芒果皇長洲糯米糍 (已搬遷) 新店位置

朋友非常喜欢榴莲，我比较喜欢芒果，在看到这家糯米糍店之后，就被狠狠心动到了，两个人一人来了一个糯米糍，坐在店对面的座位上吃，这个座位可以直接看到旁边的景色，我们一致觉得，这两个糯米糍里面的果肉充足，且味道很赞。

.今日做吓運動南丫島榕樹灣上船行一個小徑到盡頭另一個碼頭去索罟灣喺索罟灣就有呢間芒果糯米糍嘅舖頭佢個店舖仲有炸魚蛋賣買咗外賣之後特登由索罟灣行返過去榕樹灣途中係呢個甘寧靜嘅風景嘆吓.芒果糯米糍果然好好食個芒果仲要係凍凍地完全係足料分量去製成的加料版係用平時食開既四分一隻芒果😍芒果好清甜而且皮薄，有半隻手掌咁大識食嘅長洲人個個都食緊愛芒之人更必定為之瘋狂========================後記：係呀你冇聽錯😂長洲芒果糯米糍我喺南丫島買嘅如果你去開南丫島又想食芒果糯米糍一定要試吓呢間千祈唔好去錯呢間係喺索罟灣嗰邊.是日風景好好又清涼say Goodbye to 2021=========================賣相❤️❤️❤️ 價錢❤️❤️❤️好食程度❤️❤️❤️❤️環境❤️❤️服務質素❤️❤️❤️ =========================.

風和日麗，藍天白雲，走一轉南丫島先！首先去索罟灣，再行去榕樹灣，落船的時候見到岸上勁多人派對等上船，閒日都咁多人😖可能時間處於下午的關係，海鮮酒家沒有太多人，即使送船飛都未能吸引遊客！本人目標之一芒果皇好彩有開，整串炸魚蛋同手打墨魚丸先，炸好之後加小小黑椒，真是好好味😋魚蛋12/串，墨魚丸30/串.芒果糯米糍一定要買，見到有榴蓮糯米糍心思思，但是一次過食唔到咁多，於是每樣兩件買走，回家慢慢試😋 已經加咗價了，都係$15一件

由榕樹灣行到索古灣真係腳仔軟😅😅，剛啱班船開出左🙍‍♀️🙍‍♀️，唯有周圍揾食。老闆推介芒果糯米糍和手打椒鹽墨魚丸😄😄芒果糯米糍 $14~糯米皮軟硬適中，芒果好大粒好甜，老闆話係呂宋芒黎架。手打椒鹽墨魚丸 $30/4粒一串即叫即炸外面好脆口，內裡好彈牙，好有墨魚味👍👍

第一次黎南丫島，估唔到呢度都有長洲糯米糍😮咁岩行過，店員就向我介紹：黎試下啦，我地啲墨魚丸係手打架！而我行到攰攰地，又想食下啲小食，所以冇提又冇問價錢之下，就買左串墨魚丸同魚旦，但原來都要成$42😛😛兩串都好有椒鹽味好彈牙，但個魚旦皮肉一咬就分開🤣呢方面有待改善！

我先生今日公司活動去左南丫島，食完天虹海鮮，都仲記得個老婆係屋企。所以就買左三舊芒果糯米糍孝敬我。最有趣係佢係南丫島買長洲既芒果皇糯米糍返東涌。佢話本來間店無咩人，但佢買完之後，佢d同事又買，糯米糍瞬間沽清。糯米糍拎左返黎都無痴埋一舊，我特登雪凍d先食，仲要襯埋我最愛既花花碟。芒果肉真係好大粒，啖啖肉，而且香甜新鮮，不過有少少榨。糯米糍皮厚薄適中，我覺得和芒果配合得恰到好處。下次有機會，希望去長洲本店試下有無唔同。

偶爾放假會出離島行一行，從索罟灣碼頭開始出發，沿距經過好多海鮮酒家，再行前少少看到一間小食店，大家都即時停低睇下有咩食先，有糯米糍，手打椒鹽魚蛋、墨魚丸、飲品等等⋯⋯糯米糍有芒果、榴槤兩款口味 $13 一粒不知幾時開始，喺離島一見到糯米糍總是特別想食，但出番市區就好少會專登買黎食，等於葵涌廣場雖然都有得買糯米糍，但我反而一次都未買過我們一共買了四個芒果、一個榴槤。長條狀是芒果，圓形是榴槤。咬落去芒果超甜多汁，糯米皮煙煙韌韌，但唯一失望是實在太厚皮！😌

於南丫島由榕樹灣步行兩粒鐘至索罟灣後，只見海鮮酒家林立，想簡簡單單快食下魚蛋燒賣反而冇咩選擇，芒果皇長洲糯米糍就成為左我心目中既陸洲。鋪頭細細五臟俱全，左面係長洲馳名既芒果糯米糍凍櫃，右面就係即叫即炸既丸類，仲有長洲大魚蛋。雖然黎南丫島食返長洲既野係有少少九唔搭八，但入離島就係有種心癮想食呢d。細看丸類價錢，老細大力推銷墨魚丸係佢地人手打成、真材實料，更不屑地表明大魚蛋只係廠貨。 $30四粒既價位的確係略貴，但以往食過一次印象唔錯，所以今次墨魚丸同大魚蛋各叫左一串。老細一路炸一路招呼我地去對面坐住等，呢個亦係呢度一大賣點，食個小食都有兩張台面海品嚐，分外有風味。手打椒鹽墨魚丸 ($30) 4粒輕輕走油至金黃略脆、爽口彈牙，更暗藏幾塊爽脆如鮮魷既墨魚片，表面微量既椒鹽同黑椒亦恰到好處，唔會食到成口鹽，好味。大椒鹽魚蛋 ($12) 2粒如預期般爽到索索聲，但太大粒炸得唔太夠熱。雖然用既係萬年油，但吹住海風食熱辣辣足料既墨魚丸，此情此景，夫復何求呢？