肯德基家鄉雞 (KFC)

营业中

休息中

第一城間KFC 剛剛裝修完無耐，個格局好似麥記，有個甜品站賣雪糕/飲品。晚餐諗唔到食咩就去試下呢間KFC. 嗌左個三人餐，鍾意佢送果個百事袋，幾靚喔！呢間KFC 出名慢...買野排長龍，等攞野食排長龍...裝修完，都係咁...😅今次啲食物唔夠熱...雞、雞粒、葡撻...都只係暖暖地咋...有待改善... 啲飯就ok 因為個汁可以煲住。同埋今次啲雞細過以前 1/3 度喇～ 細左瘦左所以真係未必間間都食～而家佢響應環保，唔俾飲管，都ok 嘅，就咁用杯飲。但你有需要都可以自己攞飲管。

因為app咁岩有coupon, 所以去左買kfc, 沙田分店真係超多人要排好耐~分別用左2張coupon, 亦專登分開2次買,怕收銀會亂,可惜最後都比錯😆辣雞~一直都係最愛,買完放左一段時間先食都脆卜卜!但今次薯格好乾身,所以唔太好食而和風味既雞,同辣雞一樣沾左粉再炸但就唔辣,然後塗一層醬上去可能無辣味既關係,和風雞既皮好重油味(因為油會重覆用?),而上面既醬亦唔岩我口味,所以覺得麻麻地,不過新出一試無妨飯同雞粒中規中矩,好食~

阿仔鍾意食呢度既黑椒磨菇飯，所以揀在呢度食lunch, 3個人叫3人餐。3人餐有好多雞，如果一般食量，就剛剛好，雞件除新款的和風醬脆雞外，其餘可選兩款，我選了辣雞及泰式雞，其實我覺得泰式雞仲好味過和風醬脆雞，因為和風汁好少，會另外俾一包紫菜，要自己打開紫菜包，用一塊紫菜包住雞黎食，食落會有雞同紫菜味，但沒甚特別。可能係中午既關係，所以每款雞都幾新鮮。葡撻烘燶既顏色不夠，加上熱度一般，沒甚特別。磨菇飯夠熱，保持水準。

日日食早餐都唔知食咩好見kfc有優惠就去左食佢鬆餅配薯餅飲熱檸茶其實兩樣都係極肥膩的早餐太耐冇食薯餅所以肥就肥熱辣辣的薯餅最好味鬆餅一般以甘的價錢可以接受唔會有太高要求

避開lunch時間，下午茶時間人不多，價錢又經濟。KFC下午茶4款也是$22，加多$22有超大蘑菇飯和飲品，充夠兩個人吃。最愛雞皇飯，葡撻，沒有炸粉的雞脾。雖然4款下午茶餐沒有我最愛的組合，很久沒有吃芝士撈通，所以選了S2。芝士撈通咸多DD就perfect雞下脾帶少少辣，好味道。不喜歡薯蓉上的蘑菇汁，總是覺得不配。蜜糖綠茶最底有蜜糖，要攪拌才渴，味道像菊花茶不知為什麼今次超大蘑菇飯多了幾塊炸雞粒。

睇戲前友人見有少少肚餓想食KFC於是就去左食叫左葡撻細細個有蛋香，內熱皮脆，不太甜薯格香囗脆卜卜但稍濃炸雞件熱辣辣的，外層雞皮香脆雞肉嫩滑還保持水份不過磨菇飯雞皇飯吃落硬崩崩，汁又唔係好夠不夠拌勻飯，徹底的失敗可樂好甜同真係無乜氣，真係敗筆我認為總結雞最有水準，炸雞是這裡的強項不過飯真係失色

我很愛蘑菇飯。KFC有蘑菇桶飯真的令我很感動😢巧合這天要在第一城獨自解決晚餐，kfc就成為了我的不二之選。蘑菇飯份量很大，汁也很夠!!!和雞皇桶飯一樣，比起正常的飯會另外加雞粒。唯一要挑剔的就是這些雞粒，外皮不夠脆，因為上星期午餐時段在沙田店吃那又香又脆，而這次雖然飯是熱的，但雞粒則像放了一段時間般。不過$22可以吃到我心愛的蘑菇飯，又很飽肚，所以無需要求這麼高。

估唔到加餸都可以選擇呢度, 因為見佢有新口味雞翼, 於是買嚟加餸, 但唔知點解咁鬼多人, 等好耐先買到, 好在買到番去凍咗都仲OK, 唔會話唔脆~叫咗兩個口味, 每樣5只  蕃茄味好似食緊蕃茄味薯片咁, 好勁蕃茄味, 雖然明知佢D蕃茄味只係味粉, 但都覺得唔錯, 而且好脆   wasabi味都幾搶鼻, 好似食緊wasabi豆咁, 但d味仲勁d, 除咗wasabi, 佢面頭仲有d紫碎, 唔知係咪果d紫菜碎係wasabi味呢?越叫得多越抵, 但都要$4.2/只, 其實都算幾貴~

今日系海洋公園玩左成日,夜晚由原本諗住反黎沙田唱k,結果無唱到周圍逛,行到黎第一城搵野食,我地主要系好想有杯汽水鋸下,麥當勞就無幾耐之前食完,竟然系第一城俾我地搵到kfc,咁耐無食梗系唔放過啦!黎到門口見到都好似出左好多新野食喎,我揀左其中一個,加大碼雞脾皇餐,睇下隻雞脾系咪真系勁大先!比我想像中細少少,都唔系咁king size姐,不過蕃茄味就真系幾好味,個皮脆得黎除左有蕃茄味仲有d辣味,我點左d辣醬都仲有蕃茄味,味道幾濃幾好!呢個餐跟個葡撻,我本身都好鍾意食架喇,不過我覺得今次食特別好味,酥皮好鬆脆,蛋漿甜得黎有少少窿味,我好鍾意食!至於個雞皇飯就差少少喇,標明系用燕麥飯真系有燕麥既,不過好少,而且本身個飯好濕好淋,感覺好似食緊d飯加水再叮咁淋既飯,好難食!加上個汁完全一d味都無,食左少少就已經唔想食落去!鋸一鋸我揀左百事可樂,平時唔系好鍾意飲百事因為覺得百事少汽d同甜d,但今日竟然覺得好好飲,可能我太口渴喇!

今日去完海洋公園，本身想返黎富豪neway唱k，不過覺得呢個時間唱唔係幾抵，於是行左過第一城搵啲野食下。原來第一城係咁多野食嫁喎，我以前讀ive成日過黎，但只記得呢度有間麥當勞，今日先知而家變到好似黃埔咁。由於唔係太肚餓，隨便逛左一陣，見到有kfc，見好耐無試過堂食kfc，就入去試下佢最新嗰多重滋味套餐啦套餐包括：1.響脆黑椒雞~係呢個餐嘅重點，所謂嘅多重滋味，都係因為有呢個近期推出嘅口味，印象中之前都有出過，我都有食過，邊有咁難食嫁？@@＂睇都見到有幾黑蚊蚊啦！又乾又硬又鞋又韌，上脾都可以乾成咁，真係炸到過晒火，黑椒味濃，附送燶味！2.巴辣雞翼~ 兩隻都係又乾又硬，層皮好似食緊餅乾咁實，細細隻都要用力齒佢，真係食到想掉左佢3.辣汁磨菇飯~ 呢個最入得口，汁夠多都無開稀晒，可惜係啲飯少少爛，撈埋汁以致太淋。4.中汔水，加$2升級檸底~ 叫左杯凍檸七，有三片檸檬，夠晒檸味，因為幾件雞皮太過乾柴，杯汔水好快ko左## 未能證實係呢間分店嘅問題還是因為我喺佢地臨收工所以啲野係賣淨蔗，但我肯定嘅係，我唔會再比機會佢！要食嘅就過返新城市喇

是日大年初二, 依然周圍都未有太多舖頭開, 所以要幫襯呢D大公司, 因為佢地全年無休, 而且咁啱有COUPON, 所以叫老公外賣個三文治比我做早餐................ 芝士雞肉三文治張COUPON個樣係有3層切成三角形的方包, 中間再夾住芝士雞肉餡, 但我一打開個包裝紙, 只係2塊生命麵包(即係細細塊果隻), 夾住芝士雞肉, 遠遠比想像中差好遠LOR~~ SIZE又細好多, 餡又冇咁多, 唔通佢冇麵包返貨 雖然係十幾蚊, 但都唔係咁細舊呀 如果佢唔係3層, 就唔應該咁樣影出嚟放响COUPON度, 好誤導LOR~~不過佢D餡的味道都OK, 有幾多芝士, 仲有沙律醬TIM~~ 熱朱古力估唔到KFC都有熱朱, 但唔及麥記好飲, 佢果D好甜, 而且只係汁朱古力粉, 到返到屋企打開時, 仲可以成舊粉見到, 我仲要加熱水去溝淡同整返溶D朱古力粉..............

天寒地凍, 唔想動手煮, 又唔想出街食, 但老公竟然好主動話佢去買返嚟食, 真係好喇~~ 其實開頭都唔知食乜好, 咁佢出去買, 當然要佢諗埋啦~~ 佢無啦啦話好耐冇食雞, 咁即刻上網睇下有乜餐抵食~~ 但佢全部餐都有飯跟, 我至唔鍾意食佢d飯, 所以最後都係決定淨係叫雞食.............上網睇有x'mas special offer, 可以淨叫一桶雞, 入面有12隻, 點知去到門市比錢買時, 原來唔係計一桶價錢, 係逐舊計, 比上網睇仲平咗少少tim~~其實2個人邊食得哂12件雞丫, 最終都係KO咗8件左右, 我已經覺得好叻~~ HAHA~~ 咁啱佢仲有新出果隻雞, 即係蜂蜜+麥皮果隻, 所以12件都係叫咗呢款, 開頭食感覺上怪怪地, 因為個皮好甜, 但D肉又唔係甜, 唔知點咁, 不過食完一舊就覺得好得意, 係咁食食食...............但皮仲比舊款雞脆TIM~~ 只可惜外賣返到嚟冇咁熱, 同埋個皮應該比堂食林少少, 所以食呢D炸嘢, 真係要堂食先最好食LOR~~~

第一城又開始裝修，大家樂選擇會裝修後繼續營業，而KFC就選擇了結業。結業前，來過這裡吃過早餐。這次要了雞扒蕃茄湯貝殼粉，另加Tropicana鮮橙汁。雞扒比茶記的細少尚算可以，貝殼粉就不錯，有點煙韌的，加上新鮮無添加糖粉的鮮橙汁，開始一天的工作，不錯的。但是，不算夠飽，是因為我大食？加個鬆餅才夠........

中午叫了外賣是75元二人套餐, ORDER之中有兩件家鄉雞, 兩件SPICY, 本人媽媽吃了兩件家鄉雞後, 留下其他SPICY的給我, 但晚上我回自己家中, 打開來吃了一隻雞翼之後, 發現其中一件是炸粉而不是雞上脾來的,

哈.. 終於寫我第 2篇食評喇...2010年的第 1餐竟然在 9月 8日先寫 =.=由於時間太耐了只記得這餐KFC 外賣速遞..... 大部份食物都 "一般"