影片
港铁上环站 A2 出口, 步行约9分钟
继续阅读
电话号码
25402268
营业时间
今日营业
11:00 - 21:00
星期一至六
11:00 - 21:00
星期日
全日休息
公众假期
全日休息
以上资料只供参考，请与餐厅确认详情
足足等咗45分鐘，就係因為老闆留咗單。 明明淨係得幾個人，都會搞錯服務態度勁差， 一開始俾現金老闆態度好差，就話冇錢找俾八達通啦，然之後就問我要唔要嘢飲，我話係咪跟餐，老闆態度就好差話已經九折啦仲送嘢飲。完全冇解釋冇道歉絕對唔會再試
继续阅读
下午茶絕對係香港打工仔最喜愛嘅一餐，除咗彌補午飯後嘅空虛，亦都為邁向放工嘅最後幾個鐘注入能量。今次幫襯嘅良友快餐店主打港式美食，平常時間係賣港式無味精小菜為主，深受附近街坊歡迎。生炸大雞脾如果以中上環物價嚟計，下午茶$27有一隻大雞脾同奶茶絕對係超值選。生炸大雞脾唔單只賣相好吸引，而味道亦十分出眾。除咗香脆之外，食落亦一啲都唔油膩，份量都有返咁上下，食肉獸或者午餐食唔夠飽絕對可以嗌佢。西多士反而西多士係比較一般，只能算得上中規中矩，唔能夠帶嚟太大驚艷，整體賣相都算唔錯。炸雞翼、餐蛋治整體嚟講良友快餐店絕對係區內超值之選，對於鍾情港式美食嘅朋友係值得一試。而佢嘅凍奶茶味道都唔差，配合醒神下午茶的確係天衣無縫。味道 ⭐️⭐️⭐️性價比 ⭐️⭐️⭐️⭐️
继续阅读
好少咁嬲，打電話去叫個椒鹽豬扒飯同個吉列牛扒飯，條友重要問我吉列牛扒要咩汁，我話想咖喱汁加錢另上啦，加左$5。之後落住紅雨去攞外賣，返到屋企一打開個吉列牛扒變左齋小食無飯。打電話去問係咪比錯左，講多兩句粗 cup 我線。無飯食問清楚重要比你鬧比你 cup 線? 傻的嗎?食物質素無乜好講，老老實實普通外賣野唔通我 expect 你比酒店service+ 質素我咩。但你都唔好比錯野人仲大聲夾惡 cup 人線丫? 晏晝想食餐飯遮大佬
继续阅读
我通常都係叫外賣，其實每次叫態度都好差！今日最特別，打去叫外賣，講完食d咩，諗左一秒要咩野飲，個叔叔已經好唔耐煩叫快d啦！外賣到左，一打開，個蠔仔肉碎泡飯仲好笑，d蠔係蠔鼓黎，肉碎係肉條黎！其實冇心做可以唔做，，對客唔耐煩，對食物又冇心去整，咁開間舖黎鬧客既？！
继续阅读
我已經食過好多次，係中環買飯，貴之餘又唔足料，呢間真心的推介，佢地主力做外賣生意，我食過甘多間，呢間算無麥味精（或者很少）因為我食到味精野就會好唔舒服，所以每次午餐都好頭痕，今次食左中式牛柳飯，即叫即整，上到office仲熱到啦口，今時今日果d所謂港式茶餐廳已經變節，食物價錢服務都變哂，最基本的快靚正亦買少見少，呢間是我心目中中環食得過的餐廳之一外賣自取9折-中式牛柳飯-折後價錢-$36，平靚正！佢地炒野亦好有獲氣，很好食！
继续阅读