英皇餐廳

营业中

休息中

因為搵唔到位食野~ 飲茶無位~ 張記無位~ 唉~跟住行反去呢度~ 本身以為咁懷舊都ok貴~ 原來都係一般茶記價錢~味道就一般般啦.....係杯凍橙檸not bad wor~ 估唔到呢杯先係招牌野~ XDDDD同老公share左~個咖哩雞飯~ d 咖哩....好似開莰汁咁囉.....d雞...臭臭地其他人有d叫左西多 叫左杯野飲~ 叫左火腿雞絲意粉~ 個樣一般啦都係~不過杯凍橙檸真係not bad ~ 真橙汁~ 咁大杯~ 不過個價真係幾扼水~ haha~

打從走出碼頭之後除左覺得好多人~就係好曬好熱同好曬~~沿海邊走~一定會路過這茶記~~見坐室外的人都每人一杯人氣凍橙檸~regular size的是平時凍飲杯~而大size則是大啤酒杯~~~~~第二次路過時~還是忍受不了酷熱天氣~恰巧室內有位~就竄進去~!三四點鐘~不吃正餐~但無理由2人只點一杯大凍橙檸[$27]~於是就多點了一客價格較為合理的蜜糖焗雞翼[$20]凍橙檸先來~~大大杯卻有非常多大冰塊~~個人非常抗拒果汁與鮮奶加冰侍客~~不用15sec就上桌~自然不會是即榨的~~喝起來雖有果肉卻淡而無味~同我講係加了冰的Mr.Juice我都會信…沒啥興趣~~而且就算把檸檬左篤右篤上篤下篤~也沒有多少檸檬汁酸化那稱之為鮮榨的橙汁~當街邊$10一杯面前鮮榨橙汁~這裡$27有一個啤酒杯~真係信不信由你至於蜜糖焗雞翼上檯時應該相當滾熱辣~~雞翼邊仍有無數熱泡在動~~橙橙的雞翼是加了叉燒醬/蒜蜜醬那類染了橙色??蜜糖味不重~但雞肉是嫩的~~外脆內軟又夠熱~~雖然不入味~有色無味~但打個和餐牌中整體價格偏貴~中青一輩~服務態度有效率卻有點敷衍~比起不少茶記差~~快吃快走~~沒有值得留戀的~~~呀!除了

今日我地一家三口入長洲黎個食食食之旅, 本來第一站去正生樂滿堂, 點知無開門, 咁就去呢間試下佢D凍檸橙啦叫左:雞皇飯($32.00)--味道一般, 無驚喜 肉片湯意粉($21.00)--味道都係一般, 係肉片唔"鞋"大杯凍檸橙($27.00)--呢個值得推介, 鮮橙汁加檸檬, 味道配合得唔錯, 正!埋單$80.00總括來說只有凍檸橙值得一試, 其他都只係一般茶餐廳食物, 無咩特別, 至於服務態度OK喎, 有個姨姨仲同百厭仔玩添

見好多食家都讚呢間幾好, 特別想試果杯凍橙檸. 原本沉晚想試, 但九點幾己收, 所以今日lunch走去試... 細杯凍橙檸: 鮮橙汁加檸檬, 入口冰涼, 食到有橙肉.西炒飯: 好普通! 只係加左蝦.芙蓉蛋飯: 比想像中差. 豉油好鹹.

呢間店 我以後都唔會去 一入到去已經俾人串我只係擺左張紙同支"簽"係檯有個人就行埋黎拎起bear住我我話"唔要ga la唔該"個個人竟然答"梗係唔要ga la 唔通食左佢呀"完全莫名其妙!就算係話唔準有其他野食係店..我都冇拎過入去 只係張紙同支"簽"都咁樣俾人串!叫左雞翼同一杯大既凍檸橙凍檸橙有5塊檸 真係好多維他命c野飲一般..唔特別個雞翼真係完全唔得! 又干又硬又唔熱==同前一位講既一樣 一定係叮叮雞翼 *當我地食緊既時候 見到有一班around 40既人入黎 對佢地既態度係180度唔同 一坐低有水 又唔會粗聲粗氣 令我地更加無奈....人人都係客... 唔通多人d招待就好d? 服務態度差 野食更加無心機唔會再黎

第一次要o係openrice寫一個咁難食的食評本身睇左openrice...見大家對佢的燒雞亦同凍檸橙評價好高1:00pm左右去到冇咩客o係入邊我地叫左一碟雞亦同埋兩杯凍檸橙見住老細拎d雞亦去叮...我已經心知不妙叮完...我一咬un 到咬唔到成隻雞亦勁干身仲要冇味冇道大家樂下午茶果d好佢十萬倍點有可能打開門做生意...俾d叮叮野客人食ga好過份呀!!!杯凍檸橙exactly就係阿媽細個o係屋企會渣果d橙汁加左檸檬咁大把初初飲...酸到pk攪暈左之後...係wor甜甜地wor....好有可能佢落左糖漿o係個底到...買枝果粒橙仲好過佢...可惡~!!!個廁所仲要成地污水.....超級臭....

因好肚餓關係，十一點半多Ｄ我同 GF 已出現係呢間餐廳門口，望入去冇其他客人得幾個伙記準備緊，曾諗左一諗係咪未開工，但轉頭一想，咁早應該是未有人去 LUNCH 吧 (都間中有些街坊(應該是)叫外賣)入去坐低睇完一輪餐牌，沒套餐，全散叫不過問題不大叫左「時菜排骨飯」、「粟米石班飯」然後一定要試埋「凍橙檸」啦個伙記哥哥就講：細杯就普通凍飲杯、大杯就係啤酒杯。正當我想問價錢佢已搶先答：細 $14、大$26咁我就叫左一大一細服務都算幾好，果位哥哥都主動拎兩個碗仔黎問要唔要，不過我兩個人叫左兩碟飯，謝絕了好意 (廢事唔用又要人地洗嘛)講返Ｄ飯，有一定的茶餐廳水準，你話特別好食就唔係去到咁跨張，但都係唔錯的，所以唔特別多講凍橙檸 - 橙汁底加檸檬，我果杯大既都放左半個檸檬，果然夠料一飲落去，好多果肉，鮮榨的，維他命C 真係夠晒...食食下已經十二點幾，餐廳人流逐漸增多... 室內室外既位都開始爆，檯檯都係凍橙檸呢餐食物同飲品都很好，值得去試

今日有朋友生日，1行4人一齊入去長洲食盡佢!!一黎到長洲...好鬼肚餓!!就搵"英皇茶餐廳"!!因為上次黎過佢既"凍橙檸"覺得唔錯..今次介紹返俾朋友我地4個人叫左3碟野食 + 4杯細既”凍橙檸”西炒飯 – 佢炒得幾香啊..口感唔錯,但d蝦有殼既!!芙蓉蛋飯 – 個賣相唔多好囉!!食落去都係麻麻者什會炒河粉 – 最好食既一碟,佢d汁撈埋d河粉一齊食..正!!凍橙檸 – 個個都話好特別,幾好飲!!維他命C豐富^^食到都ok飽...埋單tota:$145幾抵la..可以試到3種野食+埋杯野..都係30幾!!

2008.11.30(日) 29日入明暉營“宿一宵”兼且第一次試下長洲街市既BBQ醃製凍肉，嘩…個個大讚﹔到長洲當然有備而來(已備課)，隔日中午開始出動搵食。跟第二組團員集合後，第一站先到此﹔九大一小分兩枱，九大杯凍檸橙($26x9)﹑炆魚炒麵($36x2)﹑洋蔥豬扒飯(x2)﹑蜜糖雞翼($32 / 4只斬件)﹔仲有自携糕點及魚旦(請看分駅介紹)用啤酒杯庄既大杯凍檸橙(等咗好耐)大大杯，佢真係將個檸檬切頭切尾切片成個放响杯面(好多維他命C呀)，飲落有陣鮮搾橙汁既香味，但糖水多咗，篤極個檸檬都咁甜，不過又係幾好飲既。炆魚炒麵拎上枱唔係幾夠熱咁，炆魚都幾多件，不過唔係十分出眾。豬扒飯就不用說，不吃也罷。蜜餞雞翼(斬件上)橙橙紅紅咁都好入味，蜜糖黐立立就食得論盡D

很久沒有到長洲，就遇見風神，令第一次的美食之旅留下遺憾。不過我們用盡方法，食得都食!! (不甘心，之後多去了一次!!)對長洲的食店不認識，今次是看openrice 做資料搜集，非常感激其他的”先頭步隊”。今次是用中原地圖裡的openrice，希望下一次可以直接在 OR 中找到食店的地點。第一站，英皇茶餐廳先講講環境，餐廳分室內與室外。室內冷氣充足，當然是我們的選擇。這兒一看就知是老店，整個環境是有一點情調。見到每個人去到都會要檸橙，我都不例外。有大杯和細杯，大杯係啤酒杯，細杯就係一般茶餐廳的杯。試食不可試太多，我們要了細杯。橙是新鮮渣的橙，可以吃到橙肉，用料十分充足。本身鮮橙帶酸，加上篤了很多檸檬，酸上加酸，不過我倆就是喜歡!!特別在當時還是陽光普照的天氣，真正!!想到在家也可以做到，不過到底要用很多橙呢? 想到這裡，又有點卻步了。哈之後要了餐肉三文治，幾好吃的，可能我倆也很餓。

一個炎熱的周未，和左先生到長州親親太陽。中午棄麥叔叔快餐去英皇，茶餐廳佔地不小，但有一半是室外座位。氣溫頗高就來一杯招牌的橙汁加檸檬，一上桌立刻吸一口橙橙黃黃。　呼～～平實但很好喝，也和外面的天氣很搭配，真的真的，喝完整杯絕對暑氣全消。另點了很港式的雞排湯意和雞翅沙律。雞排湯意很很很好食，雞排是即煎的，湯意又很彈牙，更配上青菜，用心之作，只略嫌湯底油膩。左先生的沙律就一般般，可以不試。兩份午餐份量都很大，男生一般也可以吃飽。另室外座位有點擠，尤其每當有單車經過時，食客難免要讓位。不過在如此陽光普照的一個假日，相信大家也不會太介意。

專登去長洲行下，聽聞英皇茶餐廳既凍檸橙出名，因此一到步就走去試下。西多：炸到燶哂，賣相已經唔吸引。而且食落都唔好食，冇蛋味，花生醬得個少少。雞肉三文治：好普通，同埋食落好寡，因為冇醬，雞又冇味。凍檸橙：亦都係好普通，只係一杯鮮搾橙汁再加檸檬，同埋飲得出有落糖水，真係好失望。得個大字。下次再入黎長洲，唔會再試哩間野。

好似係....4月同友人去0左長洲一次..嘩...食0左好多野...今次終於可以POST番出來了...係長洲食0左好多野...其一個我幾中意既食店係依間...佢最出名係凍檸橙, 即係鮮榨橙汁加D檸檬片, 篤篤篤, 飲得! 飲落係...鮮榨橙汁加檸檬味LOR...無咩特別野要形容GA LA..其實自己係屋企整, 應該都整到差唔多既效果...不過要搵到D靚既甜橙.....個燒雞亦, 就係原隻雞亦(好似係用差燒醬醃好)放去OVEN到BAKE LOR...又係可以自己整到GA..不過佢真係整得幾好..因為佢D火CONTROL得好, 唔會燒到太乾OR 燶0左...同埋真係醃得好入味...WAT MAKE A DIFFERENCE呢...我覺得係佢既LOCATION LOR..因為佢好近PIER..我地係個BOAT未到既時候就係到食D野, 睇下日落, 到時間先入去PIER..幾C 服...而且個老闆好好招呼..會主動咁同你介紹下有咩好食..D態度好好...

經過比想像中快的船程後,月巴人終於腳踏實地,第一站就是去挑戰長洲大檸橙!除了必點的大檸橙,也點了西多士、公司三文治和奶油多來開開大家胃口。西多士首先登場,厚厚的麵包引來這幾個大鄉里同時間地"嘩~~~",這片西多士是用兩片本己不薄的麵包造成,中間塗上一層花生醬,味道就不會那麼單調;沾了蛋漿的麵包炸得香脆,而且又不會很油的感覺,大家也說好吃。這裡會主動詢問客人要糖漿或練奶,真貼心。奶油多外表烘得金黃,只是沒用上厚麵包,感覺上就沒那麼暢快了。大檸橙相繼送上,真的相當夠份量!!鮮榨橙汁中加了好幾片鮮檸檬,普通的鮮橙汁就變得比較特別了,拿著這杯涼透心飲品,真的極消暑呢!!不知一杯會用上幾多個鮮橙呢??公司三文治色彩繽紛,看得人心花怒放!不過個人還是喜歡古老的海安版本多一點。見到其他食客的炆魚麵、豉油王炒麵也很對眼,有機會再來試試!另外店中那盞大燈很漂亮,不是高貴食府才會用上水晶燈的

早就被大橙檸吸引，長洲之旅當然要去試。用大大個啤酒杯盛載著，對於我呢個未落過pub既人來說，感覺很新鮮很爽，結果就是拿著杯子不停拍照扮豪飲。講返杯大橙檸先，很明顯是來鮮橙榨出來，見到粒粒橙肉。再加上近乎半個既檸檬片，橙橙黃黃，酸酸甜甜，極之醒神鮮豔，很襯夏日feel。要多個牛肉三文治，可惜會錯意，還以為是咸牛肉，原來是疏打牛肉片，幸而麵包厚厚很鬆軟。