臻.茶 (福華街) (已搬遷) 新店位置

飲咗珍珠奶茶咁多年，第一次試呢間的珍珠奶茶。個杯個樣幾靚，感覺唔錯。但可惜味道真的太差，導致要我花時間來寫食評。杯茶完全冇黑糖味！個奶茶好薄，但致命傷係啲珍珠超級硬👎🏻，我已經是假日下午最旺的時段幫襯，流量一定高，正常啲珍珠唔會硬成咁。

炎熱既夏天，想飲番杯西瓜汁/西瓜沙冰🍉但雲雲深水埗咁多間野飲店，得呢間有我叫左杯 西瓜爽爽（西瓜沙冰底+蘆薈）其他店舖通常都係好少水果，呢間大部分都有水果，可以選擇推薦呢間、重點：仲有9折，俾錢果陣同佢講番聲就有9折

次次黎深水埗都會一定黎幫襯，次次都好難揀，好多款式都想試，選擇困難症既我次次都好爭扎要邊款，上次試左珍珠奶茶，第一口飲完即刻有驚喜，奶茶好滑有茶味。今次有金鑽菠蘿，相信都係季節限定所以揀左佢先+滿杯柚子，一定要讚呢間飲品果肉份量唔少，兩杯飲既時候都啜到唔少果肉，菠蘿很香🤤掛住飲，差唔多飲完先記得影相，其他分店未試過，呢間分店我就highly recommend，如果下星期我再黎深水埗入貨一定再返黎幫襯

臻.茶地址：深水埗福華街132-134號地下C2A號舖深水埗係平民美食之選，今次就試咗金鳳茶王🥤$30 & 芝士多多莓 🥤🍓 $30 。芝士多多莓味道好特別😂，有一種好難形容嘅感覺。芝士軟滑酸酸甜甜，雖然杯野食得出有少少士多啤梨果肉，但係啲味道真係勁似食緊士多啤梨味嘅樂天熊仔餅😂。金鳳茶王啲奶蓋確實幾好，夠厚身鹹香😏，茶底整體正正常常好夠解渴。#nicefoodie深水埗----------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #foodporn #delicious #breadfast #dinner #lunch #restaurant #eat #phtooftheday #yummy  #hk #香港 #香港美食 #美食 #深水埗美食 #打卡 #深水埗 #深水埗餐廳 #芝士蛋糕

呢間分店其實都幾多但我每日飲開都係深水埗呢間可能深水埗太多呢類台式飲品店所以呢間會長期做優惠有學生證所有飲品原價7折冇學生證都唔怕指定飲品都有折扣可以睇到雖然味道唔係好出眾正正常常 同一般台式飲品店差不多但用學生價黎買二十頭就有一大杯CP值係唔錯味道：🥰🥰🥰/5CP：😍😍😍😍😍/5臻.茶 (福華街) 深水埗福華街132-134號地下C2A號舖

放假到深水埗買些東西， 當日超多人天氣又熱🥵， 見到有間臻.茶，位於深水埗福華街132-134號地下C2A號舖。 剛剛好有點口渴，就一於試下😁。 點了杯滿杯百香果$27， 大約等候十分鐘有得飲， 味道酸酸甜甜， 帶點百香果的酸甜口味， 解渴去膩之選。 不過感覺味道不夠濃郁， 如果可以做出香濃一點就更理想😉。 都幾喜歡飲手搖飲品，而第一次飲臻.茶， 味道不算太出眾，但都可以接受😊。    臻.茶 (福華街)地址: 深水埗福華街132-134號地下C2A號舖

4月已經熱辣辣，路過買番杯沙冰飲下先，次次買沙冰都驚太甜同個味道太假太香精，今次買呢間臻茶完全冇呢個問題佢可以少甜，而且飲得出佢係用真果肉去打出嚟，好refreshing，個奶蓋嘅奶味都好香濃，唔似用植脂忌廉，30蚊有呢個質素絕對可以encore

想飲珍珠奶茶周圍都有幾間又唔想飲歇腳亭，想試下未飲過嘅鋪頭見到呢間做緊特價20蚊一杯珍珠奶茶所以買嚟試試珍珠少少未熟的感覺店員態度ok但奶茶味令我十分震驚，竟然係麥精味希望唔係壞咗但係呢個味道真係好特別隔離仲有幾間bubble tea店如果下次行過嘅話我會試下其他鋪先。應該都唔會點再飲呢間

飲過咁多間奶茶，呢間真係最好飲，茶底濃又有奶味！超正！唔似其他店啲奶茶好似飲奶精溝水咁😹芝士咸香~白桃都好香！我同朋友都不停encore呢間😆100分誠意推介！

深水埗係平民美食之選，同一條街已經有兩間茶飲店，見到呢間勁多特價優惠又幾多人買，就諗住試下伏！🍴芝芝桑苺 微甜 $30 (每日唔同優惠)作為一個芝士奶蓋控，以試伏嘅心態揀咗芝士奶蓋生果沙冰，本來貪平都冇咩期望，但飲落有驚喜！微甜飲落甜度啱啱好，不過下次會試下叫冇糖(本人口味偏淡)，桑苺味好出但唔會好酸，驚喜在有打碎曬嘅苺，竟然用鮮果去打😂芝士飲落鹹鹹地但好重芝士味，好香，個奶蓋仲要好厚，真心30蚊飲到40,50質素，超值😆推薦指數: 9/10又平又好飲，快啲去試下！

經過深水埗，見到臻茶好多人排隊，門口餐牌貼住特價，於是去幫襯。同一條街有另一間茶飲店，但係冇人嘅，呢間好多人，應該口碑幾好。付款不用排隊，但拿飲料嘅時間要等差不多20分鐘 ， 街舖嚟講要等咁耐，夏天又熱，有啲辛苦，可能因為單太多。 旁邊咁啱有間店舖可以入去shopping，行完一陣再行出返嚟都仲要等。芝士哈哈叫咗微糖，冇得少冰，因為係沙冰嚟嘅。首先試下就咁飲啲奶蓋，奶蓋應該太杰身， 塞住咗個洞口，完全飲唔到，要插飲筒飲。 微糖嘅哈密瓜加埋個芝士奶蓋，味道中和咗，攪勻佢都幾好飲。 咁熱嘅天氣飲一啖，人都即是涼返哂。

經過黃金嘅時候見到呢一間手搖飲品店😆見到門口都有唔少人排緊隊，而且仲做緊學生證半價優惠😉一於就試下先📎芝芝多多莓用學生證買半價之後$19🥰白色嘅奶蓋配埋粉紅色嘅士多啤梨沙冰🤭成杯嘢飲個樣都好夢幻入口酸酸甜甜加埋好thick嘅奶蓋，鹹香味都好重🤓飲難飲覺得嗰種士多啤梨味有啲熟😂其實同麥當勞嗰種士多啤梨奶昔有啲似我自己就覺得不過不失嘅，冇乜特別驚喜，不過奶蓋表現唔錯👍🏻相信試吓其他飲品配搭奶蓋都應該幾好飲🙈

這天路過黃金商場想喝點甜的飲料，見到這家小店鋪天蓋地的貼滿飲品介紹，忽爾見到醫護和學生半價，良心店舖自然是需要支持一下(8折) 熱芝士阿華田脆脆 $34［已包括珍珠］這店的飲料全部9折，而這款有8折，於是試一下，其實折完後就是普通飲品店的價錢，只不過是噱頭罷了攪拌後喝一口，濃濃的阿華田味有點偏甜，當中帶有些咸味，應該是因為加了芝士，可惜芝士味道不濃，比較像加了少許鹽而已經包含在內的珍珠太軟身沒咬口，也是最普通的、略帶點甜味的珍珠，作為珍珠愛好者的我不太喜歡，也有點失望帶著支持的心情幫襯，希望小店可以更進一步改善質素

全部飲品都有九折，所以就買大紅袍珍珠奶茶（$28 ，打折後$25 ）我揀左微甜少冰大紅袍珍珠奶茶市面上都比較少。我飲過得湊湊和春水堂。兩者都價錢$30以上。所以呢間都算平價之選。咁當然呢間size目測500ml左右。我印象中湊湊高身大杯，春水堂都係細杯。雖然價錢平d但質素都係好既。飲得出茶味。唔淡，欣賞。印象中春水糖有d苦（我都係微糖）。呢個就唔會苦既，自己覺得有少少黑朱古力既感覺。珍珠軟身，唔會太硬。size中等偏細。我以天仁為中等。價錢：🌟🌟🌟🌟茶味：🌟🌟🌟🌟珍珠：🌟🌟🌟🌟

💛黃店🔱今次要介紹嘅食物就係位於深水埗！📜”臻.茶 (福華街) (深水埗)📌 地址: 深水埗福華街132-134號地下C2A號舖🕐營業時間:12:00-23:00🍽分店地區: 深水埗 慈雲山 新蒲崗📝評價💬📢 夜晚晚影相黑蚊蚊🤣 大大杯芝士芒芒💛 奶蓋吾算話特別厚 冇咩好大驚喜😂 勝左整得好滑😋 有好多吾同既優惠 其他都好抵 定期有半價/ 有幾款會有特價🤪 🏵環境指數:⭐️⭐️⭐️🏵味道指數:👅👅👅👅🏵抵食指數：💰💰🏵回購指數:❤️❤️❤️❤️