至尊雲吞麵雞煲 (已搬遷) 新店位置

真心第一次上openrice投訴！！！服務差，打電話去話留位但又話無得電話留，話先到先得，fine！公平，去到現場咁岩要等，比頭飛我，點知中途不停咁比電話留位既人入去！🤷‍♂️咩玩法！？等左個半鐘我2位都仲未放頭飛入！最後忍唔住門口話個比飛丫姐！真心燥！！！blacklist forever!!!

咁耐以黎都係一班人先食雞煲，發現原來二人世界撐枱腳別有一番風味😋依間雞煲可以無限添雞‼️仲要連港式飲品都可以任添‼️實在係太抵食要狠狠懲罰佢😤✨火鍋放題($158)除左雞煲，仲有6種湯底選擇，蘿蔔牛腩煲、重慶麻辣煲、馳名咖哩煲、酸菜魚煲、藥膳湯底、椰子雞煲😛本身唔太食得辣揀左少辣，但都好惹味，雞件幾大件肉多，而且一啲都唔韌😎不過食到一半就會開始想加湯轉火鍋，一般既火鍋材料佢都好齊全🤟🏻順帶一提，佢既小食炸鰻頭好好食😭真正既外脆內軟😋又係任添架！

5:30pm之前$118/位 任食雞煲 5:28pm入去，嗰啲姐姐同你拖到5:31pm落單 計貴你...而且仲態度惡劣!!!話唔食就唔食lo!!!表示唔會再去！食物質素又唔係真係好食，平咋嘛，食隔離嗰間冇咁嬲

難得入到元朗原本想食卜卜蜆煲但原來唔多然後轉戰食雞煲見呢間幾多人排隊，就試下揀左個BB 辣，味道岩岩好雞件都算滑，不過洋蔥香芹較少，同埋唔係上枱即炒，所以略嫌唔夠香最正賣點係除左火鍋🍲配料可以任食就連雞都可以加❤️火鍋🍲配料都係D大路野炸曼頭都好食，又香又脆另外，最有誠意嘅地方係除左一般汽水外，就連檸檬茶，凍奶茶，好立克呢D都有，有茶餐廳水準$148 per head 免加一服務態度良好，雖然有時漏左單

這一間雞煲一定係元朗必食之選, 已經光顧佢好幾次. 首先價錢平148蚊全包已經係最貴嗰段時段任食. 其次食物質素唔錯尤其是雞煲. 間舖頭面積就唔算大總共有兩層大約有十零張枱, 間唔中外邊都會擺枱. 人迫就一定㗎啦. 最推介嘅係佢嘅嘢味雞煲, 可以任食任添, 有幾種辣由你選擇. 啲雞應該有走到油, 煲內有有大蔥有薑, 真係十分惹味. 食完雞之後就加湯, 開始打邊爐, 食物種類都算ok, 食品質素尚算可以, 都係一般出面食開百拎蚊嘅貨仔. 不過佢飲品方面就有啲驚喜, 咖啡奶茶檸茶檸水任叫. 大滿足.

搬左入新界咁耐 至尊雲吞雞煲一直都係我同家姐的最愛 今日又再次去食餐好的 假日148蚊免加一 價錢我覺得係抵食既首先，雞煲十分惹味，中辣香味十足。我個人好喜歡佢既配菜，有洋蔥，芹菜，完茜，吸曬d雞煲味，我都食個不停。最正既係，雞係無限添架😍火鍋配料方面，我覺得都係正常既。我個人喜歡佢地既魚，各款丸，雲吞，萵荀，生菜，仲有竹昇麵。超級超級推介既係佢地既炸饅頭，係世界級既美食，外脆內軟既炸饅頭，加埋鍊奶，係要食完再食再食。最後佢地好正既係即沖港式飲料任飲，凍檸茶水，利賓納，所有都係任飲。佢地仲有自家製羅漢果菊花茶，下火一流。推介大家，未食過一定要去試試。

今日吾知食咩 見有好多朋友系ig story 推介 仲話超級抵食 於是同男朋友就訂位去食啦！去到環境有d迫 我地上左樓上個層 叫左個原味雞煲 走辣。 個汁味道吾錯 幾香。 但我會建議大家嗌辣，會比較香口d。個雞分量好足料，雞都好新鮮，又吾硬。飲野方便系任嗌架！ 我就嗌左檸樂冰底，吾洗加錢，無限添飲，起抵食完雞就可以嗌火鍋料啦！佢地系有超多選擇，好像是雞子呀，豚肉呀，肥牛，鵝豚，薯粉等等 都系任叫。當然一分錢一分貨，肥牛都吾系新鮮，丸類雲吞個d都還好，同我地平時打邊爐都差不多。兩個字 抵食 值得一試極度推介炸曼頭

嘩！酸菜魚湯底！一見到即刻衝入去！初頭覺得好古怪，晏晝做雲吞麵、夜晚做打邊爐咁都得？估唔到唔單止服務態度好好，環境坐得舒服，湯底足料，仲有啲特色野可以叫！有好多款湯底揀，但係我一定揀酸菜魚，因為好鍾意食～兩個人去打邊爐，都係比一個好大嘅窩我哋，入邊好多好多好多魚！又新鮮又肥美！飲品方面，因為係茶餐廳，所以可以任飲一啲茶餐廳飲品～我就嗌咗檸檬茶，店員見我就嚟飲完仲會主動幫我沖多杯！唔單止有呢啲，仲有羅漢果杞子菊花茶，暖暖地飲落好舒服！食物方面，都係正常嘅打邊爐材料，上菜嘅時候分量少少地，我就好鍾意，因為唔會夾硬比好多你等你快啲飽！特別值得一題係，有油炸鬼！ ！萵筍！！竹升麵！！同埋有炸饅頭！！

因為之前係屯門都有食過呢間雞煲，個陣知道有得仼添雞，都去左兩三次不過對佢既味道就有所保留！但見到食評話好過屯門，所以決心一試首先入到去，服務人員都非常熱情！吾會扔低d紙就走左去，相反好主動問我地揀邊款咁我地叫左大辣雞煲，不過張單打左小辣，點知食落，辣到我！！狂灌佢地自家制涼茶一杯 ，食多一陣頂吾順再灌豆漿先解到辣但味道都算可以前前後後添多兩次雞已經叫佢小辣了食到第三次真係好飽好飽！雖然添左兩次雞，但服務人員從無黑面！！因為食雞食到飽，所以無點嗌過火鍋配料，肥牛就真係一般不過魚皮餃好新鮮，另外叫左小小丸類都新鮮暫時呢間算係最抵食既雞煲，無論味道、價錢、服務

上次嚟已經係新開張嗰陣，當時餐廳都仲未有酒牌，要自己買上去，今次去已經賣緊藍妹同青島～星期日7:00前到已經逼爆同埋好多中學生，應該因為任食真係太抵同行朋友唔食得辣，只叫咗BB辣，不過通常雞煲都係越煮越入味，所以都好夠惹味！雞塊有炒香過嘅味，一上枱就食得！(有啲餐廳係要等一大輪呢)食完仲有得免費加雞 隔離枱年青人唔知道，店員阿姐主動提出，我覺得好好啊！任食嚟講，配料選擇都好豐富，牛丸同油炸鬼都好正，牛丸係比較清嘅味，同其他邊爐食嘅有啲唔同；睇食評見好多人大讚竹昇麵，一試之下真係無失望，爽口彈牙，無鹼水味～響鈴就略嫌唔夠脆身；另外蜂巢豆腐、蟹柳都係我心頭好，用西洋菜做個結尾，perfect池呢度仲有得食炸饅頭，同埋任飲凍檸茶！

上一次在屯門店食，環境及衛生一般。但今次來到元朗店，無論是環境還是雞煲，都好食好多倍。雞煲味十分香辣，食落非常惹味，而且雞件甚滑，令人食個不停。餐廳有我喜愛的凍檸茶任飲，而且大大杯。小食方面亦有炸曼頭，暫時來說，是我最喜愛的雞煲！

早前窩夫與蝦子餅看到網上有關至尊雲吞麵雞煲的介紹，好評不絕，便找天去試試看。雞煲放題星期一至四成人收費每位128元，星期五至日、假期及前夕則每位收費138元。窩夫與蝦子餅點了BB辣的至尊惹味雞煲，無限添雞只限此款雞煲。這裡的雞煲比較乾身，味道真的很惹味，沒有太多的醬汁，正合窩夫口味。任飲的飲品選擇很多，有豆漿、咖啡、奶茶、檸檬茶和各式罐裝汽水，還有窩夫點的羅漢果杞子菊花茶，不會太甜，像家裡煲的味道。火鍋配料的選擇也不少，點了西洋菜。美國肥牛、豚肉片、豬頸肉、墨魚丸、貢丸、鮮蝦雲吞和爽口水餃等，鮮蝦雲吞很有水準。魚肚、豬皮、牛柏葉、金菇、蜂巢豆腐、脆響鈴卷和蘿蔔等。安歌脆響鈴卷，還點了鵝腸和豬膶，鵝腸和豬膶都處理得很好。炸饅頭是不少網友的推介，當然要點來試試。要留意落單紙上是沒有炸饅頭的，直接請店員落單便可。炸饅頭沒有很大的驚喜，一人一粒便夠。窩夫點了紅薯粉，有點失望，還是比較喜歡深水埗文記的薯粉。蝦子餅則煮了竹昇麵，有意外驚喜，爽口彈牙，強烈推介。

這天在門口外面看了一會,覺得不錯於是進入去點鼓汁豬扒餐肉蛋飯吃,想不到五分鐘就送到桌子上,而好立克也夠濃,糖份也適中,然後豬扒以及餐肉就咬下去也可以的,因為質素軟硬度也適中,唯獨是就多味精,吃完後鹹了一天,汁那裡調較適中,不多也不少,至於飯就對我來說比較多,因為平時喜歡吃素比較多,也較喜歡多菜少肉,這樣就合乎食物金字塔,這裡的娃娃菜就比較軟,還有不夠菜吃,這樣就不太合乎多菜少肉的原則,好奇的事是因為眼見前面以及左面的桌子也沒有人座,為什麼婆婆以及她的孫女會問我對面有沒人座?這是很奇怪的地方,不過算了,總算吃完一餐!!!

今天氣溫只得幾度，嚴冬天氣最好圍爐取暖，雞煲一連幾天在腦海內不停向我招手，一於今晚就跟媽媽和老公去食雞煲（老父是日有飯局）！隨即在Openrice搜尋，發現了一間新開任食雞煲，$128/位，立即去試試！新開不久，店内環境舒適清潔，但座位不多，大約只有20個左右。鍋底款式多，足有8款。雖然對藥饍雞和椰子雞煲都有興趣，但大冷天底下，想吃辣暖胃，最終還是點小辣至尊惹味雞煲。至尊惹味雞煲👍🏼雞煲可添加雞，印象中還是第一次，大家不用就住，食得暢快！雞肉肉質雖不是嫩滑口感那種，但吃起來仍然是很不錯，配料和鹹辣均恰如其分，色、香、味合乎期望，整體還是滿意的。火鍋配料夠新鮮👍🏼美國肥牛，雖則稍肥，但試過其他任食火鍋見過更多脂肪位的肥牛，所以這個尚且收貨。鯇魚腩鮮甜，魚旦彈牙有魚味，麻辣牛肉丸不算太辣，內有爆汁餡，有驚喜，魚腐正常。韮菜餃餡料飽滿，鮮蝦雲吞和爽口水餃細細粒，有自家製的風味。再來魚肚、響鈴、生根，用來汲湯特別好吃，還有點滑滑的鮮腐竹、玉子豆腐和豬紅。另外瓜菜菇類每樣都點一些，感覺都很新鮮。土魷、牛柏葉和鵝腸都爽口彈牙。超彈牙竹昇麵👍🏼此處供應升昇麵可謂元朗獨家，麵質非常有嚼勁，老公贊不絕口

依間雞煲我由佢係屯門食到佢係元朗開分店😂所以有情意結😁任飲任食 雞仲可以無限添加😏平日食128無加一 真係無得輸✌🏻仲要新店乾淨 坐得舒服 唔覺得迫夾 今次叫左中辣 辣度夠辣 但齋食會覺得咸左少少 預你等陣加湯轉邊爐 但我自己就鐘意食哂d雞先加湯😀頭一輪足半隻雞 雞都幾大件 肉多 夠惹味 質素keep到😊一般打邊爐既料都齊 必食既💁🏻‍♀️炸饅頭😁雲吞 新鮮 蝦爽彈 細細粒 牛丸 墨丸 彈牙 潮州仔朋友話牛丸有熟識既味道我呢偏好墨丸多d😊肥牛 合格 食過淥完之後咬唔開既肥牛 依到唔會😆可以略過既💁🏻‍♀️油炸鬼 想伏既就叫啦第二輪添加既雞 有肉既得幾舊 過下口癮是可以的加錢既小食都幾多 有雞腳 普寧豆腐 都係十幾蚊起飲品都正常唔會過淡 仲有羅漢果茶飲 想試既就去啦✌🏻