膳心小館

营业中

休息中

🇭🇰 < < 膳心小館> > 賀年必買💰 [ ~$100］👯 [ ~10mins ]📍 [ 石硤尾白田街13號石硤尾邨美葵樓地下G06號舖 ]______________________________1️⃣[ 原味蛋捲🥚🫔 ］ʜᴋᴅ100✍🏻 每年新年都會去膳心小館買特別版蛋捲今年佢哋同胡氏這一家合作推出賀年蛋捲分別有家鄉蛋捲同原味蛋捲😋家鄉蛋捲主打無牛油 以洋蔥油代替 想健康少少嘅話就可以買呢一款試吓我哋今次買嘅係原味蛋捲🤓打開蓋就聞到絲絲嘅蛋香同牛油香最鍾意佢一點係唔會過分脆弱🤣拎上手唔會甩碎左一半食落都好夠鬆脆同香口而且唔算油膩 食左一條唔會即刻覺得滯另外佢哋嘅鐵罐設計亦都好吸引我買😍上年同連豬合作 今年就係胡氏這一家但美中不足係圖案係一張紙痴上鐵罐而唔係直接印落去 所以如果想保存圖案嘅話記得要好好打理😆除咗以上介紹呢兩款仲有好多款唔同口味嘅蛋捲 其他賀年食品 例如係蛋散角仔馬仔都有得賣上年都試咗覺得唔錯🥰大家經過開嘅話快啲去買返啲嚟試吓送禮自食都好啱嫁🥳😋好味指數：8.5/10🏃回頭指數：8.510🔎🏷️ #letus九龍 #我要吃掉全世界 #let

建議：記得上艾豬睇定有無貨，依家做緊優惠買四送一 👍終於都買到膳心既蛋捲啦，中秋去拎月餅既時候已經賣曬。前排碌艾豬，見佢地話番左貨。襯住去開石硤尾就去入左兩罐👍 包裝已經轉哂唔再係連豬，變做貓店長同店員🐱 價錢亦調整左之前賣緊HK$89，依家一罐HK$100 🙈 價錢都算少貴，久唔久當止下口癮😂 不過如果買得多就最抵👍 因為依家係做緊優惠 買四送一，姐係一罐只係 HK$80。前題係會買五罐，可以考慮囤貨或者搵人夾🤣今次試左：▫️桂花蛋捲▪️朱古力蛋捲細細個屋企人好鍾意賣鐵罐蛋捲，仲要唔夠力開，要用一蚊撬開個蓋😂 打開既個下聲真係好正。一次又唔可以食太多，因為一定會被發現。而鐵罐除左比較存氣，仲有一個好處係：攬住食啲碎唔會周圍都係，食哂成罐仲可以一次過食埋啲碎😎膳心既蛋捲一打開罐，有塊薄膠片檔住第一層。雖然開罐後唔會有陣蛋香味，但色水唔錯。桂花蛋捲第一次食，有淡淡既桂花味。而朱古力蛋捲既味道亦唔係好濃。不過蛋捲既口感唔錯，幾厚實唔會太易散，而且唔係太油膩。聽講佢地既抹茶味同紫薯味都唔錯，下次有機會會再試下。

建議：高質硬紙包外盒，重用又得，回收都得 一年容易又中秋🌝🥮 月餅吃到飽第2️⃣激：膳心小館。舖面係石硤尾美葵樓，深水步行過去都唔係太遠。今次試左：▫️五仁月餅▪️雙黃白蓮蓉月餅膳心蛋捲聽得多，今次就食月餅。一盒4️⃣個(每個約185克)獨立包裝，硬紙盒裝都幾高質👍 兩款月餅拎左之後，拎完先啪左一個🌕🥮 另外既就再擺左差不多一星期左右先食，雙黃白蓮蓉月餅切開有油😍👍 整體黎講算係偏甜，食完白蓮蓉月有少少膩，不過蛋黃好大粒，出埋油真係幾靚仔。如果會有低糖/減糖版，可能會好啲 😋五仁月雖然無蛋黃，不過入面料都算多。傳統既五仁月既餡係有：橄欖仁、核桃仁、杏仁、瓜子仁同埋芝麻仁。長輩一致認為👨🏻‍🦱👵🏻瓜子仁既比例較多，如果多啲果仁會更好。🥮另外要留意番：月餅包裝 同月餅面既字都無標示係咩月，所以如果唔小心調亂只能靠月餅面既花紋分辨番😂 或者拆盒時記得Mark番。如果想知食用日期同成份就睇番紙盒底。

痴線！原來出咗桂花味！自從牛頭角唔續租之後就冇再買過發現原來搬咗新鋪了！即刻衝去買返兩罐先！其實蛋卷黎講真係由細細個開始就食華園，之後鐵罐轉左內獨立包裝就轉食奇華，德成號唔係成日買到而奇華又不了👋🏻試過好多間蛋卷 皇后/尊/真香/海邊走走…全部都覺得好難食 我寧願幫襯街市獨立一小包果隻蛋卷直至膳心小館嘅蛋卷 開心仔 係一罐蛋卷一碌碌嫁！試哂咁多隻味 最寵幸嘅都係原味！今次見到出桂花味！omg 諗都唔諗買左兩罐！小妹妹話鍾意原味嘅都轉哂食桂花🤣其實自己一向係好鍾意桂花嘅清香！冇諗過會有桂花味嘅蛋卷！因為玫瑰味我都試過！但呢個真係好好食😋佢係一食依然咁鬆脆，唔知點解而家條蛋卷可以做到咁齊口😂首先食果下仲係先黎牛油蛋香味，after taste先出桂花清香味！完全唔會冇咗原味有嘅嘢仲多咗一個層次！好難唔轉軚😂😂😂馬仔都好食，不過蛋卷真係好出色！我食過N罐原味😆椰子、抹茶、咖啡、朱古力、芝麻。其實除咗椰子味之外都蓋過原有嘅牛油蛋香，而且比原味略厚一點。但我唔特別鍾意椰子味，所以桂花今次真係冇得輸！#我真係好鍾意食蛋卷#膳心小館

好似下面個食評咁，我每個月都會幫襯兩至三次。我多數會買三個淨餸，有一次試過買四個淨餸，今次呢就買兩個淨餸（係XO醬白菜仔炒牛肉同埋西檸雞）加1個星洲炒米，每次都會加$15 嘅例湯。佢哋個外賣盒呢就有850 ml嘅，淨餸嘅份量就會佔起碼七成至八成，湯呢就會有九成滿嘅。食物同埋湯唔覺有咩味精，食完唔會點口渴，口味就好似屋企煮咁，總之就都幾好食嘅。星米炒得好乾身好食，牛肉唔老，西檸雞嘅雞肉冇雪味，好嫩身，味道啱啱好。我繼續幫襯

每月二三次光顧已超過一年，員工每次都很有禮貌和友善!但是，每次外賣淨餸份量都有問題，份量少基本上總體是比三餸飯少!😡😡😡今次更誇張‼️‼️單餸紅燒豆腐只有半碗! 〈係肥佬員工裝的〉賣人$38真係痴線🤢🤢

從未寫個食評投訴的人都要立起心肝寫食評寫清楚極差的形容1 - 沙嗲牛麵咸到極級加咗兩杯水亦未能調和咸道～ 真係挑戰我哋環保的人，5想浪費，只好勉強食，味覺警戒我以後一定不會再去幫襯～～～2 - 啡走～打單打全走～即係咩我要係煉奶咖啡～3 - 出餐冇跟膠刀，只好用膠匙切蛋亦係一個好經驗總好過膠匙都冇至於無敵的員工，更加要讚～只有大聲吹水又吹水，我只是來進餐，不想聽你們大聲講馬講閒話講$30都入錯數的低級事，實在太 太騷擾客人了～全個廳只得兩個客，就要好好檢討喇餐廳生意好生意唔好一定有原因～見到你哋咁，我應該整醒目就入來～～～～此次一次吧～～

今次訂了膳心既馬仔、蛋卷、曲奇。在石硤尾取，本來想食埋午餐，但見係即棄餐具，就無囇消費意欲。店內職員都是老闆有心請番來幫忙的，所以未必好醒或專業，所以作為顧客要有啲耐性同包容。馬仔好食，蛋卷就一般。建議自備餐具來買飯38元兩餸

食物水準正常 , 服務都正常但係好心你地d pt 員工 有返d 返工態度好冇????好心你地管下d 員工 咪咁縱容啦去食個飯 勁吵 又粗口 又大大聲嘻哈好影響用餐體驗

之前一直都聽過膳心小館係黃到金既店，所以同另一半去支持下，但食物質素令人失望叫左一份黑椒牛扒飯配熱華田同常餐配凍啡黑椒牛扒飯（$49）有湯附送都幾驚喜，感覺無落味精都唔錯黑椒汁正常味道，飯量較多，女生應該未必食得曬煎蛋有少少流心但可惜無脆口裙邊牛扒非常薄，多筋而且比較韌，用膠刀切得頗辛苦，同埋一啲味道都無，唔係有黑椒汁會比較難食，加上塊扒有超過三份一既筋位，食到一半已經放棄，由另一半食埋佢常餐（$45）唔好睇落好似影相唔錯，但係我哋係俾佢嘅份量有少少嚇呆左由於個餐係男人叫，我只係試咗少少雞扒，其他就評論唔到件扒細到可憐，睇相都見size得半塊去皮方包，食落去既味道係普通豉油味，而且男人食左落肚三份一先發覺入面係未熟，最後換一塊新嘅俾佢總結：服務還可以，衛生就一般般，雖然大部分帶曬手套同口罩，但有一個會出入廚房送餐既女人係無戴手套，仲要俾我見佢模完其他嘢入廚房用佢隻手揀切好既檸檬片放入佢私家水樽，有幾塊佢都掂過又放返落去（因為坐既位可以望到廚房），個下感覺唔太衛生食物質素就真係要好好改善，依傢感覺同茶餐廳都比都比下去，而且熱華田都加成$8咁貴，就算係黃店都好難要人繼續幫襯

【石硤尾】膳心香脆手工蛋卷💛 𝙵𝚕𝚊𝚔𝚢 𝙴𝚐𝚐 𝚁𝚘𝚕𝚕 𝙱𝚒𝚜𝚌𝚞𝚒𝚝𝚜之前嘗過膳心小館的原味蛋卷($89)入口酥脆又富蛋香一直念念不忘最近他們更推出了咖啡味☕️趁有優惠馬上買幾盒回家一開箱已聞到濃濃蛋香和咖啡香氣真的吃到不能停下來綠茶味則較清香🍵每個鐵罐設計都很有心思！他們還有很多烘焙美點例如杏仁餅 花生糖推薦#炭燒豬肉乾 和 #紅莓牛油曲奇🍪中秋也有推出月餅繼續支持小店！

啲員工好似吾係返工咁 我堂食左半個鐘 個三個後生女員工就嘈足咁耐期間仲有講粗 係咁大大聲傾計完全搞唔掂 嘈到根本吾想食就走垃圾 如果吾係黃店根本就5會有人去食就係沒下次 員工太沒質素

林鄭話禁夜晚堂食，只好叫外賣反正都係食飯盒，倒不如行去幫襯吓良心店啦呢間社企餐廳上月喺石硤尾開咗分店，原店喺牛頭角定期派飯，可惜5月尾被房署拒絕續約，需於今年11月結業見到餐廳有售賣大熱嘅蛋卷、杏仁餅等上月搬到石硤尾，由黃金電腦商場前行約5mins即達今次主打兩餸飯、三餸飯，每日唔同款式日日有6至7款餸菜任揀，絕對係區內街坊平價飯之選內有快餐，亦有兩餸飯、三餸飯南瓜蒸排骨、蝦乾蒸肉餅、咖哩薯仔炆雞、翠玉瓜炒雞柳、蕃茄煮蛋、蒜蓉炒時菜，基本都係家常小菜，餸菜充滿鑊氣份量充足，每款都奉送例湯，價錢僅$38至$42

🤓牛頭角既膳心就黎唔做，石硤尾新開左間。見係黃店就支持下，😬不過只能講係幾麻麻，🙏🏿希望改善下啦，店員服務ok ge, 💪🏻加油。內裡座位數量ok ge唔洗等好耐，🙈環境感覺好似去左canteen 咁。。🙈🤩放左好多盒蛋卷 ，都唔少人幫襯，😍見包裝都有心機，有機會會買黎試下S2 蘑菇汁雞排拼漢堡扒 意粉 $49😫一黎要講既係堂食全部都係即棄餐具...唔太環保呢。份量ok, 有湯唔錯。😉蘑菇汁裡面有ok大塊既蘑菇，雞扒同漢堡扒都係普通，👌整體麻麻，好難吸引大家再去幫襯呢，🙏🏿🙏🏿希望改善味道。其實感覺五十蚊lunch質素咁樣，真係會比其他附近餐廳比下去呢😖

早排尼間位於九龍灣既小館不被房協續約，引起大家既關注！當中既原因只有房協自己最清楚 😤 一直為區內有需要長者提供所需，而家面對困難，當然要多多支持佢地！近來佢地係石硤尾邨有分店，🐻早午餐等到有位都會幫襯啊！😃💪🏻早餐🐻通常會叫歐陸餐！「香煎雞扒配腸仔及多士」「吉列魚柳配餐肉多士」都試過！午餐兩餸或者三餸飯送埋例湯就最搶手，或者快餐配飲品都唔錯啊 🤤 另外，仲有售賣盒裝蛋卷、曲奇、馬仔、豬肉乾都不妨一試！推介/ 意見‼️✨歐陸早餐即叫即製，上枱熱辣辣，特別推介香煎雞扒，雞肉juicy又有微脆皮 🤤 ✨兩餸/三餸飯每日飯餸都唔同，🐻覺得非常足料，而且好有屋企既味道 🥺 推介蝦仁炒蛋同埋梅子豆卜蒸排骨！勁開胃！😆✨店內仲有售賣唔同既小食，多人選購係靚靚鐵罐蛋捲，今次🐻就試左「白糖馬仔」同埋「炭燒豬肉乾」，比較有驚喜係豬肉乾，唔鞋又夠juicy，包你有驚喜🤤價錢‼️$34「歐陸早餐」各款，附送熱飲$38/$42「兩餸/三餸飯」，附送例湯$18「白糖馬仔」$100「炭燒豬肉乾」