肥仔海南雞專門店 (開源道)

营业中

休息中

收銀態度差都算 整個口水雞飯同海南雞飯 可以等足30分鐘 我張單610由1843入單等到1911都未有 包括我寫緊評價呢刻都未有 但係居然可以出到625嘅單 一樣都係海南雞 咁請問前面嗰啲單去哂邊 不會再光顧！

早前聽到家人不斷推薦該海南雞飯，當時覺得不太特別，要不就是海南雞飯，能夠有什麼特別呢？不過買完回來之後，覺得有以下兩點：第一，可能因為為了方便他們做生意，因此飯只有一種，那就是（聽說是）椰汁飯，但是海南雞飯不是應該用黃薑飯嗎？而且不知道用白飯會不會是小眾，只不過那個椰汁飯其實味道不太大，在於飯這個部分真的令人很困惑。第二，雞相當嫩，一點都不老，很容易入口，而且大多不帶骨，所以吃起來算是不錯，加上醬汁也是可以接受，但是對比之下，飯的份量不太夠，除非單獨買雞不吃飯（就是飯自己處理），真的有過不失。

平時係觀塘附近番工，平均一星期都會食一次肥仔海南雞，雞肉其實唔係最特別果樣，係個汁😛，辣辣地酸酸地幾開胃，其實附近都有好多間係賣海南雞飯，呢間應該最推薦食，又平又抵食

已經唔係第一次被個位收銀指喝，一路都係算啦，人哋打份工姐，何況見住佢新做冇几耐，可能遲啲熟手D就冇咁差呢，完全錯誤！我已經無原無故比呢位姐姐指喝二次，親眼目睹其他顧客都有同樣經歷，到今日家母都比呢位姐姐無原無故呼喝，真心想問佢係咪老闆！大家都係排隊買個飯，咁臭串真係有寶咩！重有個位收銀姐姐D bye bye 肉真心好影響食慾，有睇過食神就明ga la.D雞飯確係好味嘅，個馬沙文牛腩都好好但再好味都絕對唔會再幫襯！

食過四五次，每一次我都唔該前唔該後，個收銀唔知係咪老闆娘，如果係，佢真係唔適合做飲食業。次次都見到佢個樣佢態度佢聲音都好唔耐煩好似前世得罪佢咁。係次次都係，買完輕量裝返去，雞皮多過雞肉，個碗本來已經細，得薄薄一層飯，三四啖食完。應該改名做一定食唔飽海南雞飯。味道幾好，所以先會買四五次，但係都係最後一次第一次留評價，真係好嬲。其實正常42蚊一個海南雞飯啲飯量好正常，我平日因為次次食到半個就買輕量，你輕量裝都收32蚊，得1/4個正常飯，我覺得比人呃錢咁...

肥仔海南雞專門店 (觀塘)觀塘開源道63號地下A10號舖招牌無骨海南雞飯配冬瓜湯$42舖頭冇乜設計，簡簡單單之前都見過有幾間分店今次Lunch hour見到好多人等外賣份量都ok 白飯好正超重椰香味雞皮唔會太肥肉質超嫩滑真係意想唔到一個咁普通嘅外賣飯係咁好食評分：9/10

今次買左醉雞和口水雞，醉雞好入味，有酒香，令你食完一件又一件，雞好滑，老公愛吃口水雞（雞無血，抵讚），辣味剛好，愛食辣的朋友可試試，收銀姐姐好好人，又貼心，讚，會再幫襯😋😋，下次再來

近排疫情平靜下來 , 出街會 Lunch 已經回複到上年年末的程況 , 尤其是在一些工商業地區 , 簡直一位難求 , 很多時在附近上班 , 也只好買外賣回公司慢慢享用.平時行過這一間只做外賣的海南雞飯的店鋪 , 今日居然無人排隊 , 難得不用排隊 , 就諗都唔洗諗就選擇呢間.他的海南雞有幾個選擇 , 有大的和小的 , 而且也可以升級 +$5 轉雞脾 . 今次我選擇了小的 , 他的份量又真是小的 , 如果正常的食量就應該不會飽 , 但如果當作下午茶 / 節食的時間 , 這就合適不過 .飯沒有雞的香味 , 有小量油份 , 質感似加了雞油在白飯上 , 但味道正常 . 雞方面 , 好好彩店鋪切了一隻雞翅給我 , 肉質很滑 , 但沒有雞味 . 但如果用 $ 32 就可以簡單在觀塘解決一餐 , 這個真是超級經濟.如果行過的話 , 大家真是可以一試 .

買個細雞飯，預左唔會多，但都唔會少飯到極點，得幾啖飯，雖然唔要髀，但唔都唔應該比曬骨，個飯都要32蚊，同另一間肥仔相比，都係32蚊，但比既飯都雞都唔會差，呢間既人又冇禮貌到極點！呢間開源道分店，真係人同食物質素差既食店！下次只幫襯其他分店，都唔去呢間

肥仔記海南雞飯食過幾次，其實都ok嘅，佢嘅🐔海南雞好鬼滑溜，而且雞味都唔錯，尤其配埋個雞油飯，非常之好味😋⋯⋯但今次試一試佢嘅馬沙文咖喱牛腩飯 🍛，嘩，非常之失望😞⋯⋯咖喱汁一啲都唔辣，亦冇嘜咖喱嘅香味，而且一層油鋪晒係面，有啲仲流左落飯果邊，攪到啲飯油淋淋咁😩，牛腩就正常有啲牛味嘅，口感都ok，算係腍滑，而飯嘅口感都唔錯，可惜食得咖喱都一定對個汁醬好有期望，肥仔記，本人黎講下次都係食番海南雞飯算吧啦🙄。

肥仔海南雞專門店， 絕對係觀塘打工仔或者附近住既人嘅恩物，而家物價咁高，40蚊一餐飯真係可以算係非常之抵，仲要係水準之上， 唔係普通嘅頹飯飯盒， 雞好滑好嫩口， 雖然件數唔算太多， 但我自己覺得都夠食，仲有青瓜同附送既冬瓜湯， 40蚊食到咁嘅質素真係非常非常之抵食。到於醬汁方面， 佢就只有一盒酸辣醬汁，就唔似其他海南雞有三種醬料， 但每個飯盒都附送一大盒醬汁， 絕對唔會唔夠點， 啱曬我咁重口味嘅人。其他地方幾十蚊嘅海南雞飯， 通常雞都係唔夠滑又多骨， 但呢間唔只雞夠滑，仲要啖啖肉，值得推介。美中不足係呢間佢只做外賣生意， 唔可以坐低食， 一定要揾地方食，可能拎返office或者喺屋企食咁。 但如果真係想坐低食，佢係觀塘都有一間堂食店， 堂食店我就未試過喇， 有興趣可以自己搵地址試下。PS 有次夜晩八點去買， 可能因為就收工 ，雞嘅份量比平時多哈哈

🍙等待時間：中午十二時到達，有幾個人等緊，還好，十分鐘拿到。🍔室內環境：環境雖小但都有一半位置俾人坐係到食，大概容納到五個人左口。🍰服務質素：快。🔺用餐簡評：首先雞既色澤金黃，食落雞味都好重，但肉質並不鮮嫩，好彩佢既醬汁都好開胃都夾，偏酸，配飯都還可以，但唔好落太多。同𡊰竹雞肉冇整體都好廋，無多餘脂肪。但佢飯盒底其實有唔少雞油，代表都算油膩，佢既飯並唔係靚米，煲既時間變耐，一般🔹總括來講：中上，未算出色

返工最怕同人迫，買外賣返公司食係我嘅首選！呢間海南雞飯雖然隱藏喺巧明街其中一個舖位，但喺正APM後門對面，附近又咁多工廠大廈，所以午飯時間都好多人嚟排隊！每個星期我最少都會嚟買一次無骨海南雞飯，貪佢啖啖肉，雞肉件數都唔少㗎，而且非常之滑，點埋佢嘅醬汁再加少少姜蓉，好快就可以清左一盒飯，$4x係觀塘區來講算係平價之選，如果想食好啲，加幾蚊仲有雞髀添！同其他鋪頭食海南雞飯一樣，跟飯仲有杯清湯，咁就唔會乾爭爭喇！P.S. 個飯盒對女士來講應該都足夠，但係男士就可能會爭d～

今日放工經過觀塘巧明街嘅《肥仔》海南鷄專門店，便順道外賣一個海南雞飯回家試試。小店只做外賣，提供數款飯食，當中包括海南鷄、泰式元蹄及咖哩牛腩飯等，另外還有一些泰式小食可供選擇。海南雞飯(HK$42)，份量都好足，鷄件數量唔少，而且每件都可以講得上皮薄肉滑，雞味足，配埋薑蓉同泰式醬汁同食，非常滋味。呢度用嘅係泰式油飯，粒粒分明 ; 隨餐奉上嘅例湯，清清甜甜，味道唔錯，加埋冇落味精，飲完唔會口乾。HK$42一個海南雞飯唔算貴，而且水準有番咁上下，經濟實惠，認真抵食。

今日同朋友經過觀塘巧明街，見倒有好多人係肥仔海南雞門口排隊等外賣，心諗真係咁好食咩🤔朋友就即刻買一份試下😂$42蚊飯連一杯熱湯、價錢算合理話時話打開個飯盒已經聞倒油飯嘅香味，飯底一粒粒，好香好爽，雞胸都好滑，唔鞋，冇雪味（見d雞皮好黃，應該係用黃油雞）點埋個泰式甜酸醬好好味。個湯飲完都冇口乾，應該唔係味精湯，怪唔之得咁多人排隊買外賣，真心讚👍🏻