芭堤雅小廚

营业中

休息中

今日揸車去大尾篤附近行下， 夜晚順便喺呢度食埋飯。 聽講呢度有啲泰國菜都幾出名， 果然冇錯，一去到間間都好多人甚至有人排隊， 連泊車都冇位呀! 估唔到疫情下都人頭湧湧。 朋友話之前晏晝食過呢間泰國菜唔錯，見佢又唔會等好耐，所以決定食呢間。 我哋等咗兩個字左右就有位，坐咗喺室外嘅位置，靠住一間西餐廳，可以欣賞埋嗰度嘅live band， 加添咗啲氣氛 。我哋叫咗個炒金邊粉，沙嗲串燒， 同埋甜酸牛肉。個炒金邊粉都炒得香，啲麵炒得都可以，唔會黐埋一嚿，但係啲蝦實在太細隻數量又少，差啲睇佢對唔到。 串燒方面，舖頭話冇曬豬，得返牛同埋雞，食落口，覺得都燒得幾香，啲肉都唔算細舊，加埋多沙爹醬味道都ok。不過如果個沙嗲醬花生味再重啲就更加好。 個甜酸牛肉一嚟到，估唔到同粵菜嘅菠蘿咕嚕肉個樣基本上一樣，味道如是… 真係有啲失望，好似嚟咗泰國餐廳食中菜咁，而且個粉醬都幾多，本身啲肉已經冇乜味，成舊加埋好似食粉多個肉，冇乜味道，得醬嘅味， 呢個麻麻哋，唔推介。 另外可能舖頭太多人，人手唔太夠，有好多次叫完轉頭都唔記得咗，又要再叫過，例如淨係叫兩杯水都叫咗兩次，仲要叫兩杯嚟得一杯… 又要再叫過...

早排唔知點解抽起咗條食芒果糯米飯筋，早前去食泰國菜又叫太多攪到個胃無位放，今次食泰國特登就住叫留位 🤣🤣🤣一如概往叫咗我喜愛嘅芋頭焗飯，仲係好香同好多海鮮，胡椒蝦就有小小失望，雖然啲蝦好爽口，但就無乜胡椒味，椰菜苗好好味不過好似細碟咗 😖 鐵板蠔仔煎蛋唔多蠔仔。主角係椰汁糯米飯，講真我條筋抽起咗咁耐，點我都會話好食架啦 😜😜個咸檸七都 ok, 食飽飽仲可以去個霸度散散步幫助消化。

假日黎到大尾督 諗著食下野行下點知多人都爆炸去搵食都好多人 咁岩行到呢間舖門口個店員向我地招手 咁就入左黎喇首先黎個海南雞飯 d雞冇起骨亦都冇雞皮同雞肉之間果層啫喱 但係都幾滑個飯就係普遍油飯 個醬汁幾好味喇沙湯麵 味道都唔錯 俾左好多肥牛之餘仲有豆卜 魚片 蛋 餸菜相當豐富 湯底味道濃郁好香無骨豬手飯 豬手都好入味炆得好淋 而且都俾好多仲有半隻蛋 豬手多到食晒碟飯仲有 個汁好好送飯 環境方面我地坐戶外 都坐得好闊落 環境幾寫意 地方都幾乾淨 服務態度都唔錯

原本入嚟大尾篤係想食忠誠泰菜，食過幾次，質素真係幾好，不過新年期間入到黎，忠誠太菜收咗爐，芭堤雅小廚其實只係係正隔離，係冇選擇嘅情況下，見到OpenRice嘅評分又唔係咁差，就試一試。原本諗住新年食好啲，不過點左第一道頭盤串燒就感覺麻麻，所以之後就只係點多個咖喱。半打串燒$120串燒可以選擇（牛/雞/豬），我哋每樣點左兩串，每串都算幾大串，食第一口雞肉感覺都還好，新鮮燒好熱辣辣，而且唔會燒得過火，不過食豬同牛就出事，牛和豬雖然都好淋，不過就冇肉質和冇味，沙嗲醬亦係完全冇沙嗲味！黃咖喱雞$108黃咖喱賣相冇誠意，食落甜甜地，泰式咖喱嘅香料味同香葉味道亦欠奉，食落冇乜咖喱味，洋蔥同雞柳味道同樣亦冇鑊氣，所有嘅材料亦唔入味。叻喱內有洋蔥和雞肉，洋蔥份量都算幾多，鐘意食洋蔥或者健康嘅嘢朋友可以考慮。蒜蓉包$58個包都夠脆同埋鬆軟，不過蒜蓉牛油味同樣好淡，一客4 塊，性價比唔高。最後埋單$315 ，總括而然，芭堤雅小廚呢度嘅食物一般，用餐環境一般，間中會有些細昆蟲飛，入到黎大尾篤甘遠，可以選擇食燒烤或者隔離嘅泰菜都唔錯。

今天天氣很好，去大尾督踩完單車，見到有間芭堤雅小廚，店內裝修不算華麗，有少少泰國風味。我們四個人，點了很多東西，過了大半個小時，才上了一個泰式蝦餅，味道普通，跟住又再等.....! 再追問店員....又等 ！差不多一個鐘頭啲食物還未到齊，到差不多食完，諗住埋單，店員才送到豪餅，我們同店員講想取消，佢又話唔得，唯有食埋佢😤總括來講這裏食物普通，店員態度冷淡，食物要等有耐，除非有好多時間，否則下次都不會再來了😠

放工之後想放鬆下，諗住入大美督都幾舒服，就入去散下步順便食晚飯。去到諗住食泰國菜，諗到唔諗就入左呢間。平日嘅晚上真係唔多人，餐廳好寧靜，完全係傾計嘅好地方。我地總共叫左三樣野，泰式海鮮炒飯（$78）泰式炒飯淨係賣相都有驚喜，炒飯仲要粒粒金分明，材料仲好足，炒得真係好香好味。至於其他就仲有芭提雅拼盤（小）（$138）個人認為佢嘅蝦餅同春卷都唔錯，夠味同熱辣辣。我地仲叫左冬蔭公湯（小）（$88）冬蔭公湯好足料，叫左個細嘅一齊分岩岩好，味道都唔錯，係正宗嘅。

突如其來嘅大尾篤行行完肚餓周圍搵餐廳食個晏外面見到依間泰國🇹🇭餐廳，覺得唔錯，係俾個扎肉粉絲吸引，而友人就叫左個海南雞飯個粉絲黎到就好引我，因為吸收灑湯嘅精華，仲要份量麵幾多架肚餓食咩都好食而友人個海南雞飯都唔錯嘅，食得過，唯一美中不足係，依個午餐飲品要額外加錢，並不算叫套餐，但係我都食得津津有味嘅而餐廳都坐左好多人，見到有檯都叫左好多野食，又散叫餐廳其他小食，同埋椰青，睇落餐廳都受歡迎嘅🤔惟價錢有少許貴，但可接受啦

Had to wait half an hour for the food to arrive, my friend already finished his meal by the time my curry with rice arrived. Extremely rude staff when requested for my food and it doesn't take 30 minutes to microwave some curry.

服務有禮貌熱情，食飯味道不錯冬陰公有泰國風味，附近環境漂亮，有戶外吸煙地方，有洗手間提供，對面有大量停車位。菜譜選擇不算太多，不過可以滿足一頓豐富晚餐。可以再次光臨。

未試過去一間餐廳食到成肚氣，我們一行五人連一個bb，喺兩點入呢間餐廳食嘢，當時問幾點有下午茶阿姐話兩點半，咁我哋就食咗五個lunch set, 老實講食物嘅質素係ok嘅， 不過當我哋食完第四個餐之後第五個餐遲遲未上到我哋就搵咗個冇著圍裙嘅阿姐問， 佢話我哋張單係落咗四個餐加一杯嘢飲， 明明我哋落單已經重複咗兩次我哋嗌咗五個咩餐跟住仲講五個餐五杯嘢飲，但係呢個冇著圍裙嘅阿姐就堅持話我哋只係落咗四個餐加一杯嘢飲，咁我哋話唔緊要啦你照同我哋快d落返漏咗嗰個豬手飯先啦，( 因為我哋嗰四個餐都已經食曬喇)， 但係個阿姐個態度就極差，語氣又掘，佢話冇得快㗎喎! 到我哋埋單嘅時候發現餐飲點解會有個加十蚊嘅， 我哋話要搵返落單嗰個阿姐問, 佢解釋話佢頭先完全聽唔到我哋話要加第五個餐，跟住佢又話佢有話畀我哋聽我哋嗌咗熱檸蜜要加五蚊， 我就反問佢冇講過凍檸蜜要加十蚊喎， 而家唔係畀多五蚊你嘅問題而係你有講嘅話我可以叫第二樣嘢飲囉，然後佢又繼續講我頭先講咗話熱檸蜜係要加五蚊，又叫我哋睇餐牌，態度又差漏咗單又唔會道歉認錯 ，完全冇講過凍檸蜜要加十蚊, 仲態度好差咁話我哋係嗌咗四個餐佢已經送咗一杯餐飲畀我哋，聽

黎大尾督食泰菜我有自己favourite 鐘意食忠誠不過上次試過午餐麻麻 佢只係普通碟頭飯甘今次就試下佢附近呢間泰國菜了😉佢都係碟頭飯形式 但就有泰式選擇我揀左L7 泰式炒金邊粉 份量係驚人地多 我食左半碟已經勁飽 我見好多人都食剩 碟粉係偏濕既 有扎肉 豬肉等配料 份量好多 基本上啖啖都食到有料 調味酸酸甜甜 配合埋花生碎 又係另一種口感👍👍👍美中不足係晤包野飲 佢本身都晤平要$45 熱飲竟然都要加$3先有 甘不如直接$48好過

聽朋友講呢間芭堤雅泰國菜唔錯，所以今日行完山落大尾督就順路嚟試試。門面係幾有氣氛，幾吸引人入去嘅。🤩有分室內室外座位。室內座位寬，冷氣足，店內感覺幾乾淨。😊叫咗個泰式海鮮炒飯，唔算太入味，飯都唔係話炒得好乾好香，但勝在夠足料，一定會食得飽咁。😂另外都叫咗個泰式蟹肉炒飯，食落無乜味，亦唔算炒得好香。最最最最最大問題來了，廚師拆蟹肉嘅時候唔知係咪太心急，連埋好多塊細膠片一齊炒 (蟹鉗入面嗰塊半透明嘅軟組織)，嚴重影響口感，大扣分。😰椰青超好飲，椰肉易起，但都算貴($45)。🤑附上餐牌以供參考。🙆‍♂️

拎位又唔俾飛人，俾飛就話要等半個鐘，唔等唔俾飛......咩態度？而家等位食嘢要咁？叫位時，無神神唔叫號碼，你幾多位？你幾多位？咁派飛做乜呀？好難唔火有位入座啦，無 lunch 餐得 tea 唔係問題，俾個餐牌黎望下先得唔得姐？話一陣派喎，唔追唔派！要客人等到幾時啊？2:38pm 想落 order, 又話 3 點先有得落單，但又無得叫 lunch , 其實 2:30pm 已入座，想點呢？想食餐飯都要受咁嘅待遇，以為都唔會再黎幫襯呀！

揸車入大尾督釣魚，順道去左附近食泰國菜去左芭提小廚食坐位設有室內同茶座由於當天天氣不算太hot所以坐左餐廳對出服務員仲提供左枝蚊怕水比我噴分別叫左小食拼盤 炒椰菜苗 泰式金邊粉抵讚~~食物價錢唔算平中等吧金邊粉這個味道同平時食到既有少少唔同 甜啲啲不過都好惹味~椰菜苗好食小食拼盤有: 魚餅 春卷 蝦餅 燒雞塊魚餅幾好食春卷涵就素食材料為主蝦餅都炸得可口 蝦肉都多燒雞就硬身左啲 如果唔係太硬都幾好食整體環境都有小鄉風情

無無聊聊又入咗大尾督揾我嘅大愛芋頭飯，因為制作需時所以點咗先再慢慢揀其他食物 🤭🤭椰菜苗都係我泰菜必食之選，但今晚碟菜有啲縮水，味道依舊好味。今次叫咗春卷小食，送啤酒夠香口，唔夠汁點老細再添一大碗 😅😅主菜芋頭飯上檯，仍舊好香，今次仲乾身咗，有小小飯蕉，海鮮都算多，抵食。平日嚟餐廳唔多人，坐底落單好快有得食，環境都算企理，但郊外地方預咗有啲蚊，同埋去洗手間要出餐廳外。