興興餃子館

营业中

休息中

在社交媒體中看到有食評介紹這小店，說店內的牛肉餡餅比清真牛肉館的更為出色，故我倆抱甚大期望前去光顧。剛走進去，由於老闆及其店員也操北方語言，加上店子很小 只有三，四張桌子 店子簡陋，但我倆有如置身於內地一樣 十分有風味，感覺也頗良好。 老闆很忙，叫我自己把要點的食物寫在紙上，好讓她省略下單時間 。在等待的時候，戲肉便來了，我望見老闆娘把剛煎好的餡餅盛起時，一不小心掉了一個在廚房的地上，但立刻把餡餅從地上撿起，然後用手拍一拍再放到碟上，繼而端出去給食客 ，我頓時失去了胃口 。 最令我受不了的是最後我們點的那盆煎餃，原來比錯了旁邊的食客，而食客們已經夾了一隻來吃，然後老闆娘望著我問：這盆餃子客人只吃了一隻，我補回一隻給你好嗎？ 當時我真的嚇一跳，客人吃過的食物怎可能再給另一枱客人吃呢？ 然後她都完全沒有再重新做過另一盆給我們的意思，還在客人剛到的數碟餃子中，每一碟夾了五顆給我們（因我點了15顆），最後我吃的都不是我點的三種口味，是求期在客人枱上夾給我們。我倆十分無奈，然後沒有反應，因為重來都沒有見過食肆有這樣的手法 很嚇人 再好食都沒有用 一般衛生常識也沒有，難道這就是內地人的做事手法

住響附近都冇留意有依間小店，直到近期好想食餃子，響openrice search下先知有依間餃子店，襯公假即刻黎試試～lunch時間過黎，叫咗十隻水餃（翠玉瓜蛋餃+白菜鮮肉餃）唔係好大隻，輕鬆食哂十隻，好味。而且有唔同嘅醬料比你揀，我就試咗個豆瓣醬嘅物體，唔錯！依度啲餃子款式好多，素食者都好多選擇，因為佢唔止得普通素餃架！重點係原來依間餃子店開到夜晚12點架，如果想食宵夜就岩哂唔駛下下都去老麥嘛！！另外我外賣咗個牛肉餡餅，好juicy好正！！下次黎我會試下麵

自從搬來附近住之後，注意到這間小鋪，我並非愛水餃之人，但是先生勁中意食水餃，一日行過就走入去試下。做的都是街坊生意，客人同老闆娘都很熟，第一次嗌咗一個羊肉水餃一個韭菜肉水餃，附贈兩杯自家豆漿，豆漿非常適口，微甜，有陣花生香味。羊肉餃一咬落去湯汁爆出，羊肉味濃郁，韭菜肉亦好味，不過被羊肉餃蓋住了風頭。埋單只需65蚊，兩人滿足非常。自此之後一星期之內去咗三次，特別推薦三鮮水餃，我本不喜三鮮水餃，總覺得食之無味，然而老闆娘手制的三鮮水餃乃韭菜蛋蝦皮水餃，非常鮮嫩，乃必試之選。尋晚一個人食晚餐，嗌咗一個炸醬麵一個蒜泥白肉，如常附贈豆漿一杯，炸醬麵是地道北方味道，不甜卻帶著醬香，蒜泥白肉的甜味不算辣，有些陝西風味，也是非常惹味。從此小店應該就會成為我的食堂，如此地道的北方味道，地道的北方老闆娘，也是土瓜灣一個充滿人情味的地方。

呢間餃子館嘅位置有小小隱蔽 不過耐心啲搵都會搵到一入到見到啲碗筷都係屋企用個啲有公仔嘅 啲姐姐都好好人 三鮮餃都幾特別 係用一啲韮菜加蛋加蝦米仔 不過口感就冇咁豐富 適合想食清淡嘅人仲有嗌其他餅之類不過冇影到埋單食咗$100到 都幾扺食吖

自上次閒悠土瓜灣發現此店後, 印象深刻上星期又經過附近, 再到此一遊進去 有個大叔 飲住啤酒, 黎一碟炒青瓜閒閒咁..... 突然好似深夜食堂咁... 簡單既一碟菜今次羊肉拼牛肉餃羊沒有羶味我喜歡羶羶的南瓜餅, 上枱才知道這樣還好,不算太煙靭, 有點糖係面係家庭式既味道雖然此店不是十分出色但很"原味", 新鮮既做, 清清淡淡, 簡簡單單附近有家中式餅店, 似工場式的經營... 未知叫咩名, 都充滿人情味的買了光酥餅... 有"老舊"的味道下次再留意下名

土瓜灣表面上只有工廈，但其實也有很多美味小店。這天和男友路經浙江街，決定去試試平民小店『興興餃子館』。小店位於舊巷子裡，其貌不揚，店面十分小，只夠座10人以下。晚飯時間，堂食的人不算多，反而有數個客人等外賣，看來是專做附近街坊生意的呢。本以為小店只供應餃子，但餐牌上的食物總類比想像中多！除了餃子，還有小菜、麵類、湯等。堂食餃子10隻要$25，不過「羊肉餃子」貴一點，要$35，我們點了水餃和煎餃各5隻。餃子大大隻，吃下去一點也不騷，內裡饀料和湯汁夠多，皮的厚度也剛好，小女子與餃子控男友也很喜歡！忍不住啪完一粒又一粒LOL到了熱辣辣煎餃上碟，底部煎得金黃，吃下去味道比水餃鮮香，不過因為是厚皮水餃，所以皮略為有點硬，相比起來個人較喜歡水餃的軟皮口感。「雞絲涼拌麵」用料足，雞絲多，整體上餸比麵還多LOL！辣味比花生香更突出，十分惹味。大大碟只要$25很抵食呢～「蒜泥白肉」放在小碟上，乍看之下份量很少，但其實有很多塊，吃極也吃不完。肉片十分肥美，醬汁香辣，超級邪惡，但用來送白飯一流～「蕃茄蛋花湯」賣相很好，但相對上沒什麼特別，不過只要$10一碗，其實性格比也蠻高的。豆漿是跟XX送的，一小杯，單叫

噚晚工作需要又往土瓜灣跑, 差不多 9:00 才完成工作, 肚也餓扁了, 見浙江街有間餃子店 二話不說和同事合共4人馬上碌進去, 小店真的很小, 全店祗有 12個坐位由 2 女將主持大局, 她倆應是北方人吧 ! 掌廚和樓面一腳踢4人點了:  木耳椰菜肉水餃 15只 ,  白菜豬肉水餃 15只, 韭菜豬肉煎餃 15只餃子是用心的人手包作, 饀料扎實沒欺場,  需然皮略厚, 但真正的東北方風味餃子就是皮帶點點厚嘛蒜泥白肉,  充滿蒜香醋白的五花腩片 一人口是溶化的, 4人搶住食煎餃子夠哂熱辣辣, 脆底焦香, 一咬有少少爆汁效果饀餅香港已經很少地方可以吃到了, 馬上點了韭菜豬肉和牛肉饀餅, 新鮮即煎入口燙咀好好食, 尤其牛肉饀餅充滿洋蔥的清鮮甜味忍不住再吃一個蔥油餅相對比饀餅就略嫌失色, 可能是沒有咖喱來相配吧  ! 牛肉絲炒麵, 加上蕃茄一起炒比較特別, 炒得不油膩又帶點點蕃茄酸味, 感覺清新雞絲涼拌麵,賣相樣衰衰, 但一食落就不得了, 那個涼拌汁多味道多層次, 百味紛陳就練成好味道好味道,  食完第一碟即叫第二碟埋單連 6 杯豆醬才 $235, 真係好抵食, 值得再一讚是2 位女將非常好

今晚3人行，叫左30隻煎餃，有牛肉餃、椰菜木耳鮮肉餃、韭菜餃，餃子底部相當脆，幾好味。之後叫左海蜇、雞腎豬耳炒青瓜絲、牛肉餡餅、南瓜餅、仲有個特別紅芯蘿蔔，相當特別，除左地方狹窄之外，價錢平，態度好，食物有質素，令我印象好深刻！會encore的餐廳！

舊區內橫街係隆德街有一間細舖係食餃子呀！嗦到香噴噴嘅味道!杯豆漿係跟餐嘅, 甜度非常好, 唔大甜😋😋😋😋💯.(減肥人士一定會鐘意,只係小小甜）嗦到煎餃子味道,有椰菜木耳鮮肉, 韮菜鮮肉, 白菜鮮肉,芹菜蓮藕鮮肉, 煎得皮脆肉嫩, 一咬D汁流咗出囄呀！好得呀, 鹽味,肉味,韮菜味😋😋😋(最香到係韮菜餃),芹菜,蓮藕切到好細粒,見到有宜2種餡但係食落去又唔大有感覺, 白菜肉好多汁, 椰菜木耳咬落去有D爽口感覺, 煎同唔煎都好好食丶😋😋😋😋, 芝麻餅煎得有少少金黃,味道非常清, 肉絲西芹炒土豆絲, 雖然係炒但係一D都唔會油冧冧😋😋💯, 好似自己亞媽炒既感覺咁, D辣椒油又香又辣😋😋😋😋！加少少豉油+少少醋同D餃子一齊食真係好好味到呢! 涼拌海蜇非常爽口, 清清淡淡嘅感覺唔錯！豆漿一杯煎韮菜餃子餡內肉汁唔煎餃子芝麻餅肉絲西芹炒土豆絲涼拌海蜇辣椒油有芝麻舖肉舖面廚房介紹餐排

已經係第二次幫襯，最值得我再黎係杯看似平凡嘅豆漿，好香好香，一問老闆娘點解會咁，原來係加左花生，呢度有好多款餃子，今日試左韭菜肉餃及翠玉瓜蛋餃，韭菜香口，翠玉瓜清爽！另加一個皮蛋豆腐，個汁調得相當美味，還可以選擇大，中，小辣！價錢好合理，10隻餃子$35，皮蛋豆腐$20只係環境好麻麻，好多蚊滋仔飛

早幾日見到facebook forward出黎，咁岩經過就去試下先，呢次點左蒜泥白肉（$25），牛展（$25） ，同埋牛肉餅 （$15）（但唔知係咪老闆娘係咪整錯左，我地都食到有小小羊味）仲有好抵食既35蚊15隻既餃子但老闆娘好nice ，知我地2個人特登送多左杯豆漿比我地牛展係凍食，幾特別，推介蒜泥白肉個醬同牛展個汁係1樣，不過個人覺得牛展好味啲。個豆槳味幾特別 好重花生味價錢又唔係貴 下次可以再試埋其他野食支持小店

興興餃子館，店舖雖小，但食物有好多種類。價錢十分合理，事頭婆亦好nice。以下食評我分了3餐。餃子，有好多款式，套餐有分10隻($28)或15隻($35)，可選多款。東北皮凍($25)，超大碟有10多塊，事頭婆話係豬皮的精華餚出來的，雪凍再切成大約1寸x6寸長，我都係第一次食，口感即啫喱，推介。土豆絲，不錯。蒜泥白肉，醬汁正，肉大片d會更好！牛肉餅($15)，幾好。蔥油餅($6)，唔似上海個種，普通。南瓜餅($6)，好正，軟林林，唔黐牙！韓式冰鎮冷麵($30)，酸酸甜甜，小小辣，麵身嚥韌，食落好清新！韭菜牛肉餅($12)，好多汁，好味。芝麻餅($6)，芝麻好香，好味。

老闆娘係吉林人，係正宗東北菜～Choice唔多，但好食！餃子同餡餅都係新鮮做嘅，最多係豆漿自製，唔會太甜，我鐘意有秘製豆瓣醬，好食！牛肉餡餅薄皮多汁，好食過九龍城嗰啲清真牛肉餅、好、多！

早前經過見到有間便宜食品，店家面積雖小但當時堂食也滿座，當時已經想試試。今日終於有時間黎試，老板娘介紹（韓式水冷麵）夏天之大愛內有青瓜絲，蕃茄片，泡菜同烚蛋湯底是酸酸辣辣的凍湯，泡菜浸於湯裏變得不辣，麵質類似檬粉，非常彈牙配上凍湯非常開胃。白菜豬肉餃 ，我最喜愛吃煎餃，皮煎得又香又脆，皮不過厚，肉餡適中