臺坊 (香江大廈)

营业中

休息中

呢間店嘅野食款式唔會攪太多花臣，反而專注做經典台灣野食，包括肉燥飯類、牛肉麵、拌麵湯麵同台式蛋餅等等。嗌左個招牌紅燒牛肉麵（轉刀削麵）～幾推介要試下佢地嘅刀削麵，粗身煙韌有口感，我覺得超級滿意😍牛肉麵有齊牛腩牛筋、白蘿蔔紅蘿蔔，好足料👍啲牛腩牛筋炆到好冧，連平時唔食牛筋嘅我，都被吸引，好好食丫，同埋啲料又好索湯入味🤤野飲跟餐有優惠，我嗌左個幾養身嘅熱菊花杞子茶～成個餐total $79, 係抵架～～仲以為過左最旺嘅lunch hour會少人啲，點知係keep住坐滿。等我下次就岩tea time黎試埋啲小食！！

之前食過尖沙咀店，知道灣仔又有一間，經過開就嚟食一食簡簡單單叫咗一個香辣牛肉麵+ 小麥胚芽奶茶牛肉麵比想像中辣， 係我想要嘅味道我自己其實係又想食牛肉又想食牛筋，不過佢冇牛筋腩呢個選擇 ，但黎到有驚喜，因為裏面都有啲牛筋喺度，而且牛肉成條、夠淋麵底冇我想像中咁淋，有少少咬口，有台灣麵嘅感覺 我好鍾意啲麵夠完整，唔會散收收夾得起成條食有紅蘿蔔同白蘿蔔做配菜夠曬入味飲品揀咗小麥胚芽奶茶走甜，真係走咗甜唔錯唔錯因為坐低個位對正個廚房，睇落個廚房都算乾淨整齊門口有得自助外賣點餐，下次經過可以買個外賣返屋企食保持一貫水準， 下次經過再嚟食過

喺灣仔附近橋下見到一間台式野，有位就入去試吓，叫左一個鹽酥雞肉燥撈麵大概5分鐘左右食物就來到，係用一個字兜載着；我一路等面嘅時候，都聽到有啲廚房既炸油聲音，相信佢即刻整嘅所以熱辣辣鹽酥雞炸得好脆，好香大大粒，再配埋肉燥，唔會話太乾，味道啱啱好；撈面既面質適中，係圓柱形嘅另外我嗌咗一杯杯牙珍珠奶茶，奶茶嘅味幾好，唔會太甜唔會太漏；珍珠有口感，再加埋啲杯牙，覺得都幾好味除咗撈麵，呢度都有傳統嘅牛肉麵、飯，小食 例如蛋餅，下次可以再試

今日去咗灣仔處理啲文件，整完嘢都係食晏嘅時候，喺A1出口附近原來都好多食肆，而且仲好多人排隊添，今日就選擇左食一間台灣餐廳。臺坊，餐廳門口好多人等外賣，入面都坐到滿晒人。不過等咗一陣已經有位。望吓個餐牌都好多選擇，我點嗰個鹽酥雞肉燥飯。餐廳上菜嘅速度都好快，鹽酥雞有六至七粒，每粒size都算大。雞件炸到好酥脆，入口有少少鹽香，好香口惹味，雞肉仲係好嫩滑多汁。肉燥飯好有台灣口味，肉粒香甜，用嚟撈飯真係好開胃紅燒牛肉麵$65，職員一放低碗麵，我已經聞到好香嘅牛肉味，仲要熱辣辣，仲見到好大件嘅蘿蔔同埋紅蘿蔔感到好健康，蘿蔔非常甜仲要吸晒啲牛肉嘅精華，非常林身，容易入口，又冇渣，不得不提嘅當然係牛肉，仲有兩件牛筋，非常爽口，而牛肉又唔會鞋口，脂肪同肉質嘅比例平均，汶到非常林，有濃郁嘅牛肉味道，台灣面嘅軟硬度啱晒我口味，仲要非常彈牙食完之後仲飲埋個牛肉嘅湯底，食到舔舔脷, 大大碗，非常足料，仲加埋蔥花，真係色香味俱全小麥胚芽奶茶，荼味香濃，奶味香滑，非常濃郁嘅奶味，底部有小麥胚芽，仲有少量珍珠，有咬口食落去又煙煙韌韌，建議先搖勻再飲用味道，又健康又好味，最重要係咁炎熱嘅天氣飲番一杯凍冰冰嘅飲料，

今日去咗灣仔返工，食lunch嘅時候同事帶我去佢哋好鍾意食嘅台灣嘢，估唔到味道真係一流，所以諗住喺度推介一下。臺坊 （香江大廈）餐廳裝修得非常整潔，地方雖然唔大，但係已經坐滿晒人客，喺門口等外賣嘅人流都算多。紅燒牛肉麵 63元，牛肉麵份量非常多，滿滿一大碗，，除咗有幾件紅燒牛肉大大件之外，仲有白蘿蔔，紅蘿蔔。白蘿蔔好入味，味道鮮甜，食落去唔會有渣。紅燒牛肉肉質非常嫩滑軟淋。食落去牛肉味突出香濃，餐廳提供乾辣椒，加少許落啲牛肉麵，完全將牛肉嘅鮮味提升一個層次，味道香濃得來又帶點辣。真係好味到連個湯佢飲晒。鹽酥雞肉燥飯 63 元，呢個燥肉飯絕對有驚喜，鹽酥雞炸到好香脆，雞肉仲保留到肉汁，入口味道酥香，最欣賞就係佢嘅燥肉，食到肉嘅香味仲有少少應該係榨菜粒，完全將肉嘅鮮味提升而且食落去又有口感。呢個肉燥飯真係食到停唔到口。小麥杯牙奶茶加珍珠，食台灣嘢點可以唔飲番杯珍珠奶茶，奶茶味道香濃，加上少少珍珠煙煙韌韌，好有口感。果然係人氣店，食物質素高，價錢合理，性價比高。

熟我既朋友一向知我鐘意食牛肉麵有好友介紹喺灣仔有間味道唔錯性價比高既台灣餐廳搞到我成日心思思想試於是今晚就決定過黎食碗台灣風味既紅燒牛肉麵做晚餐🥣！餐廳位置十分方便，喺灣仔地鐵站A出口附近，出咗地鐵直行就好快見到，又或者喺政府入境事務處果邊行天橋過黎都好快到快到我頭先差啲經過咗都唔知😂😂餐廳門面乾淨企理，枱凳設計都係行台風設計，服務員都好親切有禮，真係好似去咗台灣咁我叫咗紅燒牛肉刀削麵及一杯凍既芋香珍珠奶茶🥤，服務員未放底碗麵，我已經聞到牛肉麵湯底的香味，再望下碗牛肉麵，除咗有主角牛腩和牛筋之外，亦有白蘿蔔和紅蘿蔔🥕，再加埋蔥花粒，真係色香味俱全牛腩和牛筋的份量都幾足料！無記錯既話有兩嚿牛筋和兩嚿牛腩，牛腩仲忟得好入味好淋 ，唔驚無牙咬😂😂😂芋香珍珠奶茶有跟餐價加配，價錢抵好多！芋香奶茶🥤茶底很濃，飲到好吸引的香芋味！餐廳亦都好爽手，落好多珍珠岩哂鐘意食珍珠，鐘意咬野既我見到隔離幾張枱都有叫台灣蛋餅，賣相唔錯，亦留意到每枱都清哂啲食物🤣🤣 我估大家都同我一樣好滿足今餐卦🥳🥳 我見到餐牌仲有賣藥膳系列的湯麵，下次我再要黎試下

今日嚟到灣仔有同事話呢間超好味其實我都有食過尖沙咀加拿芬道分店嘅味道係唔錯但又唔會係超好味囉咁朋友想食就再試吓啦我上次係食飯（啲飯太軟）今次食佢介紹嘅牛肉面湯好香面正常可以食哂嘅但牛好靭白蘿白唔係咁好食紅蘿蔔正常但紅蘿白會破壞白蘿白中嘅維生素C係唔建議一齊食嘅食物

公司樓下開咗間新餐廳，一於嚟試吓。叫咗個藥膳手撕雞米線，他的藥膳味不濃烈，適合些喜歡清清地的朋友。雞絲尚算淋，但不夠滑。另外加錢要了一杯冬瓜茶，冬瓜茶清清涼涼，味道OK。

2022-07-26女朋友推介👩🏻‍🌾女朋友同閨密，去咗灣仔食台灣嘢🇹🇼女友咁啱陪閨密整身份證🪪估唔到整咗勁耐，所以係灣仔附近搵吓有無好嘢食😝搵到間叫臺坊嘅台灣料理🇹🇼半自助形式，入到去即刻俾咗錢先💵女友佢哋點了，炸花枝丸，40蚊碟，冇哂花枝丸，所以轉咗做鹽酥雞，鹽酥雞都好大件好抵食，鹽酥雞脆香，幾好食🐓蛋餅(芝士+肉鬆），45蚊碟，蛋餅好食芝士唔會太厚，啱啱好加埋芝士，會有啲拉絲好邪惡，值得一試🍳手撕雞冷麵，60蚊碟，用過麻醬加手撕雞同新鮮青瓜撈，埋個冷麵夏天熱辣辣，解暑食一流，涼快之選😝肉燥飯，55蚊碗，啲飯係偏淋同埋軟，肉燥個味正常，不過我鍾意食硬飯😉小麥胚芽奶綠，8蚊杯（跟餐價），香滑奶綠，胚芽都有好多，奶味重🥤水蜜桃梳打，12蚊杯（跟餐價），無藥水味，唔會太甜，口感潤滑，要試吓🧃整體環境舒適，服務不錯，食物方面不錯，啱晒收工時段食，會再幫襯😜😜#臺坊#炸花枝丸#鹽酥雞#蛋餅(芝士+肉鬆）#手撕雞冷麵#肉燥飯#小麥胚芽奶綠#水蜜桃梳打

今日去經過入去試下，叫左個手撕雞肉燥拌麵&1杯珍珠奶茶。1點鐘全場得我1枱，嘢食到咗我就知道原因，因為啲野好很難食。手撕雞肉燥拌麵個賣相好一般，份量好大。撈勻之後，食咗一啖手撕雞，大雞老到完全咬唔到，好似食牛根咁。再食啖面，完全冇味，真係一啲味都冇，懷疑佢啲肉燥唔記得落鹽。叫咗辣椒醬，落完之後終於食得落。最好食係啲辣椒醬，好開胃😅😅珍珠奶茶一般，真係一般都畀唔到評語。😅😅一定唔會再食。。。。。。

值得一試台灣店先一日book 位 安排最入坐 牛肉麵大大碗 好足料牛肉好入味 麵底多蛋餅一定要上枱即食 熱食好正任何飲品都外賣杯上 可以慢慢拎走飲環境舒服 上菜好快 服務員態度好

非常棒的一家店  五星，真的是很棒的店家 為了呢間店我特別開了openrice來寫comment, so it’s really rare to see Taiwanese egg pancake roll in hk, 在台灣食到的好吃蛋餅 係香港完美再現，且老闆能配合要求調整喜好，真心推薦給大家 希望大家捧場。I want to reiterate how good this shop is and hope everyone could give it a try especially the egg pancake roll.

新開張的台灣小店，店舖很小，主要做外賣，午飯時間常常大排長龍。今次要了胚芽奶茶和芝士肉鬆蛋捲。常希望吃到台灣地道蛋捲！奶茶發揮正常，蛋捲不要看小小的一份，十分飽肚。性價比都okay!

真係好失望， 由公司個個同事都話好食，到而家全公司冇一個會幫襯，今日見佢有位畀多次機會佢入去食佢招牌的豬扒肉燥飯，鹹到腎虧，啲飯好硬，好似未煮熟一樣，塊豬扒縮左水，脆就係脆， 嗰個脆口感覺好假，有少許硬，最慘係完全feel唔到佢有肉，絕大部份都係肥膏，咬落去好肥，個感覺好差，真係好咸，好難食，其實成個飯無乜味道，只有咸味總之成餐飯都食得好辛苦，完全無滿足感覺，只覺得好唔抵食，個飯唔係平(便宜)，但超級難食就只食一半，真心覺得好浪費從此唔會再幫襯另外，佢哋好鐘意播歌, 當然可以，但實在太大聲啦，佢越播得大聲，食客講嘢就越大聲，成個場都得一個字：嘈係咪所有台式店舖都係咁？賣珍奶係。呢間都係，想享受下午餐時間都唔得，好似落左DISCO咁仲有，衞生環境方便唔得，張枱好污糟, 好似無抹到咁，疫情下有啲擔心

食外賣，最怕一打開個飯盒見到d食物好似求求其其俾人亂咁裝落個盒裡面。今次打開個飯盒，見到裝得好整齊，覺得出菜既人係有心機做嘢的，值得一讚啊～❤️飯仲係微熱的，雞肉同肉燥味道都不過不失，有菜脯點綴一下，滷蛋既甜味適中，如果有椰菜就好啦～通常台式便當都有d炒雜菜中和一下肉類既油膩㗎嘛🥗對於外賣飯盒，一向都無咩熱切既期望😂，但求仲係熱既，味道正常就好啦～所以今次食呢個飯盒覺得都ok~~應該會再去買多次，試下其他飯