肥牛火鍋海鮮酒家

营业中

休息中

第二次黎呢間酒樓。2:00pm，下午茶時間，茶錢$5/位，點心平少少。2個人，唔肚餓，叫左叉燒飽/燒賣。點心上枱，份量幾大，燒賣好多肉，奇怪傳菜放低左碟喼汁，咪是但用黎食燒賣，酸酸地，咁就冇咁"濟"，如果唔係咁多肉，真係覺得唔係幾好食。叉燒飽，皮軟，味道不錯。埋單$27.5

同班朋友出來吹水, 所以唔要任食, 因限時, 見食評唔錯, 去試吓.去到見2樓都幾多人, 但3樓無開, 因去厠所見到無人連冷氣都無開, 厠所勁焗....打邊爐, 見個 "招牌秘汁牛雜鍋" 好似好正, 來到睇到, 心諗唔係卦, 成舊冰放在爐中..... 料唔多, 款還可以有牛膀、牛肺、牛肚、牛大腸(勁多肥膏, 見到唔開胃, 點食)、牛筋. 個汁無嘜特別, 衰在仲一陣味, 好似洗唔淨........叫咗隻雞唔熟, 嚇到我個朋友死......, 猛話下次唔來, 下次唔好來 係個牛脊肉唔錯其他邊爐料無嘜嘢都好彩, 食都一額汗.........

今次都係去肥牛打邊爐，同上幾次食既野都係差唔多。不過今次既食材就「有喜亦有悲」。( 上一次去肥牛食既圖文：http://hk.myblog.yahoo.com/stewart-too/article?mid=1088 )喜既係，今次有一個新出既《招牌秘汁牛雜鍋》。望一望 D 料，嘩… 好多呀，有：牛膀、牛肺、牛肚、牛大腸、牛筋同埋牛粉腸。個汁就食唔出有幾咁「秘制」，不過都好好牛味。真係無諗過用牛雜料黎打邊爐，新鮮之餘亦都食出唔同感覺，好正！唯一美中不足既地方係，個湯底唔係好夠，只得半煲，加水之後既味道沖淡佐。牛脊肉依然出色，鬆化又甘香。三文魚都幾好。鯇魚片 Very Good !!! 一望都知，唔使多講。悲既係，蝦丸、手切肥牛、潮州魚蛋都差過以前。唔知係唔係「採購部」入既貨唔同佐呢？下次再去試下先至知。希望佢地係「偶有失手」啦。手切肥牛雖然好新鮮，但係今次既部位唔係咁得，唔知係唔係比佐牛蘿友比我地。潮州魚蛋無以前咁彈，不過都食得過既，因為魚味都幾香，同埋唔腥。墨魚丸併蝦丸，前者幾好幾彈牙，後者今次唔係好夠蝦肉。水魷係唯一一樣呢晚我食唔落口既野。個味怪怪地，應該就快壞。不過陳總舵主太愛佢

正如前文所說, 距離朗豪坊一街之隔, 就是沒有那股人氣.三人行食late dinner, 叫了小菜三款: 薑蔥生蠔煲, 豬骨湯浸娃娃菜, 生炒排骨, 當然少不了啤酒, 朋友偏愛bluegirl, 我就幫幫promoter, 叫了3枝連名字都記不起的特價啤, 老實話菜沒煮得怎麼好吃, 也不算難食, 室內裝潢更欠佳, 只是座位多而人客少, 不用嘈喧巴閉, 所以客人都是中年人, 來此亦因這點吧.

肥牛火鍋海鮮酒家其實由朗豪坊走過去只要3分鐘, 但人流就和大街有天壤之別, 很少有年青男女光顧, 店內顧客9成都是麻甩佬.曾幾何時, 小弟最愛和朋友坐在這裡的窗旁, 一邊打邊爐, 一邊看著川流不息的囡囡和馬伕來來往往…今砵仔繁華之景不再, 但這家火鍋店還是不錯的.旺角區很多火鍋店都是 “任點任食”的火鍋, 價錢雖然便宜, 但質素十分差, 最大問題是你點的高價一點的食物如生蝦等, 通常一律 “走單”, 到最後你可能發現付了百多元只是吃了很多牛丸蝦夕丸等食物而已…至於這裡多年來都沒有搞什麼任點任食, 賣點是貨真價實的火鍋食物.吃了很多東西, 生蠔三文魚刺生很生鮮, 牛脊肉肉質不錯, 很鮮味.也飲了不少冰凍啤酒(哈爾濱啤酒, 味道好像苦了一點)~~啤酒妹妹很健談, 友人和她暢談<蠟筆小新>中的小白, 挺有趣的…不過街上的霓虹燈招牌也應該要修理一下了.

今晚一行十二人叫食飯。張比較細張。又貴又唔好食。霸王雞-好似白切雞，但隻雞比較生又有血，麻麻地！椒鹽蝦-蝦唔夠鮮，又少蝦身多蝦頭。帶子豆腐-豆腐好滑加上粒帶子都好大粒。條青班-好大條，但蒸過時，魚身好硬。有隻死蟑螂係碟魚，好可怕！瑤柱炒豆妙-瑤柱好硬！蛋白西蘭花-都幾好味！金姑肥牛鍋-好普通，極之唔得！椒鹽魷魚-比較好味。腰果炒牛肉-好普通，麻麻地！價錢又貴又唔好食，試過一次，以後唔會再！

同女朋友唔知食咩好... 順手收工前睇睇呢度有咩推介先...食家對"肥牛"意見不一... 但同女朋友都比較喜歡"任食"既店舖."肥牛"佢唔係任食, 但勝在位置都叫ok, 又本住都係300元左右既"筆直"... 好! 去吧!搵食兵團!門口唔吸引...我食野姐, 照上去... 上到去... 嘩, we嘩嘈閉... 即係個個都食得開心囉, 一於坐底睇睇先. 環境唔算迫既.有個牛脊肉喎... 網友推介, 要個試食先... 不得了!清湯滾滾牛脊肉, 好味又舒服!沙爹滾滾牛脊肉, 味道夠濃郁!真係好好味, 再點多個$98元大碟既牛脊肉, 食到其他野都食唔晒... 當然, 其他食味水準都唔錯, 最平既食物都係$9.8元...合理, 唔似"能記"咁, 好似配給咁囉... 仲有係美國肥牛都會食得您好開心, 因為好"冰"咁滾住食, 唔似"能記"咁... 溶晒冰仲有血水沉住上...總之, 您地想試下的話唔需要考慮, 試左就知箇中滋味!仲有, 兩人埋單$365. 飽死走人! 感謝天主!

2007/12/31晚冇所事事，有個老友來電，話請食和牛仲叫到朗豪坊等，心諗真定假。到達時老友即刻帶我去咗朗豪坊則面的肥牛火鍋海鮮酒家？仲話叫我放心？上到去人頭耷耷好彩我老友是熟客仔，唔使數分鐘就有枱，老友仲同個經理好熟咁，幫手寫咗Ｄ嘢食，第一樣上枱是鮮茄肉碎湯底，之後來的有象拔蚌切条刺身及老友大力堆介的牛頸脊肉，眼見冇特別。點知個經理行堆黎教路，話牛頸脊肉三成熟最好，象拔蚌膽就放落湯底，果然三成熟的牛頸脊肉真有和牛風味，入口即溶勁好食價錢只不過＄98另外象拔蚌切条真係好爽甜、而其他火鍋配料亦十分新鮮，到最後飲個湯底先知原來係好好飲的

見到你哋評價都ok未試吓囉, 食物係新鮮, 但價錢較貴, 由$25至上38起, 好嘈, 重有人食煙, 二樓全場爆滿, 但三樓只有一枱.最奇怪係亞叔waiter, 樣樣都答係咁嫁啦, 汽水唔夠凍, 就答雪櫃唔夠凍馬, 最凍係咁, 毫無服務可言. 好似去佐屋村酒樓.我以後都唔會去

咁O岩朋友聚會連續2晚都O向度食飯!第1晚係食9點前,因為有10數人,我們一連氣叫了很多O野食,亦因為咁,時常發生食物重覆上.幸好待應阿姐們都肯收回多上O既食物.本地牛同肥牛都幾好味.不過肥牛每碟O既份量唔多.我O地仲叫O左隻象拔蚌,我D朋友都生食,我就唔係好敢.不過隻蚌都尚算新鮮.另外推介手打蝦丸同墨魚丸,好爽.第二晚9點後,碟碟都係10幾蚊.材料都真係幾新鮮.我O地都有食蝦,不過每隻只有尾指咁大.相比起9點前真係抵好多.而且冇之前果餐咁嘈(因為之前果晚隔離坐O左D人係咁大聲講野兼爆粗!),可以幾個朋友傾下偈.係旺角冇乜選擇下,呢度算唔錯了.

之前黎食過一次, 上一次2個人食, 覺得個沙爹湯幾濃幾香, 手切肥牛亦幾好味~ 所以再次番黎食, 仲帶左朋友一齊黎添但係今次可能黎得夜少少.. (其實都係10點多), 點左沙爹鍋, 手切肥牛(約$65), 風鱔片($20), 貴花蚌(唔記得幾多錢), 金菇, 菜, 四寶丸, 豬粉腸, 芋絲等等...這些碟碟$12, 再加竹庶水一瓶今次o的料冇咁新鮮好食, 手切肥牛尚算keep到水準, 有牛味, 雪花紋, 不錯! 沙爹湯幾好味, 幾濃, 但之後佢\\\地只係加水, 令到湯味淡左, 而吃後有點口渴而竹庶水, 味道不太好, 下次唔會叫喇...貴花蚌.. 唔夠新鮮, 而其他的材料.. 沒有甚麼驚喜, 若俾我揀, 本人意見覺得, 同樣價錢, 稻香真的新鮮o的環境方面, 而今次坐係酒樓較入既地方, 發現佢\\\地o的地下都幾\\\"濕淋淋\\\", 加埋佢\\\屬舊酒樓, 枱布碗筷較舊,乾淨程度扣左分,且唔係好夠冷氣,仲發現行上樓梯時.. 有一陣味道... 令人有點..坐得唔太舒服.. 希望可以改善一下~ 因為環境清潔都幾重要另外.. 佢\\\收茶介, 醬油費佢\\\都收得多, 佢\\\上枱時己附

火鍋料大部份$25碟，價錢ok，質數普通個沙嗲鴛鴦湯底較濃，加左幾次水都唔太淡火鍋料-斑片:好食，不過份量少d貴妃蚌:新鮮爽口手切本地肥牛:唔太肥但有牛味手打丸:一般黑柏葉:一般魚茸麵:冇咬口

之前都o黎過幾次肥牛酒樓度食飯打邊爐,一向都覺得食物質數唔錯, 只是裝修格局比較舊！但尋晚同舊朋友聚舊去打邊爐先發現o果度重新裝修過,感覺完全唔同~好似煥然一新咁呀！間酒樓有兩層, 地方大檯多唔駛等位,環境清靜絕無其他酒樓o果種嘈雜氣氛！環境靜自然食都食得舒服ｄ啦～火鍋底多款之餘仲好正，最吸引係：羅宋湯芝士鍋($48) ＆鯊魚骨鍋($68)！諗o左好耐終於揀o左鯊魚骨鍋,ｄ鯊魚骨湯底真係仲越滾越鮮甜,完全感覺唔到鯊魚骨o既"腥味"～正！！！^o^至於火鍋料款式多多, 雖然碟碟$25 唔算平,但係配料真係好鬼新鮮, 而且仲大大碟, 絕不馬虎！$25.碟可以有咁o既質數~抵到爛啦！食物質數簡直可以拍得住九龍城ｄ乜乜火鍋專門店呀～點o左好幾款海鮮, 碟碟都好鮮甜味美,我o地叫o左幾碟貴價海鮮同一大碟手切本地肥牛,食到飽飽~ 最後埋單每人都係百零蚊咋~~ 去邊度搵呀？

d 服務勁好! 好親切. 昨晚我地10 個人, 叫左個套餐, 都係$600 落樓! 抵食... 但個甜品, 就有待改善。

呢間酒家,細個成日去,因為我當時就住係附近,一日心血來潮,行到去呢度,一心諗住,都咁耐喇,肥牛應該執左啦!點知佢仲係度禾,突然之間,好似好感動咁,因為勺起番孩提時代同家人黎飲茶既回憶,仲記得個時呢度最好食既係芒果布甸,次次黎必嗌。唔知而家係咪仲咁好食呢? 如果有朋友黎開,不妨試下呀!