芽莊越式料理

营业中

休息中

之前系上环果间分店都帮衬过呢个品牌，觉得环境同食物质素都唔系太差，嚟到围方见到呢间餐厅午市时段唔使点等位，谂都冇谂就入左去食，点知呢间分店服务质素差到不得了，由落单到上菜都全程黑口黑面对待客人(尤其系𠮶位只手有纹身嘅女侍应），而食物质素勉强都只可以讲同茶餐厅差唔多，但收紧茶餐厅起码双倍有多嘅价钱，到埋单俾钱都仲系黑口黑面，莫讲话会讲一句多谢（反而有时连茶餐厅收钱𠮶下都有基本嘅礼貌)。当从事服务业嘅员工都唔敬业(有时食客都唔系话要求有好嘅质素，做到基本礼貌已经值得嘉许)，用仇视目光看待入嚟食嘢嘅客人，特别系生意已经唔算多嘅时间都系咁，咁就好难怪今天本地人都不想再留港消费，其实都系商户没有把关服务质素的后果，乃属咎由自取。