芋圓圓

营业中

休息中

由對面舊店食到依家啦💛無論以前舊鋪定依家都係咁多人等位🤣老實講糖水個底真係普普通通，無咩特別亦無話特別好食，我自己最鐘意就係鮮奶椰汁桃膠，貪佢唔太甜又借d意潤下🤭芋圓好夠味，食得出係真材實料唔似有一d鋪頭淨係食到木薯粉而無左本身食材既味道。芋圓咬落去煙煙韌韌，芋頭味好重，四四方方都好得意。唯獨美中不足既係糖水大部分都係得凍熱既話就需要等，如果依家天氣開始凍呢，我試過熱既糖水要等半個鐘以上，依一方面希望可以改善啦🫣

呢間小店嘅手工芋圓好出名，咁岩行完旺角鬧市，特登走遠少少去食個甜品先返歸，好彩唔洗排隊。</p>叫左三款甜，三款都有芋圓。芋圓糖不甩好多人推介嘅一款，可以食到芋圓嘅原味。芋圓有三種色，入好好Q彈，分別有淡淡嘅番薯、芋頭同紫薯味。感覺上橙色嘅番薯係最濃味。加上花生糖粉，甜度又提升。另外叫左紫米露加芋圓，紫米露都幾多料，都幾杰身，甜度剛好。最後係椰汁西米露加芋圓，都係正正常常椰汁西米露。臨走時仲買左一盒急凍芋圓，拎番屋企慢慢整來送糖水。

超煙靭嘅芋頭🫶🏻💜紫米露 $30每碗糖水都會包咗三款圓：芋圓、番薯圓、紫薯圓，芋圓裏面仲會食到細細地嘅芋頭粒，三種圓都好有咬口好煙韌，同時都會食到芋頭、番薯同紫薯嘅味☺️ 番薯同紫薯味會比起芋頭出少少，因為本身佢地比芋頭都係甜啲紫米露唔會好稀，而且好足料，入面有超多紫米，甜度啱啱好，食完碗糖水會覺得飽肚但唔會覺得好膩😄🤍椰汁西米露 $30同紫米露一樣都會包咗三款芋圓😬椰汁西米露就略嫌稀咗啲，匙羹潷起會潷倒好多椰汁西米露最特別就係有兩隻size嘅西米，大同細粒嘅西米一齊食落口感就會豐富啲～-雖然舖頭主打手工芋圓，但佢地糖水底都絕對唔馬虎，而且價錢唔貴😌 所以呢間糖水舖小編食過好多次，會特登食完飯搭去太子站嚟食～ 舖頭門口仲有賣一盒盒嘅急凍芋圓，有興趣嘅話可以買來返屋企配糖水食😄-味道: 9/10服務: 8/10環境: 7/10回頭率: 9/10總評: 8.5/10💰人均消費: $30-📍 芋圓圓 (太子)太子柏樹街1號地舖

芋頭同煙韌嘅食物都係我最愛，所以對住芋圓真係好難抗拒☺️呢間小店嘅手工芋圓出哂名，一到夜晚都好多人排隊，我今次就好彩比較早嚟到，仲未去到人頭湧湧～呢度所有糖水都有芋圓喺入面，只係千層蛋糕冇🤣但可惜今日冇千層蛋糕，之前食過好好食架！我叫咗紫米露 ($30)🤤呢度嘅紫米露好足料，紫米有咬口，而且甜度適中，不過食完都真係幾飽架😂芋圓好煙韌！係我好鍾意嘅口感☺️而且覺得芋頭味最突出～另一碗係鮮奶椰汁桃膠 ($35)😗一向好鍾意呢啲咁滋潤嘅甜品，鮮奶味濃，桃膠雖然唔算好多但都好夾成個甜品😋小店主打芋圓真係好正，有機會都想現成買返啲芋圓返屋企自己煮🤤

芋圓圓紫米露芋圓係咪我食得太甜呢？？我覺得不甜wo芋圓有咬口都有芋頭粒(都係無咩味)結 : 我諗係咪要熱先出到D味呢？$30堂食，係算平既不過好像吳太岩我口味#紫米露芋圓#芋圓圓

食到呢碗芋圓真係緣份佢個位，基本上我唔會有機會行過路過，就係一個偶然機會住係酒店，碌下外賣平台，碌到呢間芋圓圓，外賣自取價同堂食一樣，$30碗唔貴，比起出面好多有芋圓既糖水都$40起跳算很經濟！我地兩碗都叫曬紫米芋圓，好好味，好大碗，紫米又多，重有幾粒芋頭粒仔，又唔會好甜，重點係芋圓好好食，大粒又煙un，同埋。。。。。。勁勁多粒，係我食過咁多間最最最多料，食極都有！不過都帶返個頭盔先，第一次食，唔知係咪平時都咁多定我好彩我地呢兩碗就真係好足料好好味喇食極都有

食飯冇食飽決定食甜品🤣 之前bookmark 過呢間，所以行去試下。對佢個芋圓有啲失望，冇咩味。因為喺手工芋圓嘅原因，會expect 佢比一般嘅更出味同濃，但佢不論喺地瓜圓/芋頭圓/紫薯圓都只係非常非常非常淡味，近乎冇。不過就好煙韌嘅，呢點好欣賞。另外，糖水料都比較少，桃膠都好少😂不過佢有紅棗百合等，都唔差。份量正常。糖不甩嘅花生都做得唔太好食，過甜。但芋圓做糖不甩呢個idea幾得意，有創意，欣賞。

行咗整日，食完清湯崩沙牛腩，回程見到芋圓圓，店内裝修新凈簡潔，細細張的白色枱凳，客人食完就走，坐耐D就唔係咁方便，個餐牌就放咗係門口，買外賣超方便。Order 咗兩款外賣甜品，等咗唔夠5分鐘就行得，價錢比起 ssp康瑞差10%。👨‍🍳紫米露$30紫米露煲得淋滑厚身，濃洁適中，三色芋圓沈在碗底，甜度啱啱好，不太甜，食到紫米味，棷漿落得不多不少。三色芋圓有紫薯，地瓜和芋頭，煙韌度算ok略嫌偏硬一點點，都係好味道的，其實紫薯、地瓜和芋頭混合木糬粉而成的芋圓，其實各自味道就很難分得出來，只是一團煙煙韌韌的粉團，口感好但不知是紫薯、地瓜或者芋頭。👨‍🍳仙草、薏米、红腰豆薏米和红腰豆煲得啱啱好，薏米不過火，淋得來有咬口，外層還有一点点沾性，红腰豆粉粉地的，和薏米有個對比，這個甜品俱備大多數好吃的元素，值得推介👍

平時屋企都會自己整吓，但係要食種類多又足料，就是這一間芋圓圓。已經係第二次食。上次排隊等咗好耐，今次唔駛等位。每個人最少要食一樣野。可以淨買芋圓返屋企。芋圓非常Q彈。出餐速度很快，唔駛等好耐。下單前先同時間比埋錢。仲有芋圓量好多一啲都唔吝嗇。芋圓糖不甩Q彈好味道 同花生糖粉🥜好夾芋圓咋喳豆豆數量繁多，煮得好夠林，有家既味道。值得一試。芋圓薏米下單之後好細心咁樣問埋要唔要加奶薏米好清新同芋圓好夾。甜度適中。

在舊店位置搬到對面新鋪，地方大了位置坐得舒服不擠迫，這是一間舊式糖水為主再加入芋圓的甜品店，價錢親民，味道適中不是太甜，芋圓質感比較煙韌，畀人有一個一食再食嘅獨特滋味。

有幾天休假，跟男友在酒店小住了幾天，每晚在酒店都會吃不少零食，是晚就想吃糖水，於是使用熊貓外送。這家糖水店之前從沒吃過，只是剛好在熊貓搜尋時看到，之後又看了openrice的食評，似乎不差，所以就點了一碗椰汁西米露芋圓和一碗喳咋芋圓。椰汁西米露芋圓碗內約有5到6粒芋圓，每粒尺寸約半粒湯圓大小，西米份量合理，反而芋頭顆粒較少，如果可以多點就好了！不過，整體來說，已算足料。芋圓口感帶點煙韌，不錯！但略嫌西米質感偏軟腍，不夠口感；另外芋頭沒芋頭香氣，亦沒芋頭味，有點失望呢！而且椰汁味道稍重和偏甜，麻麻吧！吃完一整碗，但口感和味道上沒滿足感哦！喳咋芋圓同樣加有煙韌芋圓，豆份量很多、很足料。椰汁味相對西米露而言，算是較易接受，但如果可以再減少椰汁比例，應該會吃得更舒服。糖水還是有點偏甜，但因為有豆子的豆味中和，整體味道尚可，但吃畢不會有回購衝動，一般般吧！以$40一碗糖水來說，頗足料，不過味道來說仍有很大改善空間，糖水甜度、配料份量和各種汁醬的比例都要配合得宜才可變成一碗美味的糖水，過多或過少都不行哦！以這個價位，其實可以吃到更好質素、更美味的出品 (之前都有介紹過)，今次很可惜，兩碗糖水吃畢都

呢間係太子好出名嘅芋圓糖水舖，我最近2個月內幫襯咗4次，因為佢哋自家製三色芋圓，煙韌口感超正，紫薯味、番薯味和芋頭味真係好濃味！佢哋有多款中式糖水配十幾粒芋圓一齊食，每款都大大碗、好多料、好夠熱，怎可以不愛食呢？😍 以下是我喜愛糖水嘅排名。1. 椰汁百合海底椰 (HK$32)．椰汁香滑，多片好粉口嘅百合．比較驚喜係有雪耳， 原整，又爽又腍2. 鮮奶椰汁桃膠 (HK$35)．椰汁和鮮奶，香滑creamy．桃膠，食到有大粒有細粒，正．食到有紅棗，甜蜜味3. 紫米露 (HK$30)．好厚身creamy嘅紫米露，因為落咗好多紫米和椰汁啦4. 腐竹蓮子薏米 (HK$30)．腐竹已經煮到溶晒係個糖水度，所以食唔到腐竹，但飲到好濃郁嘅腐竹味道．蓮子和薏米好味呀～

#黃店🇭🇰太子-芋圓圓呢間黃店係位於太子既深深處🤫佢地主打自家製芋圓 所有糖水都係配芋圓 由Ig shop做起 到而家實體店🫢係實力既見證！！！朋友仔成日去食㗎 芋圓控必試！嗰日去到雖然已經冇得堂食 但係眼見都有唔少外賣人員嚟拎芋圓～～應該呢頭嘅人都好鍾意食😎⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗👅椰汁西米露(內有三色芋圓**)(⭐️8/10) $30椰汁味好香～～亦都食到啲芋頭味 唔會太甜🙌🏻芋圓份量正常 有紫色 橙色 同白色 係紫薯味黃薯味同芋頭味😍煙煙靭韌好好食 唔會話食落好粉👍🏻我覺得最好食就係橙色嗰粒🥰⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗🎏地址: 芋圓圓 (太子)1.太子柏樹街1號地舖#hkig #foodie #hkfoodblogger#likeforfollow #likeforlikeback #香港 #followforfollow #food #yummy#likeforfollow #followme #eat #食好西 #吃貨 #likeforlikes #blog

每次經過太子都會忍唔住食呢間嘅芋圓甜品，都有好多款式，實有一款合理心意😚仙草紅豆薏米 （$45）呢度住主打食芋圓，每款都有十幾粒，三色芋圓分別有紫番薯，黃番薯🍠同芋頭味，每款個味都好自然，有番薯同芋頭味，而芋頭味最出色過未到最突出，款款真材實料，質感煙煙韌韌，口感QQ😝。而仙草嘅口感滑溜彈牙，有少少仙草甘味，紅豆同薏米煮得好淋同時有適當嘅口感👍🏻，配埋少少花奶🥛，甜度岩岩好🙌🏻📍 芋圓圓 (太子)太子柏樹街1號地舖

芋圓甜品平靚正,三十幾蚊就有芋圓食。我叫咗椰汁西米芋圓，芋圓嘅形狀係正方形，望落去有少少晶瑩剔透，以為食落去就一定加咗好多木薯粉，但其實唔係，竟然都仲有好濃嘅芋頭味，同有少少芋頭粉粉地嘅口感，真係令我出奇意料地驚喜，唔太煙韌得嚟又好好食。