興記 (已結業)

興記魚蛋6蚊串魚蛋, 喺島上算好平我唔記得影相anyway,d魚蛋好彈牙, 唔似7仔果d林池池...d醬真係要試下, 自製ge, 有好多料, 一食就知好野 (low白飯應該會一流xdxd)ps: 興叔(老闆)都好好人!

2次黎Lamma，第一次冇時間，等唔切食薄撐，所以叫左個咖哩魚旦當慰藉。咖哩落左好多蒜蓉，好香好香，d魚旦冇咩特別，但咖哩香辣，整體食起黎好好味。第2次黎大把時間，終於有得食薄撐啦。所謂薄撐其實就係生煎蘿蔔糕，我地一行人以為係唔同既野，仲話各樣要一份，搞笑。佢係即叫即煎，我一見佢倒油都擰轉面，唉，眼不見為淨。佢仲特登問我地加唔加蝦乾，佢話加左香好多，咁就當然加啦。唔洗好耐就煎好，分成六份，一食，好正呀! d蝦乾真係好香，塊餅煎得非常香脆，咸香可口，我地秒殺左一份，又enchore一塊。0個度冇位坐，所以我地坐0係附近樓梯食，老板好快手整張報紙比我地墊，好nice臨走時，我地又買多幾塊上船食，老板早就認得我地，之前已同我地講過「2月就唔做啦，我退休啦。」我地走時，佢同我地講「有機會再見啦，bye bye!」突然有d感觸，相信呢次係我最後一次見佢啦。

旅程的第一站...甫踏出碼頭...走一段路..便來到了傳聞中的興記...傳聞??對,根據傳聞廚師大叔是載著廚師帽,果然...是真的興記的食物未必是一流...但服務..店主流露出來的人情味肯定非市區任何一間餐館可以媲美...油鹽雞腎($8)：..由於我是不吃內臟的..但聽女友說好像只屬一般... 蔥油餅($10,剪開有六塊)：正!即叫叫煎...餅皮脆...足料...加上唔係油淋淋...雖然唔正宗..不過都係薄"撐"之中既頂級同大叔傾計果陣..佢竟然話自己蔥油餅唔正宗...邊有人咁做生意..不過我話食落去似酒樓薄"撐"...佢都讚成...果然英雄所見略同..仲有就係..我俾張$20蚊紙佢果陣...佢以為自己收左錢..不過我當時自己沒$2係身..好記得未俾...佢仲要話食得開心未得lor..仲請我地食多左兩粒咖喱魚蛋...態度抵讚

食完呢間嘢己經無心機呀~ 行咗一陣小徑,再返入大街, 沿路見到呢間特別既檔位 (就係有個廚師在這兒賣嘢..沿路有人買嘢食,見到佢拿住桶粉槳, 原來係做蔥油餅用既..佢話用咗七種材料架有個女仔買嚟試呀~ 我見到即叫即製..應該好味掛...係佢旁邊有個牌話油鹽雞腎好味~ 由昨晚8時開始浸呀~ 勁呀~ 我男友忍不住買咗嚟食, 我食咗一啖呀~ 好味喎, 又淋, 味道剛剛好呀~佢仲話唔好食唔收錢呀... HAHA (咁做生意都得.... 喎.. 証明佢自信心爆棚呀)老細同另外一個人都好NICE , 唔知係咪佢HONEY 呢??? HEHE

9號同男友入去南丫島放下假,旅程中出尼買野飲路過呢一間店偶然之下買左鴨腎起初見到佢D醬又黑又油真係唔係太有好感但係食左1啖之後,發現完來D黑蚊蚊既汁竟然「汁不可以貌相」好夠味但又唔會太咸而且鴨腎大粒,唔係一片片返左渡假屋之後忍唔住叫男友落街買多次本來想買40蚊既,但師傅話我地2個人食咁多消化唔到,結果買左24蚊返去真係未見過會叫D客唔好買咁多既師傅,呢點真係好值得讚~

每次到南丫島都必會找這位師傅幫襯一下～之前試過的是燒賣和雞腎這次就被脹卜卜的魚蛋吸引了！老闆細心的幫我們放到膠兜中比起平時會滴到周圍都是的就貼心得多～一咬落口　熱辣辣的魚蛋再加上師傅的秘制咖哩醬汁真是太好吃啦～還有一股蒜味　好開胃！臨走都要再買多一串食！

店鋪小小，摺枱上放了幾個湯煲蒸籠，當中藏着燒賣、魚蛋、魷魚、鴨腎之類小吃。雖然有點似臨時撘建的模樣，但買的人仍是蠻多的。要了一串咖哩魚蛋，$6五粒，老闆把魚蛋放在小膠盤裏，這個做法不錯，因爲較爲企理，醬汁不會亂滴。魚蛋算大粒，但摻的粉卻稍微多了一點，不過總好過那些扮彈牙的橡膠魚蛋。老闆說醬汁滷水等都是他自己調配的，真假與否，這個咖哩汁又確實不錯，洋溢着蒜頭香味，吃過五粒之後，居然有想多添一串的衝動！有點意想不到！

朋友仔買了一小碗腸粉同我share。一打開個外賣蓋，喔噢...未食已經覺得唔好味。無他，因為係厚厚既醬汁之下見到既腸粉已經變成糊狀。一放入口，唉，真係勁唔好食，由於面頭太多甜醬，所以我就拮底下果堆黎食。點知下面都有好多豉油，而且d豉油有陣古怪既辣味。今次係我第一次食到咁難食既腸粉呀!

咦....原來也有這店的資料, 就寫寫吧。走著走著, 在想想可以買什麼回家當手信, 但又不會有時間限制,經過這店, 看到門前一瓶瓶的醬油, 就決定買這些吧。為了知道味道才決定買不買, 在要求之下, 帶廚師帽的老闆一下便答應讓我們試味, 我怕辣至上, 就由朋友試吧。瑤柱蝦米香辣油, 朋友試了一小口, 咀嚼一會便說很辣,看到入面材料應該很足, 才$25一瓶, 好, 就買你!!!另外, 在老師介紹下, 也想買豆鼓香辣油, 試味, 這次我也有試,辣是有點, 不過不太辣, 豆鼓味香香的, 蒸海鮮應該很惹味, 也買了。雖然還未有用, 但老闆態度親切, 笑臉是你的了!!P.S. 原來還有不同的食物...好像味道也很好..下次要試!!!

去完海灘都已經係夜晚，想食埋晚飯先回程，行經呢度，見到有好多小食，好似好好味咁，於是就買少少黎食，再慢慢行睇下有咩食。買左一串油鹽水鴨腎，$7一串，有兩大個。戴廚師帽既老闆好好咁問我地要唔要剪開，我地話好，佢幫我地剪開再放落個兜度。暖暖的，溫度適中，鴨腎煮得剛剛好，好入味~老闆戴住廚師帽，人好親切~好好笑容~~不過今次唔記得影相tim...

今日又再到達南丫島好好彩係4月仲食到阿公的生煎蘿蔔糕佢\認得我呀落左勁多蝦仔, 加埋芹菜、蔥同芝麻, 煎得勁香路過的人都忍唔住望到實...哈哈臨走時我仲見到有班外國人都食緊添呀~

每次去親南丫島, 除左食kebab, 串燒, 龍江, 阿婆豆花以外, 都一定會幫襯下佢的小食, 最鐘意就係油鹽水鴨腎仲有只係冬天先有的季節限定生煎蘿蔔糕年年冬天都一定要返去幫襯當然少不了戴廚師帽的老闆那親切的笑容啦