芭堤雅泰國餐館

营业中

休息中

喺元朗想食泰國菜嘅人，一定要嚟試吓呢間！星期六都有好多lunch set可以揀😍海南雞飯轉雞髀都只係$75 ，仲包埋湯 前菜同埋嘢飲！海南雞嘅份量好多，而且肥瘦適中，非常嫩滑，仲好有雞味🤣一啲雪藏味都冇！海南雞配嘅湯都好清甜，而前菜就有辣嘅青瓜同埋菠蘿非常開胃！嘢飲就嗌咗凍泰式咖啡，佢係有奶蓋嘅！味道好特別，唔會好苦，都唔會好膩，而且打卡一流😚另外而家期間限定嘅lunch set 係打拋和牛飯 （ $88 ）。和牛嘅份量都唔少，而且好滑，食落都好有滿足感🤣重點係佢有兩隻煎蛋，啲蛋汁配飯真係好好食😍嘢飲就嗌咗百香果梳打，非常清甜而且唔多冰，可以解辣🤣小食就嗌咗炸蝦餅（$88 ），其實份量好多 兩個人都爭啲食唔晒🤣但係非常好食，唔會有好多炸粉，亦都唔油膩，我見另外兩枱客人都有嗌到，如果多人嘅話可以share！非常推薦想食泰國菜，又想坐得舒服嘅人嚟試吓😚

很久沒有到訪元朗站，無奈今天傍晚要到此站交收心頭好，所以才到訪。交收完成後，突然心癢想吃泰國菜。於是在開飯APP找尋附近食店，就給我發現這一間。甫見到正門，見當時全館滿座，原以為要久候，正打算離去。豈料店員指還有樓上雅座，雖然沒有窗戶，但會較為幽靜，於是便答應上樓用餐。樓上雅座座位空間較地下寬濶及幽靜，喜歡安靜地用餐的食客不妨選擇樓上雅座。由於不是太過飢餓，只點選了數款菜式1)蒜蓉包:原只是一個普通麵包，但插上迷迭香提升賣相及味道，值得一試。(2)泰式菠蘿海鮮炒飯:是我近一年多以來，吃過最好味的同款菜式。每粒飯都不單呈現金黃色，而且也吸收了濃郁的炒飯味道，另再配上1/8個輕烤菠蘿作配菜，是甚少見到的配搭，強力推薦。(3)干炒泰式河粉(4)百香果流打+泰式奶茶:和泰國當地的味道很相似。(5)華田香蕉煎餅:作為飯後甜品，實是絕配。餅底烘焙足夠，夠焦香味。餅上水果及華田碎也極為重手足料。多年前曾在元朗區食過一間泰國菜館，也是全店聘請泰國人廚師主理，唯已結業多時。此趟突發之選，竟然給我發現優質、有泰國本土風味的食店取代者。稍後日子，必定再次到訪。

芭堤雅泰國餐館 (元朗) 👍🏻🧡阿華田泡沫火山 $38真係同餐牌上既圖片相同😝 上層蓋滿了華田脆脆，唔會太甜，濃濃既可可味，而且好香滑～👍🏻🧡泰式乾炒河粉（雞肉）$88餐廳表示河粉係訂購自泰國🇹🇭，呢個一定必食🥰 河粉好QQ唔好碎，而且調味唔會太重，亦充滿蛋香味😋🧡飛天通菜 套餐加$40好嫩綠，都幾辣同埋份量幾多～🧡椰香黃咖喱牛腩配薄餅 $78薄餅好酥脆，又係必食之選💕 蘸埋甜甜地既黃咖喱好夾喔～🧡泰式拼盤（蝦餅、魚餅、春卷、雞翼） $148份量比想像中多～蝦餅炸到脆卜卜，雞翼係單骨加左芝麻，好香口～下次要食埋個甜品先😍地址：元朗安樂路1-11號明珠樓地下1號舖

元朗出名多嘢食，今次入嚟由地膽朋友帶我去食泰菜，感受一下泰式風情！餐廳最近翻新咗，裝修走小清新路線，環境舒適清幽。特製蒜蓉包 ($38)外脆內軟，包入面有好多蒜蓉粒，入口有陣陣蒜蓉香，酥香惹味。炭燒豬頸肉 ($88)外層焦脆，口感爽彈，焦香惹味。泰國船河 ($65)加$10轉和牛，好抵食！和牛嫩滑，肉味濃厚，河粉滑溜煙韌，吸收咗湯汁精華，入口香濃滋味。JJ Market椰子雪糕杯 ($58)賣相同喺泰國食嘅差唔多，風味十足！椰子雪糕軟滑，啖啖椰香，加埋花生、粟米同椰子脆片，口感豐富。泰國椰青 ($42)食泰國嘢又點可以唔飲椰青!? 味道清甜，解暑透心涼。

元朗市中心難得一間有質素嘅泰菜較早前上網做Research見到評價好好😌終於有機會試佢既lunch Menu啦！門面簡潔純白感覺，仲有好多大玻璃，感覺上好通透! 午市套餐好多選擇，而家價錢合理。叫左個Pattaya地踎撈麵（脆炸五花腩，肉碎)，見到呢個名十分新奇，就決定一試。套餐另跟一小前菜，一碗湯，一杯飲品;前菜有菠蘿🍍，醃黃蘿蔔及蕃茄仔，甜甜辣辣好開胃!湯品不是味精湯，個人認為重胡椒味，好岩我口味至於主菜，五花腩真係脆炸，而且份量好足，有五至六大大舊，跟埋佢既特製醬料，辣辣地，味道豐富感覺是泰北麵質口味另一個套餐叫了炭燒豬頸肉煎蛋飯。一聞炭燒味好香，食落脆邊，而且爽口；加上太陽蛋及秘製醬汁，十分惹味整體來說講，午市質素已經超乎我想像，下次會再一嚐晚市多點款式。

元朗都有芭堤雅😲不用飛去泰國咁遠😜今日同朋友嚟咗呢間芭堤雅餐廳，以白色簡約裝修，感覺幾乾淨企理，地方不算大，但亦不會太迫，lunch要等位一陣，座位坐滿，keep 住番枱👏🏻睇完menu後，叫左熱門乾炒大蝦炒金邊粉，大蝦比較彈牙，配料都好多，仲有蛋絲，花生碎，生芽菜，豆卜等…吃落去比較開胃，口感幾豐富和牛船河：湯底好濃，牛肉厚而淋，平時吃開跟炸豬皮，呢碗跟類似炸麫條幾特別，吃落去有啲驚喜仲加左小食㖭😜蝦餅呢個幾好食👍🏻新鮮即叫即炸，外面比較脆，裡面幾彈牙！紅咖喱魚餅：不會太辣，我覺得有啲惹味！香茅雞翼也不錯，飛天通菜有啲辣，原來可以叫少辣🥹菠蘿梳打：甜度適中，幾解渴😋泰式綠奶茶：呢個極力推介，飲品上桌時比圖片還要靚，抹茶味好濃，微苦，預設少甜，奶幾綿滑，飲落去微苦微甜，就好似人生中有苦有樂🥰加分：門外有水提供客人等位，貼心的服務，而且服務招呼好好，在忙碌的工作也笑住招呼

之前同其他朋友晚餐食過好唔錯，而住區內既朋友竟然無食過，難得約出黎行街，就同佢黎食下。日間餐廳既外觀幾日式，好適合打卡樓底高，感覺空間寬闊，冷氣好夠，我地入去既時候啱啱開門，未有太大人入座，但係10-15分鐘內好快就坐滿客人，果然係人氣餐廳。一睇發現原來假日都有午市套餐，仲可以加錢食唔同既泰式小食，啱曬我地兩個女仔，食唔到太多，可以每樣都食到。我地好貪心咁每款都食下😆，炸香茅雞翼、紅咖哩魚餅、黃金蝦餅。全部上檯都係熱辣辣。蝦餅好彈牙，調味唔會太重，炸皮都唔厚，推薦。香茅雞翼反而香茅味唔係好重，不過啱啱炸起，所以肉質都係juicy，而且好貼心地整成單骨雞翼，食落好方便。小食入面，我最喜歡呢款紅咖哩魚餅，味到好泰🤣(好似講左廢話），少少紅咖哩香味，加檸檬葉同魚肉，但呢款同蝦餅唔同，唔係好彈牙，反而係少少淋，不過好好食，推薦。飛天通菜ok，分量都幾多，調味唔會太重。作為Pad thai愛好者😂我都係食返自己最愛，午餐都唔馬虎，分量同之前晚上食差不多，仲多左碗湯同一個小菜。Pad thai比左好多芽菜，我好喜歡，同D金邊粉撈埋，每食一啖都會有D爽脆口感。麵炒得乾身，唔會覺得好油膩，調味唔會太重

今晚同朋友去左一間係元朗既泰國餐廳食飯，喺元朗地鐵站行過去5分鐘左右，十分方便！一入到去店員就帶我哋坐低，環境寬敞，坐得幾舒服，啱同朋友坐低慢慢食😀我地就叫左以下既野食😋泰式黄金蝦餅👍🏻 十分足料 啖啖蝦肉 食落去好滿足👍🏻 配有有泰式甜酸醬料好惹味.炭燒豬頸肉👍🏻 份量好足👍🏻 火侯控制得好好 外邊燒到卜卜脆 裏面都鎖到個肉汁 好juicy.泰式菠蘿海鮮炒飯👍🏻 原隻菠蘿 賣相一流 打卡必備👍🏻 份量十足 裡面好多唔同既配料👍🏻 菠蘿酸甜多汁 好開胃.Pattaya奶茶雪山👍🏻 好特別既甜品 值得一試👍🏻 底下係泰奶刨冰 奶味濃郁 入口即溶👍🏻 加埋旁邊既海鹽忌廉同焦糖脆餅口味更佳

入元朗探朋友，朋友帶我來到這間泰國餐廳。其實每次乘巴士回市區也經過這餐廳，但我一直以為是cafe😂裝修明亮乾淨，跟傳統的泰國餐廳感覺很不同。豬頸肉生菜包豬頸肉份量慷慨，滿滿一大碟，非常抵食。肉燒得很香，生菜包著惹味的燒豬頸肉吃不停口😋明爐鮮青檸蒸烏頭只要同行朋友不介意吃魚的話，這道菜是我吃泰菜的必吃item😄 這裡還細心地把魚肉𠝹了幾刀，用匙羹輕輕一推，便夾到大大片魚片，非常貼心。魚肉嫩滑，吸收了酸辣汁也不會蓋過魚肉的鮮味，很不錯👍🏼泰式炒椰菜苗椰菜苗很爽嫩，調味恰到好處不會太鹹。特製蒜蓉包這個蒜蓉包賣相很可愛，內裡還有原粒蒜蓉和迷迭香，增加了蒜蓉包的香味。麵包非常鬆軟，即使我們今次沒有點咖哩，單吃也很可以。手打泰國檸檬茶手打檸茶即使叫了少甜也沒有苦澀味，清新之餘還多了一種香料的味道，很特別。華田香蕉飛碟薄餅煎得鬆脆，加上華田脆脆和香蕉，為這一頓美味的晚餐劃了完美的句號😌

呢間泰國餐廳外觀新淨光猛，價錢合理，乾淨企理既感覺好吸引人入去食，即使平日星期四夜晚8點黎都要等位🇹🇭我地叫左半隻海南雞，蒜蓉包，安格斯燒牛肉咖哩黃金炒飯，泰式黃金蝦餅，加多個甜品華田香蕉飛碟😋😋海南雞件件都充滿油光，雞肉同雞皮比例恰到好處，唔會話塊皮太厚搞到得個肥字，成碟雞分為兩層，上層主要為脾位，一咬落去真係嘩一聲叫左出黎，雞肉嫩滑無比，雞味隨之而黎，口感滿分，可以話係近年食過最好味既海南雞，即使去泰國新加坡旅行都食唔到呢個質素蒜蓉包唔係出面食到既一色一樣果款，而係成個圓形既大包咁上碟，佢已經預先切咗六份，包入面每面都搽左勁多勁香濃既蒜蓉同牛油，再加埋包皮已經焗到非常鬆脆，絕對食得出落左唔少工夫先整到咁好味，講緊佢只係賣緊38蚊，性價比極高，如果唔係食飽晒我都想encore😝😝個牛肉咖哩炒飯又係一絕，牛肉煮得岩岩好，唔會話太硬太腍，肉汁亦保持到，牛肉除左好似成塊牛排咁一層鋪左係面，炒飯入面都一樣有牛肉碎，份量都唔少，米飯粒粒分明，加埋個香口既咖哩去炒，話咁快又清晒成碟🥹🥹泰式黃金蝦餅就正常發揮，佢都係好味既，但上面3道菜實在太出色，如果食唔落太多建議先試上面果d先🤣🤣估唔到個甜品華

芭堤雅泰國餐館📍元朗安樂路1-11號明珠樓地下1號舖呢間泰國餐廳開咗好耐，平日都好多人食。裝修好靚，明亮舒適，外牆擺放嘅植物為雪白嘅外牆增添咗泰國元素同色彩。炭燒豬頸肉$88香噴噴好惹味，燒得好靚，口感爽口juicy，秘製醬汁好味😋泰式秘製黃咖哩牛腩$98椰汁味濃郁香滑，咖哩唔太辣，牛腩、薯仔入味，燈籠椒爽甜好味。香酥薄餅$32比想像心大塊，比較實淨嘅質感，個人鍾意將佢浸落咖哩索晒啲汁，腍晒咁食，正😋-碎肉生菜包$88生菜新鮮爽脆，肉碎酸酸辣辣，包住嚟食👍🏻Pattaya奶茶雪山$68賣相好吸引，本身我已經好鍾意飲泰式奶茶😋，估唔到做成沙冰咁再加埋椰漿係咁好食🤤

呢間芭堤泰國菜係雞地開業十年，最近裝修過變成純白色的外牆，感覺光猛衛生左。是晚同屋企人黎食個便飯，餐牌選擇頗多，價錢貼地。⭐蠔仔煎蛋先來份蠔仔煎蛋，上枱時好香呀😍蠔仔飽滿肥美，份量下得很多呢。蛋咬落帶點軟糯嘅口感，仲好有蛋香。醬汁帶甜味，嚐辣的話要點埋個附上的橙色醬料，酸酸辣辣好好味的🤤⭐金不換炒金邊粉再來有炒金邊粉，入口係香濃的金不換味，好正喎🤤粉炒得乾身唔油膩，選了豬肉口味，肉片下得多又嫩滑，好味🤤⭐安格斯燒牛肉咖喱黃金炒飯跟住有炒飯，除了上面有一塊燒牛肉外，飯中亦下了不少牛肉粒，好香牛肉味🤤飯粒粒金黃，有鑊氣有咖喱香，香口但不辣的，又係好好味🤤⭐泡沫泰式凍奶茶仲叫了杯泰式奶茶，茶香奶甜美，仲有層厚厚的奶泡，好睇又好飲😍好味好味，不愧係老字號泰店。

每次行去元朗站都會經過 比佢門口小清新既裝修吸引🌿 但一直都未有機會食🥹入到餐廳 原來有上下兩層 (´･ω･`)🐿️🍃推推推！元朗區高質泰國菜🇹🇭午市勁抵食 每個set都大大份 性格比極高 追加優惠都好抵😭通菜先+$40但好大碟 比我想像中多！午市先可以咁抵但叫到咁多野食🐥🐷豬頸肉冬陰功湯河 $75因為真係好想飲冬陰功 又想食燒豬頸肉但去到餐廳乜都想嗌 胃又得一個 所以嗌呢個一次滿足兩個願望🍴好有驚喜 湯好飲 好飲到我左湯淨冬陰功專飲湯🥣豬頸肉燒得好香🐽！重點豬頸肉係有原塊份量 唔係兩三塊就無🤩臥虎藏龍 收得勁埋都係越來越多 先知道原來有咁大塊🥘青咖哩配飯/薄餅 $72青咖哩好香 唔會太辣太膩 口味平易近人🥘內有雞肉 四季豆 另外揀左薄餅 烤得好香好脆 沾滿青咖哩汁🫓加購優惠🈹黃金蝦餅2件$25香茅雞翼2件$20飛天炒通菜$40好抵好適合啲小鳥胃 又眼窄肚闊的為食🐱滿足到為食既心 又大滿足😌通菜超大碟無諗過$40有咁大！！！通菜好惹味 小小辣 軟硬恰恰好🥬🥯蒜蓉包$38澱粉質怪獸必叫👾好吸引成個半圓咁大 同我係韓國食過個個好似🥹外脆內軟 入面蒜蓉牛油已經完美浸透曬入面包入面 🧄🍌華田香蕉

每次經過都與朋友說要找一天來食，見到餐廳環境優雅，有design的裝修，帶有一種休閒風似去了泰國度假呢。星期日都有lunch set，又送飲品而且環境好好，食物質素意外地好而且非常精緻，性價比很高呢。靚靚精緻泰菜芭堤雅泰國餐館-地址: 元朗安樂路1-11號明珠樓地下1號舖.不得不說所有東西都非常精緻，由餐廳環境、擺盤、到食物mix and match。Lunch set 有送葉菜及餐湯，所以看起來10分多元化。.咸香海南雞配油飯 $65 每次食海南雞飯都是lucky draw看看有沒有中間的一層啫喱狀膠質，今次抽中啦！海南雞中間有膠原蛋白，不是每一間餐廳都做到，證明餐廳真的十分有心思，而且做法講究。海南雞飯厚肉得來又十分嫩滑，有淡淡的咸香，食落十分惹味，食2碗飯都無問題。.青咖喱雞配泰國絲苗白飯 $72青咖喱很清香，既惹味得來又不會太油膩，控制得非常好。雞肉入味又很嫩口，咖喱內有不同蔬菜，感覺營養很均衡。.午餐可以加配小食，黃金蝦餅及紅咖喱魚餅即叫即煮，熱騰騰的很可口。飲品選了養生的紅棗杞子茶及泰式奶茶，賣相靚，似是去了一間高級café。.每次去泰國餐廳都會叫串燒，這間餐廳的雞肉串燒正

間唔中去開元朗都會經過依間餐廳 有時夜晚仲好多人排隊 今次一於試下😆🍀鴨肉生菜包鴨肉生菜包辣辣地但係唔會太辣 好岩香港人口味好開胃🤩🍀燒豬頸肉豬頸肉燒得好香 未食已經流晒口水🤤 口感好有嚼勁吾會韌 點少少泰式酸辣汁更加惹味😛🍀泰式黃金蝦餅依個十分推薦 蝦餅超級彈牙 好有咬口😍 而且外皮炸得好脆口 同彈牙嘅蝦肉形成強烈對比 好好食😋🍀蒜蓉包蒜蓉包入面有幾層厚厚嘅蒜蓉餡料 蒜香味道好香濃😚 加埋迷迭香嘅味道 食落更加入味👅 而蒜蓉包嘅表面仲好香脆添😉🍀泰式秘製黃咖哩牛腩秘製黃咖喱加入左大量洋蔥🧅 薯仔🥔 經搞碎後再加入咖喱膽一齊炒香 最後加埋鮮椰汁🥥 椰糖 令到味道清甜得黎又有咖喱香🥰 另外牛腩亦都用左5種香料炆製兩2小時以上 牛腩口感軟嫩 吸埋啲咖喱汁更加入味😊🍀干炒泰式雞河粉泰式炒鍋好有鑊氣 好岩香港人嘅胃口😜 雞肉好嫩滑 可以見到廚師嘅用心製作🤣🍀奶茶雪山相信雪山係直接用奶茶底整出黎 因為每一啖都好濃泰式奶茶味道 好有驚喜😳🍀華田火山連野飲嘅賣相都好吸引 華田火山 真係滿到凸晒出杯🌋