良辰吉時 (已結業)

點解我話要擇個吉時去飲，事關佢最出名個啵爆黑糖厚鮮奶係成日都售罄！我已經係中午1點45分去到（7月19日），都可以無😑希望佢依家有改進～鋪面裝飾都唔差，牌面主打醒目既橙色～（個日覺得隻色Leung 左少少🙊）咁岩見到佢主要推薦宇治抹茶鮮奶茶，所以我就叫左杯，再加綠茶珍珠。不過就無咩特別，同Starbucks 飲既green tea latte 無分別，同事飲仲覺得佢粉味太重，無咩encore價值🙊但綠茶珍珠幾有咬口，佢外層包住層透明野口感幾特別，火龍果味珍珠就完全食唔出係火龍果味😂不過夠fresh夠靚（粉紅色好少女好靚😍）

•波爆黑糖厚鮮奶•$36又一台灣過江龍🐉行過竟然唔洗排隊就試試佢啦😋鮮奶用上明治奶，奶味濃厚🍼而甜度係冇得揀既，但甜度岩岩好，唔會甜到飲唔落🤩黑糖味都好足，珍珠都好好咬🤤不過唔好既就係杯野好污糟🙄成個杯面都係黑糖，癡笠笠🤧同埋$36黎講，定價都算高～—-8/10— By I.

聽聞係台灣好出名，估唔到係元朗都有分店，即刻去試試佢先今日唔算多人排隊，好快就買到～佢個杯嘅design好得呀，好鐘意啲圖案叫咗杯淨茶俾爸爸，仲有杯抺茶鮮奶加珍珠，奶味唔算濃，抺茶味剛剛好，珍珠好好咬，唔太甜仲叫咗杯啵爆黑糖厚奶同埋卡牙縫的特飲，黑糖厚奶奶味重，黑糖味重，加埋一齊飲好暫時咁多間嘅黑糖奶最鐘意呢間另外卡牙縫特飲原來係水果沙冰，有火龍果、奇異果，重點係蜜糖呀超級鐘意呢杯嘢飲～ 重有就係呢度嘅店員好好，見我未齊嘢飲，但沙冰已經出咗，佢幫我放入雪櫃先，好細心呀

荃灣個間太多人，去兩次都話賣灑，點知元朗都開左，好開心吾洗走到咁遠，叫左最岀名宜家又最興既黑糖厚奶，我覺得普通，同鹿角比差d，仲要貴d，$36杯既話，有太多選擇，不過距仲有其他既，宇治抹茶珍珠也很好喝

一直網上聽到好好飲既良辰吉時 竟然無意中行街見到有 係馬路邊 即刻買杯飲我第一次飲黑糖珍珠鮮奶好味到停唔到口食落啲珍珠甜甜地煙煙銀銀 （我最欣賞）我叫左少飲少冰剛剛好意外驚喜快點再開分店

台灣主持納豆一早知佢係識食之人，今次佢過江龍黎香港開鋪，仲賣中我至愛黑糖飲品，點都要試一試今日我黎到元朗鋪在轉角位大大間好搶眼，可能係平日既關係人唔算太多，前前後後等左十分鐘左右就有得飲招牌啵爆黑糖厚鮮奶，一杯野，有三種唔同層次最上層黑糖脆脆中層係冰既厚鮮奶-鮮奶好滑最低層係暖暖既黑糖同珍珠- 黑糖唔夠香，但分量十足珍珠煙un彈牙👍🏼整體黎講好味既黑糖分量還需要拿捏一下。 但比起天仁黑糖絕對優勝。

元朗美食之旅既第2站- 良辰吉時。相信如果大家有留意開台灣茶舖都知道台灣藝人納豆間手搖飲品舖頭黎左香港開分店。而且佢地大部份既茶都係來自台灣土產。所以都好期待佢地既出品係咪真係咁出色。結果......相信你地睇到上面咁多位食家既品評都知，其實唔係特別出色啦。我地特別叫左佢地既文山小葉種綠茶。諗住向低難度挑戰下。味道方面，綠茶既味道就唔係太突出，而即使叫左半糖，都唔係太飲得到綠茶既味道。隨之而來既就係一陣類似蜜糖既甜。如果你地喜歡茶味，就不如去天仁都會有較好既體驗啦

良辰吉時 - 元朗啵爆黑糖厚鮮奶 $36黑糖珍珠黑糖夠入味，珍珠口感煙韌，咬幾啖可以吞。鮮奶濃厚幼滑，配黑糖甜度剛好。表面有層黑糖再加左口感😎無得改甜度冰度，因為 default 最 perfect 。義豐冬瓜檸檬 $20微糖微冰最後都覺得甜左啲，但配炸野食冇得彈，好解膩。.....#hkfood #hkfoodblogger #hkfoodreview #hkig #hkfoodie #foodstagram #eatstagram #foodie #foodblog #foodig #instafoodie #foodporn #foodreview #foodhunt  #travelhk #eatlife #life #taste

見到每次都甘多人，個個都買黑糖鮮奶，就想買杯試試看，去了好幾次每次都賣哂，一係就等半小時，今日終於買到了😊！大街中，每次坐小巴都見到！起初以為是一杯奶茶，原來是加了黑糖既鮮奶，比較甜，但係如果腸胃受不了鮮奶既朋友，就小心，因為整杯都是全鮮奶加珍珠！整體配搭都是好飲的，珍珠亦有彈性！

過江龍台式啵爆黑糖厚鮮奶$36/1杯！甜度適中，黑糖不會太甜，勁重鮮奶味，$36一杯值回票價，珍珠不會過甜，又有咬口，口感豐富！令人一再回味！排隊等了10分鐘都值得！

之前見荃灣果間排隊排到去恆生銀行，感覺呢間野好受歡迎，裝修好靚，仲有個螢幕播住一杯杯熱門推介既特色飲品。今次行過元朗見到新開張，人龍唔太長就走去試試，叫左杯愛情動作草莓牛奶試試介紹下呢杯野飲同幅相相似度80%。點知飲落得個樣，成杯野係無草莓味，係冰粒味同埋牛奶味原來係冰味既沙冰。跟住我focus期望係佢粒草莓🍓⋯⋯ 刀工好好，每片草莓得2mm，仲要好酸。我覺得麥當當個士多啤梨奶昔仲好飲過呢杯算啦，我放棄呢間

喱間良辰吉時早前係荃灣開業時排哂長龍，台灣過江龍，早排元朗都開左分店，當時即刻趁夜晚無人試下啦。上次試主打既黑糖珍珠厚鮮奶，貴得黎無咩特別都算喇，尚算可以一試。今次試喱個真係唔掂：秋摘大吉嶺鮮奶茶＋白玉珍珠白玉珍珠無乜特別就唔講，喱杯鮮奶茶夥計推介，話係用全脂奶，又唔知乜乜印度茶底咁飲落淡到好似溝左水咁，已經微冰左唔係因為融雪，無奶味無茶味小弟都成日飲喱d台式野飲，真係好少可飲到咁伏既仲要成＄30（珍珠＋＄4）或者下次試下其他啦

原來係荃灣排好耐隊既良辰吉時開左係元朗本身經過見咁多人排都唔諗住排 過多陣見無人就試下買左杯啵爆黑糖厚鮮奶無奶味 黑糖珍珠煮得幾琳同好甜但成杯野...真係好一般試過就好了唔會係值得排同網上講到咁好飲  

見到甘多雜誌網媒大力推介次次經過荃灣都見到依間鋪頭都大排長龍都心郁郁想試下但見到條龍多到令人覺得可怕…都係無甘既毅力去等今日去元朗食野，甘岩見到元朗都有一間波！甘第一時間去買，終於可以一賭下依間野既風彩點知…買完飲完真係嬲到想成杯拋左佢！真係太太太太太太太太太太太太太太太太太太太太太難飲！我叫左黃金烏龍烤鮮奶(加黑芝麻珍珠)鋪頭聲稱話用某牌子靚牛奶來沖唔單止完全無奶味  仲係得烏龍既苦澀味成杯野好似溝左水甘…D野飲都未算最嬲…頂多咪淡味…D珍珠先令人最嬲！！！！！！D珍珠有四大死罪：一、未煮透，個心仲係一團粉二、黑芝麻珍珠無黑芝麻味…甘我叫黑芝麻珍珠有咩意思三、無黑芝麻味都算，連甜味都少得可憐四、珍珠是彈牙先好食，成粒野實的的…我唔明點解依間鋪可以憑珍珠來打響名堂…完全難食過普通珍珠連個杯都係用好軟既膠來載住D野飲你一啜D珍珠，連個杯都一齊啜埋啜到凹晒搞到飲果時都要就住就住來飲真係把幾火…未試過飲一間台式飲品店，飲到甘嬲Promotion做得好勁，但D野飲難飲到令人發火最開心既事係慶幸自己無係荃灣排成粒鐘，只係係元朗排左2個字(苦笑…)

台式茶飲「良辰吉時」今個月係元朗開左業，位置係教育路嘉城對面，正正元朗心臓位置，招牌都超搶眼👀一眼就見到，鬼死咁大個平時荃灣店都超多人排隊幫襯，宜家元朗有分店，尋日就買左杯招牌波爆鮮奶，尋日排隊到出餐5分鐘左右，以十幾二十人排隊黎講ok 啦👍👍👍算快奶味好濃算佢幾落本用明治，黑色珍珠幾滑又煙Un有口感，至少唔同水晶珠果種即咬即碎平平無奇👍👍👍最抵死係佢地用黑糖紋杯，望落好靚，識得攪d 花臣有佢既特色😘😘😘