肯德基家鄉雞 (KFC)

营业中

休息中

呢排成日要一早出去，多咗時間走去食早餐，貪KFC夠平仲要無咩人，見佢一個包加薯餅同杯嘢飲都係二十蚊，抵嚟講可以話係第一城呢頭超曬班當然你話係唔係好食就無咩特別，就係正正常常快餐店嘢食咁嘅味。前後都唔止食咗一朝，d嘢一時好夠熱，一時又暖暖哋咁，夠熱時我覺得好味嘅，暖暖哋食落口就不過不失啦。薯餅其實幾好味喎，之前無印象係KFC食過薯餅，其實唔比M記差，我覺得好過添。包有好幾款，不過淨係食過火腿呢種，其他望落貌似好膩無試。

原來佢手機落單有優惠卷估佢唔到apps 入面有優惠卷滿$55 減$5二個下午茶唔夠數落單時最下面竟然有個優惠同步用就係加$3 有鬆餅😱咁就good 啦加二個啱啱好夠$56😬😬用手機落單真方便一路行一路落單仲可以趕度17:30前落單去到即刻有得拎👍🏻

沙田第一城分店 若你在晚上9：30 入內進食 會有位灰色衫員工不停的向你倒數時間 一坐低就同你講十時關門 ,這本來都無可厚非約法三章 我覺得冇問題 但係之後會隔十分鐘就同坐客報時間 仲有廿分鐘 慢慢食吓; 仲有十五分鐘 慢慢食 關了閘才就都仲得等等.. 話裏有骨.... blacklist

Kfc嘅炸雞， 一向係我嘅最愛 ，另外佢嘅薯格都係我嘅好鍾意嘅食物， 今日我嗌咗蘑菇飯，葡撻，薯格和可樂，葡撻上面有3粒麵包脆，加埋一起吃顯得非常滋味，它的蘑菇飯都是熱辣辣的，對於我這種飯筒來說，就很滿足了，我最喜歡就是吃它的薯格了，外脆內軟,配上 冰冰的可樂，簡直完美至極。

今日同朋友一家去食tea,朋友諗住平平哋去kfc食23蚊餐，平時我都成日食呢個，今日唔餓，見到佢個板有新出雪糕，紫薯口味，好吸引咁喎，問個店員幾錢水，原來17蚊,唔叫平又唔係好貴，決定一試。比完錢個職員即刻整咗比我，呀.....個賣相差咁遠嘅唔叫都叫咗，一嚟食個白色波，好似無味嘅一舊無料湯丸。食個雪糕，ok正常味，但係食食下有dd冰碎係雪糕入面。望返朋友嘅下午茶，真係吸引好多，仲抵食好多差5蚊係成個餐...

依家物價高漲，夜晚出街食一餐飯無$80-100都走唔甩😭估唔到kfc出左一啲優惠套餐，埋單唔洗$50，但又食得飽，間唔時食下都唔錯👍🏻今次叫左脆香雞加蘑菇飯加杯可樂，不過不失，啲雞皮炸得幾脆，雞肉滑～

友人本來想食KFC的鬆餅，原來早上才有的。於是我哋選擇咗「狂惹香燒雞餐」有兩件「狂惹」香燒雞，一個小馬鈴薯茸及飲品。另外叫咗兩個葡撻和一杯熱奶茶。取餐時，覺得雞件樣子醜怪，好像不太好吃似的，原來味道是不錯，小小辣，皮冇乜多餘脆漿，雞肉都幾結實，幾好味。葡撻KFC的有一定水準，外皮鬆脆，蛋漿唔會太甜。薯蓉都係我喜歡食的，滑滑的很有薯仔香味。奶茶也不錯。

其實好耐之前已經對KFC冇咩期望，亦都知道每間KFC質素都好參差。但sorry... 我懷疑而家係冇參差，可能全部一致地差🤷🏻。我真係好耐冇食過好食嘅，如果可以嘅話有冇人可以話我知邊間仲似返啲樣。今日嗌左個M2 辣雞餐。個炸皮得個硬字，完全唔脆。啲肉又乾，個味又錯，從來都未食過咁嘅味嘅KFC辣雞。究竟係咪改咗recipe呀大佬。有時真係唔多想幫襯KFC，越做越衰。KFC唔係franchise架嘛? 要管好啲質素都咁難咩? Jollibee真係好佢多多聲囉！

去沙田睇戲前肚餓又見有優惠就去左食KFC 都好耐無食了入到去超級多人 醒目既男友就向自動機到買 好快就有得食 雞我比教鐘意佢個個香辣味 因為d粉無咁厚身無咁漏而個味好夠好入味 惹味但我最愛都係佢既飯 bf叫既呢個係mix埋蘑菇同白汁雞皇 第一次咁樣食 唔知係咪好耐無食 覺得個白汁雞皇好似好食左？ 佢好似將d薯仔煮得溶溶地 令到個汁糯糯地 包住雞肉同飯勁好食！ 同埋原來撈埋蘑菇汁係夾 搞到食左好多今次唯一遺憾係唔記得叫葡撻 要再黎

食物 : 東瀛亂賣相 :7.5/10味道 : 7.5 /10 ，啲雞有啲乾，唔算太多肉汁，而且味道調味一般，不過都可以接受環境 : 8/10，地方幾大，有好多位坐價錢 :hkd 46/ 1人性價比 : 7/10

呢排銀聯信用卡有同kfc合作買滿$60減$30 搞到我又係日日食又搞到我對呢間分店既炸雞有一定既感想食家鄉雞 一定唔好食原味因為佢個粉同舊雞係痴唔埋既仲要冇咩調味我食辣 食佢個炸粉好過同埋kfc既手套真係要講下佢手套本身都勁垃圾會穿油既 用完好似冇用咁依家仲要懶環保出個3指手套真係用完都成手油....真係唔用好過聽講遲d仲會出2指手套我睇你到時點食....題外話 新果隻牛油蜂蜜脆雞係幾好食既 外層甜甜地 炸粉又唔算厚之後都會叫呢個餐

阿媽係第一城返工,特登落去搵佢tea一tea, 唔洗成日食樓下果幾間,行左去置富睇下有咩好食,看似好多野食,其實又唔係🤣本來想去食日式火煱,但有d晏食完會食唔到晚飯,最後都係決定kfc食小小就算最抵食一定係茶餐,一人一個s1每次有飯我一定叫多汁,因為試過半盒飯無汁!但執單既人根本唔睇,隨手拎比你就算...我見唔算太少就無叫佢換平常都係外賣返屋企食,原來堂食葡撻咁好食…酥皮好脆!隻燒雞翼有d乾身,可能放左一段時間汽水無蓋所以裝唔滿 不過唔緊要因為平時都飲唔晒

原本想去KFC試下黑蒜脆雞，但原來已經冇左。只好揀左個最新既五重大盛巨盒，其實就係普通既蜜糖雞套餐，有葡tart、薯蓉、同細蘑菇飯。蜜糖雞都係咁好食！但蘑菇飯冇平時咁多汁。整個餐要50蚊，性價比一般，比平時kfc既優惠套餐冇咁抵食

在第一城商場走了一個圈，這裹有許多不同連鎖快餐店，最終揀咗KFC，因為佢嘅下午茶真係極度抵食！只係$23，蘑菇飯、雞全翼、葡撻，仲有杯汽水，當然可以揀咖啡奶茶。雞全翼皮脆肉香，焗得非常惹味，熱辣辣，十分可口呢。邪惡酥皮葡撻當然一定要食，可惜size變細了。汽水大大杯，大家記得要支持環保走飲管啊！雖然係細蘑菇飯，但是下午茶份量都已經很足夠，汁多料多，越食越好味。這間分店之前新裝修好，多咗一個雪糕counter。單點這幾款小吃也很吸引呢！

難得今日放一天假，得閒的我便獨自去到我的家裏附近的第一城（肯德基家鄉雞）食左一個極休閒的快餐，平時中午及晚上都會有好多人等位，今日我就可以慢慢地享受，因為肯德基都算是平靚正的快餐店之一，所以我便揀少人的時間嚟幫襯，我最喜愛就是蘑菇飯，有時做特價勁抵食。 平時冇乜人的時候，可以坐喺度好耐都得，又有冷氣嘆，都十分之舒服呀。雞件炸到外皮好香脆，而內面的雞肉又不算太老，都好入味茶餐廿幾蚊有2件雞件、1個葡國蛋撻同一杯凍可樂飲品，真係十分抵食。