肥妹海南雞 (已結業)

食評：1) 海南雞飯（升級套餐跟青菜及飲品+$10） $652) 海南雞湯米線 $65之前行街見到呢間餐廳，發現係新開嘅，不過一直未搵到機會去試。早排終於試食咗！大件抵食海南雞！雞肉勁滑身，完全唔鞋，非常入味，真係相當有驚喜~海南雞配有3款醬料可點（蔥油、甜豉油同辣醬），可以跟據自己口味選擇點咩醬^^油飯好香，而值得一提係佢地嘅湯地相當有誠意，飲落完全係原汁原味煲出黎嘅感覺仲要零添加（無味精）XD住家飯的感覺，絕對會再幫襯，推介推介！

原本諗住同友人去食附近嗰間刀削麵⋯⋯點知去到門口該店落場咁唯有搵另1間食店開餐啦😮‍💨經過望吓門面乾淨企理加上年輕店員主動㩒開玻璃門招待就決定入去試吓～埋下伏線首先，我係被門外啲海報吸引眼球先嘅……想飲碗上面所寫嘅“老火雞湯”，入到去與同行友人睇睇餐牌發現有二人餐$188有海南雞🐤（半隻）+可以揀豬頸肉/元蹄/煎肉餅其一，跟餐重有青菜🥬油飯/白飯🍚老火湯🥘同飲品🥤見幾抵食就嗌呢個套餐喇！再叫咗個無骨鳳爪🙂1嚟上海南雞個樣都唔錯👍🏻食落雞肉嫩滑、雞皮爽彈、油脂比例剛剛好不膩～係好食嘅跟住青菜🥬油飯同老火湯就到了！1睇個湯色水就估到唔係老火湯🥘飲啖淡而無味湯料只見紅蘿蔔🥕花生🥜木瓜雪耳，成個湯似素湯～1絲肉都見唔到亦飲唔到肉甜味😧好失望，其實每日斬咁多隻雞…只係掉埋啲頭頭尾尾雞骨落去煲吓都懶🤷🏻‍♀️重差過好多他店滾個冬瓜雞湯🤦🏻‍♀️油菜同油飯就正常發揮🙆🏻‍♀️個煎肉餅嚟到睇個樣已經知大鑊㗎喇😨勁似牛肉球嗰種腍啤啤無肉質感嘅嗰種肉😥我同友人每人夾咗件擺入口🥴異口同聲『好難食🤢呀！』真係唔知食緊啲咩，就好似1舊有味但腍啤啤嘅粉團😵‍💫亦因為我哋開始傾偈💬評論同區有邊間好食海南雞連隔離位嘅客都傾

收工係附近行 見到新開嘅海南雞飯 之後入咗去試下 見到餐牌可以叫套餐 二人套餐 四人套餐等等 價錢5X 有個飯有個湯 加10蚊轉套餐 有個菜有埋個嘢飲 好抵食 飯量又好足 呢個餐廳除左海南雞 仲有豬頸肉 肉餅 元蹄 之後佢仲有其他小食 我同我朋友就嗌左嗰二人套餐試試 裏面本身半隻海南雞 豬頸肉 元蹄 肉餅裏面三選一而且有油飯或白飯跟(2碗)有青菜(2人份量)2杯飲品(凍熱都可以)仲有2碗老火湯同埋嗌左嗰雞卷試試油飯好香 而且湯好正唔會好似味精湯飲完會好口渴 服務態度都唔錯 環境舒服 我覺得如果大家會帶家人或朋友嚟的話可以試試二人或四人套餐 我覺得好抵食

性格比幾高嘅海南雞飯，油飯做得好食，夠熱。雞肉嫩，份量都多，$5x就可以有，包一碗湯。有個前菜，不過本人怕酸，所以冇食到。另外加$10可以轉套餐，有碟菜同飲品，好抵食。