影片
营业时间
今日营业
07:30 - 22:00
星期一至日
07:30 - 22:00
以上资料只供参考，请与餐厅确认详情
兩個字講曬：垃圾我食過幾次呢一間KFC 佢每一次唔係無呢樣無果樣就係出餐勁慢，D單本來都已經係多 D店員仲喺度慢慢嚟同埋我有一次試過買完之後過左好耐先同我講話無炸雞 叫我等多20分鐘🙄
继续阅读
早上冇乜客，來到點餐阿姐淨係掛住傾計，另一個出餐阿姐邊傾邊企埋一邊慢慢歎緊個包，我企係度等咗陣阿姐先肯施施然咁過來，當時出餐阿姐拎咗個包仲望咗一眼先放入袋，hea住做都算，點知我返去發現佢都係比錯包仲收多咗我錢！改日早上又見到呢兩個阿姐，唔想做咁態度又差，好心你辭職啦我迫你返工咩！
继续阅读
7號2點鐘去淘大KFC食飯，咁見到個餐盤上邊冇提供餐具同埋紙巾，我就有禮貌咁樣問店員攞叉，結果問咗三次都係俾個帶住帽嘅男店員無視咗三次。結果我自己伸隻手入去counter攞…我唔知依家嘅KFC係咪要自己攞餐具啦，話晒嗰陣仲唔係話最繁忙嘅時段，雖然忙，但係唔係忙到冇空餘時間理人，我覺得咁樣好唔友善。啲嘢食就正常嘅。
继续阅读
叫咗個二人餐，等左勁耐都算，仲要漏左好多食物… 剩係得返個雞同埋個飯，小食漏晒So call 一間炸雞店expect 佢個炸雞會過得去，點知乾得誇張，肉質有如一個老婆婆暴曬完咁缺水一樣，好似食緊樹皮。雖然係快餐連鎖店，但係麻煩都對得住食物呢兩隻字，唔該。
继续阅读
好少河屋企唔煮飯，家人又唔返屋企食飯唔洗煮，可以叫邪惡野食，收工喺app order定巴辣雞腿包，2件巴辣香雞翼，經典^葡撻，狂惹香燒雞餐，淘大商場嗰個KFC通常都好多人排隊，每次都等好耐，唔可以Walk in買，我早定半個鐘叫定，一去到就有得攞，返到屋企都仲係熱辣辣啊，同埋呢個餐好嘅就係佢唔包飲品，我返屋企開罐可口可樂仲開心，食曬成個餐之後好滿足，因為冇我想食嘅雞皇飯，蘑菇飯，薯蓉咁，成個餐入邊所有嘢都係我鍾意食嘅野，最鍾意食既就係狂野香燒雞😝😝😝
继续阅读