冬瓜，少許咸，但能接受水平👍 係冬日❄️☃️有一碗咸暖湯開胃🔥可以順利迎接其他美食雞飯用碗上枱，兩排雞肉🐔舖係飯面，夾開🥢稍嫌刀功未足🙄雞肉未完全切斷😒 但咬入口，食到雞肉係湯入面游咗好耐水既幼嫩 （請自行參閱海南雞製法），油飯未算特別，醬汁有兩範，辣醬同薑蓉都👌至於咖哩，又辣🌶️得幾過癮，咖哩入口有胡椒香，牛根🐂做得出色，滑同小淋👍，牛腩實淨，個咖哩撈埋飯食，越食越熱辣辣，係冬天下加添溫暖☀️最尾要左個蝶豆花意米水，藍色一枝好得意👤，飲落有少許花香，甜度適合，不過可能適合夏天多啲🤣肥仔海南雞雖然未係頂級美食，但係我會定義佢係可以成日去食，不停番啅都唔厭既小店，加上價錢相

呢日喺YOHO睇完早場,慢慢行左去鳳攸北街嗰邊覓食~而我地今日就食左呢間: 肥仔海南雞!其實之前幾次經過都見到,但就一直未有機會試, 今日就試下佢!店面細細, 唔算大, 桌椅都係木面的~我個人幾喜歡個枱面的,拎來影食物相幾靚丫?食物, 其實從來貴精不貴多!尤其係小店, 若然整得夠好食, 何需太多款式?就幾樣就夠殺了!呢度都係, 本身只得4種飯:海南雞飯, 肉骨茶飯, 娘惹咖哩牛根腩飯同鹵水豬手飯~但而家連鹵水豬手飯都冇賣了, 只得另外3款~我地就叫左至尊無骨海南雞飯加雞($45),同馬拉肉骨茶配白飯($50)。至尊無骨海南雞飯加雞($45)其實本身個雞飯只係$30,但雞會少D? 我地呢個係加左$15加雞的~但其實加左$15都只係$45, 一D都唔貴, 而且絕對物有所值!雞好滑! 全部都好滑!冇食錯應全部都係脾來~加埋黑醬油好好食!就算唔點個醬都好好食!當然點左又係另一種滋味!另外個油飯都好香, 又夠大碗~可以食到好飽!雞飯仲跟個清湯~另外雞飯除左可以加雞, 仲可以加$5加全翼~~中意食翼可以諗諗佢呀~馬拉肉骨茶配白飯 ($50)呢個又係好好食!我成碗飲晒!我一直都覺得肉骨茶係貴野來~估