英王麵包店 (已結業)

A1 bakery啲蛋糕真係好味又抵食🥺！間唔中想食吓蛋糕或者甜品嘅時候就會買返個止吓口癮😆 有時又見到的特別款式(e.g. Godiva)蛋糕真係見到都想試~<焦糖芝士蛋糕> $58今次食嘅焦糖芝士蛋糕外表睇落看似普通，但每一啖都帶有濃郁嘅焦糖味道🤤芝士蛋糕本身唔係啲好鬆散嘅質感，每啖食落去都非常之實在，而味道亦都唔會話過甜，唯一小編略嫌餅底有少少鬆散，整體都推介嘅，$60都唔需要性價比好高❤️

白桃千層蛋糕（$32)賣相：🐧🐧🐧味道：🐧🐧🐧🐧單件蛋糕直接放入紙袋內包裝，需小心輕放避免造型受損。蛋糕表面為粉紅色白桃醬層，加上白桃片作點綴，簡單吸引。味道方面，白桃片新鮮爽甜，非常開胃。千層餅皮與忌廉比例合適，層次分明，口感豐富，不會過於膩滯，甜度適中。千層蛋糕配合表面酸酸甜甜的白桃醬，清新解膩。外賣等候時間：🐧🐧🐧🐧🐧在假日下午3點幾購買，無需輪候即買即包裝。🐧❤️結語：清新開胃蛋糕之選。

<沖繩紅芋批> $58今年年初嘅時候a1 bakery出咗款新嘅沖繩紅芋批，賣相吸引，顔色好eye catching!!!於是買返嚟同家人一起分享，試吓味道😆紅芋批外表精緻(at least對得住佢個價錢😂)，入面嘅餡料都好豐富，其中包括有沖繩紅薯、麻糬同紫薯餡料，仲有杏仁餡同埋海綿蛋糕做基底🌟紅芋批香甜美味，而且份量十足！不過紅芋有啲搶咗紫薯味道，有啲可惜💦加上蛋糕整體偏甜，建議配搭茶或咖啡食用～

終於食到Godiva朱古力芝士蛋糕啦🥳🥳個蛋糕真係好好味呀，有濃濃嘅朱古力味但又唔會太甜，仲有種好似朱古力軟心嘅感覺😋😋，但芝士味就唔多覺lu😅😅，不過反正我哋係鍾意朱古力多D，所以就算無芝士味都冇投訴，一樣覺得好滿足呀🤩🤩

一向都是A-1 Bakery輕量版Cheese Cake的忠粉，細細個，芝味超濃，印象中不用$60，CP值超高！上天一定是聽到我這個忠粉的心聲，竟然還推出A-1 Bakery x Godiva的Crossover，朱古力控表示，也太邪惡了吧！A-1 Bakery x Godiva焗朱古力芝士蛋糕輕便個裝 $98朱古力控對Godiva朱古力雪糕的濃郁應該不會陌生。這個與Cheese Cake的Crossover可算是無懈可擊，除了同樣濃醇幼滑外，可能是因為Cheese Cake上層灑上來自日本和意大利的可可粉，讓醇滑甘苦的朱古力味在口腔得以停留和延續。最底層有薄薄一層的朱古力蛋糕，可以Balance整個蛋糕的層次和口感，這個CP超高的Crossover一定要再Encore！

同老婆喺A1買開麵包，咁啱老婆見到呢個蛋糕day and night白晝與黑夜幾得意， 老婆要求到，係冇得選擇嘅情況之下唯有買咗呢個蛋糕。 day and night 白晝與黑夜，大小大約有15cm，價錢是198元， 蛋糕是一半白色一半黑色的，蛋糕上面放有草莓和藍莓， 造型討好， 黑色那邊的是塗滿朱古力cream， 朱古力cream夠濃郁香滑， 中間夾著藍莓果醬味道 偏酸， 而白色那邊 塗滿軟滑的cream， 中間一樣有果醬，但這邊是草莓果醬，甜度適中， 而整個蛋糕我就覺得做得不是好鬆軟。A1做的蛋糕整體都滿意可以再幫襯

今日係細妹生日，由於屋企附近蛋糕店嘅選擇唔多所以決定去試下A1 bakery 培茶脆脆蛋糕(今次買半磅價錢係$158)本身都幾鍾意茶味蛋糕，覺得唔算太甜同埋茶味幾香，但呢個蛋糕感覺都幾失望首先 佢唔脆 (唔知係咪加左一層朱古力就想令自己叫脆脆😂)然後 佢甜得誇張 食左一啖都有啲甜到唔想食🤮第一啖放入口係有培茶味 不過只限第一啖.....個生日朱古力牌仲要不太美觀....整體個蛋糕都失望，屋企人食都覺得一般。

媽媽愛吃芝士旦糕。今天往A1 bakery 買合桃飽，見到焦糖芝士旦糕特价，便買了一個孝敬媽媽。平時$58一個，今天只是65折$37.7，真超值。芝士旦糕香濃有芝士味，並沒有因特价降低質素。旦糕雪凍吃更好味。一個旦糕分6塊都可以，比散買件裝更超值。旦糕不太甜，口感幼滑，焦糖味香濃，老少皆宜。餅店今年慶祝35週年纪念，買滿300元有環保袋送。合桃飽22元一包8塊，也是健康美味之選，不用夾配料也很可口，比菠蘿雞尾包這些港式麵包較有營養。

聽日就係母親節，但係我到今日都未得閑買野俾母親大人。行左幾間鋪頭都無哂最岩我心水既蛋糕不過好彩行到黎呢間有！今年母親節A1以”百花齊放為主題整左三款粉紅色既蛋糕，包括”幸福盛放”，”愛之樂章”同埋”錦簇。愛”。我就見愛之樂章外型幾吸引所以買左，15cm都係$250有找個蛋糕係由法國忌廉，福岡”甜王”士多啤梨以及紅桑子醬整既，食落口好軟綿綿，但d cream又唔會話好甜，中間仲夾住粒粒綿花糖，口感十足，母親大人食完都話正，話下年要我再係度買多次蛋糕俾佢食

知道左A1 Bakery同Godiva獨家聯乘出左特濃黑巧克力芭菲好耐，今日經過終於的起心肝去買黎食。芭菲一個索價$40，真係好貴，所以一路唔捨得買黎食。結果真係好食，朱古力芭菲有好多層次，每層都唔同架，有可可粉，朱古力脆片，朱古力忌廉，朱古力海綿蛋糕等等，每一啖食落口都有多重口感，層次好豐富，朱古力味好濃郁，朱古力迷一定鍾意。同Godiva聯乘出品果然有水準，不過定價太貴，如果平少少就好啦。另外仲買左衛星包。

我最鍾意食黑朱古力～godiva黑朱古力完全5甜～我就最鍾意個種苦苦地味～😍今日經過見到公司附近a1有賣godiva crossover～即刻買個試下～一個$40～其實都5太大件～上面有滿滿朱古力粉～係黑朱古力黎～如果你好甜，可能就5太鍾意啦～因為佢一d都5甜～反而有種苦苦地味～我最鍾意！❤️其實係好味～但我覺得$40就有d貴～

食友A很客氣，早前在自助餐飯局中，送上購自 <A1 Bakery> 的多啦A夢記憶麵包給大家，我見到都覺得好驚喜呀！之後，另一個飯局中，又送上同是 <A1 Bakery> 出品的雜果多士，真是十分客氣！亦多謝她的心意！多啦A夢記憶麵包今次，<A1 Bakery> 好有創意！把卡通片多啦A夢中的記憶麵包，真實呈現！ 我還有機會食得到！包質鬆軟之餘，又散發牛油香氣！而且是厚身，食起來更有質感！雜果多士 Mixed fruit bread 4pcs選用雜果乾，比起雜果仁更健康有益！除了適合素食者之餘，就連對果仁類敏感的食客也可安心食用！雜果乾包括：提子乾、冧酒提子乾、橙皮乾...帶出一陣陣果香！包身呈半塊厚多士狀，包質鬆軟又夾雜雜果乾，口感豐富！作為早餐、午餐或下午茶都適合！

平時去A1 Bakery，只會買麵包，未買過cake同其他甜吃，心思思想試北海道牛乳布甸，本來想買兩杯，一杯比自己，一杯買比仔仔，職員話只得番一杯，唯有買一杯返屋企同仔仔分甘同味北海道特選3.7牛乳布甸質感滑溜，有淡淡焦糖味，奶味唔算重，兩者配合埋唔會好甜，同仔仔你一啖我一啖，一杯真喺唔夠食

「無限の愛—原味千層蛋糕」 ($175)評分：8.5/10.啱啱過咗嘅母親節，想必大家都有出盡法寶氹媽咪開心好耐都冇試過母親節同生日撞埋同一日 🤗 咁難得嘅日子梗係要...食兩個蛋糕啦✌️ 難得 A1 Bakery 之前做 promotion 會員有得以88折嘅價格買指定母親節蛋糕。見到呢個叫 Endless Love 嘅千層樣幾靚幾精緻同吸引，把心一橫當然即刻落訂。🙆 蛋糕走日系路線望落係咪好似啲動漫Cafe入面先會見到嘅菜式呢～😌 佢揸咗層糖膠係面所以你見到好似擰笠笠咁。媽咪食咗啖瞬間倫陷不斷話好食😁 系好食嘅，因為一攞番黎即食嘅關係所以班戟皮完全冇變淋👍 隻 cream 亦打得好幼滑，甜度啱啱好。系名副其實嘅睇得又食得。其實蛋糕整體上一啲都唔花巧，純粹係最原始嘅千層蛋糕，但簡單得嚟好食更加難得。想試吓 A Bakery 嘅千層蛋糕嘅話平日佢哋都有賣切餅，想試就要去mark 實去買喇

行山之前諗住買定個包上山食，就入左去A1, 兜左幾個圈都唔知食咩好，諗諗下不如就買個梳乎里芝士蛋糕，佢仲有支叉，食個時方便好多，蛋糕好 soft, 輕輕的又有芝士味，好食！