肯德基家鄉雞 (KFC)

营业中

休息中

肯德基的薯蓉 口感 軟滑，味道鮮味， 還有 特製的 葡撻， 外面脆皮， 面層有 一層薄薄嘅焦糖 味道不錯。 如果食午餐的時候 加多個蘑菇飯， 想唔飽都幾難。 蘑菇汁配有 黑椒味 淋上飯裡面一起進食，非常惹味 ，夠曬開胃。 套餐還有 熱飲一杯 ，認真超值。

Kfc新出左杯焦糖爆谷新地，今日天氣太熱，行過整返杯～用點餐機點雪糕🍦速度快左好多，唔洗排隊～等雪糕期間就用洗手機洗下手，好先進，自動出洗手泡，然後停幾秒先再出水，最後仲自己出抹手紙～乾淨又方便一洗完手杯雪糕就拎得，焦糖醬淋係爆谷面頭，好像好吸引咁。原來係用北海道爆谷？好像好特別咁？爆谷仲好脆身，食落仲重焦糖爆谷味，但食落又未到好驚喜！雪糕食落甜甜地牛奶味又唔重，普通啦～焦糖醬唔夠多，又唔夠香，有的失望😞

尋日我去咗我屋企附近有間好正嘅kfc食飯點咗個雞粒飯 個味道唔錯雞粒夠脆啲飯夠軟身但好似黐埋一pat咁 然後叫咗一個燒雞套餐 蜜糖味燒雞呢就甜甜哋有啲蜜糖味然後嗰啲蘑菇飯呢幾有無辜未我仲之最平茄汁落去添另外變成茄汁蘑菇飯 然後佢啲可樂我發現呢百事可樂真係好飲過可口可樂、 然後我用另外畀一百蚊雞定係唔知十蚊雞點做個有鹹蛋味嘅雞翼我食落個鹹蛋味雞翼覺得佢好有鹹蛋味同埋雞未完全係絕配但我女朋友就不敢苟同佢話食落個味怪怪哋 我完全唔贊成

今日同屋企人去睇戲，見仲有時間又冇野做就去左kfc 食個下午茶，今次叫咗個香烤蜂蜜雞翼餐，等左一陣就有得食，份量都可以，但沒想到竟然極失望，首先我覺得好保險好難不好吃的蘑菇飯，竟然勁濕而且磨菇醬勁少，食左一半好似食糊仔，之後食左一半扔了沒有吃，葡撻一直都覺不錯但今次都係失望，又凍又乾身而且沒有蛋味，表面沒有燶位沒有香味和葡撻獨有的甜香。這裡的熱奶茶都偏淡，整體來講十分難食，吾會再去這間分土店買野食。

使用KFC傳統新西蘭牛乳新地，再唧上特製鹹蛋黃醬，呈現流沙狀態，口感軟滑。而且味道更像冰凍的奶黃包，有驚喜！喜歡吃奶黃包的朋友切勿錯過！鹹蛋黃醬好濃鹹蛋味，都估唔到同新地雪糕咁夾。

今日放工好鬼hungry,去左KFC食，唔講都唔知原來KFC係有下午茶食既！ 有幾個唔同既茶餐choose! 我叫左既係S1, $24！ 佢仲支持alipay付款，扣埋coupon 都係$21！ 你KFC Member 仲可以加$5要埋個薯格！呢個餐盒包左1個細mushroom rice, BBQ wing, 葡tart 1個，熱奶茶一杯！ $24黎講係超抵食！唔錯！ bbq wing係我最喜歡，外面有層honey,加上脆皮，又有肉汁，好正好好食喔！熱milk tea都好飲，茶味濃

情人節同老公喺屯門買飛睇早場， 買完飛行過入商場見到肯德基 買咗兩份同老公撐枱腳 ，鬆餅熱辣辣 香烤雞同原味雞好味唔太乾， 坐得舒服又夠冷氣 ，食飽就趕入場😚整體上食物合格!

之前KFC出咗個優惠， $20有五隻巴辣香雞翼，見咁平就去買黎食。雞翼外脆內軟，熱辣辣咁食真係好正，雞翼好香，個辣味又好出，配埋甜酸醬真係一流。20蚊有5隻好抵食，希望優惠遲d會再出。

今天放工後和朋友吃晚餐,來了肯德基,雖然平時成日都食,不過好小會黎依間,因為地7唔太方便我我地叫了G1套餐包括兩隻脆香雞中翼！一隻蜜糖雞全翼！一個葡撻及一杯百事！炸雞翼即整夠晒熱辣辣 傳出黎既香味，經已令人垂涎三尺！雞翼吾乾身 ！香口惹味！好juice ！本人最愛蜜糖雞翼！唔會過甜，食多隻都唔會膩！葡撻酥皮真的薄得要命，吃起來就不太酥香！但最令人驚訝的是那蛋餡！面層的焦糖確是有點焦香！入口蛋味也算重！服務員, 個個很落力！可以俾足5分的服務！

嚟到KFC個個都係食雞，咁多年來啲雞都保持到質素。呢間KFC都幾大好多位都乾淨企理。啊唯獨係快餐店彈出餐都比較慢。不過每次都會好期待佢嘅新款式。希望出餐方面有改善。

行過kfc門口發現好耐冇食， 心旭旭就想懷念那兒時最喜歡食既炸雞， 發現今期kfc出咗一個好抵食嘅套餐， 48蚊就有曬薯格葡撻兩件炸雞同埋一個家鄉雞皇飯， 薯格非常脆， 葡撻亦都非常香口， 家鄉雞依舊係嗰種味道， 實在係懷念兒時回憶嘅好去處

KFC熱賣$50/12隻雞中翼，被facebook廣告吸引的我，收工拿拿聲去屯門的分店品嘗一下。時間尚早，所以我去到的時候人流不算多，點了$50雞翼外賣，好快便可以取走。回到家打開，d雞翼只是暖暖地，唔夠熱，d皮又乾，不過醃得非常惹味。

近年掀起一陣陣既韓風，多左好多唔同既韓式炸雞店，但無論款式點新鮮、炸得幾好味，都無辦法取代到肯德基既地位。香辣脆雞餐，基本上我每次都係食佢，係咪好專一呢！雖然偶爾會失準，但今次好得，雞炸得新鮮熱辣，外層脆卜卜，香口惹味，一咬落去肉汁四濺，雞肉又夠滑。薯格都係絕配，鬆脆可口，記得要點多多既茄汁去襯托，滋味滋味！今次試下新野，櫻花雞翼，個名真係好sweet好浪漫，但原來食真d係spicy架，真係估佢唔到，仲一心諗住係甜甜地既，不過味道都唔錯。葡撻，飯後甜品首選，又香又甜又鬆化，你明既。

肯德基家鄉雞，間唔中會搞下特價，今次遇見50蚊6件雞，梗係要買嚟食啦。外賣攞走，用盒包得好完整，所以返到屋企依然都係熱辣辣，冇走樣。見到外面炸到脆卜卜的炸漿，流曬口水，佢有三件係雞鎚，另外三件係雞髀肉。先食雞槌， 今次的炸雞是原味，不辣的，但感覺比辣味好味。雞鎚的肉很滑，外層皮見到有很多胡椒粉，食落更加惹味，更加香口。雞髀肉，啖啖肉，最鍾意食，次次都搶住食，炸漿同雞鎚一樣，味道也一樣，只是大家視乎口味，喜歡食雞鎚定雞髀肉，我就喜歡食雞脾肉裏面舊軟骨。六件雞，兩個人，食每人三件，一陣間消滅了。希望肯德基得閒又要搞多啲50蚊6件雞，我一定多多幫襯。

天氣凍冰冰，一個豐富嘅早餐好緊要，如果唔食暖d ,個人唔精神做唔到嘢。再次幫襯 kfc 的早餐，真係好多選擇，今次我揀咗：香蜜鬆餅配火腿番茄湯通粉早餐，上網列印kfc coupon , $18就有這個豐富早餐啦！早餐包裝得好好，攞到返公司都冇倒瀉，隔咗三十分鐘之後先食，仍然有微溫，算ok。圓形火腿一大片，剛好蓋滿整碗湯通粉呢！蕃茄湯通粉係我最鍾意食嘅早餐，蕃茄湯味道剛好，不會太酸，也不太淡，但質地稀一點，有粟米粒甜甜的，通粉沒有浸淋，質地仍然是煙韌，而火腿爽口，同平時的快餐店一樣，食得過。感覺好豐富，成個人暖曬！鬆餅外面見到搽咗一層蜜糖，個樣焗得乾身，幾靚金黃色，期望係鬆脆啦。真係鬆脆喎！裏面麵粉氣泡均勻， 咬落非常鬆化，外面脆脆的，食到蜜糖味香甜，但裡面就淡一點，是麵包味一樣，只是質感變成硬一點。飲埋杯咖啡，就是一個perfect 上午 好醒神 佢杯咖啡都落足料夠濃夠香，快餐店質素，算唔錯啦!