良茶隅

营业中

休息中

本月三日下午大約三時，本人與剛放學的六歲兒子途經此店舖。由於本人想去洗手間，所以着兒子先坐下等我一會兒。我離開兒子的時間不足3分鐘，回來後看到兒子站起來正在哭泣，並正想拿起書包，然後我問他發生什麼事。他驚恐地說：「有位姨姨鬧我……」並開始大哭起來。然後我疑惑地問他：「什麼姨姨？她跟你說什麼？」他說：「她說我不能坐在這裏……」他不停哭泣著。我左望右望，才發現椅子左側貼了一張像手指般幼及短的標籤標示這座位是給貴店顧客坐的。然後我對他說：「我明白了，應該是姨姨告訴你不能坐，是我們不對。她不是很兇惡吧！」他哭得更加淒厲地說：「佢好惡咁鬧我啊！佢仲話我《呢個學生真係唔聽話……你耳仔係咪聽唔到嘢㗎 ？》……」然後他說不下去了。之後，我見這位姨姨不停在附近踱步及講電話，亦留意著我們，我便一直替兒子抹眼淚及直接站在店舖門口。等那位姨姨傾完私人電話回來後，我直接問這「姨姨」職員：「頭先係咪你同我仔仔講唔可以坐喺度？我知道坐喺度唔啱，但係我留意唔到你張標籖。就算真係唔小心坐咗，你都唔應該對我仔仔咁惡吧？」她極力否認說：「我冇好惡鬧佢喎，我淨係問佢點解坐喺度咋！」「我仔仔仲話你話佢《耳仔聽唔到嘢喎》！你使唔

又黎到附近上堂 未夠鐘就周圍行下 Vwalk真係好多新嘢本身都冇諗住買嘢飲 經過見到呢間茶店就入嚟行吓睇吓 啲飲品好特別 平時飲台式珍珠奶茶就飲得多 呢間店嘅茶就未聽過 玫瑰花陳皮普洱玫瑰🌹 陳皮普洱玫瑰花香 加上陳皮嘅甘甜 飲落去唔會好甜 全天然 無防腐劑 無人造色素 無人工調味 好健康同個店員傾開先知道原來第一間店係2013年沙田嘅時候開嘅 （唔怪得我未見過）原來個品牌都開咗有6年😅 店員好好吹水 係咁同我介紹邊款茶啱我🤣 都唔貴 下次可以再試下其他 有益身體👍🏻

上次我經過見到呢間舖頭一開始我仲以為係普通台式飲品店黎，點知今日再次經過睇真啲原來係一間涼茶舖黎架！我一行埋去睇下有咩好飲嘅時候，個銷售姨姨就好熱情咁招呼我，為我介紹下成間舖有咩好飲，仲同我詳細介紹過每一種涼茶有咩功效，邊一隻岩飯前飲，邊一隻岩飯後飲，仲同我介紹左成個品牌嘅歷史!無諗過一個銷售姨姨都可以咁熟識自己做野嘅品牌, 係佢帶動下,我買左洛神花同幾枝冷泡茶飲, 冷泡茶真係幾香幾濃, 30幾度嘅下晝買番枝飲,飲完成個人都都爽啲, 跟住洛神花茶一飲成個人又係醒神晒！而且無額外加糖，飲落更健康

時代變遷，連涼茶鋪都要與時並進～有日行開街，經過呢間小巧又吸睛既鋪頭，一望之下原來係賣各式各樣既涼茶！即係平時街鋪嗰啲一碗碗既涼茶！但呢度有啲唔同，就係佢唔係用碗去裝既，係用好靚既玻璃樽去裝～又時尚又環保～因為天時暑熱又想養下生，所以就同朋友研究下買咩飲好～結果叫左玫瑰花陳皮普洱茶同白蘭花茶（各$30）佢係人工製作既，兩支飲落去都係好清淡，感覺佢係少糖健康為主。普洱茶呢支既玫瑰花既清，陳皮既咸同普洱既香相輔相成👍白蘭花茶就好甘香～清熱消暑岩晒！

覓食V Walk的第二撃，食完一餐西餐未夠喉之際，看到一間幾特別的飲品店叫「良茶隅」，好吸引的門面，好特別的店名，覓食之餘也要長知識，查核一看這個「隅」字，原來是角落的意思，那就是良茶角落的涼茶店，而原來這間深水埗分店已是第五間分店，以為涼茶應該只有火麻仁，廿四味，五花茶咁，原來佢地還有冷泡茶。叫了玫瑰花陳皮普洱茶如酒瓶一樣的樽裝非常吸引，甘香清甜，玫瑰香味較清啖，反而普洱茶味比想像中清香，在V Walk 有這間人工茶分店，是推介給老中青的時尚茶品👍👅美味: ⭐️⭐️⭐️⭐️/5✨環境: ⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️/5

有別其他大型連鎖店，店鋪形象好清新，吸引左我眼球去望。現場有店員安排試飲，確保口味係適合自己，唔會買左唔岩飲造成浪費。試左幾款，甜度相對少啲。市面普遍牌子有時候為了避左陣苦味，加左好多糖，超過每日攝取量 60%。講返今次我就買左兩支，清熱去濕茶同夏枯草，前者係鋪頭2大王牌之一，店員表示一樽已經有2劑份量，可以分到2次飲，$58蚊唔算貴。另外支夏枯草、基本涼茶鋪都會有，$28，正常發揮。整體依間分店店員服務很好，有耐性，你唔怕羞可以試到岩為此。

今日收工見呢間涼茶舖，之前本來一直都想快小小黎試下，但係因為每日想買嘅時候佢都收左，搞到次次都買唔到，而今次呢就終於就到時間黎啦，真係勁開心!!一去到就見到好多唔同款式嘅涼茶真係唔知揀咩好，因為呢度除左涼茶仲有好多純茶, 於是就睇左勁耐, 不過真心講而家呢種新式嘅涼茶舖都愈來愈多係香港，佢個舖位仲有個電子售賣機，真係好與時並進，而家連涼茶都可以用電子售賣機嘅輕觸式屏幕買了，勁方便勁有時代感, 我最後都買枝五花茶同洛神花茶，甜度適中，真係超正!!。

行商埸行到很疲累，又口淡淡就當然要買飲料解渴。坊間大多都是手搖飲品，不是珍珠奶茶就是奶綠。而剛好就有一個店買不在叫口號宣傳飲料，當下就停下來看看，才發現開了一間新的涼茶店。而主要都是在賣茶的，有很多不同的選擇，杞子茶，洛神山茶等等。而我就偏好口味不太甜的茶，當下就選擇了白蘭花茶。剛好就只剩下一瓶，經過店員給矛試飲服務後，就決定要買。白蘭花茶就是有清幽淡淡香味，不太甜，又很易入口，重點是樽的設計又很型格，是玻璃製成，飲完可以拿去洗掉再用，非常環保。不想再飲太多糖製成的飲品，良茶隅是個不錯的選擇。

明明已經秋天，但熱到癲，行到勁口渴，驚會中暑，即刻想搵7-11買枝野飲。點知行幾步路嘅隔離有呢間賣健康涼茶飲料，心諗仲好喇仲健康呀，唔洗飲咁多汽水同甜野。之後買左枝紫貝天葵都好好飲，甜甜酸酸咁，即刻抖左個大氣，好舒暢！！！跟住呢度個涼茶膠樽又靚，好鬼特別。飲完洗乾淨仲可以翻用裝水出街飲除左紫貝天葵，仲有好多種架，好似洛神花茶五花茶等等唔同嘅涼茶，感覺完全係真材實料，仲有賣野嘅阿姨真係好熱情，不停同我分析我應該飲邊種野飲，好鬼貼心

平時其實自己對涼茶有一點抗拒，或者是少時候喝太多的關係，昨天天氣非常熱，經過這間良茶隅，見店子裏的飲料幾特別，便進店看看！店內有多種特式飲料，便買了一支玫瑰花陳皮普洱茶一試！解一解暑！第一囗已喝到普洱茶濃香！而且解渴，有淡淡的玫瑰花味，而特別之處是原來西式玫瑰花和中式的陳皮加普洱茶原來混在一起味道非常和諧！與平時的涼茶口味大不同！而店內亦有其他養生飲料選擇！例如紅棗蜜和薑蜜，可以買回家沖水或另加其他配料去飲，適合手腳冰冷和血虛人仕！

Tried this in KwunTong and I fell in love with one of their teas in glass bottles.I am so glad V walk has this shop as I was intending to get the tea again but it was sold out It was a guy there that day who was the owner because if you google this shop, its the same person. I like this branch because there is a small corner where you can sit down and have a drink.This shop is hard to miss as it is next to the loo.Anyway, on this visit, had the Roselle tea which is just Chinese Ribena in terms

經過見到呢間店覺得幾特別，本身以為賣啲特色飲品，但仔細一睇發現原來係涼茶店～個名都幾得意，咁就試下價錢同一杯珍珠奶茶差不多，同名牌珍珠奶茶相比，呢間仲平D添！咁同埋佢啲涼茶都幾特別咁，而且涼茶咁健康，所以我就同朋友一人一支我地冇揀傳統的，見到有花茶喎，又係凍的，咁就諗住健康得來都想好味啲，第一次試就揀左白蘭花茶同洛神花茶我係飲洛神花茶的，又飲過的朋友都知道味道酸酸甜甜，其實幾好飲；朋友果支我都試左味，相對就濃少少，中意味道重的應該可以試下呢個～

恒生商場真係好舒服，v walk 喺南昌站附近，部份嘅食店已經開張啦，經過呢一間新嘅飲品店，呢間飲品店並不是現在主打水果茶，或者係珍珠奶茶，反而係特色嘅飲品。。經過佢哋嘅飲品櫃，即刻比佢哋嘅飲品吸引左，因為佢哋嘅飲品賣相真係好精緻，尤其鍾意佢哋嘅玻璃瓶，玻璃瓶盛載了冷泡茶，仲有三款選擇，分別係玫瑰花陳皮普洱茶、白蘭花茶同埋桂花烏龍$30一枝(250ml) .同朋友一樣試一款，我就試玫瑰花陳皮普洱茶，坦白講，我真係為咗玻璃樽已買，但係呢個配搭都幾新穎，雖然價格都唔算好平，不過心意搭夠。。另外叫咗洛神花茶，但睇顏色都知道用料幾充足。

良茶隅嘅涼茶就飲得多~前幾日經過佢地新舖見到一枝枝玻璃樽裝嘅冷泡茶，賣相簡潔得嚟幾靚，就揀咗枝嚟試試佢佢地嘅冷泡茶有3款，分別係玫瑰花陳皮普洱茶、白蘭花茶同埋桂花烏龍茶，每款都係賣$30一枝(250ml)，同其他店舖相比佢嘅價錢算係中高。今次我就買咗市面上比較少見嘅白蘭花茶嚟試。良茶隅嘅冷泡茶同出面有D唔同，佢嘅冷泡茶不含茶包，所以茶味較清淡，但係都伴有淡淡嘅白蘭花嘅香味，以一間唔係以冷泡茶以聞名嘅店舖嚟講，佢嘅水準都尚算合格，值得一試