良辰吉時 (已結業)

尋日經過呢間元朗店終於見佢有開，之前晚上成日見好多人排隊，上次中午一點鈡來都未開門，以為已經做唔住關門添，但上網睇又有喎，所以尋日下午四點去試下(心諗四點鈡唔會未開呀）好在有開門，仲唔洗排隊，選舉好多，諗咗陣叫咗杯宇治抹茶玉露，本來想試嗰杯啵爆黑糖鮮奶，但因為甜度不可選，怕黑糖太甜，所以最後都選了抹茶。杯抹茶玉露睇落好靚，珍珠都有抹茶味，奶味好出，蓋過抹茶味。不過飲珍珠奶茶呢d嘢...莫非都想揾d珍珠咬下，但呢杯d珍珠真係好唔掂，淋到呢...都唔知放咗幾耐！所以都唔會有下次....

元朗良辰吉時開了一段時間，便和朋友去飲了，抹茶玉露。抹茶🍵味很香濃，再加上抹茶粉，令鮮奶加上抹茶，更像朋友一樣，兩者很夾👍🏻鮮奶味都都重，差不多整杯都是鮮奶！而且珍珠也是用抹茶來做的，這個價格($32)可以飲到整杯特別的抹茶，真是物超所值！整體上也不會太甜，而且珍珠也煮得很有口感

今日試咗2種飲品，一杯係草莓愛情動作，另外果三杯就係招牌黑糖珍珠奶。草莓愛情動作其實係士多啤梨奶沙冰，幾好飲，賣相超靚，影相效果一流，好多士多啤梨果肉，好飲。招牌黑糖珍珠鮮奶，飲品上面全部都係黑糖，甜度唔可以自己調校，珍珠都彈牙，但太甜喇。

元朗雖然有好多唔同嘅飲品店，亦都有好多都有上過網有介紹過，不過通常都雷聲大雨點少之前偶然行過，見到開左間良辰吉時，荃灣店飲過，係唔錯的，所以都買左杯檬檸冬瓜茶，果陣係夠多檸檬汁，酸得黎係仲有冬瓜茶味真係有少少失望，但係今次飲完全唔同味，飲落好似蔗汁咁，得個甜，檸檬味又冇，冬瓜茶味都冇，我都唔知自己飲緊杯乜野雖然我見到人地杯黑糖珍珠鮮奶好靚，但係諗起呢杯冬瓜茶，我都係去返天仁算嚕，唔係話最好，但起碼水準穩定，唔會失望先

仍然有不少人排隊其實佢包裝幾好幾靚，但篤飲管個下就好麻煩。層膠又篤唔開，但紙就整晒出黎。唐寧格雷仕女伯爵鮮奶茶 加火龍果珍珠茶底真心選用明治奶但火龍果珍珠就好淡$30就有啲貴囉

良辰吉時係台灣嘅過江龍，係由台灣綜藝藝人納豆所開的一間台式飲品店🥤，係荃灣開左一段時間都無試過🤔，剛巧今日路過元朗才知道開左第二分店，一於試一試👅！•愛情動作草莓牛奶$32🙈🍓🥛確實我係被名字吸引所以叫了這杯飲品，二來小妹很喜歡草莓味道的飲品😽，草莓牛奶100%用了明治鮮奶🥛，飲落非常滑，飲品入面仲有真草莓🍓，草莓牛奶很香滑又香濃的莓莓味☺️☺️•文山小葉種綠茶$15🍵呢杯綠茶好抵飲，$15就一大杯，綠茶有點回甘，熱辣辣的天氣下🔥，確實非常解渴💦！•整體而言不錯，另外飲品包裝幾清新，非常有夏日色彩的感覺🌞

良辰吉時，打住「台灣藝人納豆創立」，通常呢d明星效應都窄窄地，Menu上極多選擇，珍珠奶茶，奶昔，茶類都有，睇左一陣想要果款話唔出，只係廣告,然後好不幸地我揀左好難飲既火龍果珍珠鮮奶茶$26，最憎奶多過茶，仲要係少奶果隻👎🏻 ，唔係厚奶，珍珠好淋唔煙un👎🏻 ，有少少好似火龍果肉碎係野杯入面，實在太細都食得唔清楚，呢間野可以話係我飲珍珠奶茶入面最差既一杯 最後想講呢個鋪位真係曬到不得了，無遮係擋咁，等拎野飲時真係嗌哂救命

轉角位大大間招牌超搶眼👀排隊直到拿到飲品都要需時20分鐘，雖然帶着台灣藝人的店舖光環，但網上劣評居多已有心理準備招牌《啵爆黑糖厚鮮奶 》最上層脆脆的黑糖中層品嘗濃郁奶香底下的黑糖波霸珍珠非常有嚼勁咁感覺甜左少少名字取的超可愛《魔神仔畫符水》隨杯還送上一張可愛的符咒貼紙呢​！最上層黑灰色的部份是竹炭芝麻裡頭還喝的到微微的芝麻顆粒底下鮮乳固定搭配豐樂鮮乳珍珠是白玉珍珠，吃起來較有嚼勁喝之前記得要先搖一搖，整杯變得灰矇矇的，入口帶著濃濃的芝麻香，交織著迷人奶香見到魔神仔畫符都開心：喝下去瘦瘦瘦符👍👍👍變瘦變瘦原來係荷包瘦左😭😭😭27蚊同36蚊價錢確實稍貴，感覺久久喝一次就好

早排係荃灣開左全港第一分店既良辰吉時話咁快這係元朗開左分店嚕地點係元朗市中心嘉誠廣場斜對面橙色招牌一眼就望到，勁搶眼！秋摘大吉嶺鮮奶茶 $26只係鮮奶茶都分左6個茶式底，今次試既係大吉嶺再加上明治4.3鮮奶，奶味香，茶味略嫌不足，多返啲啲就好不過都想試埋佢其他茶底，比較比較一下鮮葡萄柚果粒綠茶 $26呢個真心失望，佢講到話果粒我就以為佢點都有啲野比我咬下，點知無葡萄柚有啲太爽，同綠茶味有啲分開既感覺，真心好一般般好味指數：

今日休息～約左朋友到元朗食飯～早左小小就自己行下街先～行到附近囗渴想飲下野～有夏茶，對面就良辰吉時～夏茶排左幾個人，就過對面咁岩冇人既良辰吉時～開左咁耐經過幾次都大排長龍，FB上好多朋友都排隊買，今次竟然冇人，就去買杯我好掛住台灣既黑糖鮮奶～啵爆黑糖厚鮮奶，等左不用5分鐘～拎個時店員亦講解先用飲管攪拌黑糖先飲～飲左一啖～不太甜，有鮮奶味～但黑糖味不特出，珍珠比較多，亦比較煙韌～一路行一路飲，行到千色店一樓已飲哂，淨左 D珍珠～感覺上同普通珍珠鮮奶沒分別！價錢有 D貴……整體黎講我比較喜歡老虎頭，黑糖味濃帶甜少少，配細珍珠一流～價錢應該差不多掛～因為上個月係台灣飲～

經過附近諗緊試夏茶定呢間 最後決定試下呢個有好多選擇好似都唔錯叫左黃金烏龍烤鮮奶 加黑芝麻珍珠滿心期待😍點知 杯野好似水...淡既程度好似十粒冰溶左咁 勁稀唯一個黑芝麻珍珠有小許芝麻味😕

吃完晚飯後，順道經過良唇吉時買了一杯飲品，看餐牌看了很久，因為很多飲料都非常吸引。趁着農曆七月時推出特別飲品，而螢幕上見到有類似貞子的圖案，十分有趣。選擇了很久，最終叫了杯黃金烏龍烤鮮奶加黑芝麻珍珠。個人應為茶味不算香濃，有點兒失望，但黑芝麻珍珠感覺很有趣，咬開珍珠會吃到一粒粒的黑芝麻。下次都係選擇番招牌黑糖厚鮮奶😆

第一次寫食評，為左呢一杯好正既啵爆黑糖厚鮮奶😍😍d珍珠好味，吾太膠，最緊要黑糖味重,成杯野飲吾太甜（正常），平時飲開其他既野飲都一定會少甜少冰，但良辰吉時，個甜度岩岩好，好岩我心水，而且佢吾太多冰，岩晒女性朋友，完全吾洗微甜少冰，下次去元朗一定會再幫稱😍😍😍好回味。本新覺得36$都幾貴，不過呢個質素係值既👍🏻👍🏻👍🏻👍🏻🤗🤗🤗，吾記得影相🙈呢個夏天好熱，香港都開左好多吾同既飲品店，都試飲左好多間，最中意就係呢一杯，啵爆黑糖厚鮮奶，飲完好滿足，幸福度提高左吾少，飲完個人開心晒下次想試下火龍果珍珠希望都一樣咁正😍😍

手搖飲品鋪開到成行成市 間間都打住黑糖鮮奶既名 但元朗新開呢間無論係鋪名定佢啲野飲都好吸引我去試叫左熱賣產品黑糖厚鮮奶(有珍珠既) 36蚊size比佢普通既飲品細小小一拎到飲品杯身既老虎紋都多 打卡一流之前都試過四五間唔同既黑糖奶 但呢杯第一啖飲落去有好驚喜因為一飲落去竟然咬到有小小黑糖脆既口味 好好味！！(無搞匀既情況下插飲管落底飲)但好可惜淨係飲到2啖有脆脆口感之後搞匀左就無晒 但係都係好飲既 奶味好重飲落去好smooth 珍珠食落去咬到有啲黑糖包住 有咬口軟硬適中 而且一路飲落去都keep到濃既奶味大推啊！！！不過元朗呢間開起轉角位 等既時候好麻煩

👫呢間係台灣藝人納豆開嘅台式飲品店😳 除咗荃灣之外，原來開埋元朗🤔 咁啱噚晚係元朗食完晚餐，就去咗試下啦🤷🏻‍♀️一一一一一一一一一一一一一一#啵爆黑糖厚鮮奶 <$36>個杯上面印住納豆爆炸頭，好搞笑好得意呀🤣甜度同冰度都係固定㗎🤔未撈勻前飲咗一啖，甜到癲咗😂撈勻好返啲，但都係偏甜😧鮮奶口感同質地都幾濃厚，但奶味唔算重🧐黑糖珍珠煙韌彈牙，焦糖味十足👍🏻珍珠份量都幾多，飲完好飽肚🤣不過呢杯要$36都幾貴，性價比唔太高🤨.🔸後記：·呢杯係隱藏餐單嚟😝·主打4色珍珠：白玉原味、抹茶、火龍果同芝麻口味😍·飲品仲可以加配花生、紅豆、大芋頭等等一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️（5個❗️最高）一一一一一一一一一一一一一一💑提提你：▪️飲用前要用飲筒攪勻☝🏻