臺坊 (香江大廈)

营业中

休息中

今日去咗湾仔返工，食lunch嘅时候同事带我去佢哋好钟意食嘅台湾嘢，估唔到味道真系一流，所以谂住喺度推介一下。台坊 （香江大厦）餐厅装修得非常整洁，地方虽然唔大，但系已经坐满晒人客，喺门口等外卖嘅人流都算多。红烧牛肉面 63元，牛肉面份量非常多，满满一大碗，，除咗有几件红烧牛肉大大件之外，仲有白萝卜，红萝卜。白萝卜好入味，味道鲜甜，食落去唔会有渣。红烧牛肉肉质非常嫩滑软淋。食落去牛肉味突出香浓，餐厅提供干辣椒，加少许落啲牛肉面，完全将牛肉嘅鲜味提升一个层次，味道香浓得来又带点辣。真系好味到连个汤佢饮晒。盐酥鸡肉燥饭 63 元，呢个燥肉饭绝对有惊喜，盐酥鸡炸到好香脆，鸡肉仲保留到肉汁，入口味道酥香，最欣赏就系佢嘅燥肉，食到肉嘅香味仲有少少应该系榨菜粒，完全将肉嘅鲜味提升而且食落去又有口感。呢个肉燥饭真系食到停唔到口。小麦杯牙奶茶加珍珠，食台湾嘢点可以唔饮番杯珍珠奶茶，奶茶味道香浓，加上少少珍珠烟烟韧韧，好有口感。果然系人气店，食物质素高，价钱合理，性价比高。