興發

营业中

休息中

今日裡午去何文田附近，於是出旺角食飯先。旺角花園街街市樓上，我未食過興發茶擋，心思思想試一試多士，內有牛油，多士牛油融化，趣口！肉丁面，由於好耐無食過即食面，於是獎厲自己一次煎雙蛋，火腿，凍咖啡，整體感覺唔差我過連鎖集團

放學後去了旺角食個Tea本來就鍾意舊式既自己又試下周圍同同學睇下啦因為自己都知道街市成日都再熟食中心所以一心好奇就上去望下啦最後選擇左食呢間一望到個茶仔$22大元，套餐有沙牛公仔麵炒蛋加腸牛油包凍（+$1）/熱飯超港式茶餐 超抵價錢但味道絕不係得過且過沙牛個汁好濃 麵質都不錯唯一小小問題係蛋同腸太油不過始終係舊茶仔當然我地都接受到啦哈哈有一樣野不得不讚好服務態度好好本來自己叫了杯奶茶多甜黎到之後自己玩野話真係多甜wo個姐姐都好好人問我幫你加多點茶我果陣一啖飲左1/3 真係好好多多支持呢d舊式餐廳吧！

又一個要上課的週末, 下課後本想到妹記吃碗粥, 可惜到達時已經估清打烊, 於是轉移光顧熟食中心內其他的檔口. 繞場一周後, 選擇了這間興發去試試. 茶檔卻只有寥寥三兩客人, 可能因為大熱天到熟食中心吃東西比較熱, 所以場面好不冷清! 侍應大叔見我在看餐牌, 立即上前落力招呼. 餐牌上的食物配搭很多, 有套餐, 茶餐, 麥皮餐, 鮮奶餐等等. 正值下午茶時候, 加上又較餓的關係, 決定點個份量較大的茶餐來安慰一下肚皮!茶餐選了沙爹牛肉麵, 牛油方包, 腸仔煎蛋, 加熱奶茶. 沙爹牛肉麵: 沙爹很甜, 味道不像平時吃的帶點香辣的沙爹醬; 牛肉雖然不韌但卻沒有味道; 反而公仔麵最對板, 用上大光麵, 麵條煮得剛剛好, 不腍不硬, 讚!牛油方包 + 腸仔煎蛋: 牛油方包不是方包, 而是一片對角切的白麵包. 麵包一點也不暖, 而且入口很腍; 牛油也很縮皮地只塗了薄薄一層在一塊麵包上, 另一塊則空空如也, 加上不暖的包, 牛油自然沒有溶化, 原封不動地停留在麵包上, 牛油味沒有散發出來, 令食味大減; 腸仔則煮得過久, 外皮已經起了很多紋, 腸仔肉則偏鹹; 煎蛋是普通的太陽蛋, 蛋汁也多, 用來點

九月下旬•陰天一早要來旺角工作，上來這個熟食中心找吃的。試過樹輝，又看看這邊如何？奶醬多是夾心多，薄薄的微脆口。餡也是不厚，不太甜。熱咖啡也是薄身，不香而淡口，只勝在不酸不苦。

今天公司開派對訂了1盆楊洲炒飯,乾燒伊麵及大蝦什果沙律,係前2日order定.1班朋友2十幾人,有讚無彈 3樣都好好味.大蝦什果沙律是用新鮮的大蝦做,楊洲炒飯及乾燒伊麵夠乾身,唔會油泣泣, 唔會太鹹或太淡, .價錢大眾化. 真係平靚正

今日好多節目, 做完免費facial後, 都成4點幾, 就去咗朋友成日提住話去的花園街街市樓上食西多, 因朋友仲未到, 打去問佢又話唔記得間舖頭個名, 所以就隨意揀咗間叫"興發", 後來朋友嚟才話原來食開那間叫"樹輝"..............無法啦, 唯有下次幫襯其實興發都唔差^^ 阿叔耐心落單又有禮, 價錢好平! 等咗一陣, 阿叔整好熱辣辣西多到, 跟住仲有我杯凍鴦~~~~~~~~西多中間係果占, 唔太甜,夠熱^^反而凍鴦甜咗d..................,不過都ok; 後來朋友叫埋同一個餐, 仲越來越多人嚟, 可能我無揀錯^^ 老闆仲同我哋講慢慢地添, 真客氣^^所以下次都會去幫襯

寫這篇食評是個人情意結. 我已經幫襯了十幾廿年. 除了吃, 還有貓貓! 前幾年有隻黃毛的叫 "阿四", 很有性格, 不時會和食客玩. 牠像懂事一樣, 你叫 "阿四", 牠心情好便會 "喵" 一聲, 和你玩一陣. 不過阿四前幾年 "仙遊"後, 阿二阿三很少出現, 新的兩隻小貓 (黑 和 黑白) 沒有以前阿四那樣 "好客".但興發茶餐檔好客是沒變的. 搬了上花園街熟食中心以前, 原是在洗衣街近麥花臣球場的街邊大牌檔. 食物飲品和茶餐一樣很大路, 只是沒有 "菠蘿油" 這類麵包餅食.對於懶鬼的我, 我通常只會叫:1. 湯飯魚肉為底, 每日會有些不同的配菜. 可選湯米麵等.2. 茶餐有沙爹牛肉公仔麵, 方包, 腿蛋. 可選其他配搭 (例如 腿腸, 魚肉麵等)3. 牛扒/豬扒米線4. 時菜肉片炒米米粉是煎成一大塊. 另有例湯送.環境是較熱, 地方是一般熟食檔格局. 但食品有一定水準, 有不一般的招呼, 抵食之價, 想點呀? 美味, 有時還是有服務和回憶在當中的......

星期六出旺角四圍都好多人，友人就見意去旺角花園街的熟食市場，天氣涼涼地都OK 的，夏天就一定唔會去囉~ 係人都知啦~ 街市熟食市場喎~ 一定熱死啦!上到去一D都唔熱喎，有少少冷氣啦! 不過出面有D風吹入來都幾舒服，一去到等都唔洗等，大把位任你揀，我地就揀左風扇位坐底。這同一般的荼餐廳一樣，咩都有，常餐，午餐，碟頭飯，咩都有.. .. ..荼餐/常餐，都係十八蚊咋， 2 款餸 + 麵/ 米/通粉 + 飲品 (凍飲加2蚊)，好底呀! 2 位友人，就點左茶餐;本人就揀左炒米(廈門炒米), 全部炒粉麵飯，都係23至28 不等，飲品加5蚊，都好底呀! 即叫即炒，又有鑊氣，不錯不錯;這兒最好係任你坐，唔會好似平時茶餐廳那樣子，會趕你走，唔比你HEE囉`~~~~

認識興發茶餐廳始於同事極力推介, 同事身體力行地外賣三大盤咖哩牛腩, 兩隻咸雞返公司作為全公司廿人的午餐可能個人口味問題, 愛好濃味的我對咖哩牛腩一食難忘, 牛腩和牛根十分林滑, 尤愛薯仔又香又甜, 同事又聲稱興發煎豬扒同雞亦亦為一絕~剛過去的星期日為我家眾姐妹齊人食飯的日子, 我和w星期六特意走出旺角試食下午茶另加打聽外賣牛腩之事宜 當然興發乃熟食檔的格局, 環境一般服務卻十分良好, w點了茶餐($19), 我點了可以一次過嘗遍豬扒和雞亦的什扒餐($26), 茶餐先上, 有沙嗲牛公仔麵牛油方包火腿煎蛋, 味道和賣相也就是茶餐廳水準, 等了良久, 什扒餐上台了, 共有豬扒一塊雞亦二隻腸仔一條薯條很多, 每樣我都分些少比w, 據w所講煎豬扒最好食, 雞亦就是舊式茶餐廳的雞亦, 無分好不好食, 我就覺得煎豬扒夠香夠林, 炸薯條怪怪的好像入面炸唔熟, 但出面又好脆喎..食飽後我向伙記叔叔預訂咖哩牛腩方知興發星期日休息, 我問今日買走有無貨叔叔話盡煮比我, 叫我兩個鐘頭後返去拎, 兩個鐘後我倆再上去已經打烊了, 只淨下一位叔叔等待我們, 還很有禮的多謝我們的惠顧 共買了一百大元牛腩興發共分三個