芭堤雅小廚

营业中

休息中

之前黎過呢度幾次食午餐，大概每人五十幾蚊，全部都好食同大份，就算男仔食都一定飽。推介要試佢地既泰式豬手飯、咖哩牛腩飯同海南雞飯，豬手味香肉淋，咖啡濃味好岩餸飯，海南雞都好滑入味，一班人share黎食最正。

冇諗過咁平咁有泰式風味 今日同屋企去大尾督玩，玩到夜晚時見到尼間鋪頭既裝飾好有泰國既感覺於是進內試試。叫了半隻海南雞，海南雞非常滑，又不太肥。而醬汁酸酸辣辣，非常開胃！因為老媽子比較喜歡吃菜 於是叫了一個菜，馬拉盞炒通菜雖然有點辣，但我仍然一口接一口，因為非常入味！下一次會再去食！

金邊粉:3/5金邊粉炒至金黃色賣相吾錯👀而我個人就較鐘意酸甜既感覺😝所以喱個就好適合我啦😍佢添加咗花生令到麵條既口感大大提升🤪同時蝦既香仲均衡咁散發喺麵條身上🥴簡直喺冇得彈呀🥳👍

🥘大尾篤泰菜推介🇹🇭通常踩完單車都會去bbq/食泰菜格黎長期排長龍既忠誠都食過幾次其實都冇乜特別 反而呢間芭堤雅值得一試 又不用等位😌😌-✨泰式沙嗲串🍖🍢叫齊豬牛雞 牛一般豬同雞都烤得好香 配埋沙嗲醬一流☺️-✨炸物拼盤🍤有齊蝦餅 春卷 荷葉包雞 魚腐炸得香口 好食-✨紅咖哩雞配薄餅🍛咖哩不太辣 帶點甜想食辣可以試下青咖哩-✨泰式炒金邊河🍝份量十足 但帶點膩食唔哂最後要打包😂-✨芒果糯米飯🍚經典泰國甜品 椰汁香甜黑白糯米煙韌 食完滿足哂🤤

今日專程車契媽入大尾督食泰國菜。大尾督有兩間泰菜館..通常我們會去忠誠..但今次去了另一間嘗嘗。基本都叫菜式咖哩蟹...生蝦..馬拉炒椰菜頭。咖哩味道偏帶甜甜味道。但入口真不錯...蟹即頗為新鮮美味..生蝦亦比較新鮮夠凍。可以有更大改善。

呢個周末去左大尾督水上活動中心上堂，餐放lunch當然就係去巴士站對出搵食。星期六因為芭堤雅太多人等位，所以過左隔離嗰間泰式餐廳食。星期日人終於少啲，就嚟試下。一直都鍾意試唔同餐廳嘅喇沙，今次亦都點左個芭堤雅喇沙$56加$5要凍奶茶。個喇沙嚟到賣相都同圖一樣，首先飲個湯，好香濃椰奶味個湯又唔會太甜。用筷子攪一攪啲面，咦，點解有兩隻色嘅問一問原來係兩溝嘅面，有一半米線一半拉面。食落我覺得米線淋左啲，其實我都係prefer淨食一種面。不過因為個湯都幾好飲，如果辣少少會再惹味啲，所以整體我都畀個喇沙有8/10分畀錢嘅時候total收少我幾蚊，先知原來參加上水活動過嚟食lunch係會有優惠的。五十幾蚊食個唔錯嘅泰式lunch我覺得幾抵。下次嚟呢邊玩水都會再試其他野食！

星期六放假一班朋友到大埔大尾督郊遊，下午茶時間就在附近找來了一間叫 「芭堤雅小府」的泰菜醫肚，大熱天時列日當空特別想吃點酸辣口味菜色。芭堤雅小廚整個環境都好像有點置身在泰國的小餐館下午三點鐘正好是下午茶時候，Good！朋友叫的香茅豬扒泰式牛丸金邊河 $53試左一舊仔都幾淋又入味，牛丸彈牙有牛味👍呢碗清清地嘅係雞絲扎米 $53呢碗咁豐富是我的豬頸肉魚片金邊河 $53豬頸肉爽係肉質問題，呢碗湯河重點在湯底夠清，仲有好多芽菜添。正喎⋯⋯冬陰公湯 $88地道泰風，味道酸中帶甜香中帶辣，勁醒胃👍

揸車係大尾督行下、睇下風景、順便黎食下好嘢。呢間泰國餐廳，好似好多人幫襯，而且門口有個大停車場，易泊車，所以一於就黎食個lunch 啦一人叫左個 lunch set ，分別有喇沙同埋海南雞飯，飲三色冰，另外仲加左雞肉串燒。main course 同嘢飲好快就到 ，可以開餐，味道都ok 。第一次飲三色冰，原來係椰汁，加左啲啫喱等，都幾好味，又有d 野咬下，消暑之餘有口感。串燒因為係即叫即燒，所以要等等，大概30分鐘之內就到，唔錯，仲叫左份外賣拎走。

幾年前試過呢度嘅芋頭焗飯，出面係未見過，所以心思思成日都想返嚟幫襯。試過平日同假日幫襯，平日得三五檯客，招呼好啲，假日太多客會漏單同等耐啲。隔一排我會揀個平日再幫襯的

一家大小去大美督遊玩，之後計劃去忠誠吃泰菜，公司在工業村，同事聚餐基本就是忠誠。結果到太早，要等一個鍾才開工，於是只好去芭提雅試試。結果結果感覺價格比忠誠還貴，關鍵吃完一小時就開始拉肚子。沒有下次。 冬陰功：味道OK，小小一碗，湯底超多辣椒仔咖喱牛肉：基本都是地瓜，從來沒有見過如此小一碗，裏面只有非常小的三顆牛肉粒。還以為忘記放牛肉了牛肉豬肉串：一種怪怪的味道，感覺可能就是這個菜不新鮮，搞到拉肚子烤鱔魚：158元，小小兩顆，完全沒有味道，而且皮非常牛皮，咬不動，和忠誠的差太多！！ 吃完出來，一看忠誠門口排隊超多人，芭提雅裏面空位大把，唉上當了又。

今年夏天，想有一些新嘗試. 雖然學識游泳，但只限於泳池內玩，實在不能滿足超愛刺激又貪玩的我!! 故此，我要向大海進發，水上活動中，獨木舟看似很好玩，控制應該也不難，就讓我去試試看~ 早上7時就從家出發，到達大尾督水上活動中心已經9:00am，幸好沒有遲到. 悶熱的天氣再加上無風，坐在獨木舟上曬了一整個上午，面紅得像關公，要怪自己懶懶閒，沒有買定一頂防曬帽，任由太陽暴曬!!! 這時候極度需要一杯凍飲. 放lunch期間，就來到這間芭堤雅小廚涼下冷氣吃個飯~ 記得3年前的盛夏曾和某人來過這裡吃tea，那是我們最後一次見面了，不知道最近的你，過得安好嗎? 12:00左右未算太多人，隨後快要接近9成滿，連獨自一人坐的2人桌，也有人與我搭枱了，想不到平日的午市時間餐廳也如此多食客，假日的大尾督實在難以想像~ 甫坐下店員即送上1杯凍開水，現在也甚少餐廳會主動給開水客人了，除非主動提出la~ 午市套餐選擇都幾多，海南雞飯、炒河& 湯粉等都有供應，定價為$40-$48，凍飲加$3，都幾合理. 凍檸茶 (加$3) 熱到爆炸的我，要了一杯走甜的凍檸茶，大大杯又夠凍，頓時令我涼透心.

去大尾篤踩單車 ， 踩完去水壩 返到單車舖 已經超級攰超級熱 就近近哋入咗這間泰國菜館， 店內環境都算不錯最緊要係有冷氣， 服務員服務一般好似唔係好遠做咁。 見到牆上貼住咸檸七的海報 已經很想飲就落單了 另外叫了一個肥牛喇沙和魚片金邊粉， 一食之下有驚喜湯底濃郁好味， 粉的質感夠煙韌。 價錢亦很合理， 有樣嘢值得一讚的， 就係冰水無限添飲 ，因為太熱嘅關係我重裝咗兩支水走

今日一家人入嚟大尾篤踩單車, 天氣好好 好到一舊雲都冇超曬超熱, 本身入嚟午餐都諗住食泰國嘢， 網上見佢啲價錢都幾合理 ，就嚟咗這間芭堤雅小廚師一試。 我叫了一個肥牛喇沙 和鹹檸七。 真係有驚喜 性價比高， 材料和麵的分量都足夠 有肥牛， 白蘿蔔， 豆腐卜， 魚片，芽菜， 個湯底勁正。 還有一樣值得讚的， 就係餐廳有提供拍單車位及冰水無限添服務。

今日天氣勁好又可以同男朋友一齊放假，一於去郊遊樂，踩單車入大尾督順便食埋tea先，踩左個幾鐘終於入到大尾督，入到去已經熱到傻左，就諗住是但入一間食啦！就入左間叫芭堤雅食，一入到去已經feel到D冷氣勁正，夏天真係唔可以冇冷氣😚諗住食小小野，所以就叫碗豬扒河同豬扒包一齊食，點知個豬扒河黎到塊豬扒都幾大塊，同個碗差唔多大，仲要唔會係死實，好鬆軟😋個豬扒包甜甜地好得意，咪問下人點解會甜甜地嘅？原來佢地加左個豬手汁去浸塊豬扒所以有D甜味😍我仲見到隔離枱食個魚柳包，塊魚柳大過個包囉！😅並唔係M記嗰D咁細塊囉！仲要又唔係貴，埋單都唔駛100蚊，D野食又唔係差，最窩心係臨走仲問我地水樽駛唔駛加水😘下次入黎大尾督都要過黎食，開心死人喇🤗🤗

今日同朋友一齊踩單車入大美督，入到嚟又熱又餓，係時候搵野食填一填飽個胃先門口個姐姐話呢度有私家路可泊單車，見你咁有熱情就入嚟試下啦😉醉貓炒河🤔🤔 個名好得意呀，一問之下醉貓既意思即係用辣椒炒既，天口咁熱食下辣野都好喎，朋友就叫左咖哩牛腩飯同肥牛喇沙咖哩牛腩飯 牛腩好"林" 呀，咖哩都好夠味😋😋肥牛喇沙 油麵配米線👍🏼👍🏼朋友話個湯底好夠味，唔係好辣好岩佢口味貓醉炒河 辣肉碎炒既，夠干身又唔太油，有少少辣啦😋整體嚟講咖哩牛腩，炒河同喇沙都好入味😋臨走前望到隔離枱既海南雞飯都好正呀，下次再入嚟踩單車一於試下先門口既姐姐真係好nice呀，見我地準備走啦，行埋嚟問我地水樽要唔要加水👍🏼真心覺得好好呀