良記新加坡去骨海南雞專門店

营业中

休息中

住咗喺深水埗咁多年第一次知道呢間嘢，我覺得四十幾蚊真係好抵食，啲雞份量唔少，香味主要由雞皮、醬汁帶動，雞肉本身較淡。啲飯嘅味唔係太驚喜，但係啲湯好飲，所以用啲湯濕啲飯嚟食都係好味嘅。就算嗰兩片青瓜，都唔會有怪味，係食得嘅。

平時都好少嚟深水埗，以前讀書嘅時候就嚟得多，今日過開嚟運輸署，就上西九龍food court 睇下有咩好食。呢度嘅food court應該起碼有3-40間舖，實搵到嘢啱食。見到呢間海南雞多人買就試吓，$50都唔駛真係好抵食。海南雞嘅份量正常，如果以呢個價錢嚟講直頭多🤣有雞胸同雞翼位，肉質唔嚡，雞味都濃，雞皮比較薄唔太彈牙，但整體嚟講係幾好，好過啲賣$80嗰啲海南雞店。湯就普普通通，不過唔會鹹，都算有誠意。

今日又去到西九龍中心。之前食過番廚嘅海南雞飯，今次想試吓第二間就去咗良記。價錢冇乜分別，但食完之後就發覺味道好唔同。番廚嘅雞飯有三種飯（白飯，油飯，黃薑飯）俾你揀，良記就剩係得黃薑飯。不過佢啲雞同個湯就好出色。雞皮爽彈，肉質鮮嫩，有少少鹹味。食得出用鹽醃過，同埋有浸冰水。飯小鹹，南瓜湯勁足料，超級鮮甜，入邊啲雞殼有時仲有好多肉，可以送多一碗白飯。兩間咁嘅價錢，大家都應該知道唔會係新鮮雞。如果要比較，我個人覺得良記專一啲，淨係賣雞飯。番廚就多啲唔同嘅選擇。大家見仁見智，我覺得兩間都咁好食。海南雞飯$45

海南雞🐓：肉質幾滑，雞胸肉都唔會鞋口油飯🍚：個飯唔錯，唔會太油膩，調味得好好，睇落好似係乾蒜。青瓜：fresh，脆口。薑蓉：對於我嚟講太鹹。包例湯，可+＄2 轉紙包飲品CP值高

今日午餐又唔知食乜,同事提議用app叫新加坡去骨海南雞飯.✨去骨海南雞飯套餐✨雞嘅份量都幾多,雞肉口感細滑、多汁美味、肉質鮮嫩、又有雞味.味道都唔錯.而且仲有三個醬(薑蓉.甜辣醬和甜豉油)還配上三片青瓜.食落好爽脆.唔怕膩.油飯粒粒分明、唔太濕、軟硬適中,好香又夠味.餐湯有甘筍、南瓜和雞殼,好足料又多湯渣,有驚喜,真係好鮮甜.😋😋😋🌟值得推介🌟良記新加坡去骨海南雞專門店深水埗欽州街37號西九龍中心8樓8F25號舖

去骨海南雞飯🐔 💰45（外賣+$1） ❤️‍🔥9/10分雞超級嫩滑又有雞味，今次又係無加錢但俾上脾位我🤭而且有至少十舊雞，依個價錢真係超抵🥰配薑蓉同abc豉油一流，酸醬夠酸🤤跟餐嘅南瓜湯濃啲，飯嘅香茅味再重啲就perfect了🤩⚜️整體性價比 10/10分 因為好多雞🤣想睇更多食評可以search翻ig @foodjobdacon❤️‍🔥#香港美食 #深水埗 #深水埗美食 #西九龍中心 #西九龍 #西九 #海南雞飯 #海南雞 #海南雞關注組 #良記 #良記新加坡去骨海南雞專門店

眼見有唔同雞飯食，全部都係40蚊同去骨，good!跟餐有個湯，都幾好飲。-+5蚊有個汽水，唔要湯轉汽水先3蚊。-好快有得上，姐姐仲問夠唔夠飯，可以添！Very nice! 姐姐態度好好，落單轉咗幾次都冇嬲，講嘢非常之有禮貌！-最後揀咗海南雞飯，心諗如果揀招牌唔好食都冇辦法，唯有當試伏( ･᷄ὢ･᷅ )-個雞係好食嘅，唔乾柴，個油飯好好食，有味仲有咗少少嘢，睇落似炸乾蒜，但唔肯定。-冇加飯食完都好飽，開心滿足！(*¯︶¯*)除咗雞翼有少少毛，其他完全係100分，不過都知有少少毛係冇辦法( ´▽｀)-會再返嚟食嘅！

【#海南雞皇🐔 】#良記新加坡去骨海南雞專門店今日又再一次去西九龍中心搵食，之前已經有谷友大力推介依度既 #海南雞飯雞冠絕全場，咁勁當然要試吓😎正午十二點幾去到，唔算好多人，立即落單，見識到阿姐既霸氣🤣 有個客包好晒外賣比佢之後先話唔要湯要其他野飲，可能個客唔知係跟湯。好快有得食，佢係雞同飯分開，加上三個外賣兜仔裝既醬汁。#例湯 好夠熱都幾大碗，係南瓜湯，味道好甜，甜到唔似真🤣油飯同樣夠大碗，飯質偏硬少少，油香唔突出。雞都真係算多，好嫩滑，而且有調味👍 海南雞既嫩滑，白切雞既味道🤣 真係幾好食♥美中不足係三個醬。個汁兜太細，件雞點唔到落去，倒出來點又唔太夠，點到雞又撈唔到飯，有點手忙腳亂😑$40 有依個質素係相當唔錯，雖然唔係我最愛既🇨🇷式海南雞，雞既質素真係全場數一數二👍推介指數：7/10良記新加坡去骨海南雞專門店深水埗欽州街37號西九龍中心8樓8F25號舖@foodiehck2022 #港飲港食平靚正 #深水埗美食 #西九龍中心 #深水埗 #午餐 #美食廣場 #抵食

套餐$40,轉脾+5蚊跟餐有紅蘿蔔/粟米 /南瓜/雞骨湯跟餐個湯幾好味, 跟餐加紙包飲品+3蚊, 埋單$50有找！絕對系深水埗區最高性價比既海南雞嚟！個人覺得水準絕對拍得紅磡Y記!由於平靚正所以耐唔耐都會上嚟食，有次一個人叫一隻雞系度食嚇到坐對面枱條女面容扭曲總結：雞滑皮爽,皮同肉之間有啫喱又有雞味，飯：粒粒分明唔會太濕食落又夠味應該無人好似我咁痴線一個人食到一隻海南雞系附近唔知食乜一定上嚟食。但假日千其唔好上嚟堂食！因為全場座位都會比唔食野既外嫞佔據平日就有位坐下但果張枱個設計…會坐得好辛苦🤦‍♂🤷‍♂

每一次想食海南雞必定諗起ssp良記，大大話話都幫襯咗下十次，初頭要去骨，後來成隻買自己返去起骨。今日星期日唔想煮就去良記外買隻海南雞返去起肉。🎆去骨海南雞$148兩点幾鐘行上去西九龍中心8樓order咗著外賣chicken, 老闆娘都幾nice，執多幾套雞壳俾我返去煲湯用，有時會送雞腳。隻雞皮光肉嫩，成隻買，冇得偷雞，起完肉去埋骨，成隻舖番好，presentation 超正，隻雞浸得啱啱好，剛剛熟，雞肉不見血水，雞皮位皮下脂肪多，近脾位可連皮食用，淋滑有雞味，連雞胸也不"鞋"，点埋海南雞醬，就更好味😋😋😋，煮條菜，足四人享用。

朋友介紹哩間良記新加坡海南雞，話同最出名的勇記差不多，我兩間都未試過，所以今日下午茶試下。鋪頭系8 樓Food Plaza中間的位置，都要搵下咖，鋪仔細細，但都有一男一女負責，優點- 味道中上- 算幾注重衛生- 性價比高- 系去骨雞。改善點- 飯比較乾，吾覺得系油飯- 無跟湯因為4個人下午茶同主要試雞，所以買半隻雞加一碗飯。擺左隻雞上砧板，男店員摟一對新藍色手套才切雞。雞算有雞味，雞皮只系普通爽，雞胸亦吾”鞋”，所以只系中上，總括來講比我的至愛栢檔極品海南雞飯差D 。雞油飯8蚊又幾抵，白飯都買吾到，有香味但吾覺得有油，睇個人中意啦！我覺得應該有會好味d 醬料比左6盒仔，鼓油比較好味。

深水埗西九龍中心food court就非常多選擇既，突然今日就好想食海南雞。呢間海南雞食過就知好抵食。$43有湯有野飲有飯有雞，而且仲有跟3個醬，綠色應該係薑蓉，紅色係小小辣，黑色就甜豉油。個雞既份量都多，真係做爛曬市。雞既味道就正常唔嚡既。雞配醬真係好夾。個湯我唔小心飲左一半太好飲啦，入面好足料好多湯渣，味道係意外地鮮甜。去到飯，我覺得個飯就太溜，不過都入到口既。其實咁多野都係$43。我覺得無野可以挑剔啦。建議大家有機會去試下，因為係food court 所以環境都唔會預好好。

良記新加坡去骨海南雞專門店 (深水埗)深水埗欽州街37號西九龍中心8樓8F25號舖朋友知道小編係海南雞控😻專登帶我去西九龍中心食呢間網上好評嘅海南雞飯🐓新加坡去骨海南雞飯(附送是日靚湯)齋睇雞皮顏色已經覺得吸引😻無瘀血，仲自帶男神光✨🐓✨雞皮有光澤但食落又唔會過份油膩，雞肉嫰！好軟滑，厚薄適中，附有3色醬，🟢薑蔥油，🔴偏稀嘅泰式甜辣雞醬，⚫️醬油膏，油飯唔會煲得過濕、過硬，青瓜少脆。時日靚湯有驚喜🤩🤩好甜！飲得出好重南瓜、甘筍、粟米味🤤一d都唔稀唔馬虎🤩睇湯渣料似係「南瓜烏雞甘筍粟米湯」～估唔到餐湯都做得咁好👍🏻幾十蚊有咁用心做嘅雞+湯+飯套餐，如果真係要挑剔的話，會期望雞件做得咁嫰滑之餘，可以厚肉d 🤤唔夠喉呀🙈🤤不過喺Food Court都幾難搵位㗎～

本來專誠來西九龍中心食一致好評的實驗所海南雞，可惜食閉門羹(休息)，轉戰去隔離食這間，應該是太好生意吧，油飯都沒貨了，只好外賣了一隻海南雞。海南雞是去骨的，店主會主動問顧客是否要拿回雞殼，這個不是一般做法吧，因很多店會把雞殼留給自己來餚湯。我食雞會先試雞胸肉，這個最能試出工夫，果然，有驚喜，以海南雞的品味來說，它算是有雞味，胸肉很滑，其他部位不用說了，是性價比高的海南雞。薑蓉醬很出色，豉油醬於我是略甜。希望下次能食到它的油飯。

今日黎到西九8樓食咩好？我決定叫雞啦！！！見到有檔良記未食過（太耐無去）決定叫半隻雞返屋企食半隻海南雞$70 見到師傅切梗，已經見到好滑好滑好滑（重要事情講3次）老闆娘好親切甘問我啲醬有冇要求 要邊款醬好喇，開餐！海南雞皮好薄，唔肥，無乜脂肪，雞好嫩，真係好滑！！！嫩得黎唔會唔熟，我最怕血淋淋呢個嫩得黎，一滴血都無不過係個海南雞醬唔係我心水，似係現成醬見到西九好似裝修梗，應該又有新鋪開下次再去西九叫雞