芽莊越式料理

营业中

休息中

青檸梳打，喺青檸加梳打，再加大量嘅水杯野飲完全冇氣無味叫個牛肉粉，問職員除咗河粉仲有咩選擇，佢答我話冇選擇食物價錢偏貴，但唔係特別好食，服務亦唔算特別好唔會再有下一次

之前係上環果間分店都幫襯過呢個品牌，覺得環境同食物質素都唔係太差，嚟到圍方見到呢間餐廳午市時段唔使點等位，諗都冇諗就入左去食，點知呢間分店服務質素差到不得了，由落單到上菜都全程黑口黑面對待客人(尤其係嗰位隻手有紋身嘅女侍應），而食物質素勉強都只可以講同茶餐廳差唔多，但收緊茶餐廳起碼雙倍有多嘅價錢，到埋單俾錢都仲係黑口黑面，莫講話會講一句多謝（反而有時連茶餐廳收錢嗰下都有基本嘅禮貌)。當從事服務業嘅員工都唔敬業(有時食客都唔係話要求有好嘅質素，做到基本禮貌已經值得嘉許)，用仇視目光看待入嚟食嘢嘅客人，特別係生意已經唔算多嘅時間都係咁，咁就好難怪今天本地人都不想再留港消費，其實都係商戶沒有把關服務質素的後果，乃屬咎由自取。

今日心血來潮去左圍方見到有芽莊入左去食（本人係將軍澳有食過覺得好食）。 服務態度非常差，出面酷熱天氣警報佢地只提供熱水，要求凍水就非常唔情願咁俾杯常溫水你。 叫左個炒米粉，完全無味，一D調味都唔，問服務員回答只有魚露露（請問各位師兄係唔係咁？）

全日淨係食左一餐正餐；位於圍方嘅呢間越南嘢，我地點咗一條用青檸敷緊mask 既魚$188+一碗蕃茄蟹肉湯檬$98（食食下發現左右兩張臺都係叫左呢碗野，大家應該比蟹肉呢兩隻字吸引咗！！）你見我喺上面list埋個價錢就可能估到我下一句想講咩 😂就係想講佢個價錢同質素係有少少唔成正比。😝 入到去坐低左，對面個位小姐（my friend)先開口同我講：「呀〜我阿媽話呢間野唔好食」（滴汗）丫，我食緊先同我講？！😂 個蕃茄蟹肉湯檬係不過不失，喺葵芳食嘢都冇邊間係平，呢間算係冇咁貴囉，不過試一次就夠了。

大圍拜完山，最就腳地方 high tea就是大圍港鐵新商場 ❣️圍方❣️。 第一次黎呢個新商場。大就大，不過唔係太好行，指示有點唔太清楚。轉了幾轉才找到芽莊🤣。餐廳裝修簡潔清新，綠色為主，環境舒服。 我們4 人安排了座卡位。 食物賣相好，味道都好好。但沙律及米粉 價錢確實有點貴， 因為食材+用料跟價錢 唔成正比，唔底食，大蝦冇味🙄，仲梅梅哋🥵，米粉冇咩材料😔。 其他幾款都好味。❤️特別提 是燒五花撈檬❤️，腩肉燒得好香，肉質鬆化，撈檬汁又正😋。 不過應該下次拜山唔會再黎呢間🤣🤣

大圍 📌 芽莊越式料理 Nha Trang Vietnamese Cuisine放工嚟到圍方，好多食肆都等緊位，見到呢間芽莊越式料理唔使點等位就試一試。 餐廳座位也比較寬敞，個人覺得幾好坐。🔹 墨魚昆布沙律$118呢個沙律略為淡味，Menu 寫有墨魚 • 青木瓜 • 紅蘿蔔絲 • 花生，主要想講墨魚係烚，算大隻爽口但冇乜墨魚味；有塊蝦片托住青木瓜絲、 紅蘿蔔絲、花生等等都係正常嘢，另外加咗扎肉，味道好普通。🔹燒雞翼撈檬 $85依個燒雞翼肉質都算嫩滑，但唔算好惹味 ; 雖然紅蘿蔔絲、花生等等嘅配料都足夠，而檬粉食落亦 Okay，略嫌香葉唔夠多，好扣分。🔹 堤岸炒米粉 $98呢個嘅味道感覺有啲淡，味道方面就覺得平時$10 份家鄉炒米粉仲香口，呢個堤岸炒米粉只係 d 配菜多咗扎肉。🔅 總括嚟講，我同豬隊友不約而同都覺得order 呢三款食物係唔難食嘅，之不過味道係差唔多咁，皆因用嘅配料都係: 扎肉呀 ~ 芽菜呀~蘿蔔絲呀~花生~扎肉...etc Menu 內價單，食物完全唔值 e 個價，Sorry 我覺得幫襯一次就夠喇 🫥

夜晚收工同男朋友係圍方揾野食👫經過見到芽莊 平時見到有好多分店又未食過決定入去試下🤓店內環境幾有空間感 唔會覺得逼😙我地2個人叫左：• 香煎墨魚餅🐙• 燒雞翼撈檬🐥• 芥蘭苗🌱我本人超級推薦墨魚餅‼️‼️大大塊 咬落去好juicy同埋有啖啖煙靭嘅墨魚肉🐙好好食🤤雞翼撈檬d 雞翼唔會乾身 有肉汁撈檬個汁就同平時食開個隻差唔多 最後芥蘭苗偏甜 正常水準雖然剩係叫左3樣嘢 但分量好足夠 已經夠2個人食總括而言 我係會為左個墨魚餅而番轉頭再食👍

今午我約了兩位朋友到圍方芽莊午餐，我先到取位，侍應給我卡位。後來只得一位朋友到來，侍應知道後已面露不悅；後來踫到相識的朋友也在店內用餐，便邀請她過來一起坐；一位疑似高級員工走过嚟詢問我們是三位還是四位，態度並不友善；到結賑時，那位不友善的員工對我們說卡位不是給兩位的客人坐，就算店內有很多空卡位，店舖政策也不會給兩位的客人坐，卡位有最低消費$ 390；最可笑是店舖並沒有讓客人知道這些條款！他還說下次人數有變必須告知侍應，這種趕客服務態度，難道會有下次嗎？今時今日這種服務態度，還是在大型商場店鋪，真係很可怕！😱😱😱👎🏻👎🏻👎🏻難怪人們會選擇北上消費！

去過幾次旺角店嘅芽莊，印象非常好，食物上到枱熱辣辣，伴碟沙律菜新鮮。今日大圍做完facial，一個人，3點唔知食咩好，行去圍方，巡完一輪，見芽莊有下午茶，小食+主食+飲品 - $88。小食有蒜茸牛油雞翼，想食，咁就入去坐低；佢主食有個越式糯米飯🤔未試過，一般都係湯河、香茅豬扒/雞翼飯之類，咁就試吓越式糯米飯，睇吓點啦！蒜茸牛油嚟到，已覺得有啲伏，兩隻雞中翼，碟底有幾條菜絲，菜絲底有油光，用筷子撳吓隻雞翼，撳到有油出！🫨心諗都係炸完雞翼再用牛油炒香蒜茸雞翼回鑊啫⋯⋯入口，一口油，無牛油味，無蒜香味！就連雞翼本身都無底味！無醃過！肉質係雪到乾嚡！😓咁唔好浪費食物，落啲魚露辣椒醋啃埋啦，點知連哩個汁都係無味嘅！跟住嚟越式糯米飯，原來就只不過白糯米飯上面有兩塊鹵水豬腩肉，一堆切得好薄臘腸，肉鬆，又係一小堆嚡口嚡面嘅雞絲，有幾粒油炸過但淋哂嘅花生！唯一可取嘅係蒸得夠熱！

星期日中午一點幾嚟到攞位，等咗大約20分鐘可以入得。 我哋三個人，兩大一細叫咗個 牛肉湯河， 雞肉沙律 ，同埋芥蘭菜，食咗300零蚊，呢個價錢喺大商場入面嘅食肆 嚟講算係 幾值🤑。個河粉一般冇乜特別🙄，份量足，牛肉都算做得幾好，容易咬，比較淋👌，仲會提供一碟小香草， 香草新鮮，另外 個沙律好清新，份量都算大，芥蘭菜炒得唔錯，幾有鑊氣。 整體上 食物質素不錯 ，清清地， 唔會太油膩。 服務員有禮， 有機會下次可以再嚟😄。

今次午餐點了河內手打牛丸粉和越式香茅豬扒煎蛋飯 拼芝麻蝦多士，牛丸真係好彈牙，啲河粉好幼好滑，真係好似食緊越南河那個品質， 香茅豬扒煎蛋飯就正正常常豬扒都煎得香，都算大塊唔係太乾，芝麻蝦多士，都唔錯多芝麻，新鮮香脆 👍呢度有好多選擇，下次試下其他嘢先 😁

基本上食物同飲品質素係唔錯的，但所有嘢都衰喺個魚露手上，魚露唔夠甜唔夠濃唔夠香，總之就係差咗啲嘢咁，賣相唔錯嘅食物本來期望很高點知沾上魚露之後變極失望，我們一枱3個人都係同一感覺，須知魚露對於東南亞菜嚟講係非常之重要。嗰位應該係經理嘅職員態度硬係怪怪的，唔可以話佢冇禮貌，但又絕對唔係笑臉殷勤嗰隻，好似唔係好高興招呼你但佢又冇嘢令你要投訴佢，總之唔知想點咁啦，係嗰種佢冇得罪你但你會盡量唔想同佢講嘢嗰啲人。由於沒有下午茶套餐所以散叫，3個人3杯凍飲+3款小吃(魚餅，濱海，粉卷)食咗4百7十幾蚊，下午茶每人平均over$150, 貴就一定㗎喇，但係如果個魚露好味啲同個經理啲面口正常番少少條氣會順啲。

芽莊係連鎖集團，我自己在不同分店都幫襯過，尖沙嘴海港城那間是不錯的，以前位於沙田個間的食物味道及素質明顯更好，搬到黎圍方明顯食品素質下降。星期一lunchtime來食一碗炙燒牛柳湯河粉，黎到嚇親就係d牛柳明顯地裡面未熟，我唔係第一次係芽莊食呢款食物，牛肉少少唔熟裡面粉紅色係可接受，但呢碟明顯完全未煮好係undercook，賣$110，已經偏貴，味道ok，但係凍同埋未熟，似係一早煮好，同侍應講，有個類似經理的人話換給我，幫我處理後仍然不是太熟，當我想拍照紀錄低佢見到，即刻換一碟新嘅比我，但感覺都不是立即燒，同以前食開熱辣辣的感覺完全不同。湯河粉的湯味道明顯稀釋過，溝左水。服務態度一般般，就算換比我面口都不算友善。

位於大圍新商場4樓的越南野，圍方是是近期非常熱門的商場，人潮眾多，每間餐廳排隊都很多。4樓這間越南餐廳雖然都滿，但係還有座位不用等，所以試下。今日叫了牛肉撈蒙和雞翼撈蒙，牛肉撈蒙這道菜色香味俱全。牛肉切得厚實，肉質入味又鬆軟。另外一道菜雞翼撈蒙也是一個驚喜。雞翼裹上了酥脆的外皮，炸得剛剛好，讓人在每一口咬下去時都能感受到肉質的鮮嫩和多汁。不僅如此，撈蔬菜的湯底更增添了一份爽口的風味，讓整道菜鮮美而又不失濃郁的滋味。總結來說，芽莊是一家非常值得一試的餐廳。

食物質素可以 價格合理 份量十足河內牛湯河 - 好味越式魚露蝦 - 好味燒牛柳沙律 - 好味男經理 服務態度 要改善下 語氣同態度都好差 啲服務真係差到爆真係貼錢買難受 好趕客  沒下次 令人失望食物總體來說不錯，但確實必須考慮如何為顧客提供良好的服務。 客戶值得擁有更多選擇和更好的服務！